• Շքեղություն H&M-ի գնով. Elie Saab-ը վերափոխում է կուտյուրը մատչելի շքեղության

  Լիբանանյան Elie Saab նորաձևության տունը ևս մեկ քայլ է կատարում բարձր նորաձևության աշխարհից այն կողմ…

• 100 միլիարդ դոլարն անհետացավ. Shein-ի և fast fashion-ի խելագար դարաշրջանն ավարտվո՞ւմ է

  Մինչև վերջերս թվում էր, թե Shein-ը գնում է դեպի համաշխարհային գերիշխանություն․․․

• «Հարստությունը վերածվել է կենդանաբանական այգու». Ինչու է էլիտար տուրիզմը սկսում ապստամբել «Սպիտակ լոտոսի» դեմ

  Քիչ հեռուստասերիալներ են այնպիսի խորը ազդեցություն ունեցել շքեղ ճանապարհորդությունների ոլորտի վրա, որքան «Սպիտակ լոտոսը»․․․

• Pucci-ն վերադառնում է իր արմատներին. Կամիլա Միչելին միջնադարյան ձիարշավը վերածում է նոր շքեղության

  Մի քանի տարի շարունակ Emilio Pucci-ի ստեղծագործական տնօրեն Կամիլա Միչելին ուսումնասիրել է իտալական տան ժառանգության փսիխոդելիկ և հիպի-շիկ կողմերը․․․

• Chanel-ն իր ողջ փառքով. նոր վզնոց 20.66 կարատանոց շրիլանկական շափյուղայով  

  Առյուծ, կամելիա, աստղ և արև՝ Chanel-ի բոլոր խորհրդանշական սիմվոլնիշները հավաքված են մեկ ոսկերչական գլուխգործոցի մեջ, որը լրացվում է հազվագյուտ շափյուղայով...

• Հայկական ոճը դեմքերով․ ինչպես նորովի մատուցել ամառային սովորական հագուստը

  «Հայկական ոճը դեմքերով» խորագրի նոր հատվածում կպարզենք, թե ինչպես են հայ ոճասերները նորովի մատուցում ծանոթ հագուստը, ավելացնում թրենդային դետալներ և պարզ բազայից ստանում ինքնատիպ կերպարներ...

• Բուրգունդի՝ այս աշնան ամենաշքեղ գունային թրենդը

  Եթե այս շրջանում զգեստապահարանում որևէ գույն իսկապես գերիշխում է, ապա դա անկասկած բուրգունդին է։ Խորը, հագեցած և առաջին հայացքից թվացածից շատ ավելի բազմաֆունկցիոնալ այս գինեգույն երանգը դարձավ նորաձևության պատասխանն այն հարցին, թե ինչպես տպավորիչ տեսք ունենալ՝ առանց աչք ծակող գույների դիմելու...

• Մաթյո Բլազին նպաստել է Chanel-ի՝ The RealReal-ում ամենատարածված ապրանքանիշի դառնալուն  

  2026 թվականի Luxury Resale Report-ի համաձայն՝ Chanel-ը գլխավորել է The RealReal-ում առաջատար ապրանքանիշերի ցանկը։ Եվ այս առաջընթացի գլխավոր շարժիչ ուժը Մաթյո Բլազին էր. նրա պահանջարկ ունեցող հավաքածուները նորաձևության տան համար (որին նա միացել է 2024 թվականի վերջին) սենսացիա են առաջացրել ինչպես համացանցում, այնպես էլ դրանից դուրս...

