Մարդիկ կան՝ վատ բաներ են մեր հետևից ասում, մարդիկ կան՝ ուրախանում են. Հելոուինը` Հայաստանում

VIDEO. Սոս Ջանիբեկյանը, Լուիզա Ներսիսյանը, Դիանա Մալենկոն և Լևոն Հախվերդյանը՝ սիրային քառանկյունու կիզակետում

Ինչպես Նարեին դիմավորեցին «Զվարթնոց» օդանավականում՝ «Մանկական Եվրատեսիլում» հաղթանակից հետո. երգչուհու էմոցիաները

Թեմա կա. ո՞ւմ մասին է Աստղիկ Սաֆարյանը մտածում գիշերվա 2-ին և ո՞ւմ է տեսնում որպես «Երկու աստղի» հաջորդ զույգ

Օսկար Ուայլդի «Սալոմեն»՝ Երևանի դրամատիկական թատրոնի նոր հարթակում

Կանանց զուգարանից՝ հասարակության հայելի. «Toilet կանանց համար»

Մանկությանս տիկնիկը կուզեի վերադարձնել

Armenia Marriott-ում կրկին համաշխարհային գաստրոնոմիկ շոու է՝ Le Petit Chef-ը վերադարձել է Երևան

Երբևէ ասե՞լ եք «Ես քեզ սիրում եմ»՝ իրականում այդպես չզգալով

«The Last Breath». Սևան Շահմիրյանը հանդիսատեսին է ներկայացնում իր երաժշտական աշխարհը

Լողազգեստով լուսանկարներ. ազատ ինքնարտահայտո՞ւմ, թե՞ չափի զգացում

Կարմիր խնձորը… Արդյո՞ք այն դեռ ակտուալ է

Տղամարդիկ ուժեղ չեն. դերասանուհի Մարի Գրիգորյան

Մեկնարկեց «Ոսկե ծիրան» Երևանի 23-րդ միջազգային կինոփառատոնը

Արսեն Ալբարյան․ բեմի լույսերի տակ՝ զգացմունքների, ընտրությունների ու անկեղծության մասին

Հրաժեշտ Արտիստին. Արտաշես Ալեքսանյանի հոգեհանգիստը՝ Կոնդի Սուրբ Հովհաննես եկեղեցում

Դերասան լինելու որոշումն եմ կայացրել՝ չնայած բոլորի դեմ կարծիքին. Հովհաննես Դիշչյան

Վահե Վայան. Ինչքան մարդիկ շատ են իմանում մարդու մասին, այնքան բարդ է դառնում ապրելը

Աշխարհի գեղեցկուհիները` հանուն Հայաստանի. Դայանա Դավթյանի նախաձեռնությամբ` «Միսս Տիեզերք 2019»-ի մասնակիցները հանդես են եկել Հայաստանին աջակցող կոչերով (ֆոտո)

16:21, 23 հուլիսի

«Միսս Տիեզերք Արմենիա 2019» Դայանա Դավթյանի նախաձեռնությամբ` «Միսս Տիեզերք 2019» մրցույթի մասնակից մի քանի երկրների գեղեցկուհիներ հանդես են եկել Հայաստանի սահմանին ադրբեջանական հարձակումների դեմ կոչերով: Սալվադորի, Նիգերիայի, Բուլղարիայի, Գուամի, Արգենտինայի, Տանզանիայի, Շվեդիայի եւ Հոնդուրասի ներկայացուցիչներն իրենց սոցիալական կայքերի էջերում տեղադրել են լուսանկարներ` «Աջակցում եմ Հայաստանին»/Support Armenia հեշթեգերով:

NEWS.am STYLE-ի հետ զրույցում Դայանա Դավթյանը պատմեց նախաձեռնության մասին, ինչպես նաեւ՝ կարեւորեց աշխարհի մի շարք երկրների գեղեցկուհիների նման աջակցությունը, հատկապես, որ նրանցից յուրաքանչյուրն ունի մեծ քանակությամբ հետեւորդներ, ինչն ըստ հայ գեղեցկուհու` եւս կնպաստի Հայաստանի հաղորդագրությունն աշխարհին ներկայացնելու հարցում:

«Վերջերս Ադրբեջանի կողմից Հայաստանի նկատմամբ ցուցաբերած ագրեսիայից ազդված՝ ցանկանում էի միջազգային հանրության ուշադրությունը սեւեռել այս երեւույթի կողմ` դրանով իսկ տեղեկացնելով տասնամյակներ ձգվող կոնֆլիկտի մասին: Չէ՞ որ, շատ երկրներ տեղեկություն չունեն Հայաստանի, Արցախի եւ մեր սահմանին տիրող իրավիճակի մասին: Կարծում եմ՝ հանդիսանալով «Միսս Տիեզերք 2019»-ում Հայաստանի ներկայացուցիչը՝ կարող եմ մյուս մասնակից աղջիկների օգնությամբ միջազգային հանրության ուշադրությունը կենտրոնացնել մեր խնդրի վրա»,-ասում է Դայանան ու հավելում,-«Ցանկություն ունենալով քաջալերել մեր ժողովրդին ու մեր զինվորներին այսօրվա բարդ իրավիճակում` երկար մտածում էի, թե ինչով ինքս կարող եմ աջակցել նրանց:

Որոշեցի նախաձեռնել ակցիա` նրանց սատարելու համար: Գիտակցում էի, որ ամենակարեւորը հոգեւոր աջակցությունն է, ինչը թույլ չի տա մեր հայրենակիցներին եւ զինվորներին կորցնել վստահությունը եւ հաղթական ոգին: Կոչ արեցի «Միսս Տիեզերք 2019» մրցույթի մասնակիցներին այս դժվարին պահին իրենց աջակցությունը ցուցաբերել Հայաստանին, հայ ժողովրդին եւ հայ զինվորներին` լուսանկարվելով #SupportArmenia (Աջակցում եմ Հայաստանին) հեշթագով եւ տեղադրելով այդ լուսանկարները սոցիալական կայքերի իրենց էջերում: Բոլոր աղջիկները հանդիսանում են ներկայիս իրենց երկրների գլխավոր գեղեցկության տիտղոսակիրները, եւ իրենց սոց կայքերում ունեն շատ մեծ լսարան` ընդհուպ մինչեւ 1 միլիոն հետեւորդ»,-ասում է Դայանան:

Նա ընդգծեց, որ խնդրանք-նամակով դիմել է, գրեթե, բոլոր մասնակիցներին.

««Միսս Տիեզերք 2019» մրցույթի ընթքացքում, որը կայացավ անցյալ տարվա նոյեմբեր-դեկտեմբեր ամիսներին ԱՄՆ-ում, մենք շատ ընկերացել էինք եւ անտարբեր չէինք մեկս մյուսին անհանգստացնող որեւէ հարցի շուրջ: Չնայած, որ գեղեցկության մրցույթների գաղափարախոսությունները չպետք է առնչվեն քաղաքական թեմաների հետ, այնուամենայնիվ, դրանք կարող են կոչ հանդիսանալ ագրեսիայի, բռնության եւ պատերազմների դեմ:

Որոշեցի իրականացնել հետեւյալ նախաձեռնությունը. դիմեցի աղջիկներին նամակով` հակիրճ ներկայացնելով մեր երկրի իրավիճակը` հարեւան երկրի կողմից ագրեսիայի զոհ դառնալու հետեւանքով: Տեղեկացրի մեր ազատատենչ բանակի եւ խաղաղ բնակչության մասին` կոչ անելով սատարել մեզ: Ոմանք արդեն տեղյակ էին մեր երկրի իրավիճակից, սակայն մեծամասնությունը տեղեկացան իմ նամակով: Հասկանում եմ այն տիտղոսակիր գեղեցկուհիների տեսակետը, որոնք չեն ուզում հակամարտող երկու երկրներից մեկի կողմը բռնել, կամ խառնվել քաղաքական հարցերին, սակայն նրանք, ովքեր արձագանքել եւ դեռ շարունակում են արձագանքել, կարծում եմ` մեծ հոգեբանական աջակցություն են ցույց տալիս մեր հայրենակիցներին եւ զինվորներին: Չէ՞ որ նրանցից յուրաքանչյուրը հանդիսանում է գեղեցկության, բարության եւ խաղաղության դեսպան իր երկրում եւ ողջ աշխարհում: Նրանց կարծիքն ու խոսքը կարեւորվում է, գնահատվում եւ արագ արձագանք ստանում ողջ աշխարհի հասարակության կողմից»,-նշեց Դայանան:

Սյունե Առաքելյան


Հետևեք NEWS.am STYLE-ին Facebook-ում, Twitter-ում և Instagram-ում




Print    |  In English

  • Related News

TV SHOWS PHOTO VIDEO


@NEWSam_STYLE

  • Archive
Search