Մարդիկ կան՝ վատ բաներ են մեր հետևից ասում, մարդիկ կան՝ ուրախանում են. Հելոուինը` Հայաստանում

VIDEO. Սոս Ջանիբեկյանը, Լուիզա Ներսիսյանը, Դիանա Մալենկոն և Լևոն Հախվերդյանը՝ սիրային քառանկյունու կիզակետում

Ինչպես Նարեին դիմավորեցին «Զվարթնոց» օդանավականում՝ «Մանկական Եվրատեսիլում» հաղթանակից հետո. երգչուհու էմոցիաները

Թեմա կա. ո՞ւմ մասին է Աստղիկ Սաֆարյանը մտածում գիշերվա 2-ին և ո՞ւմ է տեսնում որպես «Երկու աստղի» հաջորդ զույգ

Օսկար Ուայլդի «Սալոմեն»՝ Երևանի դրամատիկական թատրոնի նոր հարթակում

Կանանց զուգարանից՝ հասարակության հայելի. «Toilet կանանց համար»

Մանկությանս տիկնիկը կուզեի վերադարձնել

Armenia Marriott-ում կրկին համաշխարհային գաստրոնոմիկ շոու է՝ Le Petit Chef-ը վերադարձել է Երևան

Երբևէ ասե՞լ եք «Ես քեզ սիրում եմ»՝ իրականում այդպես չզգալով

«The Last Breath». Սևան Շահմիրյանը հանդիսատեսին է ներկայացնում իր երաժշտական աշխարհը

Լողազգեստով լուսանկարներ. ազատ ինքնարտահայտո՞ւմ, թե՞ չափի զգացում

Կարմիր խնձորը… Արդյո՞ք այն դեռ ակտուալ է

Տղամարդիկ ուժեղ չեն. դերասանուհի Մարի Գրիգորյան

Մեկնարկեց «Ոսկե ծիրան» Երևանի 23-րդ միջազգային կինոփառատոնը

Արսեն Ալբարյան․ բեմի լույսերի տակ՝ զգացմունքների, ընտրությունների ու անկեղծության մասին

Հրաժեշտ Արտիստին. Արտաշես Ալեքսանյանի հոգեհանգիստը՝ Կոնդի Սուրբ Հովհաննես եկեղեցում

Դերասան լինելու որոշումն եմ կայացրել՝ չնայած բոլորի դեմ կարծիքին. Հովհաննես Դիշչյան

Վահե Վայան. Ինչքան մարդիկ շատ են իմանում մարդու մասին, այնքան բարդ է դառնում ապրելը

«Երրորդ բալիկից հետո ուզում եմ երեխա որդեգրել». գեղեցկուհի Իրինա Թովմասյանը՝ առօրյայի եւ ապագա ծրագրերի մասին

19:43, 18 սեպտեմբերի

Գեղեցկուհի Իրինա Թովմասյանն արդեն վաղուց իր տեղն ունի թե՛ «Միսս Հայաստան» մրցույթի պատմության մեջ, թե՛ շոու-բիզնեսում: Սակայն այդ ամենից վեր է Իրինայի բարությունն եւ մայրական զգացմունքը: NEWS.am STYLE-ը գեղեցկուհու հետ զրուցեց տարբեր թեմաների շուրջ:

Կպատմե՞ք Ձեր առօրյայի մասին:

Հիմա իմ կյանքի ամենաերջանիկ շրջաններից մեկն է, քանի որ ամբողջությամբ կարողանում եմ ինձ նվիրել փոքրիկներիս: Ես միշտ աշխատել եմ, այդ պատճառով, իրոք, այս ամենը վայելում եմ:

Առավոտյան արթնանում ենք շատ վաղ: Գնում ենք զբոսնելու մի քանի ժամ, հետո վերադառնում ենք տուն, նախաճաշում: Միասին խաղում ենք, զարգանում: Հետո կրկին գնում ենք զբոսանքի: Նա մաքուր օդին քնում է, իսկ ես գիրք եմ կարդում:

Բարեգործական ակցիաների ենք մասնակցում Մեգիի հետ, իմ մանկական կայքին եմ ավելի շատ ժամանակ հատկացնում:

Երեկոյան կրկին զբոսնում ենք, մինչեւ որ Ալվինան շատ է հոգնում: Հասնում ենք տուն, լողանում ենք եւ քնում: 

Ինչ վերաբերում է Մեգիին. ես նրան հասցնում եմ տանել պարապմունքների: Ալվինայի հետ գնում ենք նրա համերգներին: Երեկոյան նրան միշտ հեքիաթ եմ պատմում:

Վերջում ես ու ամուսինս մի ֆիլմ ենք դիտում միասին եւ ես քնում եմ: 


Դուք մարքեթինգով էիք զբաղվում...

