Հույս ունեմ, որ լավ կինոյի հանդեպ մեր սերը ոչ մի տեղ չի անհետացել, եւ մենք շարունակում ենք հիշել անցյալ տարիների ամենանշանային ֆիլմերը:
NEWS.am STYLE-ն այս անգամ կպատմի 1996 թվականի ֆիլմի՝ «Ջերրի Մագուայեր»-ի մասին:
Ռեժիսորական բազկաթոռին էր նստել Քեմերոն Քրոուն, ինքն էլ հենց գրել էր սցենարը, նաեւ ֆիլմի պրոդյուսերն էր, ինչը վկայում է այն մասին, որ Քրոուի համար իր հոգեզավակն անչափ թանկ էր, եւ նա ձգտել է իր վրա վերցնել կինոնկարի ամբողջ պատասխանատվությունը: Գլխավոր դերի համար ընտրել են լսարանի կեսի՝ գեղեցիկ սեռի տենչալի կերպար Թոմ Քրուզին:
Իհարկե, դրա պատճառով խնդիրներ սկսվեցին. պարզվեց՝ կնոջ գլխավոր դերը կատարողին գտնելն այնքան էլ հեշտ չէ, քանի որ քասթինգի ժամանակ բոլոր դերասանուհիները Քրուզի հետ բացահայտ սիրախաղ էին սկսում: Ի վերջո՝ դերի համար հաստատեցին Ռենե Զելվեգերին, դերասանական կազմին միացավ նաեւ Կյուբա Գուդինգ կրտսերը:
Ըստ էության, ինչի՞ մասին է ֆիլմը: Սպորտային գործակալ Ջերրի Մագուայերի (Թոմ Քրուզ) մասին է, որն իր գործում բավականին հաջողակ է, սակայն ղեկավարության հետ կոնֆլիկտի պատճառով նրա ամբողջ կարիերան աչքի առաջ փլուզվում է: Անձնական կյանքում եւս համատարած անախորժություններ են. նա ընկերուհուց բաժանվում է:
Ջերրին աշխատանքից հեռանում է սկանդալով՝ գործընկերներին կոչ անելով իրեն միանալ, սակայն նրա կոչին արձագանքում է միայն Դորոթին (Ռենե Զելվեգեր): Վերջնականապես չկործանվելու համար նրանք պետք է լավ գործարք կնքեն ամերիկյան ֆուտբոլի խաղացողի համար:
Գիտեմ-գիտեմ, սինոփսիսը ստանդարտ է եւ շարքային, բայց հավատացեք՝ սա անհրաժեշտ է, որպեսզի դիտելիս ինքներդ զգաք ֆիլմի ամբողջ դրամատուրգիան: Սկզբից եւեթ ասեմ, որ այս ամենը դրամա չէ եւ սպորտային կրքեր… սա մեկ մեծ, մոտիվացնող եւ ուսուցանող պատմություն է մարդկային փոխհարաբերությունների, շփման ուժի մասին, որը պահպանել կարողանալը շատ կարեւոր է, այն մասին, թե որքան կարեւոր է վստահել կարողանալը եւ այդ վստահությունն արդարացնելը: Այն մասին է, որ մեզ բոլորիս, ով էլ որ լինենք, երբեմն պարզ մարդկային աջակցություն է պետք:
Ֆիլմը հեշտ է ընկալվում, որովհետեւ պաթոսային խոսքի «բաղադրություն» չէ: Դերասանների եռյակն իր դերը առավելագույն բարձրությամբ է կատարել, նրանց հավատում ես ու վստահում, իսկ ամենագլխավորը՝ նրանց համար ապրումներ ես ունենում՝ ուրախանում ես, երբ ճիշտ են վարվում, եւ վրդովվում ես, երբ տեսնում ես նրանց սխալները:Կյուբա Գուդինգ կրտսերը «Օսկար» է ստացել երկրորդ պլանի տղամարդու լավագույն դերի համար, եւ կարծում եմ՝ սա նրա դերասանական խաղի մասին վկայում է ցանկացած խոսքից ավելի լավ: Ֆիլմը 50 մլն դոլար բյուջեի պարագայում վարձույթում հավաքել է 273 մլն դոլար: Հավատացեք, որ 1996 թվականի համար սեփական բյուջեն ավելի քան 5 անգամ գերազանցելը մեծ ձեռքբերում է:
Հաճելի դիտում
Նորայր Նազարյան
Հետևեք NEWS.am STYLE-ին Facebook-ում, Twitter-ում և Instagram-ում
15:11, 8 մայիսի
Քլոե Քարդաշյանը պատմել է այն խնդիրների մասին, որոնց բախվել է որդու՝ Թաթումի ծնվելուց հետո15:00, 8 մայիսի
«Եվրատեսիլ 2009»-ի հաղթող Ալեքսանդր Ռիբակը Հայաստանի երգը նշել է, որպես իր ֆավորիտ` իր երաժշտական աջակցությունը հայտնելով «Լադանիվա»-ին14:18, 8 մայիսի
Աննա Վինտուրն արգելել է այս երեք մթերքը մատուցել Met Gala-ին14:00, 8 մայիսի
Հայկական էպոսի հերոսը՝ էլ ավելի գունեղ ու ժամանակակից լուծումներով. կայացավ «Սասունցի Դավիթ» կոմիքսի շնորհանդեսը (ֆոտո)13:21, 8 մայիսի
Ինչպես մայիսի 9-ին քվեարկել «Լադանիվա» խմբի օգտին13:17, 8 մայիսի
«Ուենսդեյ» սերիալի երկրորդ եթերաշրջանի նկարահանումները սկսվել են12:34, 8 մայիսի
Ջեսիկա Բիլը Met Gala-ից առաջ 9 կգ աղով լոգանք է ընդունել11:23, 8 մայիսի
Քիմ Քարդաշյանը բացահայտել է Met Gala-ում իր սենսացիոն տեսքի գաղտնիքները10:46, 8 մայիսի
Շակիրան Met Gala-ի after-pary-ին ներկայացել էր ատլասե սպիտակ զգեստով10:17, 8 մայիսի
Meta Gala 2024-ի after-party-ն. «մերկ» հանդերձանքներ եւ վայրի պարեր09:00, 8 մայիսի
ՄԱՅԻՍԻ 8-Ի ՁԵՐ ՌՈՄԱՆՏԻԿ ՀՈՐՈՍԿՈՊԸ01:29, 8 մայիսի
Հայտնի են «Եվրատեսիլ 2024»-ի առաջին կիսաեզափակիչը հաղթահարած 10 երկրները