• Առաջին կինը, որը ստեղծում էր էրոտիկ նկարներ. Վերածննդի դարաշրջանի նկարչուհի Լավինիա Ֆոնտանայի պատմությունը

  Իր կենդանության օրոք նա համարվում էր տաղանդավոր դիմանկարիչ, որին վարձում էին ազդեցիկ կարդինալները, իսկ նրա նկարները զարդարում էին իտալական ազնվականության տները․․․

• Հայաստանի «Քարերի սիմֆոնիան» վերածվել է ֆանտաստիկ աշխարհի. 3D նկարիչը ստեղծել է բնական հուշարձանի թվային տարբերակը

  Հայկական «Քարերի սիմֆոնիան» ոգեշնչել է եռաչափ նկարիչ Արթուր Արթինյանին ստեղծել ֆանտաստիկ թվային տարածք՝ մոնումենտալ բազալտե սյուներով, ոսկե խորհրդանիշներով և կրակե դարպասներով․․․

• Գնված 30 դոլարով, վաճառված 1.3 միլիոն դոլարով. մոռացված նկարը դարձել է աճուրդի սենսացիա  

  Երբեմն իսկական գանձը թանգարանի կամ էլիտար պատկերասրահի կարիք չունի. հնաոճ իրերի բակում պատահական զբոսանքը բավական է: Ահա թե ինչպես է ամերիկացի նկարչուհի Գերտրուդ Աբերքրոմբիի փոքրիկ նկարը հայտնվել գնորդի ձեռքում, որը դրա համար վճարել է ընդամենը 30 դոլար: Մի քանի ամիս անց աշխատանքը աճուրդում վաճառվել է անհավանական 1.3 միլիոն դոլարով՝ սահմանելով համաշխարհային ռեկորդ նկարչուհու համար...

• 20,000 ֆունտ ստերլինգ արժողությամբ «Մադոննայի կրծկալը» կարող էր այրել երեխաներին. անսովոր քանդակները ստիպված են եղել թաքցնել արևից

  20,000 ֆունտ արժողությամբ արտասովոր գեղարվեստական ​​ինստալյացիան, որը տեղացիները համեմատում են Մադոննայի խորհրդանշական կոն կրծկալի հետ, ստիպված են եղել տեղափոխել այն բողոքներից հետո, որ մետաղական կառուցվածքը արևի տակ կարող էին այրել երեխաներին, հայտնում է Daily Mail-ը․․․

• Ռիմա Պիպոյանը՝ Գդանսկի միջազգային պարի փառատոնի ժյուրիի կազմում․ հայկական ժամանակակից պարը՝ միջազգային բեմում

  Սեպտեմբերի 12–20-ը Լեհաստանում անցկացվեց Գդանսկի ամենամյա միջազգային պարի 18-րդ փառատոնը, որի շրջանակում սեպտեմբերի 14–17-ը տեղի ունեցավ ժամանակակից պարի մենապարերի միջազգային մրցույթը...

• Վան Գոգը՝ 180 միլիոն դոլարով, իսկ Սեզանը՝ 120 միլիոնով. Sotheby's-ը աճուրդի է հանում լեգենդար հավաքածուն

  Այս աշնանը Sotheby's-ը Նյու Յորքում աճուրդի կհանի Վինսենթ վան Գոգի հազվագյուտ նկարը, որը գրեթե կես դար չի ցուցադրվել…

• Լիլիթ Մելիքյանի «Կինը» ցուցահանդեսը Գլենդելում․ գույնի, կտավի և նորաձևության երկխոսություն

  Օրեր առաջ Գլենդել քաղաքում տեղի ունեցավ «Տերյան մշակութային կենտրոն»ՀԿ հիմնադիր և գեղարվեստական ղեկավար, նկարիչ-դիզայներ Լիլիթ Մելիքյանի «Կինը» խորագրով անհատական ցուցահանդեսը...

• Պար, թատրոն և միջազգային համագործակցություն․ մեկնարկել է «ԹԷԱՏՐՈՆ» փառատոնը

  Սեպտեմբերի 14–28-ը Հայաստանում կանցկացվի «ԹԷԱՏՐՈՆ» կատարողական արվեստների միջազգային ֆրանկոֆոն փառատոնը…

Աշխարհահռչակ դաշնակահարուհի Ջուլիա Զիլբերքվիթը հայ լրագրողներին պատմել է մեծ կոմպոզիտոր Արամ Խաչատրյանի, Հայաստանի հանդեպ իր վերաբերմունքի, ինչպես նաեւ Նյու Յորքում կազմակերպվող Հայոց Ցեղասպանության հիշատակին նվիրված համերգների մասին:

