• Ամենաթանկարժեք զգեստները, որոնք աճուրդի են հանվել ռեկորդային գումարներով

  Արվեստի աշխարհում հազվագյուտ նկարներն ու քանդակները, ինչպես հայտնի է, աճուրդում միլիոններ են ձեռք բերում, եւ թվում է, թե նորաձեւության սիրահարները նույնքան լրջորեն են տրամադրված աշխարհի ամենաթանկարժեք զգեստները ձեռք բերելուն...

• Miu Miu-ն դարձել է մոլորակի ամենահայտնի ապրանքանիշը

  Miu Miu-ն 2024 թվականի առաջին եռամսյակում դարձել է մոլորակի ամենահայտնի ապրանքանիշը․․․

• Ֆարել Ուիլյամի առաջին թվային իրը՝ Louis Vuitton-ի հավաքածուից, արժե ավելի քան 8000 դոլար

  Louis Vuitton-ը բարձրացրել է իր նորագույն հավաքածուի նշաձողը՝ VIA Varsity Jacket-ի միջոցով․․․

• Ընձառյուծի պրինտը վերադառնում է. Ռիհաննայից մինչև Քենդալ Ջեներ՝ ոճային հայտնիները մարտահրավեր են նետում «հանգիստ շքեղությանը»

  Ռիհաննայից բացի ուրիշ ո՞վ կարող էր մարտահրավեր նետել «հանգիստ շքեղության» նորաձեւ միտումին․․․

• Playboy x FAE հավաքածուն սեքսուալ իմաստով դրական նոտա է հաղորդում լողազգեստներին

  Playboy-ը եւ լողազգեստների FAE ապրանքանիշը թողարկել են նոր հավաքածու, որը սեքսուալ առումով դրական նոտա է հաղորդում լողազգեստներին․․․

• Dior-ն իր սպասքի հավաքածուում անդրադառնում է միջազգային շքեղությանը

  Dior-ն իր սպասքի հավաքածուում հարգանքի տուրք է մատուցում միջազգային շքեղությանը․․․

• Pucci-ն Հռոմ է վերադառնում «փսիխոդելիկ» պրինտներով

  Pucci-ի 2024 թվականի գարուն-ամառ հավաքածուն, որը ստացել է «Very Vivara» անվանումը, անդրադառնում է սիրելի «Vivara» պրինտին, որը վերադարձել է ապրանքանիշ․․․

• Դոմենիկո Դոլչեի եւ Ստեֆանո Գաբանայի վիթխարի ընդունելությունը Միլանում

  Դիզայներներին շնորհավորելու էին եկել հանրահատ աստղեր՝ Շերը, Դեմի Մուրը, Լուպիտա Նիոնգոն, Թեո Ջեյմսը, Հելեն Միրենը, Իզաբել Ռոսելինին, Լիլի Ջեյմսը, Ռոզի Հանթինգթոն-Ուայթլին, Նաոմի Քեմփբելը եւ շատ ուրիշներ...

Դիմահարդար Աիդա Մելքոնյանի հետ խոսել ենք ինչպես դիմահարդարման ոլորտում այս աշնան թրենդներից, այնպես էլ մաշկի խնամքից: Աիդան մեզ պատմել է, թե ինչպես կարելի է ճիշտ ընտրել ու օգտագործել կոսմետիկ միջոցները եւ թե  որ տարիքային խմբի համար ինչպիսի դիմահարդարում է պետք օգտագործել՝ սխալներից խուսափելու համար:

Որո՞նք են այս աշնան թրենդները դիմահարդարման ոլորտում

Փայլուն դիմահարդարումը շարունակում է մնալ նորաձեւ: Պարզապես, եթե մինչ այս ավելի նորաձեւ էին գլիթերային, այսպես ասած՝ հատիկներով փայլերը, ապա այս սեզոնին մոդայիկ է դառնում մետալիկ փայլը՝ ավելի սառը գույներով: Շարունակում է շատ արդիական մնալ վարդագույնը, այն նորաձեւ է ցանկացած կոսմետիկ միջոցի պարագայում՝ շրթներկից մինչեւ ստվերաներկեր, նույնիսկ թարթիչներում այս աշնանը կարելի է օգտագործել վարդագույն հատիկներ: Դեպի աշնան վերջին ամիսներ, վարդագույնն էլ աստիճանաբար կփոխարինվի ավելի մուգ երանգներով՝ դեպի մանուշակագույն: Նորաձեւ է շարունակում մնալ նաեւ այսպես կոչված նյուդ դիմահարդարումը, հատկապես «թաց» էֆեկտով: Բնականաբար միշտ արդիական են նաեւ դասական կարմիր շրթներկը, սլաքներն ու սմոքի այսը, որն այս սեզոնին ավելի թափթփված, անփույթ ձեւով է առավել նորաձեւ, համեմված նաեւ մետալիկ փայլուն երանգներով:

 Որո՞նք են ամենատարածված սխալները, որ դիմահարդարվելիս անում են մեր աղջիկները.

 Հաճույքով նշեմ, որ հիմա մեր աղջիկները կարողանում են ճիշտ օգտվել կոսմետիկ միջոցներից ու հետեւում են նորաձևությանը. շատ ավելի ոճային են դարձել:

Այստեղ մեծ է նաեւ սոց ցանցերի, հատկապես ինսթագրամի դերը, քանի որ գրեթե բոլոր մեյք ափ արտիսներն այժմ ունեն ինսթագրամյան էջեր, որոնք օգնում են ոչ միայն դիմահարդարներին՝ իրենց աշխատանքները ներկայացնելու հարցում, այլեւ աղջիկներին՝ հետեւելու եւ սովորելու:

Եթե Նախկինում հաճախ էի հանդիպում , օրինակ, չափից շատ դիմահարդարված, առավոտ կանուխ երեկոյան դիմահարդարմամբ շրջող աղջիկների, ապա հիմա հազվադեպ եմ տեսնում: Կանանց մեծ մասն այժմ գիտի, թե որտեղ ինչ մեյք ափով է պետք ներկայանալ ու նախընտրում է մինիմալ դիմահարդարում:

Դուք մասնագիտացած եք նաեւ միջինից բարձր տարիքի կանանց դիմահարդարման մեջ. Ի՞նչ առանձնահատկություններ կան այս դեպքում, ի՞նչ խորհուրդ կտաք սխալներից խուսափելու համար

Առաջին հերթին ասեմ, որ տարիքով ավելի մեծ կանանց դիմահարդարումը չպետք է չափից շատ լինի, չլինի ծիծաղելի: Օրինակ ինձ համար շատ կարեւոր է դուրս բերել նրանց ներքին եսը: Ինձ շատ է օգնում այն հանգամանքը, որ ես ավարտել եմ ԵՊՀ հոգեբանության ֆակուլտետը: Դիմահարդարելիս, ես օգտագործում եմ «Հայելային ես»-ի սկզբունքը, այն է՝ ինչպես է մարդն ընկալում ինքն իրեն, ինչպես են ընկալում նրան շրջապատող մարդիկ,եւ ինչպես են այդ մարդիկ ընկալում նրան՝ ըստ իրեն: Հենց սա է  ինձ օգնում  ճանաչել հաճախորդիս ու  ճիշտ կերպար ստեղծել նրա համար: Ավելի հասուն կանանց դեպքում, պետք է չափը չանցնել: Շատ կարեւոր է մաշկի ճիշտ մշակումն ու ճիշտ բազաների կիրառումը; Քանի որ սխալի դեպքում մեյք ափը կարող է ոչ թե երտասադացնել, այլ հակառակը՝ ավելանցել տարիքը: Երտասարդներին  դիմահարդարելը բնականաբար շատ ավելի հեշտ է, քանի որ երիտասարդությունն արդեն իսկ գեղեցկություն է:



Ուսումնական տարվա սկիզբն է, ու չնայած թե ծնողների, թե ուսուցիչների հորդորներին, շպարվելու գայթակղությանը չեն դիմանում նաեւ բարձր դասարանների աշակերտները: Կարո՞ղ եք ասել, ինչպես հարդարվեն տարիքով ավելի փոքր աղջիկները, որպեսզի եւ ավելի մեծ չերեւան, եւ մաշկը չփչացնեն;

