2 տարի առաջ նա ապրում էր սովորական աջկա կյանքով, սակայն նրա կյանքը կտրուկ փոխեց 2017 թ-ին «Միսս Արմենիա» մրցույթում նվաճած տիտղոսը: 17-ամյա աղջիկը դարձավ Հայաստանի առաջին գեղեցկուհի, սակայն տիտղոսի հետ մեկտեղ իր հասցեին լսեց այնպիսի քննադատություններ, որոնք մինչ այդ իրեն խորթ էին: Խոսակցությունների այդ փուլում նա դարձավ մի փոքր ամաչկոտ, մի փոքր վախվորած, բայց ժամանակն օգնեց հաղթահարել դժվարություններն ու գնահատել ձեռքբերումները:
NEWS.am STYLE-ի զրուցակիցը նա է՝ «Միսս Արմենիա 2017» Լիլի Սարգսյանը, որն այսօր արդեն այն փոքրիկ աղջնակը չէ, որին կարող են կոտրել քննադատությամբ կամ վատ խոսքով: Լիլին արդեն հասցրել է նաեւ իր փորձով կիսվել «Հայաստանի գեղեցկուհի» ճանաչված Հայկուհի Մաթեւոսյանի հետ, իսկ առաջիկա գեղեցկության մրցույթներին մասնակեռլ ցանկացող աղջիկներին իր խորհուրդը հղեց՝ պատասխանելով մեր մի քանի հարցերին:
Լիլի, երբ երկու տարի առաջ ճանաչվեցիր «Միսս Արմենիա», բավականին ամաչկոտ էիր, ավելի վախվորած էիր հարցազրույցներում եւ էկրանին. այսօր քո հրապարակումներում ես ավելի համարձակ Լիլիի եմ տեսնում... Ինչո՞վ է սա պայմանավորված` տարիքի հետ դասե՞ր ես քաղել, թե՞ պարզապես քննադատություններն են պակասել կյանքումդ:
Քննադատությունը միշտ էլ կա ու կլինի. բոլորի համար չեմ կարող լինել հաճելի: Ինչպես ասում են՝ «բոլորի համար միայն գումարն է, որ կարող է լինել հաճելի»: Տարիների փորձն ինձ ուժեղ դարձրեց, իսկ տիտղոսի շնորհիվ մեծ փորձ ձեռք բերեցի:
Այսօր ո՞րն է հիմնական զբաղմունքդ` մոդելի՞նգը, թե՞ ուսումը:
Աշխատանքը… Սիրում եմ ամեն ոլորտում ինձ տեսնել: Փակագծերն առայժմ չեմ ուզում բացել, բայց հիմա փորձում եմ նոր՝ էլ ավելի հետաքրքիր ոլորտում նաեւ լինել:
Հիշում եմ` մեր նախորդ զրույցի ընթացքում նշել էիր, որ ցանկութույններիդ մեջ մտնում է միջազգային մրցույթների մասնակցելը, այսօր այդ ցանկությունը դեռ արդի՞ է: Քայլեր անո՞ւմ ես այդ ուղղությամբ:
Իհարկե, ցանկությունը կա ու կմնա: Բայց վաղ է խոսել այդ մասին: Դեռ քիչ-քիչ քայլերս եմ կատարում դեպի իմ երազանքը:
Վերջերս Հայաստանում կազմակերպվեց եւս մեկ գեղեցկության մրցույթ` «Հայաստանի գեղեցկուհի», որի հաղթող դարձավ Հայկուհի Մաթեւոսյանը: Նրան էլ բավականին շատ քննադատեցին... Առիթ եղե՞լ է, որ շփվեք ու խորհուրդ տաս իրեն, թե ինչպես հաղթահարի այդ ամենը:
