• «Ընթրիք հիմարի հետ»․ ներկայացում, որը ձեզ կստիպի մտածել՝ արդյոք արժե՞ ընդունել չորեքշաբթի օրերի ընթրիքի հրավերները

  Հոկտեմբերի 13-ին Կ. Ստանիսլավսկու անվան ռուսական պետական դրամատիկական թատրոնում տեղի ունեցավ Ֆրանսիս Վեբերի «Ընթրիք հիմարի հետ» հայտնի ստեղծագործության նոր բեմադրության պրեմիերան...

• Գոյ թատրոնի վերադարձը «Խելագարը» ներկայացմամբ

  Գոյ թատրոնն ապացուցում է, որ թատերախումբը կարող է գոյություն ունենալ նույնիսկ հարազատ պատերից դուրս...

• Դերասան Սամվել Թադևոսյանը կպարգևատրվի «Ոսկե գլոբուս»-ի կողմից

  «Ոսկե գլոբուս»-ը (Golden Globes) կմեծարի հայ դերասան Սամվել Թադևոսյանին «Ոսկե գլոբուս. Մետաքսի ճանապարհ» (Golden Globes Silk Road) խորագրով անդրանիկ հանդիսավոր երեկոյի ընթացքում, որը տեղի կունենա 2026 թվականի հոկտեմբերի 23-24-ին Ուզբեկստանում, գրում է Armenian Film Society-ն…

• 27 օր Հունաստանում, ուշացած վիզա ու նոր հումորային կերպար․ Իրինա Հարությունյանը՝ «Բարի Գալուստի» մասին

  Հոկտեմբերի 20-ից Shant TV-ի եթերում կլինի «Բարի Գալուստ» սիթքոմը, որի նկարահանումներն անցկացվել են Հունաստանում․․․

• Պլասիդո Դոմինգոն Երևանում է. ի՞նչն է օպերային լեգենդին բերել Հայաստան

  Այսօր՝ հոկտեմբերի 14-ին, Ալեքսանդր Սպենդիարյանի անվան օպերայի և բալետի ազգային ակադեմիական թատրոնում տեղի ունեցավ հայ մեծանուն տենոր, համաշխարհային օպերային արվեստի նշանավոր ներկայացուցիչ Գեղամ Գրիգորյանի ծննդյան 75-ամյակին նվիրված գալա-համերգի մամուլի ասուլիսը…

• Լեգենդար «Որոգայթը» վերադառնում է՝ «Նոր սկիզբ»․ նոր պատմություն, նոր մասշտաբ, նոր խաղի կանոններ

  Լեգենդար «Որոգայթը» վերադառնում է՝ «Որոգայթ. Նոր սկիզբ» 24 մասից բաղկացած նոր քրեական դրամայով...

• Րաֆֆի Գալստյան․ «Ուզում եմ իմ լավագույն տարիները նվիրել հենց մեր թատրոնին»

  Մոլդովայի բեմում՝ Սպարտակի կերպարով, հայրենիքում՝ նոր դերերով ու ստեղծագործական ծրագրերով…

• Սյուզան Մարգարյանի արձագանքը Սիրուշոյի պատմությանը, Fashion Week-ն ու Երևանի 2808-ամյակը․ Instagram-ը՝ այս շաբաթ

  Հոկտեմբերի 7-ին կայացավ Վարդուհի Վարդանյանին նվիրված մեծ համերգը, որի ընթացքում գրանցվեցին մի շարք տպավորիչ ու հուզիչ դրվագներ...

Երգչուհի Անահիտ Սիմոնյանն ավելի քան մեկ տարի է՝ երգարվեստում լռում է: Ինչո՞ւ եւ ինչո՞վ է հիմա զբաղված Անահիտը. հարցեր, որոնք շատերին են հետաքրքրում: NEWS.am STYLE-ը որոշեց պարզել այդ:

Անահիտ, նախքան անցնելը բուն թեմային, պատմեք, թե ինչպե՞ս անցկացրեցիք Ձեր հանգիստը եւ ի՞նչ տպավորություններով եք վերադարձել:

Շատ լավ տպավորություններով եմ վերադարձել: Ես պարզապես սիրահարվեցի Պրահա քաղաքին: Այնտեղ ամեն ինչ գեղեցիկ էր: Մշակույթը, քաղաքի արտաքին տեսքը եւ, առհասարակ, մարդկանց վերաբերմունքն ինձ շատ գրավեց: Իսկ գիշերն ավելի խորհրդավոր ու գեղեցիկ էր դառնում քաղաքը: Հիանալի օրեր էին, բայց, ցավոք, մենք չկարողացանք Արմանին մեզ հետ տանել, քանի որ ծովային հանգիստ չէր եւ այնտեղ բավական ցուրտ էր:

Հայկոյի տարեդարձը նշեցիք այնտեղ: Ինչո՞ւ հենց Պրահայում, ովքե՞ր էին Ձեր հյուրերը:

Ինչպես ասում են՝ 40-ամյակը չեն նշում, այլ ընկերներն են իրենց ընկերոջ 40-ամյակը կազմակերպում: Այդպես էլ եղավ: Հայկոյի ընկերները, որպես անակնկալ, հիանալի երեկույթ էին կազմակերպել: Այնտեղ էին Պրահայում գտնվող Հայկոյի բոլոր ընկերները եւ մեր որդու քավորը՝ կնոջ հետ:

Իսկ Դուք ի՞նչ անակնկալ  մատուցեցիք Հայկոյին:

Այս տարի ինչ-որ արտասովոր անակնկալ չեմ մատուցել: Այն նվերը, որը գնել էի նրա համար, նվիրեցի, երբ Երեւանում էինք:

Փոքրիկ Արմանն այդ ընթացքում ձեզ հետ չէր: Ինչպե՞ս էր առանց նրա:

Շատ-շատ էինք կարոտում: Երբ Skype-ով խոսում էինք, Արմանը տխրում էր եւ լաց լինում: Զգում էինք, որ շատ է կարոտում մեզ: Եվ մինչ օրս էլ, երբ արթնանում է, ձայն է տալիս «պապա, մամա», որ տեսնի՝ մենք տանն ենք, թե գնացել ենք: Իհարկե, առանց Արմանի անսովոր էր: Կարծում եմ, որ այլեւս այսպիսի երկար դադար չի լինի:

Անցնենք թիվ մեկ թեմային, որը հետաքրքրում է գրեթե բոլորին: Ավելի քան մեկ տարի է՝ լռում եք երգարվեստում: Ինչո՞ւ եւ ի՞նչ ծրագրեր ունեք:

Այո, ցավոք, ավելի քան մեկ տարի լռում եմ: Ինքս էլ չեմ դիմանում այս լռությանը, բայց աշխատանքի բերումով ստիպված էի: Երբ Anahit Simonyan fashion studio-ն բացվեց, սկզբում Սպենդարյան փողոցում էր. մի քանի ամիս աշխատեցինք, այնուհետեւ տեղափոխվեցինք Թումանյան փողոց: Այդ տեղափոխությունը ժամանակատար էր եւ աշխատատար: Բայց նշեմ, որ ունեմ անակնկալ իմ երկրպագուների համար: Արդեն ձայնագրվում եմ մի երգ, որի խոսքերի հեղինակը ես եմ, երաժշտությանը՝ Հայկոն: Երգը սիրո մասին է, սակայն չեմ ուզում փակագծերը բացել: Իսկ ձայնագրվելուց հետո կլինի տեսահոլովակը: Ունեմ նաեւ Ռիչարդ Մադլենյանի կողմից գրված գեղեցիկ երգ , որը նույնպես շուտով կներկայացնեմ:

Երգելուց բացի, նաեւ զգեստներ եք մոդելավորում: Երկու տարբեր մասնագիտություններ: Ո՞րն է ավելի հոգեհարազատ:

Ամեն ինչ, ինչը կապված է գեղեցիկի հետ ինձ գրավում է: Երկուսն էլ հավասարաչափ հոգեհարազատ են: Երբ զբաղվում եմ միայն մոդելավորմամբ, երգարվեստը կարոտում եմ, եւ երբ զբաղվում եմ երգարվեստով, մոդելավորումն եմ կարոտում: Երկուն էլ ինձ հոգեհարազատ մասնագիտություններ են:   Այդ պատճառով էլ փորձում եմ երկուստեղ համատեղել:

Իսկ ինչպե՞ս որոշեցիք զբաղվել մոդելավորմամբ:

Միշտ իմ հագուստներ ես եմ մոդելավորել: Երկար տարիներ աշխատում էի դերձակի հետ, ում ներկայացնում էի իմ մոդելավորածը եւ նա կարում էր այն: Երեկույթներին, համերգներին միշտ ներկայացել եմ  իմ մոդելավորած զգեստներով: Իսկ երբ որոշեցի ինչ-որ բիզնեսով զբաղվել, շատ մտահաղացումներ էին ծնվում, բայց հասկացա, որ պետք է զբաղվեմ այն աշխատանքով, որը ինձ դուր է գալիս եւ հոգեհարազատ է:

Որքա՞ն ժամանակ է, ինչ Anahit Simonyan fashion studio-ն գործում է:

Մենք բացվել ենք Մարտի 1-ին: Այսինքն 7 ամիս է, ինչ գործում ենք: Բացումը չենք նշել, բայց մեկ տարին անպայման նշելու ենք:

Ո՞ր ոճն է ձեզ ավելի հոգեհարազատ:

Բոլոր ոճերն էլ սիրում եմ եւ բոլոր ոճերով էլ մոդելավորում եմ: Երբ ինձ մոտ գալիս են հագուստ պատվիրելու, ըստ իրենց բնավորությանը՝ առաջարկում եմ:  Քանի որ իմ կարծիքով մարդու բնավորությունն ու իմիջը փոխկապակցված են միմյանց հետ:

 Միայն հագուստնե՞ր եք մոդելավորում:

Ոչ, նաեւ աքսեսուարներ եմ մոդելվորում:

Ապագայում ի՞նչ ծրագրեր ունք մոդելավորման հետ կապված:

Ցանկանում եմ հավաքածու ունենալ եւ ներկայացնել այն: Բայց դրա մասին դեռ վաղ է խոսել, քանի որ ես ինձ պրոֆեսիոնալ չեմ համարում: Դեռ շատ բան ունեմ սովորելու, քանի որ ես հագուստի մոդելավորման բաժնում չեմ սովորել: Երբ զգամ, որ ես պատրաստ եմ, իհարկե, մեծ ոգեւորությամբ կներկայացնեմ:

Մելինե Տոնոյան

Հետևեք NEWS.am STYLE-ին Facebook-ում, Twitter-ում և Instagram-ում