Օսկար Ուայլդի «Սալոմեն»՝ Երևանի դրամատիկական թատրոնի նոր հարթակում

Կանանց զուգարանից՝ հասարակության հայելի. «Toilet կանանց համար»

Մանկությանս տիկնիկը կուզեի վերադարձնել

Armenia Marriott-ում կրկին համաշխարհային գաստրոնոմիկ շոու է՝ Le Petit Chef-ը վերադարձել է Երևան

Երբևէ ասե՞լ եք «Ես քեզ սիրում եմ»՝ իրականում այդպես չզգալով

«The Last Breath». Սևան Շահմիրյանը հանդիսատեսին է ներկայացնում իր երաժշտական աշխարհը

Լողազգեստով լուսանկարներ. ազատ ինքնարտահայտո՞ւմ, թե՞ չափի զգացում

Կարմիր խնձորը… Արդյո՞ք այն դեռ ակտուալ է

Տղամարդիկ ուժեղ չեն. դերասանուհի Մարի Գրիգորյան

Մեկնարկեց «Ոսկե ծիրան» Երևանի 23-րդ միջազգային կինոփառատոնը

Արսեն Ալբարյան․ բեմի լույսերի տակ՝ զգացմունքների, ընտրությունների ու անկեղծության մասին

Հրաժեշտ Արտիստին. Արտաշես Ալեքսանյանի հոգեհանգիստը՝ Կոնդի Սուրբ Հովհաննես եկեղեցում

Դերասան լինելու որոշումն եմ կայացրել՝ չնայած բոլորի դեմ կարծիքին. Հովհաննես Դիշչյան

Վահե Վայան. Ինչքան մարդիկ շատ են իմանում մարդու մասին, այնքան բարդ է դառնում ապրելը

Նիկոս Վերտիսը «ԱԿՎԱ ԲԻԼԴԻՆԳՍ» ընկերության հրավերով արդեն 3-րդ անգամ ելույթ կունենա Հայաստանում

Մալյան թատրոնի դերասանները՝ Թումանյանի «Հեքիաթներ» ներկայացման զվարճալի դեպքերի մասին

Մի երեկո Նեմրայի հետ․ զրույցներ և պատմություններ, որոնք մնում են երաժշտությունից հետո

Մեկ բաժակ ավել՝ հյուրի համար․ սուրճ, արվեստ և Գյումրվա ժպիտը «Վառեմ-Մարեմ»-ում

Գալիս է «տիկնիկ» վիճակները մերժելու սեզոնը. դիզայներ Թերեզա Ղարաբաղցյանը՝ 2018 թ-ի աշնան հակաթրենդների մասին

14:05, 23 օգոստոսի

Ինչպես ամեն սեզոնից առաջ, այս անգամ էլ՝ մինչ աշնան մեկնարկը NEWS.am STYLE-ը փորձել է պարզել, թե որոնք են լիելու աշնան գլխավոր անտիթրենդները՝ հագուստի պարագաներ եւ աքսեսուարներ, որոնք ձեզ հաստատ պետք չեն գա գալիք սեզոնին, որովհետեւ նորաձեւությունից դուրս կհամարվեն:

Թեմայի շուրջ զրուցել ենք դիզայներ Թերեզա Ղարաբաղցյանի հետ, որի խորհուրդների օգնությամբ կարող եք կարգի բերել ձեր զգեստասպահարանները ու սպասել աշնան գալստյանը:)

«Անտիթրենդները հետեւանք են հետեւյալ հիմնական պորցեսների. առաջին դեպքում անտիթրենդ է դառնում այն, ինչ նախորդ սեզոններին այնքան շատ է տարածվել, որ, կարծես տվյալ պահին  «իր կյանքի բոլոր էտապներն ապրել է եւ ժամանակն է հեռանալու»: Եվ մյուս դեպքում փոփոխվում է ոգեշնչումը, «դարի ոգի» են ասում, չէ՞ որ նորաձեւությունը իրականում աշխարհում տեղի ունեցող փոփոխությունների, նոր գաղափարախոսությունների, արժեհամակարգի, մեր միջավայրի հետ փոխհարաբերությունների և ընդհանրապես աշխարհընկալման տվյալ ժամանակահատվածի արտացոլումն է (ես ասում եմ գեղարվեստական դրսեւորմամբ), որը ինչ-որ տեղ «մերժում է»  նախորդ դրսեւորումների մի մասը»,-պարզաբանեց Թերեզան:

«Նախ խոսենք ընդհանուր դրսևորումներից եւ հետո գանք կոնկրետ օրինակների:

Նորաձևությունը այս սեզոնին գալիս է ամբողջությամբ մերժելու «տիկնիկ» վիճակները: Այսինքն, այն դեպքերը, երբ ամեն ինչ նյարդացնելու աստիճանի գծած է  եւ համադրած: Օրինակ, երբ կրում ես մարմինը ընդգծող չափազանց կանացի զգեստ եւ համադրում նույն դասի աքսեսուարներով ու կոշիկներով: Հիմա «պահանջն» այլ է, շատ կանացի, նուրբ զգեստը պետք է համադրել ավելի կոպիտ կոշիկների, աքսեսուարների հետ եւ հակառակը, շատ նուրբ, կանացի կոշիկներն ու աքսեսուարները համադրել ջինսերի, ավելի դեպի սպորտային ոճի, կամ ոչ այդքան կանացի հագուստի հետ:

