«Եթե դուք չեք հետաքրքրվում քաղաքականությամբ, դա դեռ չի նշանակում, որ այն չի հետաքրքրվում ձեզնով», - այս մասին գիտեն անգամ մարդիկ, որվքեր քննարկում են քաղաքական հարցերն իրենց խոհանոցում:
Մենք շարունակում են «Սերիալամոլ» շարքը, ու ինչպես արդեն հասկացաք, ձեր ուշադրությունը հրավիրելու ենք «Քարտերի տնակ» քաղաքական սերիալի վրա:
«Քարտերի տնակը» (House of Cards) ամերիկյան քաղաքական թրիլլեր հեռուստասերիալ է, որի պրեմիերան կայացել է Netflix.-ում:
Դեմոկրատական կուսակցության կոնգրեսմեն Ֆրենք Անդերվուդը օգնում է Գարետ Ուոքերին դառնալ ԱՄՆ նախագահ: Ընտրություններից հետո Անդերվուդին հայտնում են, որ նա չի կարող ստանձնել պաշտոնը, որին այդքան ձգտում էր: Բարկացած Ֆրենքն ու նրա կինը՝ Քլերը պատրաստ են դիմել ամեն քայլի նորաթուխ նախագահից վրեժխնդիր լինելու համար:
Եւ այսպես, սերիալը մեզ տանում է ամենադեմոկրատ երկրի ներքին խոհանոցի կիզակետ: Դիտողը հնարավորություն ունի հետեւել քաղաքական ինտրիգներին ու խաղերին:
Սերիալը հրաշալի կերպով ցուցադրում է մերօրյա իշխանությունների կեղծավորությունը: Կերպարներն ու իրողությունները հեշտությամբ կարելի է ասոցացնել մեր իրականության հետ:
Քեւին Սփեյսիի խաղն, իսկապես, գովեստի է արժանի:
Սերիալում չեք հանդիպի չափազանց դինամիկ կադրերի, փոխարենը՝ հեռուստադիտողին առաջարկվում է «մտքի խաղ»: Սփեյսիի կերպարի գրավչությունն այնքան մեծ է, որ չնայած նրա կեղծավորությանն ու երկերեսանիությանը, հեռուստադիտողը գիտակցում է, որ ամբողջ սրտով ուզում է, որ հերոսը հասնի իր նպատակներին:
Չի կարելի մոռանալ նաեւ Ռոբին Ռայթի (Քլեր Անդերվուդ) խաղի մասին: Նրա կերպարը վառ ապացույցն է այն բանի, որ ցանկացած հզոր տղամարդու թիկունքում կանգնած է նույնչափ հզոր կին: Սերիալի ստեղծողները վարպետորեն են կերտել այս ամուսնական զույգը, որը ոչնչի առաջ կանգ չի առնում սեփական ամբիցիաներն իրականացնելու ճանապարհին:
Սփեյսիի ու Ռայթի համատեղ խաղը նման է ուժեղ քիմիական ռեակցիայի, որը չնկատելն անհնար է:
«Հավատում եմ» , - կգոչեր Ստանիսլավսկին՝ այս դերասանների խաղին հետեւելիս:
Մեր կարծիքով սերիալի հիմնական գաղափարն այն է, որ քաղաքական համակարգն այնքան փտած է ամենուր (նույնիսկ բարձր քաղաքակրթության երկրներում), որ ցինիկ ու կեղծավոր միջավայրում մարդն ընդամենը միջոց է, այլ ոչ թե նպատակ:
Լինի դա ճշմարտության հետքերով վազող լրագրող, թե վեհ նպատակներ հետապնդող երիտասարդ կոնգրեսմեն, նրանց բոլորին խժռում է համակարգը:
Սերիալի այցեքարտը կարելի է համարել չորրորդ պատի փլուզումը, երբ Սփեյսին ուղղակիորեն դիմում է հեռուստադիտողին: Այդ պահերին Սփեյսին 100 տոկոսով կատարում է իր առջեւ դրված խնդիրը: Զգացվում է, որ ինքը՝ դերասանը, հաճույք է ստանում դրանից:
Սկանդալն, ինչպես միշտ, անպակաս է:
2017 թվականի հոկտեմբերի 17-ին, երբ Սփեյսին մեղադրվեց սեռական ոտնձգություններում, Netflix-ը հայտարարեց, որ 6-րդ եթերաշրջանը վերջինն է լինելու սերիալի համար, իսկ հաջորդ օրը պարզ դարձավ, որ եթերաշրջանի նկարահանումները կասեցվել են: 2017 թվականի նոյեմբերի 3-ին հայտարարվեց, որ Սփեյսին հեռացվել է սերիալից, իսկ սերիալի հետագա գլխավոր հերոսը կլինի նախագահի կինը՝ Ռոբին Ռայթը:
Այս պահին թողարկվել են 5 եթերաշրջանները, իսկ վեցերորդի ցուցադրությունը պլանավորվում է 2018 թվականի նոյեմբերի 3-ին:
Թե ինչով կավարտվի «Քարտերի տնակը», կպարզենք նոյեմբերին:
Դե ինչ, հաճելի դիտում:
Պատրաստեց Նորայր Նազարյանը
Հետևեք NEWS.am STYLE-ին Facebook-ում, Twitter-ում և Instagram-ում
23:18, 6 մայիսի
Daily Express-ը՝ Կիմ Չեն Ընի սեռական կյանքի մասին. 25 կույսերից բաղկացած «Հաճույքների ջոկատ» եւ ուղեկցորդուհիներով լի գնացք22:20, 6 մայիսի
Իտալական ծովափնյա քաղաքը նախատեսում է «մերկ» հարսանիքներ կազմակերպել20:33, 6 մայիսի
Snob. Դիլիջանը, թերեւս, Հայաստանի ամենահանգիստ քաղաքն է19:46, 6 մայիսի
«Imperial Orchestra»-ն Երեւանին զգացմունքների կայսրություն կնվիրի16:25, 6 մայիսի
Պիեռ Յովանովիչը եւ Քրիստիան Լուբուտենը ստեղծել են Red-Bottom աթոռների յուրահատուկ հավաքածու15:06, 6 մայիսի
Քորթնի Քարդաշյանը խոստովանել է, որ ծննդաբերությունից երեք ամիս անց «պատրաստ չի եղել» կիպ զգեստով ֆոտոշարքին14:20, 6 մայիսի
Զենդայան, Ջենիֆեր Լոպեսը եւ Սիեննա Միլլերը՝ Met Gala-ին ընդառաջ կազմակերպված ընթրիքին13:55, 6 մայիսի
Միխայիլ Գալուստյանը 14 կգ նիհարել է՝ հրաժարվելով խորովածից13:16, 6 մայիսի
Նիկոլաս Քեյջի որդուն մեղադրել են սեփական մորը ծեծելու մեջ12:33, 6 մայիսի
Իտալացի մոդելը պնդում է, որ իրեն հեռացրել են 2024 թ-ի Met Gala-ում աշխատանքից, քանի որ ինքն արտաքնապես գերազանցել է Քայլի Ջեններին11:23, 6 մայիսի
Բեյոնսեն ցուցադրել է իր համարձակ կերպարը՝ մերկացնելով հետույքը10:59, 6 մայիսի
Մադոննան պատմություն է կերտում՝ Ռիոյում իր վերջին համերգին ներգրավելով 1,6 միլիոն երկրպագուների