«Կինստագրամ» սիթքոմն իր հետ բերեց ոչ միայն նոր ու զվարճալի պատմություն հայկական եթերին, այլեւ նոր կերպարներ, նոր դեմքեր, որոնք արդեն հասցրել են սիրվել ու ունենալ իրենց լսարանը: Սիթքոմի ամենաքննարկված կերպարը, թերեւս, Մերին էր, որին մարմնավորել է դերասանուհի Դիանա Տոռեսը: Սիթքոմի մեկնարկին Դիանան հայ հեռուստադիտողին թեեւ անծանոթ էր, բայց կարճ ժամանակում կարողացավ գրավել նախագծի երկրպագուների ուշադրությունն ու դառնալ ամենասիրելի կերպարներից մեկը:
NEWS.am STYLE-ը Դիանա Տոռեսի հետ զրուցել է իր եթերային ձեռքբերումների եւ շիկահեր Մերիի՝ այդքան սիրելի դարձած կերպարի մասին:
Դերասանուհին անկեղծորեն խոստովանեց, որ սկզբում չէր սպասում, որ իր կերպարն այդքան բուռն արձագանքներ կստանա, եւ շատ ուրախ է, որ այն սիրվել է.
«Սիթքոմի մեկնարկից ի վեր միայն դրական մեկնաբանություններ եմ ստանում, որոնք շարունակվում են նաեւ այսօր, ինչը շատ հաճելի է: Դրա համար շնորհակալ եմ բոլորին»,-ասում է նա:
Անդրադառնալով իր վառ շիկահեր հերոսուհու հաջողությանը՝ Դիանան հավելում է.
«Ինձ թվում է, որ բացի վառ լինելուց՝ Մերին շատ բարի, դրական ու ծիծաղաշարժ կերպար է, այդ պատճառով էլ սիրվել է։ Նրա հետ կապված վատ մեկնաբանությունները հիմնականում վերաբերում էին միայն նրա շատ շպարված լինելուն, որ շատ արհեստական է, անբնական եւ այլն: Նամակներն, առհասարակ, շատ-շատ են. այդքանը հնարավոր չէ կարդալ (ծիծաղում է)»:
Սիթքոմում Դիանայի հերոսուհին հայտնվում է բոլոր տղամարդկանց ուշադրության կենտրոնում: Նրանից հետաքրքրվեցինք՝ արդյոք որպես դերասանուհի իր երկրպագուների մեջ գերակշռում են արակա՞ն, թե՞ իգական սեռի ներկայացուցիչները:
«Երկրպագուներիս շարքում կան նաեւ շատ աղջիկներ։ Մի շարք ֆան էջեր ունեմ, որոնք շատ ակտիվ են համացանցում եւ գեղեցիկ նկարներ ու հրապարակումներ են պատրաստում, որպեսզի գրավեն իմ ուշադրությունը»,-ասում է դերասանուհին, որն ուշադիր է բոլոր երկրպագուների նկատմամբ:
Դիանան նշում է՝ «Կինստագրամը» բացի լայն լսարանից, իրեն այլ հաջողություններ էլ է տվել.
«Այս նախագիծն ինձ շատ մեծ փորձ տվեց։ Այն ինձ հնարավորություն ընձեռեց աշխատել պրոֆեսիոնալ թիմի հետ, որոնցից շատ բան սովորեցի։ Ծանոթացա հիանալի մարդկանց հետ»։
Այսօր էլ դերասանուհին ունի նկարահանման նոր առաջարկներ, սակայն ասում է՝ դրանք դեռ քննարկման փուլում են:
Ի դեպ, հումորային կերպաով հայտնի դարձած Դիանան հավելում է՝ «Շատ կցանկանայի նաեւ ավելի դրամատիկ կերպարով հանդես գալ»։
Սյունե Առաքելյան
Լուսանկարները՝ Դիանա Տոռեսի ինստագրամյան էջից
Հետևեք NEWS.am STYLE-ին Facebook-ում, Twitter-ում և Instagram-ում
16:04, 19 մայիսի
Բեն Աֆլեքին առաջին անգամ տեսել են առանց ամուսնական մատանու14:05, 19 մայիսի
Աննա Մանուչարյանի սլացիկ կազմվածքը՝ մինի տոպով ու կարճ կիսատաբատով12:08, 19 մայիսի
Սելենա Գոմեսը եւ Զոի Սալդանան Կաննում մասնակցել են «Էմիլիա Պերես» մյուզիքլի դիտմանը10:25, 19 մայիսի
Բենի Բլանկոն պատմել է Սելենա Գոմեսից երեխաներ ունենալու ծրագրերի մասին09:00, 19 մայիսի
ՄԱՅԻՍԻ 19-Ի ՁԵՐ ՌՈՄԱՆՏԻԿ ՀՈՐՈՍԿՈՊԸ20:23, 18 մայիսի
Իվետա Մուկուչյանը գայթակղիչ կերպարով հանդես է եկել հայտարարությամբ (VIDEO)16:23, 18 մայիսի
«Խաչմերուկներ» միջազգային փառատոնը հատեց եզրագիծը15:56, 18 մայիսի
«Ոստիկանները որոշեցին, որ մենք մերկ ենք եւ հեռացրին այնտեղից». Սարիկ Անդրեասյանն ու նրա կինը Իտալիայում հայտնվել են անհարմար իրավիճակում14:11, 18 մայիսի
«Փարաջանովը եւ նորաձեւությունը». Երեւանում բացվել է անվանի կինոռեժիսորի ստեղծագործություններից ոգեշնչված ցուցահանդես12:33, 18 մայիսի
Կապուչինոյի փորձարկում՝ Երեւանում. փնտրում ենք համեղ սուրճ10:23, 18 մայիսի
Բեն Աֆլեքն ու Ջենիֆեր Լոպեսը վերամիավորվել են ամուսնալուծության մասին լուրերի ֆոնին09:00, 18 մայիսի
ՄԱՅԻՍԻ 18-Ի ՁԵՐ ՌՈՄԱՆՏԻԿ ՀՈՐՈՍԿՈՊԸ