Հայ դերասանուհի Անի Երանյանը հեռուստատեսության ոլորտում նորեկ չէ: Սակայն նրան իրական փառք բերեց «Գեներալի աղջիկը» սերիալում դերը: Նկարահանումներից ստացած տպավորությունների, ծրագրերի եւ շրջապատի մարդկանց մասին դերասանուհին պատմեց NEWS.am STYLE-ի թղթակցին:
Պատմեք Ձեր դերերի եւ շոու-բիզնեսում առաջին քայլերի մասին:
Առաջին մուտքս հեռուստասերիալներում եղել է «Զգուշացեք փողից» կարճամետրաժ հեռուստանովելը՝ Դավիթ Բաբախանյանի առաջարկով: Դրանից հետո առաջարկ ստացա նկարահանվել նաեւ «Աննա» սերիալում, որտեղ մարմնավորեցի Անիի կերպարը: Այն երկարատեւ կյանքի համար նախատեսված չէր: Սակայն, ի ուրախություն ինձ, հենց այս կերպարը դարձավ առաջնային դերերիցս մեկը: Այնուհետեւ շարունակվեց «Աննա 2»-ը: Հեռուստասերիալին զուգահեռ, ես նկարահանվեցի «Պահանջվում է միլիոնատեր» գեղարվեստական ֆիլմում, հետո արդեն ինձ հրավիրեցին նկարահանվել հայտնի «Գեներալի աղջիկը» հեռուստասերիալում: Այդ նկարահանումների ժամանակ ես հանդիպեցի մարդկանց, ում հետ արդեն աշխատել էի: Նրանց բոլորին շատ սիրում եւ կարոտում եմ: 2013-ին մուտք գործեցինք «Չիկագո-Ծաղկաձոր տարանցում» կատակերգությամբ, որտեղ իմ հերոսուհու անունը Սրբուհի էր: Ցանկանում եմ նաեւ նշել, որ 2010 թվականից Հայաստանի Հանրային հեռուստատեսությամբ վարում էի «Թոփ 10» հաղորդումը:
Վերջերս ավարտվեց շատերի կողմից սիրված «Գեներալիաղջիկը» սերիալը, որտեղ Դուք հանդես էիք գալիս գլխավոր դերում: Պատմեք Ձեր հետագա ծրագրերի մասին:
Ցավոք, որ այն ավարտվեց: Իհարկե՝ համամիտ եմ, որ շատ սիրվեց բոլորի կողմից: Ցանկանում եմ նշել, որ Հայաստանի Հանրային հեռուստատեսությունը եւ այն մարդիկ, ում հետ ես 5 տարի աշխատել եմ, միշտ որակյալ նախագծեր են ներկայացնում հանդիսատեսին: Իսկ հիմա շարունակում են բարձր վարկանիշ ունեցող «Քույրը» հեռուստասերիալի աշխատանքները: Ինչ վերաբերում է ինձ, ապա դեռեւս հանգստանում եմ: Բայց շատ շուտով սկսվելու են Ելենա Արահակյանի նախագծի շուրջ աշխատանքները, եւ հանդիսատեսը կրկին հնարավորություն կունենա ինձ տեսնել հեռուստաէկրանին:
Ի՞նչ տպավորություններ ստացաք «Գեներալի աղջիկը»սերիալի նկարահանումներից:
Ես բազմիցս նշել եմ, որ հեռուստասերիալներն ինձ, որպես դերասան, մասնագիտությանս մեջ հմտանալու մի ամբողջ փորձ տվեցին: Դրանք ինձ ճանաչում բերեցին, եւ ես չեմ ամաչում այդ մասին խոսել: Կարծում եմ՝ ցանկացած մարդ ուզում է հայտնի լինել իր մասնագիտական ասպարեզում: Նաեւ հնարավորություն տվեցին շփվել տարբեր հետաքրքիր մարդկանց հետ: Եվ, իհարկե, օգնեցին հաստատվել հեռուստատեսությունում: Այժմ ինձ շրջապատում են այն մարդիկ, ում սիրում եմ: Եվ նույնիսկ հիմա, երբ արդեն միասին չենք աշխատում, ամեն դեպքում փորձում ենք չկորցնել կապը: Ինչ վերաբերում է «Գեներալի աղջիկը» սերիալին, ապա հենց այստեղ ես գտա այնպիսի հրաշալի ընկերների, ինչպիսիք են Արմեն եւ Աննա Էլբակյանները:
Հիմա Հայաստանում չեք: Պատմեք, որտե՞ղ եք, ինչո՞վ եք զբաղվում եւ ե՞րբ եք պատրաստվում Հայրենիք վերադառնալ:
Հիմա Մոսկվայում եմ: Գործերով եմ եկել: Հուսով եմ՝ շատ շուտով կավարտեմ բոլոր գործերս եւ կվերադառնամ ամենասիրելի եւ ամենավառ քաղաքը՝ Երեւան:
Եվա Մակվեցյան
Հետևեք NEWS.am STYLE-ին Facebook-ում, Twitter-ում և Instagram-ում
18:47, 27 ապրիլի
Wine story: JancisRobinson.com-ի գլխավոր խմբագիրը՝ Հայաստանում գինու արկածի մասին (exclusive)16:23, 27 ապրիլի
Օպտիկական պատրանքը կարող է ցույց տալ՝ որքան «փակ մարդ եք» դուք15:38, 27 ապրիլի
Ռասել Քրոուն կնկարահանվի «Էկզորցիզմ» սարսափ ֆիլմի գլխավոր դերում14:12, 27 ապրիլի
Քանյե Ուեսթի՝ պոռնո հարթակ բացելու հայտարարությունից հետո Բիանկա Սենսորիի երկրպագուները խնդրում են նրան բաժանվել ռեփերից12:10, 27 ապրիլի
Քիմ Քարդաշյանը տխրել է Թեյլոր Սվիֆթի նոր դիս-թրեքի պատճառով, բայց չի ցանկանում «կրակի վրա յուղ լցնել»11:31, 27 ապրիլի
Վահագ Ռաշը հետեւորդներին է ներկայացրել «Լուսամփոփի պես աղջիկ» երգի նոր տարբերակը10:37, 27 ապրիլի
Սելենա Գոմեսին տխրեցնում են իր սերնդակիցների գեղեցկության չափանիշները09:00, 27 ապրիլի
ԱՊՐԻԼԻ 27-Ի ՁԵՐ ՌՈՄԱՆՏԻԿ ՀՈՐՈՍԿՈՊԸ23:22, 26 ապրիլի
Ամենաթանկարժեք զգեստները, որոնք աճուրդի են հանվել ռեկորդային գումարներով22:34, 26 ապրիլի
Դավաճանություն՝ քնած ժամանակ. ի՞նչ են նշանակում անհավատարմության մասին երազները21:16, 26 ապրիլի
Burj Al Arab-ը եւ Atlantis, The Palm-ը համարվել են աշխարհի «ամենաինստագրամյան» հյուրանոցները20:15, 26 ապրիլի
Տիտանիկի ամենահարուստ ուղեւորի մարմնից հայտնաբերված գրպանի ոսկե ժամացույցն աճուրդի է հանվել