• Ռասել Քրոուն կնկարահանվի «Էկզորցիզմ» սարսափ ֆիլմի գլխավոր դերում

  Օսկարակիր դերասան Ռասել Քրոուն կնկարահանվի «Էկզորցիզմ»՝ առաջիկա սարսափ ֆիլմում…

• Էդի Մերֆիի առաջիկա ֆիլմերից մեկը հետաքննության կենտրոնում է հայտնվել նկարահանման հրապարակում տեղի ունեցած խնդիրների պատճառով

  Էդի Մերֆիի առաջիկա ֆիլմերից մեկը հետաքննության կենտրոնում է հայտնվել նկարահանման հրապարակում տեղի ունեցած խնդիրների պատճառով…

• Բարոյականության «պահապանները» թող շրջանցեն. էրոտիկ ֆիլմերի ընտրանի

  Եթե «էրոտիկ ֆիլմ» արտահայտությունը լսելով ձեր մտքին միանգամից գալիս են «Նիմֆոմանուհին» եւ «Մոխրագույնի 50 երանգները», ապա շնորհավորում ենք՝ դուք ոչինչ չգիտեք ժանրի մասին…

• «Հարյուր տարվա մենություն». Netflix-ը ներկայացրել է Գաբրիել Գարսիա Մարկեսի գլուխգործոցի կինոադապտացիայի թիզերը

  Netflix-ը թողարկել է «Հարյուր տարվա մենություն» սերիալի նոր թիզերը…

• Սթիվեն Սփիլբերգը ֆիլմ է նկարահանում ՉԹՕ-ի մասին

  Սթիվեն Սփիլբերգը պատրաստվում է վերադառնալ գիտաֆանտաստիկայի աշխարհ․․․

• Մարտին Սկորսեզեն պատրաստվում է Ֆրենկ Սինատրայի մասին կենսագրական ֆիլմ նկարահանել Լեոնարդո ԴիԿապրիոյի եւ Ջենիֆեր Լոուրենսի մասնակցությամբ

  Մարտին Սկորսեզեն պատրաստվում է Ֆրենկ Սինատրայի մասին կենսագրական ֆիլմ նկարահանել` Լեոնարդո ԴիԿապրիոյի եւ Ջենիֆեր Լոուրենսի գլխավոր դերակատարմամբ․․․

• Հենրի Քավիլի եւ Մարգո Ռոբիի մասնակցությամբ Ջեյմս Բոնդի մասին ֆիլմի կեղծ թրեյլերը YouTube-ում հասել է 2 միլիոն դիտումի

  Ջեյմս Բոնդի մասին ֆիլմի թրեյլերը՝ Հենրի Քավիլի եւ Մարգո Ռոբիի մասնակցությամբ, YouTube-ում հավաքել է 2 միլիոն դիտում, սակայն պարզվել է, որ այն կեղծ է․․․

• «Յաշան ու Լեոնիդ Բրեժնեւը»՝ 5, «Ամերիկացին»՝ 4 մրցանակ. «Անահիտ» մրցանակաբաշխության կարմիր գորգն ու բոլոր մրցանակակիրները (ֆոտո)

  Ապրիլի 16-ին Dvin Music Hall-ում անցկացվեց Հայկական ազգային կինոակադեմիայի 4-րդ «Անահիտ» մրցանակաբաշխությունը...

Դեկտեմբերի 20-ից ամբողջ աշխարհի կինոթատրոնները կգրոհի DC Universe-ի (կոմիքսներ արտադրողների մեջ խոշորագույններից եւ առավել հայտնիներից մեկը) հերթական ֆիլմը՝ «Ակվամենը»։

Պրեմիերային ներկա եմ եղել, անկեղծ կլինեմ՝ հոռետեսորեն էի տրամադրված՝ հիշելով DC-ի ձախողումները։ «Ակվամենի» թրեյլերը հույս չներշնչեց․ ավելի շատ հիշեցնում էր Մարվելից Թորի կլոնին․․․Այս ամենը լավատեսություն չէր ներշնչում։ Եվ ահա նստած եմ դահլիճում ինչպես հարկն է՝ պոպկորնով եւ կոլայով, լույսերը մարեցին եւ սկսվեց․․․

Ֆիլմի արդեն 5-րդ րոպեին ինձ բռնացնում եմ այն մտքի վրա, որ ֆիլմը, կարծես լավն է։ Ատլանայի թագուհու կերպարում Նիկոլ Քիդմանը առաջին իսկ րոպեներից իր կողմն է գրավում ամբողջ ուշադրությունը։ Նա հրաշալի է բոլոր տեսարաններում․ ռոմանտիկա, դրամա, էքշն՝ ամեն տեղ հոյակապ է։ Քիդմանը ֆիլմում 15 րոպե է երեւում, սակայն այդ ընթացքում կարողանում է հասնել նրան, որ սիրահարվեն իրեն մինչեւ ականջների ծայրը:

