• Լիլիթ Հովհաննիսյանը հայտնել է, որ իր վերջին տեսահոլովակի զգեստն ինքն է հեղինակել (ֆոտո)

  Լիլիթ Հովհաննիսյանն Instagram-ում նոր լուսանկարներ է տեղադրել, որոնցում կեցվածք է ընդունել փայլուն կանաչ զգեստով...

• «Սրտի վալետ». նոր հումորային սիթքոմի մանրամասները. BACKSTAGE

  Ապրիլի 29-ին Արմենիա TV-ի եթերում կհեռարձակվի «Սրտի վալետ» նոր հումորային սիթքոմը...

• Եվա Բաղդասարյանն ու ամուսինը, 2 տարվա համատեղ կյանքից հետո, օրինականացրել են հարաբերությունները

  Դերասանուհի Եվա Բաղդասարյանն ու ամուսինը, պսակադրությունից 2 տարի անց, օրինականացրել են հարաբերությունները...

• «Ցեղասպանությունը եղել է․ իմ մեծ տատն ու պապը զոհ են գնացել այդ սարսափելի ոճրագործությանը»․ Գեւ Օրկյան

  Բրիտանահայ երաժիշտ, կատակերգու Գեւ Օրկյանը Հայոց ցեղասպանության 109-րդ տարելիցի կապակցությամբ ինստագրամյան իր էջում գրել է․․․

• Վահե Բերբերյանը հրապարակել է Հայոց ցեղասպանության զոհ դարձած իր պապի միակ լուսանկարն ու խոսել իր խոստման մասին

  Դերասան, կատակերգու եւ գրող Վահե Բերբերյանը Instagram-ում հրապարակել է Հայոց ցեղասպանության զոհ դարձած իր պապի արխիվային լուսանկարը՝ նշելով, որ դա միակ հիշողությունն է, որ ունի նրանից...

• «Մենք ոգեկոչում ենք 1915 թվականին զոհված հայերի հիշատակը: Նրանց թվում են իմ նախնիները»․ ամերիկահայ դերասանուհի Դիանա Մեդիսոն

  Ամերիկահայ դերասանուհի, պրոդյուսեր Դիանա Մեդիսոնը Հայոց ցեղասպանության 109-րդ տարելիցի կապակցությամբ տեսանյութ է հրապարակել ինստագրամյան իր էջում...

• «Ուզում եմ հիշել իմ նախնիներին, ովքեր զոհվել են, եւ նրանց, ովքեր ողջ են մնացել»․ Սերժ Թանկյանի գրառումը՝ Հայոց ցեղասպանության 109-րդ տարելիցի կապակցությամբ

  Ամերիկահայ անվանի երաժիշտ, System of a Down-ի անդամ Սերժ Թանկյանը ոգեկոչել է 1915 թ-ի Հայոց ցեղասպանության զոհերի հիշատակը...

• «Հայոց պատմության ուսուցիչս նույնիսկ մեր ավարտական երեկոյի ժամանակ ասաց՝ թուրքին բարեկամ չկարծեք…». Ժաննա Բուտուլյան

  Հայոց պատմության ուսուցիչս նույնիսկ մեր ավարտական երեկոյի ժամանակ ասաց . «Թուրքին բարեկամ չկարծեք. նրանք սեղան կնստեն ձեզ հետ , բայց կչարախոսեն, ձեռքը Ղուրանին դրած կերդվեն ու կխաբեն…

Նախորդ տարվա վերջին միջազգային հեղինակավոր գեղեցկության մրցույթների մասնակիցներ դարձան ոչ միայն իգական սեռի հայ մոդելները (Արենա Զեյնալյանը մասնակցեց «Միսս Աշխարհ» մրցույթին, իսկ Էլիզա Մուրադյանը՝ «Միսս Տիեզերք»-ին), այլեւ 23-ամյա Էդգար Կարապետյանը, որը դեկտեմբերին մասնակցեց Դելիում կայացած Mister Model Worldwide 2018 մրցույթին: Ճիշտ է՝ մրցույթի հաղթող ճանաչվեց Ֆիլիպինների ներկայացուցիչ Կառլո Պասիոնը, սակայն հայ երիտասարդը հայրենիք ձեռնունայն չի վերադարձել: Նա դարձել է «Լավագույն տաղանդ» եւ «Mister Style Icon 2018» անվանակարգերի հաղթող:

Մասնագիտությամբ դիզայներ Էդգարը մոդելինգին զուգահեռ՝ ընկերություններից մեկում գանձապահ է աշխատում: NEWS.am STYLE-ի հետ զրույցում երիտասարդ մոդելը պատմել է, թե ինչպես է որոշել լինել մոդելային ասպարեզում, ինչպես են ընտանիքի անդամներն ու ընկերները արձագանքել իր որոշմանն ու ինչ ձեռքբներումներ է գրանցել Հնդկաստանում կայացած մրցույթին մասնակցելով:

«Մրցույթին մասնակցելու հրավերը ստացել եմ ազգային տնօրեն Յանա Գրիգորյանից: Ես նպատակասլաց մարդ եմ եւ միշտ ձգտում եմ առավելագույնին: Միջազգային մրցույթների մասնակցելու ցանկությունս մեծ էր, այդպիսով մասակցեցի մրցույթի նախընտրական փուլին եւ ճանաչվեցի Mister Model WorldWide 2018»:

Միջազգային մրցույթում ամենաոճայինը ճանաչվել հայ մոդելին օգնել են նորաձեւության ոլորտի հայ մասնագետները:

