Անկրկնելի ջազ-կատարող «Միրայֆ» խմբի մենակատար Մարիամ Մերաբովայի անունը գրեթե ծանոթ չէ հայ հանդիսատեսին: Սակայն նա ծնվել է Երեւանում, ամուսնացած է հայտնի դաշնակահար եւ երաժիշտ Արմեն Մերաբովի հետ: Մարիամը բեմում հանդես է եկել այնպիսի կատարողների հետ, որոնց անունները վաղուց արդեն լեգենդ են դարձել:
Երբ Jazz Parking նախագծի անդամները ժամանել էին Երեւան մենահամերգի համար, Մարիամը չկարողացավ գալ նրանց հետ իր հղիության պատճառով: Սակայն շատ շուտով Երեւանում կկայանա «Միրայֆ» խմբի համերգը եւ հենց այդտեղ հայ հանդիսատեսը կկարողանա վայելել նրա հիասքանչ կատարումը: Իսկ մինչ այդ NEWS.am STYLE-ը որոշեց ծանոթանալ Մարիամի հետ:
Մարիամ,դուք համերգի եք պատրաստվում Երեւանում: Կպատմե՞ք այդ մասին:
Դա մեր առաջին ելույթը չի լինելու Երեւանում: Համերգը անցնելու է «Երաժշտության շաբաթ Երեւանում» նախագծի շրջանակներում, որը արդեն շատ վաղուց ուզում էր կազմակերպել շոումեն Էմիլ Կարատը: Մենք նրա հետ վաղուց ավ ընկերներ ենք: Իսկ այդ նախագիծը իրականություն դարձնելու գործումնրան օգնեց նաեւ հայտնի պրոդյուսեր Զառա Մխեյանը:
Իսկ ի՞նչ է փոխվելու ձեր այս համերգի ժամանակ:
Բացի իմ եւ ամուսնուց՝ Արմեն Մերաբովից, բեմ դուրս կգան նաեւ մեր երեւանցի ընկերները՝ Վահագն Հայրապետյանը, Արմեն Հյուսնունցը, Գոռ Սուջյանը, Տիգրան Պետրոսյանը: Ի դեպ, Գոռի եւ Տիգրանի հետ մենք միասին ելույթ են ունեցել Եվրատեսիլ 2010-ի ժամանակ, Եվա Ռիվասը բեք-վոկալիստներն էինք:
Դուք այնքան ելույթներ եք ունեցել հայտնի երաժիշտների եւ վոկալիստների հետ: Ո՞ւմ եք ամենաշատը հիշում:
Չեմ կարող միանշանակ պատասխանել այդ հարցին: Նրանք շատ էին եւ ամեն ելույթի մեջ իր կայֆը կար: Սակայն կային մարդիկ, ում հետ մենք «մեկ շունչ» էինք դարձել՝ Գոռ Սուջյանը, Ալեքսանդր Պանայոտովը, Ալեքսեյ Չումակովը, Անի Լորակը: Եւ ֆանտաստիկ զգացմունքներ ունեի, երբ ելույթ էի ունենում Կեվին Մախոգանիի, Ռիչի Կոուլի եւ Էրիկ Մարիենտալի հետ:
Դուք եք ջազը ընտրել: Երբեք դրա մասին չե՞ք զղջացել:
Երբ ջազը ընտրեցի, մեր տանը իսկական հեղափոխություն եղավ: Ես հինգ տարեկանից երաժշտությամբ էի զբաղվում, ֆորտեպիանո էի նվագում եւ ուզում էի դաշնակահարուհի դառնալ: Հետո տեղափոխվեցինք Մոսկվա, այնտեղ էի հաճախում երաժշտական դպրոց: Իսկ հետո ջազը հեղափոխեց ինձ, ընդունվեցի Գնեսինկա: Եւ տարօրինակը այն էր, որ ոչ թե ֆորտեպիանոյի, այլ ջազի բաժին:
Շնորհակալ եմ դրա համար Իգոր Բրիլին՝ հիասքանչ ջազ-դաշնակահարին եւ երաժշտին: Ի սկզբանե ընկա նրա մոտ, նա ասաց, որ կլասիկա նվագեմ: Դրանից ես վախեցա եւ փախչեցի, քանի որ հենց դրանից էի փախնում: Սակայն հետո նա ինձ 5+ դրեց դիպլոմայինիս պաշտպանությանը: ԲԱցի այդ, հրավիրեց իր հետ ելույթ ունենալու: Դա ճակատագիր էր:
Մարիամ, դուք երրորդ անգամ մայր եք դարձել: Ինչպե՞ս եք համատեղում կարիերան եւ մայրությունը:
Ինձ համար միշտ առաջին տեղում ընտանիքն է: Ես միշտ համարել եմ, որ երեխաները չեն կարող խանգարել կարիերային, որ այդպես միայն էգոիստներն են ասում: Եւ ամբողջ կյանքումս չեմ հանդիպել մի կնոջ, որ իրականում երջանիկ լինի առանց երեխաների: Դա այնպիսի երջանկություն է՝ տալ կյանք նոր սերնդի, սիրել եւ մեծացնել այդ երջանկության կտորների: Ես եւ Արմենը երկու դուստր եւ մեկ ամսեկան որդի ունենք: Ի դեպ, երբ միջնեկ աղջիկս ծնվեց, դրանից երկու օր հետո արդեն Եվրատեսիլ էի գնացել: Կիրկորովը մամլո ասուլիսի ժամանակ բոլորին ստիպեց ծափահարել ինձ:
Հայաստանը ձեր կյանքում ինչ-որ դեր խաղո՞ւմ է:
Մենք չենք մոռանում ավանդույթները: Ես ծնվել եմ Երեւանում, ապրել այստեղ մինչ ութ տարեկան: Ամուսինս ծնվել է Մոսկվայում: Մերոնք ու ամուսնուս հայրը Թիֆլիսից են: Իհարկե մեր երեխաները գիտեն մեր նախնիների պամությունը, իսկ մենք մեր հերթին հարգում ենք մեր նախնիներին եւ փոխանցում այդ հարգանքը մեր երեխաներին: Մեր սեղանին միշտ հայկական եւ վրացական ուտեստներ կան: Եւ հետաքրքիր է, որ մեր ընկերները միշտ ասում են, որ մեր տան մթնոլորտից նրանք զգում են, թե պատուհանի այն կողմում ոչ թե Մոսկվան է, այլ Երեւանը:
Իսկ ի՞նչ եք հիշում ձեր երեւանյան մանկությունից:
Չնայած նրան, որ ես մեկնել եմ այստեղից ութ տարեկան հասակում, շարունակել եմ հաճախ Հայաստան ու Վրաստան այցելել: Այնպես որ ոչինչ չեմ էլ մոռացել: Երեւանում մենք ապրում էինք Թումանյան-Նալբանդյան փողոցների հատմանը գտնվող շենքում: Եւ ամեն անգամ, երբ լինում եմ Երեւանում, ես գնում եմ մեր բակ:
Ի՞նչ եք կարծում, ինչո՞ւ եք դուք այդքան հայտնի Ռուսաստանում եւ անհայտ՝ Հայաստանում:
Ես չեմ կարող ասել, որ մեզ Հայաստանում չեն ճանաչում: Դրա մասին են վկայում մեր համերգների ժամանակ լեփ-լեցուն դահլիճները: Այն, որ մեզ Հայաստանում ոչ բոլորը գիտեն, բնական է: Մենք փոփ-ինդուստրիայի ներկայացուցիչներ չենք եւ ոչ էլ ռաբիս ենք երգում: Բացի այդ, մեզ անհասկանալի պատճառներով ոչ մի անգամ չեն հրավիրել Armenia Music Awards:
Ի՞նչ կփոխեիք Ձեր կյանքում:
Ոչինչ: Ես երջանիկ մարդ եմ, երջանիկ կին եւ երջանիկ եմ բեմում: Ուզում եմ նաեւ նշել, որ Երեւանյան մենահամերգից ակնկալում եմ միայն մի բան. Որ դահլիճում ներկա գտնվեն բաց սրտերով մարդիկ: Որովհետեւ մենք միայն այդպես ենք դուրս գալիս բեմ՝ բաց սրտով, որպեսզի կիսվենք մեր սիրով:
Մարինա Ադուլյան
Հետևեք NEWS.am STYLE-ին Facebook-ում, Twitter-ում և Instagram-ում
13:15, 25 ապրիլի
Լիլիթ Հովհաննիսյանը հայտնել է, որ իր վերջին տեսահոլովակի զգեստն ինքն է հեղինակել (ֆոտո)12:41, 25 ապրիլի
Քիմ Քարդաշյանը խոստովանել է, որ իր մասին որոշ լուրեր իրականում համապատասխանում են իրականությանը12:10, 25 ապրիլի
Քանյե Ուեսթը մտածում է մեծահասակների համար Yeezy Porn հարթակ ստեղծելու մասին11:30, 25 ապրիլի
Ջո Մանգանիելոն խոսել է Հայոց ցեղասպանությունից փրկված իր մեծ տատի մասին11:00, 25 ապրիլի
«Սրտի վալետ». նոր հումորային սիթքոմի մանրամասները. BACKSTAGE10:40, 25 ապրիլի
Քրիստի Թարլինգթոնի մերկ լուսանկարներն օգտագործվել են նրա որդուն ծաղրելու եւ հալածելու համար10:11, 25 ապրիլի
Եվա Բաղդասարյանն ու ամուսինը, 2 տարվա համատեղ կյանքից հետո, օրինականացրել են հարաբերությունները09:00, 25 ապրիլի
ԱՊՐԻԼԻ 25-Ի ՁԵՐ ՌՈՄԱՆՏԻԿ ՀՈՐՈՍԿՈՊԸ23:13, 24 ապրիլի
«Ցեղասպանությունը եղել է․ իմ մեծ տատն ու պապը զոհ են գնացել այդ սարսափելի ոճրագործությանը»․ Գեւ Օրկյան22:17, 24 ապրիլի
Վահե Բերբերյանը հրապարակել է Հայոց ցեղասպանության զոհ դարձած իր պապի միակ լուսանկարն ու խոսել իր խոստման մասին21:30, 24 ապրիլի
«Մենք ոգեկոչում ենք 1915 թվականին զոհված հայերի հիշատակը: Նրանց թվում են իմ նախնիները»․ ամերիկահայ դերասանուհի Դիանա Մեդիսոն20:48, 24 ապրիլի
«Ուզում եմ հիշել իմ նախնիներին, ովքեր զոհվել են, եւ նրանց, ովքեր ողջ են մնացել»․ Սերժ Թանկյանի գրառումը՝ Հայոց ցեղասպանության 109-րդ տարելիցի կապակցությամբ