Տիհանա vibes. Թվում է՝ պարզ հարցեր են, պարզվում է՝ ոչ այնքան

Միխայիլ Շուֆուտինսկին ժամանեց Հայաստան

Տիհանա Vibes. Ընկերները, սեքսը, շաուրման. իսկ ձեզ ի՞նչն է երջանկացնում

Ի՞նչ ակնկալիքներ ունեն երեւանցիները «Եվրատեսիլում» Լադանիվայի մասնակցությունից

«Օսկար 2024». Լավագույնները, «ամենամերկը», հմայիչ Քենն ու մյուս հիշարժան պահերը

Տիհանա Vibes. Իսկ դուք պատրա՞ստ եք ձեր կնոջ համար այսպիսի «քննություն» հանձնել

«Մենչի վերջը» ստենդափի պրեմիերան, հայտնի հյուրերն ու գլխավոր «մեսիջը»

Տիհանա Vibes. մի քանի շոթ ու դեսից–դենից զրույց Վաչե Երիցյանի հետ

POP NEWS. Շաբաթվա իրադարձությունները` մեկ տողով

«Բարի օր»՝ տաքսիստ Հենդոյի հետ. Մհեր Մխիթարյանի հայտնի կերպարի մասին ֆիլմի պրեմիերան ու կարմիր գորգը

Տիհանա Vibes. Ո՞վ է Նեմրայում ամենաcute-ն ու ամենաsexy-ն

Տիհանա Vibes Արսեն Գրիգորյանի հետ. Ընկերուհի չունեմ, ժամանակ չունեմ

Տիհանա Vibes. Իսկ դուք կկարողանայի՞ք պատասխանել այս հարցերին

Pop NEWS. Շաբաթվա ամենաքննարկված իրադարձությունները

Սիրո տոնը՝ Սիրուշոյի հետ. բացառիկ կադրեր՝ երգչուհու համերգից, որի տոմսերն անմիջապես սպառվել էին

Տիհանա Vibes. փեսացուն հյուսիսից եւ Տրնդեզի խարույկի բոցերը

Kinodaran-ի՝ մեծ աղմուկ հանած «Սուրբը» սերիալը նոր իրականություն է սահմանում Հայաստանում

«2024-ին, վերջապես, կամուսնանանք». Գևորգ Մկրտչյան

ՌՈւՍԱԼ-ն առաջին անգամ թատերական փառատոն է իրականացնում Երեւանում

17:05, 4 հունիսի

ՌՈւՍԱԼ ընկերությունը, որն աշխարհում խոշորագույն ալյումին արտադրողներից մեկն է, Երեւանում առաջին անգամ իրականացնում է «ՌՈՒՍԱԼ ֆեստիվԱԼ Թատրոն» նախագիծը, որի շրջանակում Հայաստան է ժամանել ռուսական «Իյուլանսամբլ» ինքնուրույն թատերախումբը:

Այսօր՝ հունիսի 4-ին կայացած մամուլի ասուլիսի ընթացքում ԱՐՄԵՆԱԼ արտադրամասի ղեկավար Սվետլանա Լեւենը եւ «Իյուլանսամբլ»-ի գեղարվեստական ղեկավար Վիկտոր Ռիժակովը խոսեցին Երեւանում սպասվող ներկայցումների մասին:

«ՌՈւՍԱԼ ընկերությունը, որի կազմի մեջ մտնում է նաեւ մեր՝ ԱՐՄԵՆԱԼ արտադրամասը, առաջին անգամ է կազմակերպում թատերական փառատոն Հայաստանում: Ռուսաստանի 11 երկրներում արդեն ներկայացումներ բեմադրվել են, եւ այսօր մենք «Իյուլանսամբլ» թատերախմբին հյուրընալել ենք Հայաստանում: Դերասանները կցուցադրեն երկու ներկայացում:

ՌՈւՍԱԼ-ի նպատակն է մշակութային կյանքի զարգացումը տարբեր շրջաններում եւ մարդկանց հետաքրքրության մեծացումը մշակութային միջոցառումների հանդեպ: Ներկայացումների տոմսերն անվճար են տրվում, դրանք բաժանվել են մշակութային եւ կրթական հաստատություններին:

Այս փառատոնը մի քանի ուղղություն ունի: Դրա շրջանակում եղել է նաեւ գիտական միջոցառում: Այս տարի նախատեսում ենք երկրորդ անգամ նման փառատոն կազմակերպել: Ինչ վերաբերում է թատերական փառատոնին՝ հույս ունենք, որ այսօրվա ներկայացումը ջերմորեն կընդունվի եւ կդառնա հաճելի ավանդույթ երեւանյան կյանքում»,-նշեց Սվետլանա Լեւենը:

«Իյուլանսամբլ»-ի գեղարվեստական ղեկավար Վիկտոր Ռիժակովն իր ոգեւությունը հայտնեց Հայաստանում գտնվելու կապակցությամբ՝ գոհունակություն հայտնելով ՌՈւՍԱԼ-ին՝ նման հնարավորության համար: Ռիժակովը փաստեց՝ օդանավակայանից դուրս գալուց անմիջապես հետո թատերախմբի ամբողջ անձնակազմը հիացած էր Երեւանով: Դերասանները մինչեւ ուշ գիշեր զբոսնել են Երեւանում ու զարմանքով հետեւել, թե որքան խաղաղ են թե մեծերը, թե փոքրերը մինչեւ ուշ գիշեր քայլում քաղաքում:

«Նման բան ամեն տեղ չէ, որ կարող ենք տեսնել»,-հիացմունքով նշեց նա՝ հավելելով.

«Սա ինձ համար յուրահատուկ իրադարձություն է: Սիրում եմ այս երկիրը, որի հետ ինձ շատ բան է կապում; Լավ ծանոթ եմ այստեղի շատ թատերագետների հետ: Ուրախ եմ, որ ՌՈւՍԱԼ-ն ընդլայնել է իր շրջանակներն ու հասել Հայաստան: Թատրոնը 21-րդ դարի այս թվայնացված աշխարհում մի այնպիսի վայր է, որտեղ մարդիկ կարողանում են կենդանի հաղորդակցվել, ու ավելի հատկանշական է այն, երբ թատրոնը դուրս է գալիս մի երկրի սահմանից: Այս նախագծի նպատակն էլ հենց այն է, որ տարբեր երկրների թատերական գործիչների ծանոթությունն ընդլայնվի»:

«ՌՈւՍԱԼ ֆեստիվԱԼ Թատրոն»-ը երրորդ տարին է, ինչ իրականացվում է: Այս փառատոնի շրջանակում հանդիսատեսը հնարավորություն ունի դիտելու ՄԽԱՏ-ի դպրոց-ստուդիայի շրջանավարտների ստեղծագործական կոլեկտիվները ղեկավարող հայտնի ռեժիսորների ներկայացումները: Երեւանում հունիսի 4-ին եւ 5-ին կցուցադրվեն «Անարդիական համերգ» եւ «Արդիական համերգ» բեմադրությունները:

Սյունե Առաքելյան


Հետևեք NEWS.am STYLE-ին Facebook-ում, Twitter-ում և Instagram-ում





  • Այս թեմայով



@NEWSam_STYLE

  • Արխիվ
Որոնել