• Հայկական ոճ. ճանապարհորդական գլամուր և քաղաքային շքեղություն

  Ի՞նչն է այսօր դարձնում կերպարը հմայիչ։ Այն պարտադիր չէ, որ պահանջի կրունկներ, հատակին հասնող զգեստ կամ ակնհայտորեն ջանք թափելու նշաններ…

• Շքեղություն H&M-ի գնով. Elie Saab-ը վերափոխում է կուտյուրը մատչելի շքեղության

  Լիբանանյան Elie Saab նորաձևության տունը ևս մեկ քայլ է կատարում բարձր նորաձևության աշխարհից այն կողմ…

• 100 միլիարդ դոլարն անհետացավ. Shein-ի և fast fashion-ի խելագար դարաշրջանն ավարտվո՞ւմ է

  Մինչև վերջերս թվում էր, թե Shein-ը գնում է դեպի համաշխարհային գերիշխանություն․․․

• Pucci-ն վերադառնում է իր արմատներին. Կամիլա Միչելին միջնադարյան ձիարշավը վերածում է նոր շքեղության

  Մի քանի տարի շարունակ Emilio Pucci-ի ստեղծագործական տնօրեն Կամիլա Միչելին ուսումնասիրել է իտալական տան ժառանգության փսիխոդելիկ և հիպի-շիկ կողմերը․․․

• Chanel-ն իր ողջ փառքով. նոր վզնոց 20.66 կարատանոց շրիլանկական շափյուղայով  

  Առյուծ, կամելիա, աստղ և արև՝ Chanel-ի բոլոր խորհրդանշական սիմվոլնիշները հավաքված են մեկ ոսկերչական գլուխգործոցի մեջ, որը լրացվում է հազվագյուտ շափյուղայով...

• Հայկական ոճը դեմքերով․ ինչպես նորովի մատուցել ամառային սովորական հագուստը

  «Հայկական ոճը դեմքերով» խորագրի նոր հատվածում կպարզենք, թե ինչպես են հայ ոճասերները նորովի մատուցում ծանոթ հագուստը, ավելացնում թրենդային դետալներ և պարզ բազայից ստանում ինքնատիպ կերպարներ...

• Բուրգունդի՝ այս աշնան ամենաշքեղ գունային թրենդը

  Եթե այս շրջանում զգեստապահարանում որևէ գույն իսկապես գերիշխում է, ապա դա անկասկած բուրգունդին է։ Խորը, հագեցած և առաջին հայացքից թվացածից շատ ավելի բազմաֆունկցիոնալ այս գինեգույն երանգը դարձավ նորաձևության պատասխանն այն հարցին, թե ինչպես տպավորիչ տեսք ունենալ՝ առանց աչք ծակող գույների դիմելու...

• Ինչո՞ւ են շքեղ ապրանքանիշերը ստիպված իջեցնել գները

  Այս տարվա սկզբին Demna-ի կողմից նախագծված միջին չափի Gucci Mercato կաշվե պայուսակը գարուն/ամառ 2026 հավաքածուի համար պետք է արժենար 2900 դոլար․․․

Ի պատիվ հայ ականավոր կինոռեժիսոր Սերգեյ Փարաջանովի հարյուրամյակի՝ ավելի քան 40 հայ մոդելավորողներ կներկայացնեն եզակի գործեր՝ ոգեշնչված նրա հավերժական արվեստով։

Մայիսի 18-ից 31-ը Սերգեյ Փարաջանովի տուն-թանգարանում տեղի կունենա «Փարաջանովը եւ նորաձեւությունը» խորագրով ցուցահանդեսը, որը կազմակերպել է «Նորաձեւության եւ դիզայնի պալատ» հասարակական կազմակերպությունը։

NEWS.am STYLE-ը ներկա է եղել ցուցահանդեսի բացմանը, որը տեղի է ունեցել մայիսի 17-ին։

Սերգեյ Փարաջանովի աշխատանքները հայտնի են իրենց յուրահատուկ վիզուալ ոճով։ Փարաջանովն իր ստեղծագործական տաղանդը դրսեւորել է ոչ միայն կինոյում. նա հեշտությամբ կոստյումներ էր ստեղծում իր եւ ընկերների համար, ստեղծում էր զարմանալի կոլաժներ, գլխարկներ եւ շատ ավելին։ Նրա ֆիլմերի կոստյումների էսքիզներն ու պատմվածքները պահպանվել են մինչ օրս, որոնք էլ դարձել են ցուցահանդեսում ներկայացված հավաքածուի ոգեշնչումը:

Ցուցահանդեսին ներկայացված ստեղծագործությունների թվում կարելի է տեսնել ինչպես լակոնիկ, այնպես էլ իսկապես շատ հետաքրքիր ու հիշարժան պատկերներ։ Դրանցից մի քանիսը բավականին պարզ են՝ ավելի պարզ ու հասկանալի ընկալում առաջարկելով։ Այլ հանդերձանքները ստիպում են ձեզ երկար նայել՝ աստիճանաբար բացահայտելով խնամքով մշակված դետալներն ու նրբերանգները:

Նորաձեւության դիզայներների մեծ մասը կենտրոնացել էր Փարաջանովի կերպարների ճշգրիտ վերարտադրման վրա՝ կարծես «վերակենդանացնելով» նրա էսքիզները, իսկ մյուսները նախընտրում էին փոխաբերական իմաստներ ցուցադրել մանեկենների վրա։

Այս առումով, թերեւս, ամենահետաքրքիրներից մեկը «Just Black»-ի կերպարն է, որը ոգեշնչված է Սերգեյ Փարաջանովի՝ «Ի հիշատակ Բաքվի 26 կոմիսարների» կոլաժից եւ միավորում է հայկական երկու խորհրդանիշներ՝ պտղաբերության աստվածուհի Անահիտին, եւ Գարեգին Նժդեհին՝ աննկուն ոգով զորավարին։ Ծաղկային տարրերը խորհրդանշում են Անահիտ աստվածուհու կենսատու էությունը, իսկ պարկուճներն ու փամփուշտներն անձնավորում են Գարեգին Նժդեհի մարտական ​​ոգին` ներկայացնելով դիմադրություն, վճռականություն եւ հաստատակամություն՝ դժվարություններին դիմակայելու համար: Կոլաժի շատ հետաքրքիր ու ոճային վիզուալիզացիան մարմնավորում է Փարաջանովի՝ անհամատեղելի թվացող իրերի վառ եւ ներդաշնակ միաձուլման ցանկությունը:

Շատ հիշարժան էր «Լռության արձագանքը» ավանգարդ կերպարը, որում կենտրոնական տեղ է զբաղեցնում  ասեղնագործությունը, որով ասվում է՝ «Լռությունը սուտ է»։ Երբ նայում ես նրան, ասես քո առջեւ տեսնում ես ասպետի կամ հրեշտակի, ով ամենատես աչքով թափանցում է քո սրտի խորքերը՝ համարձակ եւ, միեւնույն ժամանակ, ազնվաբար՝ Փարաջանովի ոգով։

Ի՞նչ կասեք այնպիսի հանդերձանքի մասին, որը ոգեշնչված է ոչ թե այն ամենով, ինչ կարելի է տեսնել, այլ այն ամենով, ինչ պետք է լսել: Այո, սա Փարաջանովի շատ գեղեցիկ եւ գեղագիտական ​​ներկայացումն է, որի ամեն մի մանրուք մեզ հղում է անում ոչ միայն անձամբ Փարաջանովի կենսագրությանը, այլեւ ողջ հայ ժողովրդի պատմությանը՝ վեհ ու ողբերգական:

Անշուշտ, կային նաեւ ժանյակներ, մետաղական կախազարդեր, ինչպես աեւ՝ ոսկեզօծ նռնաքար. «հայկական» նորաձեւության համատեքստում այս բաղադրիչները, անշուշտ, այն հիմքերն են, որոնք ինքը՝ նկարիչը, չի անտեսել, բայց Փարաջանովը, մեծ մասամբ, որոնել է բյուջետային այլընտրանքներ եւ փորձել գերազանցել օբյեկտի էությունը: Նման օրինակ է պատառաքաղից եւ մետաղալարից պատրաստված թագը, որը զարդարում էր մանեկենին. սա է Փարաջանովի մոտեցումը:

Այլ կերպ ասած, որոշ մոդելավորողներ նախընտրել են նկարի ավելի անմիջական մարմնավորումը պատկերի մեջ, իսկ մյուսները կենտրոնացել են Փարաջանովի ստեղծագործություններին բնորոշ մտքի փոխանցման վրա՝ փորձելով ոչ միայն վերստեղծել նկարի արտաքին տեսքը, այլեւ բացահայտել դրա խորությունը, իմաստն ու զգացմունքային էությունը՝ վերակենդանացնելով մաեստրոյի սառած ու անմահացած ստեղծագործությունները։

Լիանա Աղաջանյան

Լուսանկարը՝ Նաստյա Շեւչենկոյի

Հետևեք NEWS.am STYLE-ին Facebook-ում, Twitter-ում և Instagram-ում