Երեկ երեկոյան՝ սեպտեմբերի 10-ին, Երեւանի «Արամ Խաչատրյան» համերգասրահում դաշնակահարը մասնակցել է Հայաստանի Պետական Երիտասարդական նվագախմբի համերգաշրջանի բացմանը եւ նվագախմբի հետ կատարել է Սերգեյ Սլոնիմսկու դաշնամուրի եւ նվագախմբի համար «Հրեական Ռապսոդիան»:

Նա լրագրողներին հայտնել է, որ հինգ անգամ ելույթ է ունեցել Նյու Յորքում կազմակերպվող Հայոց Ցեղասպանության եւ Հոլոքոստի հիշատակին նվիրված համերգներին:

«Նյու Յորքում կազմակերպվում են «Concerts of Universe. Genocide and Holocaust» անվանումով համերգներ: Ես հինգ անգամ մասնակցել եմ դրանց: Այդ տեղի է ունենում աշնանը: Համերգն անցնում է Սուրբ Ջոնի հսկայական եկեղեցում եւ հազարավոր այցելուներ է ունենում: Այդ շատ հայտնի իրադարձություն է, որին միշտ ներկա է լինում քաղաքապետը: Այդ ավանդույթն արդեն 10-15 տարվա պատմություն ունի: Համերգի կազմակերպիչն ինքը՝ Ջերրի Ջեյքոբսը, Հոլոքոստից մազապուրծ եղած մարդկանցից է»,- պատմել է դաշնակահարուհին:

Ջուլիա Զիլբերքվիթը նշել է, որ Նյու Յորքում շատ մեծ հայկական Սփյուռք կա, իսկ Նյու Ջերսիում գտնվում է ամենամեծ հայկական եկեղեցիներից մեկը, որտեղ հաճախ հավաքվում են «շատ հարգարժան եւ պատվավոր մարդիկ»: Երաժշտի խոսքով, նախկինում ինքը բազմիցս կատարել է հայ կոմպոզիտորների, այդ թվում՝ Արամ Խաչատրյանի ստեղծագործությունները: «Այո, իհարկե, կատարել եմ: Շատ եմ կատարել Խաչատրյանի գործերը: Ո՞վ է մեծացել առանց Խաչատրյանի: Նա դասական է… Ինձ թվում է՝ Խաչատրյանը մեր երգացանկի նույնպիսի մասնիկն է, ինչպես Բախը, Մոցարտը, Շոստակովիչը: Ես չգիտեմ տարրական կամ միջնակարգ երաժշտական կրթություն ստացած որեւէ մեկի, ով չի նվագել Խաչատրյանի ստեղծագործությունները»,- ընդգծել է Ջուլիան:

Նա նաեւ ներկայացրել է Երեւանից ստացած տպավորությունները՝ նշելով, որ առաջին անգամ է Հայաստանի մայրաքաղաքում եւ չափազանց տպավորված է նրա գեղեցկությամբ:

«Ես առաջին անգամ եմ եկել Երեւան: Շատ էի ցանկանում այստեղ հայտնվել: Հանգամանքների բերումով չէր ստացվում… Հիանալի քաղաք է, հիանալի մարդիկ, հիանալի եղանակ, եւ ինչը շատ կարեւոր է՝ հիանալի եղանակ: Եկել եմ Մոսկվայից, որտեղ անձրեւ էր հորդում»,- նշել է երաժիշտը:

Ջուլիա Զիլբերքվիթը մեծ համբավ է վայելում որպես մենակատար եւ նվագախմբի երաժիշտ: Նա հանդես է եկել հռչակավոր այնպիսի երաժշտական կոլեկտիվների հետ, ինչպիսիք են Բրուքլինի ֆիլհարմոնիկ, Վիեննայի կամերային, Գերմանիայի սիմֆոնիկ, Կահիրեի սիմֆոնիկ, «Մոսկվայի վիրտուոզներ» պետական կամերային եւ շատ ու շատ այլ նվագախմբերը: Զիլբերքվիթը ելույթ է ունեցել նյույորքյան «Քարնեգի Հոլլ»-ում եւ Լինքոլնի կենտրոնի «Էլլիս Հոլլ»-ում:

Դաշնակահարի առաջին ձայնագրությունը՝ The Mystery of Bagatelles-ը, թողարկել է Naxos ընկերությունը, 2007 թվականին: 

2008-ին Լեոն Բոթշթայնի եւ Երուսաղեմի սիմֆոնիկ նվագախմբի հետ համատեղ Զիլբերքվիթը ներկայացրել է Սլոնիմսկու դաշնամուրի եւ նվագախմբի համար «Հրեական Ռապսոդիան», որ գրվել է Իսրայելի 60-ամյակի առիթով: Այս ստեղծագործությունը նվիրված է հենց իրեն՝ դաշնակահարուհուն:

Լիլիթ Պետրոսյան

Հետևեք NEWS.am STYLE-ին Facebook-ում, Twitter-ում և Instagram-ում