Կայծակը պատռում էր Բեռլինի գիշերային երկինքը: Հորդառատ անձրեւ էր գալիս: Որոտի արձագանքի խլացնող աղմուկը տարածվել էր ամբողջ քաղաքում: Թվում էր՝ համաշխարհային ջրհեղեղի պատմությունը կրկնվում է:
Անրին նստել էր բեռլինյան օդանավակայանի սրճարանում: Ժամացույցն ուղիղ գիշերվա ժամը մեկն էր ցույց տալիս: Մինչեւ նրա չվերթը դեռեւս 4 երկար ու ձիգ ժամ կար: Նա չգիտեր, կգա՞ արդյոք աղջիկը, կների՞ արդյոք իրեն: Օֆելյա: Այդպես էին կոչում նրան, ում ձեռքերում էր նրա հետագա ճակատագիրը:
Երբ նրանք առաջին անգամ բակում ծանոթացան, աղջիկը 14 տարեկան էր. նա սիրունիկ աղջնակ էր՝ կամակոր կարմիր մազերով, որոնք անընդհատ ծիծաղելի կերպով տարածվում էին այս ու այն կողմ: Նա ավելի մեծ էր՝ 25 տարեկան: Օֆելյան նրա աչքերի առջեւ էր մեծանում, նա ճանաչում էր աղջկա ընտանիքին, որը բնակվում էր իրենց շենքի նկուղային հարկում, աղքատ էր ապրում Օֆելյայի հոր՝ հարբեցող Վասիլի պատճառով, ով խմում էր կնոջ աշխատավարձը, հաճախ ծեծում էր կնոջն ու դստերը: Օֆելյան հաճախ փախչում էր տանից եւ վերադառնում միայն մթին, երբ հարբեցող հայրը խռմփացնում էր:
Անրին տեսել էր նրա վերջին զանգը, փոքրիկ ծաղկեփունջը: Իսկ այն, թե ինչպես էր նա ամոթխած փորձում դուր գալ իրեն, տեսնում էր ամբողջ բակը: Բակում բոլորը խոսում էին միայն այն մասին, թե ինչպես այդ խորամանկ կարմրահերը աչք չի հեռացնում գեղեցիկ Անրիից՝ ապագա բժշկից եւ հեռանկարային փեսացուից: Տեղի կանայք ցնցված էին նրա հանդգնությունից. ինչպե՞ս է համարձակվում անգամ նա՝ այդ աղքատը, աչքերը բարձրացնել դեպի Անրին: Իսկ Օֆելյան միայն ձեռքով խոպոպներն էր թափահարում եւ, հնչեղ ծիծաղելով, վազում էր հին տան խորքը:
Սկզբում այդ ամենն Անրիին հուզում եւ զվարճացնում էր: Իսկ հետո նա սկսեց ավելի ուշադիր հետեւել աղջկան, սկսեց կարոտել նրա կենսախինդ ծիծաղն ու հայացքը, երբ նա երկար ժամանակ բացակայում էր բակից: Օֆելյան դուր էր գալիս նրան՝ ինչպես փոքրիկ վայրի կենդանի, սիրունիկ եւ հուզիչ: Անցավ 5 տարի, այդ օրն Օֆելյան 19 տարեկան դարձավ: Հարբեցող Վասիլը հերթական անգամ իր շշի ընկերներին քարշ տվեց տուն, եւ նրանք ամբողջ կոկորդով բղավում էին՝ «Ով սիրուն, սիրուն…»:
Խղճահարության սուր զգացողությունը ծակեց Անրիի սիրտը, եւ նա որոշեց ծննդյան օրն ինչ-որ կերպ ուրախացնել խեղճ Օֆելյային եւ հրավիրեց զբոսնելու: Օֆելյայի չռված աչքերը լի էին այնպիսի երախտագիտությամբ, որ Անրին իրեն նույնիսկ երկրում Աստծո փոխանորդը զգաց:
Նախ նա իր ավտոմեքենայով աղջկան տարավ թանկ խանութ, նրա համար զգեստ ու կոշիկներ գնեց, հետո տարավ գեղեցկության սրահ, որտեղ գեղեցիկ սանրվածք արեցին, հետո նրան գեղեցիկ կրծքազարդ նվիրեց, որի վրա Վենետիկն էր փորագրված… Իսկ հետո՝ ռեստորան, գիշեր, անկողին… Եթե անկեղծ, Անրին նրա մասին չէր մտածում, ինչպես կնոջ… Պարզապես նրա հանդեպ խղճահարություն էր զգում: Կնոջ հանդեպ խղճահարությունը կանայք երբեմն որպես սեր են ընկալում:
Հետո աղջիկը զանգահարում էր նրան, հանդիպում խնդրում, բայց նա շատ զբաղված էր: Որպես սիրուհի նա ձեռք չէր տալիս. չափազանց անփորձ էր: Անրին պարզապես անջատում էր հեռախոսը, երբ լսում էր նրա ձայնը, կամ ընդհանրապես չէր պատասխանում:
Շարունակությունը՝ հաջորդիվ…
Հեղինակ՝ Նիկոլ Հովնկյան
Հետևեք NEWS.am STYLE-ին Facebook-ում, Twitter-ում և Instagram-ում
19:23, 21 նոյեմբերի
Երկրպագուն 2000 կիլոմետր ճանապարհ է անցել՝ հնդիկ բլոգերի հետ ամուսնանալու համար. աղջկա հայրն ու հարևանները ծեծելով սպանել են նրան19:10, 21 նոյեմբերի
Մահացել է լեգենդար ոսկերիչ Պաոլո Բուլգարին, ով ընտանեկան բիզնեսը վերածել էր համաշխարհային շքեղության18:17, 21 նոյեմբերի
Ջենիֆեր Լոպեսը կարմիր գորգ է դուրս եկել թափանցիկ զգեստով և 100 կարատանոց ադամանդով17:29, 21 նոյեմբերի
Բացահայտվել է արքայազն Հարիի և Մեգան Մարքլի՝ Մեծ Բրիտանիա հանկարծակի վերադարձի անսպասելի պատճառը16:19, 21 նոյեմբերի
Մելանիա Թրամփը քննադատել է ամուսնու շրջապատին. առաջին տիկնոջ խոսքով՝ Դոնալդին շրջապատել են միայն քծնողների15:22, 21 նոյեմբերի
Մաքոլեյ Կալկինը վերադառնում է «Տանը մենակ» ֆիլմին. պաշտամունքային ֆիլմն անսպասելի շարունակություն կունենա14:18, 21 նոյեմբերի
Քիմ Քարդաշյանը մի հարսնացուի համար կվերադարձնի անցյալի բույրը. հուզիչ պատմությունը գրավել է TikTok-ը13:12, 21 նոյեմբերի
«Նա հետ ուղարկեց իմ պաստան». Ջեյմի Օլիվերը 30 տարի անց հիշել է Ռոբերտ Դե Նիրոյի հետ կապված նվաստացուցիչ դեպքը12:01, 21 նոյեմբերի
Երբեմն մի ամբողջ կյանք է անցնում հինգ կանգառի արանքում, իսկ ամենակարևոր խոսքերը մնում են չասված. Քրիստ Մանարյանի «Հինգ կանգառ» դրաման11:12, 21 նոյեմբերի
Քրիս Փրատը բոլորից վա՞տ է համբուրվում. Ջենիֆեր Լոուրենսը կազմել է հոլիվուդյան աստղերի անսպասելի վարկանիշ10:30, 21 նոյեմբերի
«Պենելոպե, օ՜, Պենելոպե…». երբ սպասումը դառնում է ճակատագիր, իսկ հավատարմությունը՝ ընտրություն09:00, 21 նոյեմբերի
ՆՈՅԵՄԲԵՐԻ 21-Ի ՁԵՐ ՌՈՄԱՆՏԻԿ ՀՈՐՈՍԿՈՊԸ