«Տաղանդների փուլում ներկայացել եմ Oriflame Fasion Week-ի հաղթող Վարդուհի Բարսեղյանի հավաքածուով: Ի դեպ, այդ փուլին ներկայացրել եմ մի կոմպզիցիա, որը ստացել եմ կտորի եւ ներկի օգնությամբ եւ անվանել «Սառցե հեքիաթ»: Ֆոտոշարքի համար կրել եմ սկսնակ դիզայներ Անժելա Քիշմիրյանի մոդելավորած հագուստը, իսկ ազգային հագուստը տրամադրել էր «Տերյան» մշակութային կենտրոնը. այն «Արքայից արքա» հավաքածուի նմուշներից էր:  Եզրափակչին ներկայացել եմ Nobby-ի հավաքածուներից մեկով: Իսկ առօրյա հագուստների համադրումն ինքս եմ արել, քանի որ ինքս էլ դիզայներ-մոդելավորող եմ: Հագել եմ նաեւ իմ մոդելավորած ժիլետը»:

Անդրադառնալով իր եւ ադրբեջանցի մասնակցի հարաբերություններին՝ Էդգարը նշեց.

«Դրանք լավ հարաբերություն չէր կարելի համարել, ամեն ինչ նորմայի սահմաններում էր: Մտերմություն չի եղել: Մենք միայն բարեւել ենք միմյանց եւ այդքանը: Չի եղել, որ միմյանց օգնենք, պարզապես մրցույթի ժամանակ նա շփոթել կամ մոռացել էր իր համարը, ես էլ հուշեցի: Մեկ անգամ էլ հեռախոսի մարտկոցի հետ կապված խնդիր ուներ, ես էլ իմն եմ առաջարկել: Մենք, առհասարակ, չենք շփվել: Երբեէ չենք խոսել մեր երկրների քաղաքական հարաբերություններից»:

Էդգարը նշեց, որ ուներ հաղթողի այլ թեկնածու, սակայն ուրախ է նաեւ Ֆիլիպինների մասնակցի հաղթանակի համար եւ հարգում է ժյուրիի որոշումը:

Հայ երիտասարդը մոդելային ասպարեզում է արդեն 4 տարի: Նրան նկատել են 2016 թ-ին՝ Oriflame-ի նորաձեւության ցուցադրությանը, որտեղ Էդգարը ներկա էր՝ որպես հատուկ հյուր: Երիտասարդին առաջարկել են դառնալ մոդել, Էդգարն էլ ընդունել է առաջարկն ու փորձել ուժերը մոդելինգի ոլորտում, թեեւ շատ լավ ծանոթ էր հայ տղաների կարծրատիպերին:

«Այո, հայ տղաները նորմալ չեն վերաբերվում մոդելինգին, բայց հիմա տեղաշարժ է նկատվում: Անձամբ ինձ շատ են դիմում այն հարցով, թե ինչպես եւ որտեղ կարող են դիմել մոդել դառնալու համար»:

Էդգարի ընտանիքն էլ հեշտ չի համակերպվել տղայի մոդել դառնալու որոշմանը. 

«Առաջինը դեմ է եղել ընտանիքս: Միայն քույրս է կողմ եղել, խրախուսել եւ աջակցել ցանկացած հարցում: Այժմ նա իմ մենեջերն է: Հնարավոր է՝ բարեկամներիս եւ ընկերներիս համար էլ դա ընդունելի չի եղել, բայց նրանք երբեք չեն առաջարկել թողնել մոդելինգը: Ես, իհարկե, հարգում եմ բոլորին, կարող եմ լսել բոլորի կարծիքները եւ քննադատությունները: Դա նորմալ է, ու ես վատ չեմ արձագանքում դրան: Սա իմ որոշումն է, իմ կարիերան եւ իմ կյանքը»,-ասում է նա՝ հավելելով, որ մրցույթն իրեն բացի տիտղոսներից, այլ հնարավորություններ էլ է տվել. 

«Մրցույթն ինձ տվեց ամեն ինչ: Մեկ շաբաթում ես արդեն ճանաչված էի արտերկրում եւ առաջին շնորհավորանքներն ու արձագանքները հենց դրսից եմ ստացել: Մրցույթն ինձ տվեց փորձ, քանի որ առաջին անգամ էի մասնակցում այդպիսի հեղինակավոր միջազգային մրցույթի: Ես սկսեցի ավելի լավ ճանաչել մարդկանց, տարբեր մարդկանց հետ շփվելու փորձ ձեռք բերեցի: Մինչեւ մրցույթի ավարտն արդեն կային համագործակցության առաջարկներ:

Հրավերներ եմ ստացել Շրի Լանկայից՝ նորձեւության շաբաթին մասնակցելու: Եղան առաջարկներ նաեւ Հնդկաստանից, Թաիլանդից, Ֆիլիպիններից: Ունեմ նաեւ առաջարկ ամերիկյան հայտնի World Class Kings ամսագրից եւ պատրաստվում եմ հարցազրույց տալ նրանց: Կա եւս մի առաջարկ հնդկական հայտնի Lifestyle ամսագրից: Աշխատանքներն ընթացքի մեջ են, շուտով ամեն ինչ կլուսաբանվի: Դեռ շատ փակագծեր չեմ բացի»:

Սյունե Առաքելյան

Լուսանկարները տրամադրել է Էդգար Կարապետյանը

Հետևեք NEWS.am STYLE-ին Facebook-ում, Twitter-ում և Instagram-ում