• Հավակնության և առևտրի խաչմերուկում. Հայացք՝ 2026 թվականի Երևանի նորաձևության շաբաթին

  Չորրորդ Երևանի նորաձևության շաբաթը պատմություն դարձավ՝ իր հետևում թողնելով հարյուրավոր փայլուն կադրեր սոցիալական ցանցերում և նկատելի հետք ինչպես տեղական, այնպես էլ արտասահմանյան մամուլում․․․

• Սյուզան Մարգարյանի արձագանքը Սիրուշոյի պատմությանը, Fashion Week-ն ու Երևանի 2808-ամյակը․ Instagram-ը՝ այս շաբաթ

  Հոկտեմբերի 7-ին կայացավ Վարդուհի Վարդանյանին նվիրված մեծ համերգը, որի ընթացքում գրանցվեցին մի շարք տպավորիչ ու հուզիչ դրվագներ...

• Երևանը, որ այսպես նայում ես, Հռոմից ոչ միայն հին չէ, այլև շատ նոր քաղաք է

  Երևանը միայն քարտեզի վրա նշված քաղաք չէ․ այն հիշողություն է, պատմություն, սեր ու երազանք՝ միավորված մեկ անվան մեջ...

• Արգենտինայի համը Երևանի սրտում. դեսպանատունը ներկայացրեց գինիներ, որոնք արժե փորձել

  Գինին ունի երկրի ինքնությունը առանց խոսքերի փոխանցելու հազվագյուտ ունակություն․․․

• Եթե Երևանի պատմության թանգարանը ապագայում  չարժանանա սեփական շքեղ շինության, թող սա լինի գոնե վերջին հանգրվանը  

  Հայաստանում ես առաջին անգամ հասկացա, թե ինչ է հայրենիքը, որը կրում ես քո ներսում։ Հայ լինելը նրանց համար դժբախտություն չէ կամ պարտականություն, դա նրանց էությունն է...

• Երկիրը՝ գլխավերևում. «Հայ ֆեստ»-ի բացումը Երևանում

  Նույնիսկ մռայլ աշնան կեսը պատճառ չէ դադարեցնելու տոներն ու փառատոները Հայաստանում…

• Yerevan Fashion Week. ինչպես է մայրաքաղաքում անցնելու աշնան գլխավոր նորաձևային իրադարձությունը

  Պաշտոնական բացման արարողությունը տեղի կունենա «Էրեբունի» պատմահնագիտական արգելոց-թանգարանում և ամրոցում։ Այստեղ կներկայացվի «Հին աստվածներ. Էրեբունիից մինչև ժամանակակից Երևան» հատուկ ինստալյացիան...

• «Իսպանական Սպադուետ․ երաժշտական պատմությունների և մշակույթների հանդիպում». համերգ, որը խոստանում է դառնալ ոչ միայն երաժշտական, այլև մշակութային իրադարձություն

  Երևանի երաժշտասեր հանրությունը հոկտեմբերի 23-ին, ժ․20:00-ին Գաֆեսճէան արվեստի կենտրոնի հատուկ միջոցառումների սրահում հնարավորություն կունենա վայելելու բացառիկ համերգ…

Մարտի 9-ը DJ-ների միջազգային օրն է: Աշխարհում այն սկսել են տոնել 2002 թվականից, իսկ Հայաստանում օրը վերջին 3-4 տարին է, որ ակտիվորեն նշվում է դիջեյների եւ ակումբային երաժշտության սիրահարների կողմից: 

Օրվա առթիվ այսօր Երեւանում DJ Guevo-ն, DJ Arni Rock-ն ու Բելգիայից հրավիրված DJ Jerry Ropero-ն հանդիպեցին լրագրողների հետ:

«Չենք կարող ասել, որ գիշերային կյանքը Հայաստանում գերզարգացած է: Միայն Երեւանում մեկ-երկու ակումբ ունենք, որ հենց գիշերային ակումբ են աշխատում որպես, բայց չենք կարող ասել, որ ակումբային երեկոները լեփ-լեցուն են, կամ որ 24 ժամյա հավքույթներ ենք ունենում»,- ասաց DJ Guevo-ն՝ հավելելով, որ թեեւ դանդաղ, բայց ակումբային կյանքը զարգանում է:

Նրա խոսքով՝ դիջեյները մեզ մոտ լավ են վարձատրվում, սակայն նրանց համար խնդիրը մնում է այն, որ էլեկտրոնային երաժշտությունը չի զարգանում Հայաստանում. պահանջարկ չկա: Դիջեյները դա կապում են պետության անտարբերության եւ հայ ազգի մենթալիտետի հետ.

«Վրաստանում, օրինակ, պետության կողմից ամբողջությամբ օգնություն է հատկացվում, մեծ փառատոներ են կազմակերպվում, որոնց մենք տարիներ շարունակ ներկա ենք եղել եւ կարող ենք ասել, որ ահռելի թվով տուրիստներ կան, կարողանում են թիվ մեկ DJ-ների հրավիրել: Եթե պետական աջակցություն լինի, խոսքը միայն ճանապարհ փակելու մասին չէ, այլ ֆինանսական աջակցության, ապա մենք էլ կկարողանանք նման փառատոներ անցկացնել»,- նշեց DJ Guevo-ն:

DJ Arni Rock-ն դժգոհեց, որ մշակույթի նախարարությունը զբաղված է, օրինակ, ցածրորակ երաժշտությունն արգելելով, սակայն լավ կլիներ, որ այն աջակցեր նաեւ երիտասարդներին, որոնք ակումբային եւ էլեկտրոնային երաժշտության քարոզողներն են:

«Իհարկե, կարեւոր դեր ունի նաեւ պահպանողականությունը, քանի որ ակումբային երեկոների մասին սխալ կարծիք կա ձեւավորված հասարակության մեջ», - ասաց նա:

Բելգիայից հրավիրված DJ Jerry Ropero-ն առաջին անգամ է Հայաստանում: Դեռ չի հասցրել ուսումնասիրել մեր երկիրը, բայց խոստացել է հայերեն սովորել: Նա նշեց, որ դիջեյությունը շատ մադրկանց համար նյութապես ապահովված լինելու խնդիր է լուծում, իսկ իր համար դա հոբբի է, քանի որ ինքն այլ ոլորտներում էլ է աշխատում:

Նշենք, որ մարտի 9-ը տոնվում է որպես DJ-ների օր՝ սկսած 2002 թվականից: Եվրոպայի ակումբներում աշխատող հայտնի DJ-ներն ի սկզբանե որոշել էին այս օրն ակցիաներ կազմակերպել՝ ի աջակցության հիվանդ երեխաների: Նրանք բարեգործական համերգներ էին կազմակերպում կամ օգնում փոքրիկներին բուժվել երաժշտությամբ եւ պարերով: Մի քանի տարից անց դիջեյների ակցիաները սկսեցին լուսաբանել խոշոր ռադիոընկերություններ:

Հետևեք NEWS.am STYLE-ին Facebook-ում, Twitter-ում և Instagram-ում