«The Last Breath». Սևան Շահմիրյանը հանդիսատեսին է ներկայացնում իր երաժշտական աշխարհը

Լողազգեստով լուսանկարներ. ազատ ինքնարտահայտո՞ւմ, թե՞ չափի զգացում

Կարմիր խնձորը… Արդյո՞ք այն դեռ ակտուալ է

Տղամարդիկ ուժեղ չեն. դերասանուհի Մարի Գրիգորյան

Մեկնարկեց «Ոսկե ծիրան» Երևանի 23-րդ միջազգային կինոփառատոնը

Արսեն Ալբարյան․ բեմի լույսերի տակ՝ զգացմունքների, ընտրությունների ու անկեղծության մասին

Հրաժեշտ Արտիստին. Արտաշես Ալեքսանյանի հոգեհանգիստը՝ Կոնդի Սուրբ Հովհաննես եկեղեցում

Դերասան լինելու որոշումն եմ կայացրել՝ չնայած բոլորի դեմ կարծիքին. Հովհաննես Դիշչյան

Վահե Վայան. Ինչքան մարդիկ շատ են իմանում մարդու մասին, այնքան բարդ է դառնում ապրելը

Նիկոս Վերտիսը «ԱԿՎԱ ԲԻԼԴԻՆԳՍ» ընկերության հրավերով արդեն 3-րդ անգամ ելույթ կունենա Հայաստանում

Մալյան թատրոնի դերասանները՝ Թումանյանի «Հեքիաթներ» ներկայացման զվարճալի դեպքերի մասին

Մի երեկո Նեմրայի հետ․ զրույցներ և պատմություններ, որոնք մնում են երաժշտությունից հետո

Մեկ բաժակ ավել՝ հյուրի համար․ սուրճ, արվեստ և Գյումրվա ժպիտը «Վառեմ-Մարեմ»-ում

«Վառեմ-Մարեմ». Գյումրու ստեղծարար ոգին՝ արվեստի և հիշողությունների հանդիպման վայրում

Ինչպե՞ս եք վերաբերվում լողազգեստով լուսանկարներին

Վերջին զանգ․ արցունք, ծիծաղ ու հրաժեշտ մանկությանը

Ժամանակից շուտ մի՛ մեծացեք․ խորհուրդներ երիտասարդներին

Արժի, արդյոք, որ Հայաստանը շարունակի մասնակցել «Եվրատեսիլին»

Exclusive. «Ուրախ կլինեմ, եթե ինձ հաջողվի ոգեշնչել որեւէ հայի». «Գրեմմիի» դափնեկիր ամերիկահայ երգահան Դանիել Թաշյան

14:35, 31 հունվարի

Ամերիկայահայ հայտնի երգահան եւ պրոդյուսեր Դանիել Թաշյանն աշխարհին հայտնի մեր այն հայրենակիցներից է, որին հաջողվել է ստեղծել հիացմունքի արժանի երաժշտական կարիերա: Նա ընդամենը 19 տարեկան էր, երբ հաջողությամբ պայմանագիր կնքեց Electra Records-ի հետ:

Իր երկարատեւ երաժշտական կարիերարայի ընթացքում Թաշյանը հասցրել է համագործակցել մի շարք հայտնի անունների հետ, որոնցից է քանթրի ժանրի ճանաչված երգչուհի Քեյսի Մասգրեյվսը, որի Golden Hour ձայնասկավառակը 2019 թ-ին արժանացավ «Գրեմմի» մրցանակի: Հայ երգահանը, որը հեղինակել էր ալբոմի 13 երգերից 7-ը, եւս արժանացավ երկու «Գրեմմիի» եւ մեկական ACM եւ CMA մրցանակների:

NEWS.am STYLE-ը բացառիկ զրույց է ունեցել Դանիել Թաշյանի հետ՝ անդրադառնալով նրա երաժշտական ուղուն եւ հաջողություններին:

Պարոն Թաշյան, եթե չեմ սխալվում, երաժշտական ընտանիքում եք ծնվել: Կպատմե՞ք Ձեր ծնողների մասին:

Այո, ծնողներս երկուսն էլ երաժիշտներ են: Մայրս կիթառ է նվագում, հայրս՝ դաշնամուր եւ կիթառ: Նրանք նաեւ երգում են: Իմ մանկության ամենատարածված հնչյունները հենց նրանց երաժշտության ձայներն էին:

Որտեղի՞ց եք արմատներով:

Հայրս հայ է, մայրս՝ գերմանուհի, իսկ ես ծնվել եմ ԱՄՆ-ի Կոնեկտիկուտ նահանգում, մենք Թենեսի ենք տեղափոխվել, երբ ես 10 տարեկան էի: Այդ օրվանից ի վեր այնտեղ եմ բնակվում: Իմ նախնիները Էլիս կղզուց էին: Հայրական կողմիս պապը հայ էր, մինչ այդ Սիրիայում էին ապրում:

Ինչպես հայտնի է, երաժշտությամբ տարված էիք դեռեւս մանկությունից: Ի՞նչն էր Ձեզ այդքան գրավում:

