Տիհանա vibes. Թվում է՝ պարզ հարցեր են, պարզվում է՝ ոչ այնքան

Միխայիլ Շուֆուտինսկին ժամանեց Հայաստան

Տիհանա Vibes. Ընկերները, սեքսը, շաուրման. իսկ ձեզ ի՞նչն է երջանկացնում

Ի՞նչ ակնկալիքներ ունեն երեւանցիները «Եվրատեսիլում» Լադանիվայի մասնակցությունից

«Օսկար 2024». Լավագույնները, «ամենամերկը», հմայիչ Քենն ու մյուս հիշարժան պահերը

Տիհանա Vibes. Իսկ դուք պատրա՞ստ եք ձեր կնոջ համար այսպիսի «քննություն» հանձնել

«Մենչի վերջը» ստենդափի պրեմիերան, հայտնի հյուրերն ու գլխավոր «մեսիջը»

Տիհանա Vibes. մի քանի շոթ ու դեսից–դենից զրույց Վաչե Երիցյանի հետ

POP NEWS. Շաբաթվա իրադարձությունները` մեկ տողով

«Բարի օր»՝ տաքսիստ Հենդոյի հետ. Մհեր Մխիթարյանի հայտնի կերպարի մասին ֆիլմի պրեմիերան ու կարմիր գորգը

Տիհանա Vibes. Ո՞վ է Նեմրայում ամենաcute-ն ու ամենաsexy-ն

Տիհանա Vibes Արսեն Գրիգորյանի հետ. Ընկերուհի չունեմ, ժամանակ չունեմ

Տիհանա Vibes. Իսկ դուք կկարողանայի՞ք պատասխանել այս հարցերին

Pop NEWS. Շաբաթվա ամենաքննարկված իրադարձությունները

Սիրո տոնը՝ Սիրուշոյի հետ. բացառիկ կադրեր՝ երգչուհու համերգից, որի տոմսերն անմիջապես սպառվել էին

Տիհանա Vibes. փեսացուն հյուսիսից եւ Տրնդեզի խարույկի բոցերը

Kinodaran-ի՝ մեծ աղմուկ հանած «Սուրբը» սերիալը նոր իրականություն է սահմանում Հայաստանում

«2024-ին, վերջապես, կամուսնանանք». Գևորգ Մկրտչյան

«Ճիշտ բովելը» բուրավետ սուրճի գրավականն է». Nero Bean Coffee Roastery-ում ամեն ինչ գիտեն խորհրդավոր ըմպելիքի մասին

20:47, 11 ապրիլի

Չգիտեմ դուք ինչպես, բայց ես տանել չեմ կարողանում «խանութի» փաթեթավորմամբ սուրճը։ Ավելին, սեփական փորձով համոզվել եմ, որ լավ սուրճ Երեւանում մատուցում են միայն մի քանի տեղերում։ Իսկ վաճառում են շատ ավելի քիչ վայրերում։ Դրա համար էլ չկարողացա անտարբեր անցնել նոր սրճավայրի՝ Nero Bean Coffee Roastery-ի կողքով։ Սա խանութ է, որտեղ բովում են (roastery shop). մեր քաղաքում միանգամայն նոր ձեւաչափ է, եւ որ գլխավորն է՝ թեմային գրագետ մոտեցմամբ։ Իսկ որ սուրճը հայերի համար թեմա է՝ սրանում կասկածել չարժե։

Դե, ահա, գիտեի՞ք, օրինակ, որ սուրճը կարելի է խմել միայն բովելուց հետո երկրորդ-երրորդ օրը։ Այն պատճառով, որ դրանից անմիջապես հետո այն պետք է անցնի գազազերծման պրոցես. այն սառչում է, արտադրում CO2, որը չպետք է շփվի օդի հետ... «Եթե նկատել եք, իտալական բրենդային սուրճերի փաթեթները ալյումինապատ են, նրանք չեն թողնում, որ լույսը ներթափանցի, եւ դրանց վրա կա հատուկ փական,- պատմում է հաստատության հիմնադիր եւ սեփականատեր Գարուշ Խաժակյանը։- Ի հաշիվ փականի՝ փաթեթից գազը դուրս է գալիս, բայց օդը ներս չի թափանցում»։

Գարուշ Խաժակյանը պարզապես սուրճ սիրող չէ, նա դիպլոմավորված մասնագետ է եւ, թվում է, ամեն ինչ գիտի այս ըմպելիքի մասին։ Դե, գրեթե ամեն ինչ։ «Մոսկվայում հաճախել եմ դասընթացների, եւ հեղինակավոր փորձագետներից մեկը՝ ԱՊՀ երկրներ կանաչ սուրճի հատիկների խոշոր ներկրողը, ասաց. իբր, 20 տարի սուրճ ենք բերում ու հասկացանք, որ դրանից բան չենք հասկանում։ Միանգամայն խորհրդավոր ըմպելիք է»,- ասում է NEWS.am STYLE-ի զրուցակիցը։ Նրա խոսքով՝ Ուկրաինայում եւ Ռուսաստանում «տեղում բոված սուրճը միշտ ամենալավն է» տրենդն աշխատում է։ Մենք սրճխումի այս կարեւորագույն ասպեկտի մեջ առայժմ այնքան էլ չենք խորացել, բայց իզուր։ «Եթե Իտալիայում սուրճը բովել են, ասենք, սեպտեմբերին, իսկ հետո դեռ սահման են անցկացրել՝ գումարած «սառել» է Լարսում, պահվել Աստված գիտի որտեղ, ապա համն, իհարկե, վատը կլինի,- ասում է Գարուշ Խաժակյանը։- Տասը, տասնհինգ օրը պահման վերջնակետն է, հետո նրա հակաօքսիդանտները, վիտամինները աստիճանաբար ցնդում են, այն կորցնում է ամրությունը, համային որակները։ Կարելի է գնալ փոխզիջման այս պրոցեսի հետ եւ նկատի ունենալ, ասենք, ընդհանուր առմամբ՝ մեկ ամիս։ Եվրոպական «գոստերը» երեք ամիս են տալիս։ Վերջ։ Սա, ինչպես ասում են, ռուբիկոնն է. սուրճը, որը պահվում է այդ ժամկետից ավելի, կարելի է մեռած համարել։ Այլ խոսքով՝ այն, ինչ վաճառվում է մեր սուպերմարքեթներում, «մեռած ապրանք» է։ Ինչ իտալական սուրճ էլ որ լինի՝ այն չի կարող հայտնվել երեւանյան սրճարանում բովելուց 10-15 օր հետո, եւ  local roast-ն այս իմաստով իսկական փրկություն է»...