Անընդունելի է դառնում նաեւ առօրյայում նկատելի դիմահարդարումն ու շատ խիստ հարդարված մազերը: 

Կարելի է նաեւ ձևակերպել այսպես, որ պետք չէ ձգտել ամբողջությամբ մանեկենից հագնվել: Դա չափազանց մտածված է ու ճիշտ, ինչն այս սեզոնին ամենաագրեսիվ անտիթրենդներից է: Ընդհակառակը, նորաձևությունը այսօր պահանջում է ստեղծագործ մոտեցում և թեթեւակի անփութություն»,-նշեց նա՝ անդրադառնալով այն կոնկրետ բաղադրիչներին, որոնք 2018 թ-ի աշնանը անտիթրենդ են համարվելու:

«Եթե ուզում եք նորաձեւության տեսանկյունից ժամանակին համընթաց քայլել, ապա պետք է այս սեզոնի զգեստապահարանից վերջնականապես հանեք ամբողջովին «նստացրած՝ թե՛ ուղիղ, եւ թե՛ գոտկատեղից ներքեւ լայնացող աշնանային վերարկուները՝  դրանք փոխարինելով ավելի լայն թույլ ձեւվածքներ ունեցողներով:  Վերջիններիս՝ կերպարից կախված, արդեն կարող եք գոտկատեղի մասում ընդգծել գոտիով, և ավելին ասեմ, մի քանի գոտիներով: Սա համարվում է սեզոնի զարգացող թրենդներից մեկը:  

Անտիթրենդ է համարվում նաև ծնկներից քիչ վերև կամ ներքեւ վերարկուն, փոխարենը պետք է ընտրել կամ կարճ կամ երկար տարբերակները: Սա այն դեպքերից է, երբ «ոսկե միջինն» այդքան էլ լավ լուծում չի:

Իրենց արդիականությունը կորցրել են նաև թույլ ձեւված պիջակները, կարդիգանները: Դրանք իրենց տեղը զիճում են ավելի ամուր, տղամարդու պիջակ հիշեցնող ձեւվածքներին: Եվ շատ պատշաճ կդիտվեն հենց այս պիջակներով արված կերպարները:

Առաջիկա սեզոնին նորաձևությանը խիստ հետեւողների կերպարներում չեք հանդիպի նաեւ դեռ նախորդ աշնանը այդքան նորաձեւ հաստ գործվածք-թելերից ժակետները: Նրանք իրենց տեղը զիջում են,  օրինակ,կաշվին, լաքին…

Պատռված, կամ շատ ձիգ, մարմինը ընդգծող ջինսե տաբատներ, վառ արտահայտված ասեղնագոծությամբ հագուստ՝ ահա առավել շեշտադրվող անտիթրենդները առօրյա կերպարներում: Այստեղ ձգտումները դեպի ավելի դասական եւ մինիմալիստական լուծումներն են: Այնպես, որ, գրեթե, բավարար է ունենալ բազային զգեստապահարան, համադրել նորովի, նորաձեւ աքսեսուարներով եւ վերջ, թրենդային կերպարը պատրաստ է:

Առօրյա կերպարներում այլևս նորաձեւ չի համարվում թավշյա գործվածքի օգտագործումը, փոխարենը առավել կիրառելի է դառնում տրիկոտաժը: Զուգահեռ անտիթրենդ է դառնում տարբեր տեսակի նկարարազարդումներով և պատկերներով պրիտները, փոխարենը ամենանհավանական դրսևորումներով շարունակում է տարածվել ու զարգանալ լոգոմանիան:  

Մասնակի կերպով իր  դիրքերն է զիջում նաեւ գիշերանոցային ոճը, մասնավորապես այս շարքից՝ տոպերը, բլուզները, զգեստները: Նույն ոճի տաբատ և պիճակ համադրությունը դեռ շարունակում է մնալ  թրենդների շարքում, իհարկե, ոչ այն նույն հնչեղությամբ, որքան նախորդ սեզոններին էր:

Դպոցական պայուսակ հիշեցնող րյուգզակները նույնպես անտիթրենդ կհամարվեն: Աստիճանաբար այդ շարքին կդասվի նաեւ գոտի պայուսակը:

ֆեդորա գլխարկները, բերետներ, կեպերը պետք կլինի խնամքով պահել, որպեսզի մի քանի սեզոն հետո նորը գնելու անհրաժեշտություն չառաջանա: Վերջիններս, լինելով ավելի շատ բազային զգեստապահարանի բաղադրիչ,  չեն կարող անվերադարձ հեռանալ նորաձեւությունից: Պարզապես այս սեզոնին նախորդին չափից շատ կիրառվելու հետեւանքով՝ կդիտարկվեն որպես անտիթրենդ»:

Դե ինչ, սրանք սեզոնյի անտիթրենդներն էին: Սակայն չպետք է մոռանալ, որ ամեն սեզոն ունենում է նաեւ նոր թրենդներ: Դրանց վերաբերյալ նյութը կներկայացնենք ավելի ուշ:)

Սյունե Առաքելյան


Հետևեք NEWS.am STYLE-ին Facebook-ում, Twitter-ում և Instagram-ում




Print  

  • Related News

TV SHOWS PHOTO VIDEO


@NEWSam_STYLE

  • Archive
Search