Խոյ
Առույգ եւ կրքոտ Խոյերին համապատասխան ծաղիկներ պետք է նվիրել՝ կարմիր կամ վառ նարնջագույն: Նրանց դուր կգան վարդերը, շուշանները, կակաչները, իսկ եթե ցանկանում եք նրանց ցույց տալ ձեր ռոմանտիկ տրամադրությունը, մի փունջ մանուշակ նվիրեք: Ուշադրություն դարձրեք դեկորին. փաթեթավորումը պետք է լինի նորաձեւ, կրեատիվ, նույնիսկ էքստրավագանտ: Խոյերին չեն ուրախացնի երիցուկը, գեորգինը, աստղածաղիկը:
Ցուլ
Ռոմանտիկ ցուլերին ուրախացնելը դժվար չէ. նրանց կհիացնի գեղեցիկ ձեւավորված խոշոր ծաղիկներով փունջը՝ վարդ, հերբերա, գլադիոլուս: Փնջի երանգը՝ կարմրա-վարդագույն: Բազմաթիվ Ցուլերի հաճելի կլինի նույնիսկ առանց փաթեթավորման փունջը: Եթե ուզում եք հաճույք պատճառել Ցուլերին, նրանց նվիրեք հովտաշուշան, անմոռուկ կամ ձնծաղիկ, բայց երբեք մի նվիրեք կակաչ կամ մուգ գույնի խոլորձ:
Երկվորյակներ
Կենդանակերպի այս նշանի ներկայացուցիչներին կուրախացնի ցանկացած ծաղիկը, բացի խոլորձից. դրանք հարմար չեն Երկվորյակների էներգետիկային: Երկվորյակների համար փունջ կազմելիս համադրեք սպիտակը, դեղինը, մանուշակագույնը:
Խեցգետին
Խեցգետին կանայք պաշտում են արտասովոր բույրով եւ վառ երանգներով բույսերը: Նրանց դուր կգան եւ կապացուցեն նվիրողի զգացմունքները շուշանը, կալան, ձնծաղիկը եւ նույնիսկ յասամանը: Որպես դեկոր կարելի է օգտագործել սրտիկներ. Խեցգետին կանայք շատ են սիրում այս խորհրդանիշը, այն թեւ է տալիս նրանց եւ դրական տրամադրում: Նրանց պետք չէ նվիրել միմոզա եւ մեխակ:
Առյուծ
Առյուծ կանանց ծաղկեփնջում ամենակարեւորը գեղեցկությունն է, շքեղությունն ու փայլը: Այս գեղեցկուհիներին ապշեցնելու եւ էսթետիկ հաճույք պատճառելու համար ընտրեք հարստություն խորհրդանշող բույսեր՝ դեղին, վառ կարմիր երանգներով: Օրինակ՝ խոշոր ալ վարդեր՝ ոսկե ժապավենով կապված: Իսկ ծաղկեփնջի համար հարմար է վարդի, քրիզանթեմի եւ գլադիոլուսի համադրությունը:
Կույս
Զուսպ Կույսերին չափազանց ինքնատիպությամբ նվաճել հնարավոր չէ, այդ պատճառով նրանց հարմար կլինեն սպիտակ, երկնագույն եւ կանաչ երանգներով դասական ծաղկային կոմպոզիցիաներ: Ծաղիկների ընտրանին լայն է. ավանդական վարդ, աստղածաղիկ, փոքր մեխակներ, դաշտային ծաղիկներ: Սակայն Կույսերի մեծ մասը տանել չի կարողանում գլադիոլուս եւ վագրաշուշան:
Կշեռք
Կշեռքներին դուր են գալիս քաղցր բույրեր եւ նուրբ երանգներ՝ շուշանի, վարդի: Ավելի լավ է ընտրել վարդ, խոլորձ: Դեկորը պետք է շքեղ լինի, ոչ էքստրավագանտ, Կենդանակերպի այս նշանի ներկայացուցիչներին դուր չի գալիս անհամաչափությունը: Խուսափեք նրանց նվիրել դեղին կամ կարմիր (լինի դա ծաղիկ կամ փաթեթ), հրաժարվեք հիրիկներից ու անմոռուկներից:
Կարիճ
Դինամիկ եւ վճռական Կարիճները միայն ներկայացուցչական ծաղիկներ են սիրում՝ վարդ, խոլորձ, արտասովոր քրիզանթեմներ: Գույների կատարյալ համադրությունը՝ դեղին եւ մուգ կարմիր: Վատ գաղափար է Կարիճներին միմոզա, գեորգին, անմոռուկ նվիրելը. դրանք Կենդանակերպի այս նշանի ներկայացուցիչների մոտ անկեղծ հիացմունք չեն առաջացնի:
Աղեղնավոր
