Russia Today-ի գլխավոր խմբագիր Մարգարիտա Սիմոնյանը Instagram-ում հրապարակում է արել սոցիալապես անապահով ընտանիքներում երեխաների խնամակալության վերաբերյալ։ Նա հետեւորդներին հարցրել է՝ արդյոք նրանք երեխաների կվերցնեին ծնողներից, ովքեր նրանց մեծացնում են աղքատության ծայրահեղ պայմաններում՝ «առանց ջրմուղի, ջեռուցման, խոհանոցի եւ զուգարանակոնքի»։ Խոսքը ռուսական ստանդարտների եւ սոցիալական ծրագրերի մասին է, սակայն այդ խնդիրների պրիզմայով նա պատմել է իր բարդ մանկության մասին, այն մասին, թե ինչ բարդ պայմաններում է մեծացել... Մարգարիտա Սիմոնյանը հրապարակումն ուղեկցել է տան լուսանկարով, ուր մի ժամանակ ապրել է եւ սեւ-սպիտակ կադրով, որում պատկերված է մայրկի եւ քրոջ՝ Ալիսայի հետ։
Посмотреть эту публикацию в Instagram
«Շնորհակալություն, որ ձայների ճնշող մեծամասնությամբ՝ ինձ ու քրոջս չէիք խլի սիրող ծնողներից միայն այն պատճառով, որ մենք աղքատության պայմաններում ենք ապրել։ Մայրս ամեն օր մաքրում էր մեր բարաքը, լվացք անում սառը ջրով, որը բերում էր փողոցից, մեր հագուստն ու բարուրը արդուկում էր ժամերով, քանի որ կարծում էր, որ չարդուկվածները հիգիենիկ չեն։ Անձամբ էր փայտ կոտրում, կրակ անում, էլեկտրական օջախի վրա պատրաստում երկու մետրանոց նախասենյակում... Երբ մի քանի ընտանիք, որոնց մի մասը թմրամոլներ են եւ հանցագործներ, հարեւան ավերակներ են կիսում եւ ընդհանուր բակ, որը տանում է դեպի քաղաքային աղբանոց, մկներն անխուսափելի են, նույնիսկ եթե քլոր օգտագործես։ Երբ քո բարաքի պատն ընդհանուր է փողոցային զուգարանի հետ, որը մի քանի ընտանիք են կիսում, հնարավոր չէ այդ պատից մաքրել բորբոսը՝ անկախ այն ամեն օր «լավանալու» եւ զուգարանը «ներկելու» օրիգինալ առաջարկից... Մայրս, որը այս պայմաններում երկու երեխա է մեծացրել եւ ունի բարձրագույն փիլիսոփայական կրթություն, կատարում էր ցանկացած աշխատանք՝ տանը գործող, շուկայում ծաղիկ վաճառող, մինչ մենք բակում էինք։ Եվ ամեն օր մեզ նախ երաժշտական ու գիմնաստիկայի դասերի էր տանում, հետո՝ հատուկ դպրոց»,- գրել է նա։
Հիշելով հոր մասին՝ Մ. Սիմոնյանը նշել է, որ նա գերազանցությամբ ավարտել էր պոլիտեխնիկական համալսարանը եւ աշխատում էր որպես սառնարանների վերանորոգման մասնագետ եւ վազվզել է, որքան կարողացել է. «Այնքան է աշխատել, որ երբ ես 10 տարեկան էի, մենք նոր բնակարան տեղափոխվեցինք»,- գրել է Սիմոնյանը՝ նշելով, որ միշտ պայքարելու է մեխանիզմների դեմ, որոնք «քայքայում են ընտանիքներն աղքատության պատճառով»։
Աղբյուրը եւ լուսանկարները՝ Instagram, 7 Дней, Эхо Москвы
Հետևեք NEWS.am STYLE-ին Facebook-ում, Twitter-ում և Instagram-ում
18:47, 27 ապրիլի
Wine story: JancisRobinson.com-ի գլխավոր խմբագիրը՝ Հայաստանում գինու արկածի մասին (exclusive)16:23, 27 ապրիլի
Օպտիկական պատրանքը կարող է ցույց տալ՝ որքան «փակ մարդ եք» դուք15:38, 27 ապրիլի
Ռասել Քրոուն կնկարահանվի «Էկզորցիզմ» սարսափ ֆիլմի գլխավոր դերում14:12, 27 ապրիլի
Քանյե Ուեսթի՝ պոռնո հարթակ բացելու հայտարարությունից հետո Բիանկա Սենսորիի երկրպագուները խնդրում են նրան բաժանվել ռեփերից12:10, 27 ապրիլի
Քիմ Քարդաշյանը տխրել է Թեյլոր Սվիֆթի նոր դիս-թրեքի պատճառով, բայց չի ցանկանում «կրակի վրա յուղ լցնել»11:31, 27 ապրիլի
Վահագ Ռաշը հետեւորդներին է ներկայացրել «Լուսամփոփի պես աղջիկ» երգի նոր տարբերակը10:37, 27 ապրիլի
Սելենա Գոմեսին տխրեցնում են իր սերնդակիցների գեղեցկության չափանիշները09:00, 27 ապրիլի
ԱՊՐԻԼԻ 27-Ի ՁԵՐ ՌՈՄԱՆՏԻԿ ՀՈՐՈՍԿՈՊԸ23:22, 26 ապրիլի
Ամենաթանկարժեք զգեստները, որոնք աճուրդի են հանվել ռեկորդային գումարներով22:34, 26 ապրիլի
Դավաճանություն՝ քնած ժամանակ. ի՞նչ են նշանակում անհավատարմության մասին երազները21:16, 26 ապրիլի
Burj Al Arab-ը եւ Atlantis, The Palm-ը համարվել են աշխարհի «ամենաինստագրամյան» հյուրանոցները20:15, 26 ապրիլի
Տիտանիկի ամենահարուստ ուղեւորի մարմնից հայտնաբերված գրպանի ոսկե ժամացույցն աճուրդի է հանվել