Մենք շատ ենք տխրել. վերջերս հայտնի դարձավ Երեւանում Topshop-ի փակման մասին: Անգամ համացանցի եւ բազմոցից գնումների դարաշրջանում, բրիտանական հագուստի հրաշալի եւ մատչելի օֆլայն տարածքը կստիպի, որ կարոտենք իրեն:
Մինչ այդ Երեւանում մաս-մարքեթի հիմնադիր Mango-ն ներկայացրեց իր գարնանային հավաքածուն, որն արդեն կարելի է ե՛ւ դիտել, ե՛ւ գնել: Եվ դա լավ նորություն է: Հիշեք, երբ մենք չէինք էլ երազում առեւտրային կենտրոնների եւ խոշոր ռիթեյլերի մասին, Աբովյան փողոցում համեստորեն, բայց հպարտորեն աշխատում եւ մեզ զգեստավորում էր իսպանական հսկան: Եվ այսօր բրենդը ցուցադրել է այն ամենը, ինչը couture եւ pret-a-porte ցուցադրություններից հետո թրենդի կարգավիճակ է ստացել:
Մանրածալքերի, ծաղկանախշերի, բուֆերի, կրեմագույն մոնոքրոմի, հեծանվորդի տաբատի, թայ-դայ նախշի, մետալիկի եւ ֆակտուրաների համադրությամբ Mango-ի այս հավաքածուն մեզ դրդում է ստեղծագործել, ինքնաարտահայտվել, արարել: Այդ թվում՝ հագուստի միջոցով: Գովազդային արշավին մասնակցել են ակտիվիստ Ադվոա Աբոան, նկարչուհիներ Jolie Alien-ը եւ Ժենյա Մակարովան, մարզիկ Լունա Բիյլը եւ ձեռնարկատեր Պատրիկ Շվարցնեգերը: Պատմում ենք այն մասին, թե ինչին է պետք սեւեռուն ուշադրություն դարձնել, ինչը կարող է արտաժամանակային կարգավիճակ ստանալ եւ երկար ժամանակ հաստատվել ձեր պահարանում:
Երկարափեշ զգեստ
Ամառային տաք եւ գարնանային ցուրտ երեկոներին զբոսնելու ունիվերսալ եւ արտակարգ լուծում է՝ կարդիգանի կամ հայրիկի բաճկոնի փոխարեն: Միշտ զիլ է նայվում կոնտրաստների զուգակցությամբ՝ թեթեւ գործվածք՝ գումարած զանգվածեղ կոշիկ կամ կեդեր՝ որպես գարնանային տարբերակ: Իսկ ամռանը հագեք հյուսածո սանդալներով՝ չմոռանալով ապարանջանը կապել կոճին. ոչ ոք չի արգելի երազել ծովի մասին եւ ուրբանիստական լանդշաֆտներում հանգստի: Mango-ում կա ինչպես ուլտրանորաձեւ թայ-դայ պրինտի տարբերակ, այնպես էլ ռոմատիզմի արտաժամանակային ծաղկային դասական:
Վինտաժային լաթե կեդեր
Այնքան էլ հարմար չեն (մենք չէ՞ որ տիեզերք չենք թռչում, այլ գնում ենք մաս-մարքեթ), բայց անչափ արտակարգ զույգ է՝ ասես կա՛մ մեր, կա՛մ մեր ծնողների խորհրդային անցյալից լինի:
Միատեսակ արտակարգ են նայվում հեծանվորդի տաբատով (որոնք հենց այստեղ վաճառադարակներին կան), զգեստով, կոստյումով, վելվետե կլյոշ տաբատով կամ ամենահասարակ ուղիղ ջինսերով:
Փայտե կլաթչ
Եթե թեթեւակի հոգնել եք գոտի-պայուսակների բազմաթիվ տարբերակներից, մաքրամեի տեխնիկայով պատրաստված պայուսակներից, իսկ թոութներն, ամեն դեպքում, չափից ավելի փծուն են, ապա շղթայով հարթ փայտի այս փոքրիկ կտորը նատուրալիստի համար ուրախություն կդառնա: Եվ մի դժգոհեք, որ դրա մեջ ձեր հեռախոսը հազիվ կտեղավորվի, հիշեք Jacquemus պայուսակի եւ այն մասին, որ այս բոլոր տոները եւ փոքիկ մանիֆեստները օտար են գաջեթներին ու պարտականություններին:
Իսկ մենք, մեր հերթին, կհիշեցնենք, որ այսպիսի պայուսակները ստեղծված են ոչ միայն երեկույթների համար. դրանք հրաշալիորեն կընկերակցեն սպիտակ մարզաշապիկին, ջինսին կամ մոնոքրոմ, բնական ներկապնակի մեջ պտտվող կերպարին:
Բաց երանգների ուղիղ տաբատներ
Բաց գույների ազատ ուղիղ տաբատները կատարյալ են շերտավոր եւ բարդ համադրության կերպարների ստեղծման համար: Վերեւից հագեք աստիճանական երանգի զգեստ կամ գուցե մարզաշապիկի վրա սվինշոթ եւ թրենչ: Պրակտիկ, հարմար, հավերժորեն նորաձեւ իր է:
Հեծանվորդի տաբատներ
Անչափ դժվար է դիմադրել. հեծանվորդի տաբատները երկար ժամանակով են վերադարձել: Դժվար է ասել՝ այս մասին Քիմ Քարդաշյանն արդյոք գիտե՞ր, որի ներկայանալով՝ այս տարրն անսպասելիորեն զուգավորվեց օվերսայզ պիջակի հետ: Այսպես թե այնպես, պիստակագույն-կանաչ տարբերակը նվաճել է մեր սիրտը եւ հայտնվել այս ցուցակում:
«Համեղ» ականջօղեր
Այս տարի մաս-մարքեթով զբաղվողները որսացին խխունջների հանդեպ բլոգերների սիրո ալիքը եւ այն տեղադրեցին ամենուրեք՝ կոշիկի, բիժուտերիայի եւ նույնիսկ հագուստի վրա: Երեւանում ծովային փայլը դեռեւս սակավ է, բայց մենք, այնուամենայնիվ, կքվեարկենք փոքրիկ, համեղ բազմերանգ բյուրեղների օգտին, որոնք անսպասելի կստիպեն ժպտալ նույնիսկ ամենախստաոճ, բեյջով կոստյումի հետ կրելիս: Իսկ եթե դրանք կրեք թափվող զգեստի, կեդերի եւ կարդիգանի հետ, ապա անչափ հեշտ կարելի է հայտնվել 70-ական թվականների ամենաաղմկոտ երեկույթներում:
Անի Մովսիսյան
Հետևեք NEWS.am STYLE-ին Facebook-ում, Twitter-ում և Instagram-ում
14:10, 28 մարտի
Կառլ Լագերֆելդի ֆուտուրիստիկ բնակարանը Փարիզում վաճառվել է 10,8 մլն դոլարով13:30, 28 մարտի
Օդել Բեքհեմ կրտսերը բաժանվել է Քիմ Քարդաշյանից՝ նրա հետ ընտանիք կազմելու ցանկության պատճառով12:55, 28 մարտի
Ջուլիա Ռոբերթսը կնկարահանվի ռեժիսոր Լուկա Գուադանինոյի թրիլերում12:13, 28 մարտի
Մայքլ Ջեքսոնի երեք երեխաները հայտնվել են կարմիր գորգի վրա՝ ի պատիվ իրենց հանգուցյալ հոր11:17, 28 մարտի
Քիմ Քարդաշյանին դատի են տվել կահույքի համար10:29, 28 մարտի
Բրիթնի Սփիրսը նիհարում և շարունակում է հրապարակել իր մերկ լուսանկարները10:03, 28 մարտի
«Ինկած բերդի իշխանուհին»՝ Լավագույն ներկայացում, Տիգրան Գաբոյանն ու Արաքսյա Մելիքյանը՝ լավագույն դերասաններ. կայացավ «Արտավազդ» մրցանակաբաշխությունը09:00, 28 մարտի
ՄԱՐՏԻ 28-Ի ՁԵՐ ՌՈՄԱՆՏԻԿ ՀՈՐՈՍԿՈՊԸ23:15, 27 մարտի
Իտալացի մոդելն այնքան գեղեցիկ է, որ շատերը վստահ են, որ նա չափազանց լավն է իրական լինելու համար22:17, 27 մարտի
Շոտլանդական արտադրող արհեստական ինտելեկտի միջոցով ստեղծել է հազվագյուտ վիսկի՝ 50 հազար դոլար արժողությամբ21:02, 27 մարտի
Մոնակոյում կանցկացվի Superyacht Chef-ի 5-րդ մրցույթը21:00, 27 մարտի
Միխայիլ Շուֆուտինսկի. Ինձ համար Հայաստանը միշտ ասոցացվում է ուրախության հետ