Աղեղնավոր կանանց ծաղկեփնջում պետք է կարողանաք միավորել օպտիմալությունն ու հանդիսավորությունը: Օրինակ՝ կակաչ, նարգիզ, հակինթ՝ դեկորատիվ տերեւներով եւ բնական փաթեթավորմամբ: Կենդանակերպի այս նշանի ներկայացուցիչներին հարմար են կարմիր եւ մանուշակագույն երանգները: Եթե ձեր ծաղկեփունջը փարթամ եւ կենսուրախ լինի, համարեք, որ հաճույք եք պատճառել ձեր Աղեղնավորին:
Այծեղջյուր
Այծեղջյուրները բավական պահպանողական են նույնիսկ ծաղիկների հարցում, այդ պատճառով նրանք նախընտրում են նուրբ երանգներով միանման ծաղիկներով փնջեր, օրինակ՝ վարդագույն մեխակներ, դեղին կակաչներ: Եթե ձեր Այծեղջյուրը հիվանդացել է, նրան նվիրեք... կակտուս: Այն Կենդանակերպի այս նշանի ներկայացուցիչներին օգնում է արագորեն կազդուրվել եւ վերականգնել ուժերը: Ոչ մի դեպքում Այծեղջյուրին մի նվիրեք աստղածաղիկ եւ զանգակածաղիկ:
Ջրհոս
Արտասովոր եւ անկրկնելի. այսպիսին պետք է լինի Ջրհոսների համար նախատեսված ծաղկեփունջը: Օրինակ՝ կարելի է մեկ փնջում համադրել նուրբ գարնանային ծաղիկներն ամենատարբեր գույների էկզոտիկների հետ (կալա, խոլորձ, անթուրիում): Փունջը ձեւավորելիս կարող եք նաեւ նարնջի ծառի ճյուղեր օգտագործել. Ջրհոսներին դուր է գալիս դրա բույրը:
Ձկներ
Եթե ուզում եք դուր գալ Ձկներին, հոգ տարեք, որպեսզի մատուցված ծաղկեփունջը լինի ոճային, անհավանական գեղեցիկ եւ դրական տրամադրություն փոխանցի: Կոմպոզիցիայոմ կարելի է համադրել սպիտակ, երկնագույն, մանուշակագույն ծաղիկներ: Ձկների մեծ մասի նախընտրած ծաղիկներն են խոլորձն ու շուշանը: Իսկ ահա հերբերաներն ու կակաչները տխրեցնում են Ձկներին: Ի դեպ՝ Ձկներին շատ դուր կգան նաեւ թաղարով ծաղիկները:
Աղբյուրը՝ vedmochka.net
Հետևեք NEWS.am STYLE-ին Facebook-ում, Twitter-ում և Instagram-ում
17:30, 11 մայիսի
Օփրա Ուինֆրին քննադատել է նիհարելու սեփական մեթոդները15:15, 11 մայիսի
Մեծ է հավանականությունը, որ «Շոգուն» սերիալը կունենա երկրորդ եթերաշրջան13:24, 11 մայիսի
Քիմ Քարդաշյանի կրտսեր որդին՝ Փսալմը, շատ շքեղ նվեր է ստացել՝ Tesla Cybertruck-ի մինի տարբերակը12:16, 11 մայիսի
Նիդերլանդների ներկայացուցիչը զրկվել է «Եվրատեսիլ 2024»-ի եզրափակչին մասնակցելու հնարավորությունից՝ առեղծվածային միջադեպի պատճառով11:26, 11 մայիսի
New York Times-ը ներկայացրել է «Եվրատեսիլ 2024»-ի այն 5 ֆավորիտներին, ովքեր հաղթելու ամենամեծ շանսերն ունեն10:11, 11 մայիսի
«Եվրատեսիլ 2024». ինչպե՞ս այսօր քվեարկել Հայաստանի օգտին09:00, 11 մայիսի
ՄԱՅԻՍԻ 11-Ի ՁԵՐ ՌՈՄԱՆՏԻԿ ՀՈՐՈՍԿՈՊԸ23:11, 10 մայիսի
Ինչպես անզգամին տարբերել հոգեգարից. գիտնականները գտել են պատասխանը21:22, 10 մայիսի
Նյու Յորքը աշխարհի ամենահարուստ քաղաքն է20:29, 10 մայիսի
Ջորջ Քլունին երկրպագուներին խոստովանել է, որ իրեն «ծեր» է զգում19:19, 10 մայիսի
Ջոն Մալկովիչը կհամալրի Marvel-ի կինոտիեզերքը՝ հանդես գալով «Ֆանտաստիկ քառյակի» նոր ֆիլմում16:17, 10 մայիսի
Էլիզաբեթ Թեյլորի մասին վավերագրական ֆիլմը, որը կցուցադրի աստղի՝ նախկինում չհրապարակված արխիվները, կթողարկվի այս ամառ