Մանկությանս տիկնիկը կուզեի վերադարձնել

Armenia Marriott-ում կրկին համաշխարհային գաստրոնոմիկ շոու է՝ Le Petit Chef-ը վերադարձել է Երևան

Երբևէ ասե՞լ եք «Ես քեզ սիրում եմ»՝ իրականում այդպես չզգալով

«The Last Breath». Սևան Շահմիրյանը հանդիսատեսին է ներկայացնում իր երաժշտական աշխարհը

Լողազգեստով լուսանկարներ. ազատ ինքնարտահայտո՞ւմ, թե՞ չափի զգացում

Կարմիր խնձորը… Արդյո՞ք այն դեռ ակտուալ է

Տղամարդիկ ուժեղ չեն. դերասանուհի Մարի Գրիգորյան

Մեկնարկեց «Ոսկե ծիրան» Երևանի 23-րդ միջազգային կինոփառատոնը

Արսեն Ալբարյան․ բեմի լույսերի տակ՝ զգացմունքների, ընտրությունների ու անկեղծության մասին

Հրաժեշտ Արտիստին. Արտաշես Ալեքսանյանի հոգեհանգիստը՝ Կոնդի Սուրբ Հովհաննես եկեղեցում

Դերասան լինելու որոշումն եմ կայացրել՝ չնայած բոլորի դեմ կարծիքին. Հովհաննես Դիշչյան

Վահե Վայան. Ինչքան մարդիկ շատ են իմանում մարդու մասին, այնքան բարդ է դառնում ապրելը

Նիկոս Վերտիսը «ԱԿՎԱ ԲԻԼԴԻՆԳՍ» ընկերության հրավերով արդեն 3-րդ անգամ ելույթ կունենա Հայաստանում

Մալյան թատրոնի դերասանները՝ Թումանյանի «Հեքիաթներ» ներկայացման զվարճալի դեպքերի մասին

Մի երեկո Նեմրայի հետ․ զրույցներ և պատմություններ, որոնք մնում են երաժշտությունից հետո

Մեկ բաժակ ավել՝ հյուրի համար․ սուրճ, արվեստ և Գյումրվա ժպիտը «Վառեմ-Մարեմ»-ում

«Վառեմ-Մարեմ». Գյումրու ստեղծարար ոգին՝ արվեստի և հիշողությունների հանդիպման վայրում

Ինչպե՞ս եք վերաբերվում լողազգեստով լուսանկարներին

«Պարտադիր մեծ եւ աղմկոտ դատ կլինի». Կոնստանտին Օրբելյան

17:31, 29 մարտի

Օրվա գլխավոր մշակութային նորությունը. Կոնստանտին Օրբելյանն ազատված է Ալ. Սպենդիարյանի անվան օպերայի եւ բալետի ազգային ակադեմիական թատրոնի տնօրենի պաշտոնից։ Մարտի 28-ին հրամանը ստորագրել է ՀՀ մշակույթի նախարարի պարտականությունները կատարող Նազենի Ղարիբյանը։ Կոնստանտին Օրբելյանն այս որոշումը մեկնաբանել է այսօր տեղի ունեցած մամուլի ասուլիսի ընթացքում՝ հայտարարելով, որ Նազենի Ղարիբյանի փաստարկներն անօրինական են։

Օրբելյանի խոսքով՝ ինքը ոչ մի նախազգուշացում չի ստացել, ավելին՝ Ն. Ղարիբյանն արդեն 9 ամիս է՝ փորձում է իրեն հեռացնել պաշտոնից։ «Նա որոշել է, որ ինձ ոչ լեգիտիմ կերպով են նշանակել այս պաշտոնում: Այսինքն՝ նա կարծում է, թե պետությունը մեկուկես տարի առաջ ինձ նշանակելու իրավունք չի ունեցել,- ասել է Օրբելյանը,- Հնարավոր է՝ մեր երկրում յուրաքանչյուր հաստատություն իր ձեւով է աշխատում, եւ, ամենայն հավանականությամբ, Նազենի Ղարիբյանը չգիտի այն մասին, որ մենք «Արտավազդ» մրցանակի ենք արժանացել։ Այն, ինչ իմ թիմի կողմից արվել է վերջին մեկուկես տարվա ընթացքում, չլսված է ցանկացած թատրոնի համար։ «Չիպոլինո» ներկայացումը, որն «Արտավազդ» մրցանակի է արժանացել, իմ անձնական միջոցներով գնել եմ Մեծ թատրոնից»։  

Այս սկանդալային իրադարձությունը եւս մի նրբերանգ ունի. Օրբելյանը հեռացվել է թատրոնի տնօրենի պաշտոնից, սակայն դեռեւս կատարում է գեղարվեստական ղեկավարի պարտականությունները։ Եվ նա հաստատել է, որ շարունակում է աշխատանքը. «Ես այստեղ եմ։ Ես մնում եմ։ Ես շատ ժամանակ եւ կյանք եմ ներդրել այս թատրոնում, առջեւում նոր ծրագրեր են»։

Մշակույթի նախարությունը հարցի առնչությամբ այլ դիրքորոշում ունի։ Այդտեղ պնդում են, որ Կոնստանտին Օրբելյանի լիազորությունները դադարեցվել են՝ ՊՈԱԿ-ների մասին օրենքի 15-րդ հոդվածի 3-րդ մասի համաձայն, ըստ որի՝ տնօրենի պաշտոնը զբաղեցնելու հետ մեկտեղ անձն իրավունք չունի զբաղեցնել մեկ այլ պաշտոն՝ բացի մանկավարժական, ստեղծագործական եւ գիտական աշխատանքից։

Զայրացած են նաեւ թատրոնի աշխատակիցները. «Վաղը՝ ժամը 16։00-ին, մենք Նազենի Ղարիբյանին մեզ հետ հանդիպման ենք հրավիրում»,- հայտարարել են նրանք։ Ի դեպ, հարցին՝ արդյոք թատրոնի տնօրենի պաշտոնից հեռացումը պայմանավորվա՞ծ է անձնական պատճառներով, Օրբելյանն ասել է. «Գուցե՝ ես նրան դուր չեմ գալիս»։

Եվ ավարտական ակորդը. «Պարտադիր մեծ ու աղմկոտ դատ կլինի»։ Այլ կերպ ասած՝ Օրբելյանը վճռական է տրամադրված եւ հետամուտ է լինելու արդարության։


Հետևեք NEWS.am STYLE-ին Facebook-ում, Twitter-ում և Instagram-ում





  • Related News

TV SHOWS PHOTO VIDEO


@NEWSam_STYLE

  • Archive
Search