Անկեղծ ասած , չնայած այն բանին, որ այդ տարիքի հաճախորդներ շատ ունեմ, նրանք հիմնականում թեթեւ դիմահարդարում են նախընտրում, առավել հաճախ դիմում են որեւէ միջոցառման մասնակցելիս: Բայց , ամեն դեպքում, այդ տարիքի աղջիկներին խոհուրդս է, որ ընտրեն բնական, նյուդ գույների, թաց դիմահարդարում: Շրթներկ օգտագործելիս  շուրթերի սահմաններից դուրս չգան, քանի որ այս՝առանց այդ էլ ոչ գեղեցիկ միտումն, այդ տարիքի աղջիկների դեպքում շատ ավելի տգեղ է ստացվում: Հոնքերը պետք չէ ներկելով չափից շատ հաստացնել, հատկապես քթի վերեւի հատվածում, քանի որ դա կոպտացնում է եւ խստացնում հայացքը;  Մաշկը խնայելու համար ճիշտ է օգտագործել խոնավեցնող միջոցներ ու խուսափել ծանր, շատ խիտ տոնային քսուքներից:

Գիտեմ, որ աշուն-ձմեռ սեզոնին դեմքի մաշկը հատուկ խնամք է պահանջում: Մի քանի խորհուրդ կտա՞ք

Ցուրտ եղանանակին մաշկը ավելի շատ է չորանում , այդ պատճառով նախ խորհուրդ եմ տալիս շատ ջուր խմել: Խոնավեցնող կրեմներ շատ օգտագործել, ձմռանը դա նույնիսկ ավելի անհրաժեշտ է քան ամռանը, հատկապես 25-ից հետո պարտադիր է: Շատ կարեւոր է տարբերել սնուցող ու խոնավեցնող քսուքներն  իրարից: Սնուցողն ավելի ճիշտ է օգտագործել երեկոյան, իսկ խոնավեցնողն՝ առավոտյան: Հատուկ ուշադրություն է պահանջում մաշկն աչքերի շուրջ, այս հատվածի համար հատուկ քսուքներ է պետք օգտագործել:

Ինչպե՞ս է պետք ճիշտ ընտրել կոսմետիկ միջոցներն ու տարբերել լավն՝ անորակից

Բարեբախտաբար հիմա կարելի է շատ լավ նյութեր գնել բավականին ցածր գներով: Այսօր կան բազմաթիվ էժան ապրանքանիշներ, որոնք իսկապես լավ կոսմետիկա են արտադրում:Այս բրենդների դեպքում գինը կապված է ոչ թե որակի, այլ պարզապես մարքեթինգային քաղաքականության հետ: Բնականաբար՝ մենք դիմահարդարներս օգտվում ենք պրոֆեսիոնալ միջոցներից, սակայն անհատական օգտագործման համար կարելի է գնել ոչ շատ թանկ, սակայն շատ որակյալ կոսմետիկա: Կարեւորն այն է, որ կոսմետիկ միջոցները համապատասխանեն մաշկին, այդ պատճառով յուրաքանչյուր կին անպայման պետք է իմանա, թե որ տեսակին է պատկանում իր մաշկը, որպեսզի կարողանա ճիշտ միջոցներ ընտրել:  

Եւս մի շատ կարեւոր հանգամանք. ավելի լավ է ընտրել միջին, կամ ամենաէժան բրենդի քսուք, ,բայց դա լինի օրիգինալ արտադրանք, քան թե ընտրել ինչ որ լյուքս դասի կոսմետիկ միջոցի կեղծ տարբերակը; Բացի նրանից, որ կեղծ արտադրանքի որակը բացարձակ չի համապատասխանում դրա օրիգինալ տարբերակին,  այն  նաեւ ունի անհայտ ծագում ու երբեք չեք կարող իմանալ,  թե ինչ ազդեցություն կթողնի ձեր մաշկի վրա:

Նյութը՝ Վեգա Անդրիասյանի

10.09.2018թ.

Հետևեք NEWS.am STYLE-ին Facebook-ում, Twitter-ում և Instagram-ում