Գեւորգ Մկրտչյանի եւ Քրիստինա Հովհաննիսյանի առաջին տանգոն

Գեևորգ Մկրտչյանը և Քրիստինա Հովհաննիսյանը պսակադրվեցին

Աներեւակայելի էմոցիաներ. Համասյանի համերգը Խուստուփ լեռան լանջին

Տիհանա Vibes. Ո՞րն է ամուսնության լավագույն տարիքը, եւ կարելի՞ է արդյոք դավաճանել

MOCT 5. Անդերգրաունդ կյանքը Հայաստանում

«Armflix»-ի «Տանդեմ» սերիալի առաջին 3 սերիաների ցուցադրությունը, կարմիր գորգն ու հայտնի հյուրերը (VIDEO)

Անդրեյ Մակարեւիչ. «Ինտերնետը շատ շուտ է հասել մարդկությանը»

Գուշակիր գույնը, ստացիր ծաղկեփունջ. մեկ օր՝ Մայիս Վարդանյանի հետ

Տիհանա Vibes Դավիթ Մանոյանի հետ. Իվետա Մուկուչյանի հետ տեսահոլովակի, Կասպերի եւ այլ թեմաների մասին

Տիհանա Vibes. ZatikArtFest-ի գույներն ու մարդիկ

Տիհանա vibes. Թվում է՝ պարզ հարցեր են, պարզվում է՝ ոչ այնքան

Միխայիլ Շուֆուտինսկին ժամանեց Հայաստան

Տիհանա Vibes. Ընկերները, սեքսը, շաուրման. իսկ ձեզ ի՞նչն է երջանկացնում

Ի՞նչ ակնկալիքներ ունեն երեւանցիները «Եվրատեսիլում» Լադանիվայի մասնակցությունից

«Օսկար 2024». Լավագույնները, «ամենամերկը», հմայիչ Քենն ու մյուս հիշարժան պահերը

Տիհանա Vibes. Իսկ դուք պատրա՞ստ եք ձեր կնոջ համար այսպիսի «քննություն» հանձնել

«Մենչի վերջը» ստենդափի պրեմիերան, հայտնի հյուրերն ու գլխավոր «մեսիջը»

Տիհանա Vibes. մի քանի շոթ ու դեսից–դենից զրույց Վաչե Երիցյանի հետ

Թուրքի ոճրագործության եւ հայի վրեժի մասին պատմող «Ժամանակն է» ֆիլմի պրեմիերան ու հայտնի հյուրերը (ֆոտո)

10:04, 26 հոկտեմբերի

25 տարվա վրեժի ծարավ ու հատուցում... Երեկ՝ հոկտեմբերի 25-ին, «Մոսկվա» կինոթատրոնում կայացավ Վահե Սայանի նոր՝ «Ժամանակն է» ֆիլմի պրեմիերան, որի սցենարի հիմքում  հայ երիտասարդի կյանքի դաժան պատմությունն է: Գլխավոր հերոսի հայրն ու եղբայրը սպանվում են թուրք մարդասպանի կողմից, սակայն վրեժի ծարավը տարիներ անց հայ երիտասարդին բերում է թշնամու մոտ, իսկ այդ հարցում նրան չգիտակցաբար օգնում է թուրք ոճրագործի դուստրը:

Ֆիլմի գլխավոր դերակատար եւ պրոդյուսեր Կամո Ունանյանը նշում է՝ ֆիլմը կոմերցիոն նպատակ չունի, ասելիքն այլ է.

«Մեր նպատակն է եղել ստեղծել ֆիլմ, որով ցույց կտայինք հայի ուժն ու ոգին: Ինձ թվում է՝ շատերը հոգնել են այն բանից, որ բոլոր ֆիլմերում հայերի ջարդն է նկարագրվում թուրքերի կողմից, մենք ցանկացել ենք ցույց տալ, որ հայերն ուժեղ են»:

Ֆիլմում Անատի Սաքանյանը մարմնավորում է թուրք մարդասպանի դստերը, որի միջոցով էլ գլխավոր հերոսը փորձում է լուծել իր վրեժը.

«Կերպարս դրական է: Թեեւ թուրք աղջկա մարմնավորելը հայերի շրջանում, միգուցե, բացասական էմոեցիաներ է առաջացնում, իմ կերպարի դեպքում կարծում եմ՝ այդպես չի լինի»,-նշեց դերասանուհին:

Ֆիլմի ամենաբացասական հերոսին՝ Հասանին, մարմնավորում է Ալեքսանդր Խաչատրյանը, որին նկարահանվելու առաջարկը հետաքրքրել է մի քանի պատճառով.

«Հետաքրքիր էր երիտասարդների հետ աշխատելը, նաեւ այն, որ թուրքի դերում դեռ չէի եղել: Թուրք, որը պարկեշտ չէ, մարդ է, բայց թուրք է: Կարծում եմ՝ նույնիսկ թուրքն իրեն ավելի լավ չի ճանաչում, քան հայը նրան: Եթե թուրք դերասան ներկայացներ այս դերը, միգուցե միայն լավ կողմերը կներկայացներ: Բոլոր կողմերից փորձել եմ ցույց տալ նրան, հուսով եմ եւ ուզում եմ, որ ֆիլմը մեծ հաջողություն ունենա»:

Ալեքսանդր Խաչատրյանի հետ համակարծիք է նաեւ Արսեն Լեւոնյանը, որին եւս բացասական կերպար է բաժին հասել, թեեւ ֆիլմասերները, միանշանակ, կգնահատեն նրա հերոսի մեջ ներդրած հումորային դրվագները.

«Դերասանը պետք է ամեն ինչ էլ կարողանա անել, կապ չունի թուրքի է մարմնավորում, թե ուզբեկի: Համաձայն եմ, որ մենք ավելի շատ գիտենք թուրքերի մասին, քան իրենք: Շատ գեղեցիկ օրեր եմ ունեցել, խելացի մարդկանց հետ ծանոթացել, նոր բաներ սովորել, ինչը եւս ցանկանում եմ շեշտել»:

Ֆիլմի նկարահանումները տեւել են մոտ մեկ տարի. այն նկարահանվել է մի քանի երկրներում՝ Հայաստանում, Ռուսաստանում, Վրաստանում եւ Թուրքիայում: Բացի Ալեքսանդր Խաչատրյանից, Կամո Ունանյանից եւ Արսեն Լեւոնյանից՝ ֆիլմում կտեսնեք նաեւ Ադրիանա Գալստյանին, Ժաննա Բուտուլյանին, Արմեն Մարությանին, Անի Հարոյանին, Մարիամ Մելիքյանին եւ այլ ճանաչված դեմքերի, իսկ երաժշտության հեղինակը Էդմոնդ Մակարյանն է:

«Ժամանակն է» ֆիլմը կցուցադրվի ոչ միայն Հայաստանում, այլեւ Եվրոպայում՝ Բելգիայում, Ֆրանսիայում, Լեհաստանում, Հունաստանում, Ռուսաստանում ու Ղազախստանում: Ստեղծագործական կազմը այն մտադիր է ներկայացնել նաեւ միջազգային փառատոնների:

Ֆիլմի երեւանյան պրեմիերայի հետաքրքիր պահերն ու հայտնի հյուրերը՝  NEWS.am STYLE-ի ֆոտոռեպորտաժում:

Սյունե Առաքելյան


Հետևեք NEWS.am STYLE-ին Facebook-ում, Twitter-ում և Instagram-ում





  • Այս թեմայով

TV SHOWS PHOTO VIDEO


@NEWSam_STYLE

  • Արխիվ
Որոնել