Match&Go (բառացիորեն՝ «Համադրիր եւ գնա») խորագրի շրջանակում մենք կփորձենք ներկայացնել զգեստապահարանի այս կամ այն տարրը, որը չպարտադրելով, բայց միանգամայն ակնհայտորեն կարող է դառնալ սեզոնի հիթը: Նաեւ կառաջարկենք՝ կարդիգանն ինչի՞ հետ հագնել կարեւոր հարցի պատասխանները:

Ամանորյա աղմկոտ տոներն ավարտվեցին, վերջին մոտեցան արձակուրդները: Եվ փոքր-ինչ զարմացած աշխատանքային վիճակը թուլացնելու համար առաջարկում ենք սեզոնի ամենաազնիվ զեղչերի շրջանակում ինքներդ ձեզ գնեք ամենաազնիվ նվերը: Հատուկ ձմեռային զեղչերի ավարտին անցկացրել ենք ինչպես մաս-մարքեթի, այնպես էլ փոքր, քիչ հայտնի ինդի-մակնիշների առցանց վաճառադարակների ստուգում:

Ushatava

Ռուս-վրացական ուրախ անվանումով այս ապրանքանիշն իրավամբ համարվում է երկրում ամենանորաձեւներից մեկը:

Հեղինակ-ընկերուհիներս անդրադարձնում են եղանակային միտումների, սպառողների եւ ապագա թրենդների թեմաները, որոնք ստեղծում են արդիական, արտակարգ հագուստ եւ աքսեսուարներ:

Մակնիշը վերջերս թողարկել է ամանորյա վինտաժային հավաքածու, եւ արդեն այսօր շատ իրեր կարելի է ձեռք բերել զգալի զեղչով: Խորհուրդ ենք տալիս նաեւ ուշադրություն դարձնել զգեստ-անորաքին (այն մեր իրողություններին դեռեւս խորթ է) եւ շատ արդիական էկո-դուբլյոնկաներին:

COS

Մինիմալիզմի եւ մաս-մարքեթի արքաներն իրենց երկրպագուների համար տարեցտարի վիթխարի զեղչեր են կազմակերպում: Մինչեւ 70 տոկոս զեղչ հոյակապ ձեւվածքի, լավ նյութի համար. տոներից հետո ինչո՞վ տոն չէ: Սեյլով չափերը քիչ են մնացել, բայց կարելի է խուսանավել ցանկում մի շարք երկրների ընտրության միջեւ եւ ամեն դեպքում գտնել սիրելի մոդելը: Բարբեախտաբար, Հայաստան հասցնելն արդեն հասանելի է:

Խորհուրդ ենք տալիս կաշվե բրոգեր՝ բոլոր ժամանակների ամենանորաձեւ կոշիկը: Հագեք բրդյա, ամուր բամբակյա գործվածքից կամ քիշմիրից միդի կիսաշրջազգեստով: Կարճացված տաբատով, հաստ զուգագուլպաներով եւ կարճ զգեստով:

Ուշադրություն դարձրեք զամշե նավակ կոշիկներին՝ կլոր կրունկներով: Կառուցվածքային, արտասովոր, դե թեկուզ եւս սովորական կլոր կրունկ, որն ինչպես այս, այնպես էլ ապագա սեզոնների աներեւակայելի նորաձեւ թրենդն է: Իսկ հաճելի դեղնականաչ գույնի համակցությամբ այդպիսի կոշիկն արդիական է դառնում թե՛ գրասենյակի, թե՛ սրճարանի, թե՛ երեկույթի համար: 100 տոկոսով անհրաժեշտ իր է, որը լավ հիմք կծառայի:

COS-ը հոյակապ գործած արտադրանք ունի, որի բաղադրության մեջ պարտադիր շատ բուրդ կա:

Փնտրեք արտակարգ կարդիգաններ (մենք արդեն գրել ենք դրանց արտաժամանակային արդիականության մասին) եւ սպիտակ մարզաշապիկներ, չէ՞ որ հենց այս մակնիշի մոտ է հնարավոր մաս-մարքեթի գնով գտնել «հենց այդ նույն», գործանականում կատարյալ սպիտակ մարզաշապիկը:

Zara

Այս հսկայի ոճաբաններն անմիջապես որսում են միկրոսեզոնների արդիականությունը, իսկ զեղչերը հրաշալի միջոց են իրերին վերջին հնարավորությունը տալու նախքան դրանց ամենեւին ոչ էկոլոգիական ուղղվածությամբ օգտագործումը:

Ուշադրություն դարձրեք Premium հավաքածուի վրա, այնտեղ մեծ թվով լավ գործվածք կա եւ հույս, որ գնումը կծառայի մի քանի սեզոնի: Ի դեպ, խորհուրդ ենք տալիս մշտապես կարդալ պիտակի գրառումը եւ արտադրանքը ճիշտ խնամել:

Մեզ անչափ դուր են գալիս չձանձրացնող անիմալիստական պրինտով զգեստները եւ պարկ-պայուսակները, որոնք հրաշալի են նայվում ոչ միայն ավանդական, երեկոյան հանդերձանքով, այլեւ ջինսերով եւ սպիտակ մարզաշապիկով, սվիտերով…

Փնտրեք մկդակած թոութ պայուսակներ (հիթ-հիթ-հիթ), արդիական միդի կիսաշրջազգեստներ՝ ինչպես ամուր վելվետից, այնպես էլ թափվող, ասես հատուկ ստեղծված ծավալուն սվիտերների հետ համակցության համար:

Mango

Խորհուրդ ենք տալիս Mango գնալ պայուսակներ գնելու՝ մետաղական բռնակով դույլ կամ անիմալիստական պրինտով տարբերակ: Ոչ այնքան անհրաժեշտ իր է, որքան փոքրիկ հաճույք, որը կարելի է ձեռք բերել առանց բյուջեի համար շոշափելի վնասի եւ անհատական wishlist- երի:

Վուշը մաս-մարքեթի համար հազավադեպ երեւույթ է. վուշից արտակարգ շերտավոր բաճկոնը հաստատապես անհրաժեշտ իր կդառնա ե՛ւ պաշտոնական դրես-կոդում (սեւ տաբատով եւ բարակ կրունկներով), ե՛ւ ջինսերով, ձիգ կիսաշրջազգեստով, զանգվածեղ կիսաճտքավորներով:

Գերազանց է նայվում վիտաժային միդի կիսաշրջազգեստը՝ «սագի թաթի» հավերժական պրինտով:

Little creative factory

Մանկական հագուստի կատալոնական slow fashion մակնիշը ամեն սեզոնին ուրախացնում է նաեւ մայրիկներին: Սկզբունքորեն մշտապես արդիական են վիկտորիանական ոճն ու ռոմանտիզմը, սրանից էլ բխում է մակնիշի փիլիսոփայությունը, որն ամենեւին ընկած չէ թրենդների հետեւից: Ի դեպ, հենց ռոմանտիզմն է խոստանում դառնալ «նոր սեւը»:

Ապրանքանիշի հագուստը ձեռքով է կարվում, գործվածքն ամբողջությամբ վուշից է, բամբակից եւ մետաքսից: Նմուշները ստացվում են բազմաշերտ, անհավանական, իսկ ոճի առումով կարելի է անվերջ փորձարկումներ անել:

Եվ ահա, հիմա տոների առիթով լավ զեղչեր են հայտարարվել՝ ինչո՞վ առիթ չէ քեզ կրկին զգալու մանկության անվերջանալի երազանքների աշխարհում:

Black crane

Եթե գեղագիտության, ծագող արեւի երկրի մշակութային ծածկագրերի երկրպագու եք, որոնք դրվել են ստեղծվող հագուստի հիմքում, բայց դեռեւս ձեր գրպանին չի համապատասխանում նշանային Yohji Yamamoto-ն, ապա կա արժանի եւ մատչելի այլընտրանք:

Ճապոնացի դիզայների կողմից Լոս Անջելեսում հիմնադրված մակնիշը ուրախացնում է որակյալ գործվածքներով, բարդ համադրության ճարտարապետությամբ, բնականաբար, բազմաշերտությամբ եւ գեղեցիկ օվերսայզ նստեցմամբ:

Կարելի է ստեղծել ինչպես ամենօրյա չափավոր կերպար, այնպես էլ սիրելի երկրին բավականին վառ ռեւերանս:

Անի Մովսիսյան

Հետևեք NEWS.am STYLE-ին Facebook-ում, Twitter-ում և Instagram-ում