Այո, դա իմ սիրած մասնագիտությունն է: Եվ ինչքան էլ հիմա երջանիկ եմ, միեւնույն է, երբ առավոտյան տեսնում եմ, որ մարդիկ գնում են աշխատանքի, իմ մեջ նույնպես մի պահ այդ ցանկությունն է առաջանում: Այդ պատճառով այժմ կգնանք ամուսնուս հետ հանգստանալու եւ հետո ես կվերադառնամ իմ գործին:

Չե՞ք հոգնում ամբողջ օրը երեխայի հետ: Մաքրության հոգսը նո՞ւյնպես Ձեզ վրա է:

Ոչ, մի շատ լավ կին կա, ով այժմ օգնում է ինձ թե՛ տնային գործերում, թե՛ մնում է փոքրիկիս հետ իմ բացակայության ժամանակ: Շատ չեմ հոգնում:

Իսկ ամուսնու համար ժամանակ մնո՞ւմ է:

Նա ինձ շատ է օգնում: Նույնիսկ Ալվինային քնացնում էր: Մենք բաժանում էինք արել: Նա մնում էր փոքրիկի հետ մինչեւ ուշ գիշեր, քանի որ սովոր է ուշ քնել: Ես այդ ընթացքում հանգստանում էի: Հետո փոխվում էինք. նա գնում էր քնելու, իսկ ես երեխայի հետ էի մնում:

Ինչպե՞ս եք ծանոթացել:

Դա շատ երկար պատմություն է: Մենք հանդիպել ենք իմ աշխատավայրում, սակայն ես ոչ մի ուշադրություն չեմ դարձրել նրան: Իսկ նա ինձ նկատել էր, անանուն կերպով ծաղիկներ էր ուղարկում երկար ժամանակ՝ ստիպելով ինձ գուշակել, թե ո՞վ է...

Իսկ խանդո՞տ է:

Սկզբում, մի քանի ամիս էր այդպես: Բայց բավական էր մի երկու ամիս հանդիպեինք, որ հիմա թեկուզ աշխարհի ծայրը գնամ, միեւնույն է, վստահում ենք միմյանց: Խանդը կա, բայց այն վերածվել է ավելի շատ խաղի, կատակի:

Իսկ Լուսինեի ամուսնու՝ Արթուրի մասին ի՞նչ կասեք:

Երբ ես նրան ճանաչեցի, անչափ ուրախացա, որովհետեւ նման անձնավորության դժվար է հանդիպել այս կյանքում: Արթուրը դարձել է մեր ընտանիքի համար շատ հարազատ մարդ, ում կարելի է ամեն ինչ վստահել: Նա շատ բարի, զգայուն եւ անկեղծ է: Մեգին նույնպես նրան շատ է սիրում:

Ի դեպ, հիմա Մեգին ինչո՞վ է զբաղվում:

Երբ սերիալն ավարտվեց, նա ազատ ժամանակ ունեցավ, ավելի շատ սկսեց իր վոկալին ուշադրություն դարձնել, քանի որ ձայնային լավ տվյալներ ունի: Երգեր ենք ձայնագրում, համերգների ենք մասնակցում թե՛ երգով, թե՛ պարով: Նույնիսկ քույրիկի մասին մի երգ ունենք: Դե, իհարկե, դպրոց, անգլերենի պարապմունք, բակ եւ քույրիկի հետ խաղալ:

Իսկ չի՞ խանդում քրոջը:                                         

Ամենեւին: Երեւի մեծ է, գիտակցում է ամեն ինչ: Երբ իմացավ, որ քույրիկ է ունենալու, ասաց. «Մամ, ես վերջին երեք տարին, երբ առիթ եմ ունեցել երազանք պահելու, ցանկացել եմ, որ քույրիկ ունենամ: Եվ ահա երազանքս իրականացավ»:

Նույնիսկ երբ մտնում ենք խանութ, նա իր համար զգեստ չի ընտրում, իսկույն քրոջ համար է սկսում ընտրել: Մեգին իր քույրիկին կարծես իրենից էլ շատ է սիրում…

Տղա չե՞ք ուզում:

Ուզում եմ, սակայն ավելի շատ ամուսնուս համար: Նա միշտ աղջիկ է ուզել, բայց չէ՞ որ հետաքրքիր է նաեւ, թե տղան ինչպես է լինում: Ի դեպ, կան նաեւ այլ մտքեր... Ուզում եմ երեխա որդեգրել իմ 3-րդ երախայից հետո: Որեւէ հայ երեխա: Դավիթը սկզբում դեմ էր, սակայն հետո համաձայնվեց ինձ հետ:

Բայց դժվար կլինի...

Ամենեւին: Ճանաչելով ինձ՝ դժվար չի լինի:

Զրուցեց Մարինա Ադուլյանը

Լուսանկարները՝ Արսեն Սարգսյանի


Հետևեք NEWS.am STYLE-ին Facebook-ում, Twitter-ում և Instagram-ում




Print  

  • Related News

TV SHOWS PHOTO VIDEO


@NEWSam_STYLE

  • Archive
Search