• Քենդալ Ջենները վիճել է մոր հետ, քանի որ դեռ երեխաներ չունի

  Սա իմ կյանքն է․․․

• Նորածին որդու մահվանից հետո Ջորջինա Ռոդրիգեսն առաջին անգամ ներկայացել է հանրությանը

  Ապրիլին Ռոնալդուի եւ Ռոդրիգեսի ընտանիքում դժբախտություն է տեղի ունեցել․․․

• Լերա Կուդրյավցեւան հայտարարել է, որ Քիմ Քարդաշյանը կրկնօրինակում է իրեն

  Նոր լուսանկարներում Քիմը շատ նման է ռուս հաղորդավարուհուն․․․

• Քորթնի Քարդաշյանի հարսանիքը հովանավորել է դիզայները, որը հայտնի կլանին անվանել էր «ամենաէժանագինն աշխարհում»

  Արարողությունը կազմակերպվել է «Olivette» կալվածքում․․․

• Մեկ անգամ գնեք, մի քանի տարի կրեք․ շորտեր, որոնք ձեզ կծառայեն մի քանի սեզոն (ֆոտո)

  Չեն պատրաստվում շատ շուտ ստվերում հայտնվել եւ զիջել իրենց տեղը․․․

• Լողազգեստների ապրանքանիշը դատական հայց է ներկայացրել «Էյֆորիա» սերիալի աստղի դեմ

  Դերասանուհին առանց պարզաբանումների եւ ծանրակշիռ պատճառի կտրուկ հրաժարվել է նախագծից…

• Հեյթերները հարձակվել են Լիլի Ռոուզ Դեփի վրա Ջոնի Դեփի եւ Էմբեր Հերդի դատական վեճի մասին լռության պատճառով

  Այս պահին Դեփն ու Հերդը դատական վեճ ունեն զրպարտության գործով․․․

• Քիմ Քարդաշյանը համարձակ կերպարում լուսանկարվել է Sports Illustrated-ի շապիկի համար (ֆոտո)

  Նկարահանումներն անց են կացվել Դոմինիկյան Հանրապետությունում․․․

Match&Go (բառացիորեն՝ «Համադրիր եւ գնա») խորագրի շրջանակում մենք կփորձենք ներկայացնել զգեստապահարանի այս կամ այն տարրը, որը չպարտադրելով, բայց միանգամայն ակնհայտորեն կարող է դառնալ սեզոնի հիթը: Նաեւ կառաջարկենք՝ կարդիգանն ինչի՞ հետ հագնել կարեւոր հարցի պատասխանները:

Մենք դեռեւս փետրվարին Նյու Յորքի նորաձեւության շաբաթում վերջնականապես հասկացանք՝ դիզայներները չեն դադարի ոգեշնչվել տեսանելի անցյալի սքանչելի ժամանակներից: Միայն ուրախանալ է պետք, որովհետեւ կարոտը ստանում է միանգամայն շոշափելի ձեւեր: Եւ որ ամենակարերորն է, մեր մայրերի կամ տատերի ժառանգության պահոցներից  ժամանակն է հանել զգեստապահարանի վինտաժային գանձերը: Իսկ մենք առաջարկում ենք մազերի ոչ միայն արդիական, այլեւ բարձրակարգ աքսեսուարների երեք տեսակ, որ ծագում են անցյալ հարյուրամյակի վերջից: Բարեբախտաբար, դեկտեմբերը դեռեւս թույլ է տալիս յոլա գնալ առանց շատ տաք գլխարկների:

Հերակալներ

Ուղղակիորեն 80-ականներից սերող ավտոմատ հերակալները կարելի է կրել միանգամից մի քանի հատ՝ ինչպես թափած մազերի, այնպես էլ պոչի եւ մանդարինաձեւ հավաքած մազերի հետ: Ձմեռային տաք վերարկուների կամ գործած սվիտերների չեզոք ներկապնակին կարելի է միացնել կրիայի գունավորմամբ կամ անիմալիստական պրինտով հերակալ (կրկին ու կրկին սուպերարդիական). տեսքը շատ կոկիկ է լինում՝ առանց անճաշակության կամ դա հիշեցնող ինչ-որ ակնարկի...

Օրգանական ամբողջությամբ են նայվում մետաղական գույների հերակալները՝ արծաթագույն, ոսկեգույն, բրոնզագույն: Կարելի է կողքից հերակալով ամրացնել ոչ մեծ մազափունջը կամ ստորին պոչիկը:

Համարձակորեն ընտրեք երկրաչափական ձեւերի հերակալներ՝ հավասարապես հիանալի են  թե՛ խստաոճ կոստյումի, թե՛ երեկոյան զգեստի հետ: Նաեւ ամանորյա փայլերով զգեստների հետ՝ արդեն որպես ամանորյա կերպարի տարբերակ:

Բոլորակներ

Կարող են լինել ե՛ւ գործվածքից բոլորակներ, ե՛ւ պլաստմասե՝ հազիվ նկատվող, ե՛ւ դեռեւս մեր մանկության տարիների այն նույն զսպանակ-բոլորակները:

Որպես ստուգողական տարբերակ՝ հիշել հյուսիսային հարեւանների մշակութային ժառանգությունը եւ դնել թաղիքից կոկոշնիկ:

Կրաբիկներ եւ կտորե ռետիններ

Եթե ոչ վաղ անցյալում ե՛ւ կրաբիկները, ե՛ւ կտորե ռետինները ավելի շուտ անկրթության նշան էին համարվում, ապա հիմա կարոտն իր գործն արել է՝ ջնջելով պատկերացումների՝ առանց այն էլ պայմանական սահմանները: Ուստի համարձակորեն կրեք ոչ միան կտորե ռետինները, որոնք արդեն մեկ տարի է, ինչ պոդիումներից տեղափոխվել են մասս-մարքեթ, այլեւ կրաբիկներ:

Ռետինները կարող են լինել սրտի ուզածի պես՝ թավշյա, ջինսե, լյուրեկսային, փայլերով կամ երկար կապերով:

Մազերը կարելի է հավաքել բարձր, անփույթ փնջով՝ կրկնելով սիրելի ֆիլմերի «գավառական» կերպարը: Իսկ ահա, կրաբիկների վերածննդի համար շնորհակալ ենք Ալեքսանդր Վենգին եւ համարձակորեն կրում ենք կիսաթափած մազերի հետ կամ դրանցով ֆիքսում ամուր ձգած մազափունջը:

Անի Մովսիսյան

Ֆոտո - @brittanybathgate, @moment_heeeee,

@corner17_store, @lisasaysgah, @fakturatepla,

@statuslusso. Asos.com, Cosstores.com

Հետևեք NEWS.am STYLE-ին Facebook-ում, Twitter-ում և Instagram-ում