Հասկանալի է, որ ամեն օբյեկտ՝ ռեստորան, հյուրանոց կամ սրճարան չի կարող իրեն թույլ տալ բովող սարք ունենալ, բայց դրա փոխարեն կարելի է դիմել Nero Bean Coffee Roastery-ին։ «Nero bean-ն անգլերենից թարգմանաբար նշանակում է «սեւ հատիկ»,- ասում է Գարուշը։- Բայց սեւ է դառնում ոչ անմիջապես։ Մենք ներմուծում ենք կանաչ սուրճ տարբեր երկրներից՝ Կոլումբիայից, մինչեւ Պապուա Նոր Գվինեա, Հնդկաստան ու Վիետնամ, բովում ու վաճառում ենք՝ հետեւելով մշակման ու պահպանման բոլոր նորմատիվները։ Թերեւս, մեր roaster-խանութի գլխավոր հայեցակարգն է՝ բիզնեսն օգնում է բիզնեսին։ Այսինքն՝ մենք սուրճը հասցնում ենք սրճարաններ ու ռեստորաններ, ակումբներ ու գրասենյակներ, կիսվում ենք նրա պատրաստման մասին հնարավոր բոլոր բաղադրատոմսերով։ Երկրորդ բիզնես-հայեցակարգը՝ բիզնեսն է հաճախորդների համար։ Այցելուները կարող են գնել մեզ մոտ թարմ բոված սուրճ՝ նվազագույն բաժինը 100 գրամ։ Տարբեր աղացվածքի՝ ամենամանրից՝ ջազվեի համար, մինչեւ խոշոր, որը նախատեսված է սարքերի համար։ Կարելի է պատվիրել առաքում, ճիշտ փաթեթավորված ապրանքը կհասցնեն քաղաքի ցանկացած կետ։ Ի դեպ, աղացած սուրճը նույնպես երկար կյանք չունի. երկու-երեք օր հետո դրանում ոչ մի բույր չկա, այնպես որ ավելի լավ է քիչ-քիչ գնել...»։

Մի առիթով մտաբերեցի, որ 90-ականներին մայրս տատիկիս հետ ինքն էր բովում սուրճը, իրենք էին աղում ու եփում, եւ այն շատ ավելի համեղ էր, քան այն ամենը, ինչ հիմա վաճառվում է գեղեցիկ պիտակներով։

«Ճիշտ բովելը լավ համի գրավականն է,- ասում է Գարուշ Խաժակյանը՝ ցույց տալով սարքը, որը նախատեսված է 5 կիլոգրամ սուրճի հատիկի համար։- 10 վայրկյան ուշացնելը նշանակում է փչացնել ապրանքը։ 10 վայրկյան պակաս պահելը նույնպես նշանակում է չստանալ այն, ինչ ուզում ես... Ներկրված, անգամ ամենալավ սուրճը մեր երկրում, որպես կանոն, բովվում է հսկայական սարքերում՝ 240 կլիոգրամ տարողությամբ, ահավոր ոչ հիգիենիկ պայմաններում։ Այն բովվում է սեւանալու չափ. չէ՞ որ որքան ավելի ուժեղ են բովում, այնքան ավելի լավ են թաքնվում կողմնակի հոտերն ու համերը։ Բույրի փոխարեն ըմպելիքը ձեռք է բերում վառված անվի ռետինի հոտ»...

Ինձ առաջարկեցին փորձել սուրճ՝ հատուկ ճապոնական մեթոդով՝ V-60...

Այդպիսի հետաքրքիր բույր, անկեղծ ասած, չէի սպասում. այստեղ ե՛ւ մրգի համ կար, ե՛ւ փայտի ու շոկոլադի հետհամային երանգներ։ Հետո էսպրեսո «Ուգանդա-արաբիկա», «Կոլումբիա-սուպրիմ», «Պապու Նոր Գվինեա», «Մալաբար Հնդկաստան»... Եվ նորից համերի ու բույրերի խենթություն, որոնց սովորական, ռեստորանա-սրճարանային առօրյայում չես հանդիպի։ Մի խոսքով՝ աշխատանքային ռեժիմին տրամադրվեցի, առավոտվանից տանջող անքնությունը ցնդեց, եւ որ գլխավորն է՝ ուզեցի էլի մի գավաթ սուրճ եփել՝ ճիշտ բոված, բնականաբար...

Աննա Սաթյան


Հետևեք NEWS.am STYLE-ին Facebook-ում, Twitter-ում և Instagram-ում





  • Այս թեմայով



@NEWSam_STYLE

  • Արխիվ
Որոնել