Ինձ համար ռադիոյից հնչող ձայնը շատ հուզիչ էր, այն ինձ վաղ հասակից կապում էր հրաշքի հետ: Դայանա Ռոս, Օլիվիա Նյուտոն-Ջոն՝ հատկապես նրանց երգերն էի լսում: Ուզում էի այդ հրաշքի զգացողությունն ինքս էլ ստեղծել:

Իսկ Electra Records-ի հետ ինչպե՞ս սկսեցիք համագործակցել:

Երբ դեռ դեռահաս էի, Electra-ի աշխատակիցներից մեկն ինձ տեսավ նվագելիս եւ երգելիս: Այդ ստեղծագործությունը գրել էի Նեշվիլի սրճարաններից մեկում: Նա ինձ առաջարկեց ձայնագրման պայմանագիր կնքել ու այդպես ամեն ինչ սկսվեց:

Դուք ստեղծագործում եք ինչպես չափահասների, այնպես էլ երեխաների համար: Ո՞ւմ համար է ավելի հեշտ գրելը:

Այն, ինչ ես անում եմ, բոլորի համար հավասարաչափ եմ անում: Ինձ դուր է գալիս ստեղծագործական ընթացքը, կապ չունի՝ մեծերի համար եմ գրում, թե փոքրերի:

Երեխաների համար գրելն, այնուամենայնիվ, պատասխանատու գործ է. ինչպե՞ս եք փորձում ճիշտ մոտեցում գտնել:

Երբ գրում ես երեխաների համար կամ երեխաների հետ միասին, պետք է աշխատես պարզ բաներ ստեղծագործել, որոնք հեշտ հիշվող կլինեն, որպեսզի նրանք էլ կարողանան արտաբերել եւ երգել դա: Դա է օգնում գրելու ընթացքում: Եթե նրանք չեն կարողանում երգել քեզ հետ կամ միայնակ, ուրեմն պետք է ամեն ինչ նորից սկսես: Նրանք քեզ կհուշեն՝ որքանով է դա հեշտ կամ բարդ:

Շատ հայտնի արտիստների հետ եք համագործակցել, որոնցից, թերեւս, առանձնացնեմ Քեյսի Մասգրեյվսին, որի ձայնասկավառակը Ձեզ եւս բերեց «Գրեմմի» մրցանակ. ինչպե՞ս տեղի ունեցավ Ձեր համագործակցությունը:

Քեյսիին մի քանի տարի առաջ եմ հանդիպել: Իեն Ֆիտչուկն առաջարկեց, որ միասին մի բան գրենք: Մեզ բոլորիս այդ միտքը դուր եկավ, եւ մենք սկսեցինք գրել երգեր, որոնք ընդգրկվեցին նրա ձայնասկավառակում եւ այն շահեց «Գրեմմի» մրցանակ:

Գիտե՞ք, հայերը միշտ ուրախանում են մեծ բեմերից լսելով հայկական ազգանուններ: Ի՞նչ զգացողություններ ունեիք, երբ ստանում էիք «Գրեմմիի» մրցանակը:

Ինձ համար դա, իհարկե, մեծ պատիվ էր: Հիշում եմ, երբ ինձ ասում էին՝ Աղասին կամ Մայքլ Օմարթյանը հայ են, ես միշտ դրան հատուկ ուշադրություն էի դարձնում ու հպարտանում, որովհետեւ ոգեշնչող է, երբ քեզ նման մեկը հասնում է այդպիսի բարձրունքների. դա օգնում է, որ հավատաս, որ դու ինքդ էլ կարող ես մի բան անել: Ես միայն ուրախ կլինեմ, եթե ինձ էլ հաջողվի ոգեշնչել որեւէ հայի:

Հայաստանում եղե՞լ եք:

Չէ, ինքս երբեք չեմ եղել, բայց հորեղբայրս եւ հորաքույրս մի քանի անգամ եղել են: Հուսով եմ՝ մի օր էլ ինձ կհաջողվի այցելել: Իմ ազգանունն իրականում Թաշճյան է եղել, «ճ» տառը փոխվել է, որպեսզի ավելի հեշտ արտասանվի Ամերիկայում, բայց ինձ հենց «ճ»-ով է շատ դուր գալիս, այնպես որ՝ միգուցե մի օր վերականգնեմ օրիգինալ ազգանունս:

Վերջին շրջանում, ի դեպ, Հայաստանը հաճախ է հյուրընկալում հայտնի արտիստների: Մի՞գուցե, մի օր էլ Դուք այցելեք Ձեր բենդի՝ The Silver Seas-ի հետ:

Դա հրաշալի կլիներ, շնորհակալ եմ, որ տեղեկացված եք նաեւ մեր խմբի մասին: Շատ կցանկանայի ավելի շատ ժամանակ տրամադրել նրանց հետ աշխատանքին, բայց այս շրջանում շատ արտիստներից եմ համագործակցության առաջարկներ ստանում: Կարծում եմ՝ պետք է բռնել շողերը, քանի դեռ արեւը փայլում է:

Սյունե Առաքելյան

Լուսանկարները՝ Kevin Winter/Getty Images, Nelson Barnard/Getty Images, Michael Loccisano/Getty Images, musiccitymike.net


Հետևեք NEWS.am STYLE-ին Facebook-ում, Twitter-ում և Instagram-ում




Print    |  In English

  • Related News

TV SHOWS PHOTO VIDEO


@NEWSam_STYLE

  • Archive
Search