Ֆիլմում ժամանակ չի ծախսված երկար ներածության եւ միատոն հոգնեցուցիչ բացատրության վրա։ Այն կատաղի տեմպով մեզ տանում է տեսարանից տեսարան, մի տեղից մյուսը՝ կարողանալով միավորել ֆլեշբեքն ու ներկան։ Իսկ ամենագլխավորը, որ տեղի ունեցողը շատ պարզ է ու հասկանալի․ չկա այնպիսի զգացողություն, թե ինչ-որ բան բաց ես թողել։

Առաջին հերթին, ցանկանում եմ նշել ստորջրյա աշխարհի ուղղակի հոյակապ վիզուալիզացիան։ Նման գեղեցկություն ես նույնիսկ «Ավատարում» չէի տեսել։ Նայում ես ու մտածում՝ Աստված իմ, որքան քիչ բան գիտենք ստորջրյա աշխարհի մասին, այս գեղեցկության մասին։ Ընդ որում, ֆիլմում այն ե՛ւ բնական է, ե՛ւ համակարգչային․ այն Ատլանտիդան մեզ ներկայացնում է ֆուտուրիստական մեգապոլիսի տեսքով, որն իր մեջ միավորում է անցյալի հզորությունը եւ հեռավոր ապագան։

Կերպարները շատ ուրախացրին, առաջին հերթին, DC-ի հարգելի երկրպագուներ, շնորհավորում եմ, այժմ դուք մոտիվացիայով լավ անհաշտ հակառակորդներ ունեք (որը շատ հազվադեպ երեւույթ է կինոաշխարհում՝ Լեքս Լյութորը, օրինակ)։ Հակառակորդները երկուսն են։ Օրմ թագավորը՝ Ակվամենի խորթ եղբայրը, որը մարմնավորել է Պատրիկ Ուիլսոնը, բավականին լավն է։ Ես նրան չարագործ չէի անվանի, նա հավակնություններ ունեցող կառավարիչ է, որը նաեւ մտածում է իր ժողովրդի ապագայի մասին, իսկ նրա ատելությունը եղբոր նկատմամբ հասկանալի է․ չէ՞ որ այնպես էր ստացվել, որ նրա պատճառով էին սպանել իրենց ընդհանուր մորը։

Երկրորդ հակառակորդը Սեւ Մանտան է, որին կերպարանավորել է Յահյա Աբդուլ Մատին 2-րդը։ Նա ունի բոլոր պատճառները Ակվամենին ատելու համար․ հենց նրա պատճառով է մահացել իր հայրը, չնայած նա հոր հետ փողոցում ծաղկավաճառությամբ չէր զբաղվում, այլ ծովահենությամբ։

Շատ ուրախացրեց Դոլֆ Լունդգրենը Ներեի արքայի դերում, զարմանալի է, բայց նրան շատ էր սազում արքայական մեծությունը։

Էմբեր Հերդը Մերայի դերում, իհարկե, հրաշալի էր եւ նրա օգնությամբ հեղինակները շատ գեղեցիկ եւ հզոր կերպով ցույց են տվել ջրի մոգությունը։ Միակ բանը, որ լարում է, այն էր, որ նրա կերպարը փոքր-ինչ շաբլոնային էր՝ անկախ, ուժեղ կին։ Հատկապես նրա աչքի ընկնող խաղը չեմ կարող որեւէ կերպ կոչել… 

Եվ մենք սահուն մոտեցանք ֆիլմի աստղին՝ Ակվամենին (Արթուր Կարրի)։ Ջեյսոն Մոմոան՝ բոլորի կողմից սիրված Կհալ Դրոգոն «Գահերի խաղից» այստեղ ոչ միայն խաղում է, նա ամբողջ ոգով զվարճանում է, որին օգնում է նրա խարիզման ու բրուտալ տեսքը։ Գլխավորը, որ դուք էլ նրա հետ սրտանց զվարճանում եք։ Մոմոան փայլուն կերպով կարողացել է ցույց տալ իր կերպարի աճը բարոյական տեսանկյունից, որը, համաձայնեք, մեր օրերում հազվադեպ է հանդիպում։

Կցանկանայի նաեւ նշել բարի, բազմակողմանի էքշնը ֆիլմում, տղաների համար, վստահ եմ, շատ ուրախ կլինի։ Գիտեք՝ ես մի քանի մինուս կարող էի նշել այսքան պլյուսներից հետո, բայց, անկեղծ ասած, չեմ ցանկանում։ Միայն կնշեմ շատ շաբլոնային ուղեկցող երաժշտությունը․․․

Իսկ ընդհանրապես խորհուրդ եմ տալիս գնալ եւ նայել ընկերների, ընտանիքի հետ, գնահատեք ուրախ, պայծառ, գեղեցիկ ֆիլմը, իսկ DC-ի երկրպագունեը պետք է շնորհակալ լինեն ռեժիսոր Ջեյմս Վանին, որ նա հույս եւ երկրորդ շունչ հաղորդեց կինոաշխարհին։

Հաճելի դիտում,

Նորայր Նազարյան

Հետևեք NEWS.am STYLE-ին Facebook-ում, Twitter-ում և Instagram-ում