Հայկուհին մասնակցում էր նաեւ 2017 թ-ի մրցույթին, այդտեղից էլ ճանաչում եմ իրեն: Այո, մրցույթից հետո զրուցել ենք: Ընդամենը պետք է կարդալ, փակել դա ու անցնել առաջ: Ինչպե՞ս կարելի է հաշվի առնել այն մարդկանց քննադատությունները, որոնք այդքան ժամանակ ունեն, որպեսզի քիթը մտցնեն ուրիշի կյանք, վարկաբեկեն դիմացինին՝ առանց մտածելու, որ կյանքը նույն կերպ պատասխանում է յուրաքանչյուրին: Նրանք, ուղղակի, պարապ մարդիկ են ու վերջ:
Իսկ երբ քեզ էին նույն կերպ քննադատում, ո՞ւմ խորհուրդներն էիր լսում այդ ընթացքում:
Միայն ու միայն Գոհար Հարությունյանի: Մինչ օրս էլ նա իր խորհուրդներով աջակցում է ինձ:
Շատ աղջիկներ կան, որոնք գեղեցիկ են, բայց քննադատություններից վախենալով` չեն մասնակցում նման մրցույթների. ի՞նչ խորհուրդ կտաս նրանց:
Ապրեք թեթեւ, դա ձեր կյանքն է: Մեկ կյանք ենք ապրում, ապրեք այնպես, որ հետո չզղջաք:
Ինքդ երբեւէ փոշմանե՞լ ես, որ մասնակցել ես մրցույթին:
Իսկ ինչո՞ւ փոշմանեմ: Ասեմ ավելին՝ շնորհակալ եմ Աստծուն, որ այդ հնարավորությունն ընձեռել է ինձ:
Դե, անցնենք մեր շոգին: Ամառ է. դիմադրո՞ւմ ես տապին:
Ահ, սիրում եմ ամառը շատ, բայց կիզիչ արեւին դիմանալը դժվար է…
Իսկ հանգիստդ արդեն պլանավորե՞լ ես:
Ճիշտն ասած՝ դեռ ոչ: Ինձ մոտ ամենահետաքրքիր հանգիստը միշտ հանկարծակի է ծրագրվում: Բայց արդեն հասցրել եմ լինել քաղաքից դուրս մի քանի վայրերում:
Սյունե Առաքելյան
Լուսանկարնորը՝ Լիլի Սարգսյանի Facebook-ի էջից
Հետևեք NEWS.am STYLE-ին Facebook-ում, Twitter-ում և Instagram-ում
16:23, 27 ապրիլի
Օպտիկական պատրանքը կարող է ցույց տալ՝ որքան «փակ մարդ եք» դուք15:38, 27 ապրիլի
Ռասել Քրոուն կնկարահանվի «Էկզորցիզմ» սարսափ ֆիլմի գլխավոր դերում14:12, 27 ապրիլի
Քանյե Ուեսթի՝ պոռնո հարթակ բացելու հայտարարությունից հետո Բիանկա Սենսորիի երկրպագուները խնդրում են նրան բաժանվել ռեփերից12:10, 27 ապրիլի
Քիմ Քարդաշյանը տխրել է Թեյլոր Սվիֆթի նոր դիս-թրեքի պատճառով, բայց չի ցանկանում «կրակի վրա յուղ լցնել»11:31, 27 ապրիլի
Վահագ Ռաշը հետեւորդներին է ներկայացրել «Լուսամփոփի պես աղջիկ» երգի նոր տարբերակը10:37, 27 ապրիլի
Սելենա Գոմեսին տխրեցնում են իր սերնդակիցների գեղեցկության չափանիշները09:00, 27 ապրիլի
ԱՊՐԻԼԻ 27-Ի ՁԵՐ ՌՈՄԱՆՏԻԿ ՀՈՐՈՍԿՈՊԸ23:22, 26 ապրիլի
Ամենաթանկարժեք զգեստները, որոնք աճուրդի են հանվել ռեկորդային գումարներով22:34, 26 ապրիլի
Դավաճանություն՝ քնած ժամանակ. ի՞նչ են նշանակում անհավատարմության մասին երազները21:16, 26 ապրիլի
Burj Al Arab-ը եւ Atlantis, The Palm-ը համարվել են աշխարհի «ամենաինստագրամյան» հյուրանոցները20:15, 26 ապրիլի
Տիտանիկի ամենահարուստ ուղեւորի մարմնից հայտնաբերված գրպանի ոսկե ժամացույցն աճուրդի է հանվել19:23, 26 ապրիլի
Montegrappa-ի նոր գրիչը նվիրված է Ֆրանկենշտեյնին