• «Շնորհակալ եմ բոլորին, ովքեր սա հնարավոր դարձրին». Սամվել Թադևոսյանը՝ Ոսկե Գլոբուսի կողմից մրցանակ ստանալու մասին

  Դերասան Սամվել Թադևոսյանը ինստագրամյան իր էջում նոր հրապարակումներ է արել Golden Globes Silk Road Tribute Gala-ից, որի ընթացքում հայ արտիստը ստացել է Ոսկե Գլոբուսի Beacon Award մրցանակը…

• Սամվել Թադևոսյանը ստացել է Ոսկե Գլոբուսի Beacon Award մրցանակը

  Մրցանակաբաշխությունը տեղի է ունեցել Տաշքենդում՝ Silk Road Tribute Gala 2026-ի ընթացքում…

• Հայաստանի հաղթանակը «Մանկական Եվրատեսիլում», Էլեն Սաֆարյանի ու Դիանա Մխիթարյանի հարսանիքները, Քիմ Քարդաշյանի 46-ամյակը. Instagram

  Այս շաբաթ հայտնիների ինստագրամյան հրապարակումները բավական տարբեր էին ու քննարկվող։ Բայց սկսենք ամենաթարմից ու ուրախալիից…

• Սերը կարող է արդարացնել ամեն ինչ․ Տաթևիկ Մելքոնյանի Ֆիլումենան

  Կա՞ մի սահման, որից այն կողմ սերը դադարում է արդարացում լինել…

• Ծննդյանս օրերին ես ինձ երջանիկ եմ զգացել, քանի որ բախտ եմ ունեցել ծնվելու հրաշալի ընտանիքում

  Մանկության տարիներին ծննդյանս օրը՝ հոկտեմբերի 23-ը անցնում էր ընտանեկան ջերմ միջավայրում։ Հայրիկս՝ իմ, եղբորս կամ մորս ծննդյան օրերը դարձնում էր հեքիաթ…

• Թեմա կա. ո՞ւմ մասին է Աստղիկ Սաֆարյանը մտածում գիշերվա 2-ին և ո՞ւմ է տեսնում որպես «Երկու աստղի» հաջորդ զույգ (VIDEO)

  Ո՞ւմ հետ կցանկանար երազել գիշերվա 2-ին, ո՞ւմ մասին էր մտածում երգը գրելիս, երկրորդ անգամ «Երկու աստղին» մասնակցելու դեպքում ո՞վ կցանկանար, որ լիներ իր զույգը…

• Ռաֆայել Երանոսյանի նոր մոնոներկայացումը՝ «Ծանր ու թեթև». բեմում՝ ծիծաղ, ետնաբեմում՝ անձնական հարցեր (VIDEO)

  Ռաֆայել Երանոսյանը «Ծանր ու թեթև» արեց բոլոր թեմաները՝ քաղաքականությունից մինչև Կարմիր խնձոր…

• Բոհեմ թատրոնում «Բլեֆ» է սպասվում․ Արտյոմ Կարապետյանի առաջին դերը թատրոնում, Արփինե Իսրայելյանի վերադարձը, մյուս հերոսներն ու փորձերը (VIDEO)

  Բոհեմ թատրոնը պատրաստվում է նոր ներկայացման։ Այն կոչվում է «Բլեֆ» և ելնելով վերնագրից՝ դժվար չէ պատկերացնել, թե ինչ զվարճալի խառնաշփոթ է սպասվում հանդիսատեսին...

Երգչուհի Անահիտ Ադամյանն օրերս իր հերթական ելույթով անտարբեր չի թողել ռուսական շոու-բիզնեսի ամենահայտնի ներկայացուցիչներին: Աշոտ Ղազարյանի 17-ամյա թոռնուհին «Россия1» հեռուստաալիքի «Ну-ка, все вместе!» շոուի ժամանակ կատարել է ամերիկյան «TLS» խմբի «No Scrubs» երգը եւ  ժյուրիի 100 անդամներից 88-ին, բառի բուն իմաստով, ոտքի հանել իր ելույթի ժամանակ, այդ թվում՝ ժյուրիի նախագահ Սերգեյ Լազարեւին, որն Անահիտին համարել է իր ֆավորիտներից մեկը՝ նրա ելույթը տեղադրելով իր ինստագրամյան էջում:

Եզրափակիչ դուրս գալու համար հայ երգչուհին նաեւ պայքարել է մեկ այլ մասնակցի՝ Դարյա Գրոսմանի հետ: Դարյա Գրոսմանն ընտրել էր «А-Студио» խմբի «Улетаю» հիթը եւ 75 ձայն ստացել։ Անահիտ Ադամյանը կատարել էր Գրիգորի Լեպսի եւ Իրինա Ալեգրովայի «Я тебе не верю» երgը եւ հաղթել մենամարտը. նրա ելույթը դուր էր եկել ժյուրիի անդամներից 82-ին։

NEWS.am STYLE-ն Անահիտի հետ զրուցել է մեծահասակ վոկալիստների հետ իր առաջին մրցույթի հաջողության եւ արդարացված սպասումների մասին:

«Բնականաբար հուզմունքս շատ մեծ էր, որովհետեւ սա իմ մասնակցությամբ առաջին ոչ մանկական նախագիծն էր, երբ մրցում էի մեծահասակ վոկալիստների հետ»,-ասում է Անահիտը, որը եղբոր՝ Բորյայի հետ անցած տարի դարձել էր նույն նախագծի մանկական տարբերակի հաղթողը:

Այս անգամ երգչուհին ռուսական շոուին մասնակցել է հատուկ քասթինգի միջոցով.

«Լսեցինք, որ քասթինգ է լինելու, որն անցնում էր օնլայն ձեւաչափով: Այդպես, մոտավորապես, 6 երգ տեսաձայնագրեցի եւ ուղարկեցի նախագծի կազմակերպիչներին, որից հետո ինձ պատասխանեցին, որ հավանել են իմ կատարումները, լսումների փուլն անցել եմ ու կարող եմ մասնակցել հաջորդ փուլին»,-վերհիշում է նա:

«Ну-ка, все вместе!»-ի մանկական թողարկման ժամանակ, թեեւ Անահիտն ու եղբայրը ճանաչվել էին հաղթող, բայց չէին կարողացել ոտքի հանել ժյուրիի ամենաբծախնդիր անդամին՝ Սերգեյ Լազարեւին: Այս անգամ ռուսական շոու-բիզնեսի հայտնի երգիչը ոչ միայն ոտքի է կանգնել, այլեւ ոգեւորել Անահիտին դրական խոսքերով՝ ընդգծելով նրա մելիզմների ու տեմբրի յուրահատուկությունը, նաեւ նրան համեմատելով Արիանա Գրանդեի հետ:

Անդրադառնալով Լազարեւի կարծիքին՝ Անահիտը խոստովանեց.

«Իրականում այս անգամ իմ գլխավոր նպատակը հենց այն էր, որ այնպես երգեմ, որ Սերգեյ Լազարեւը գոհ մնա իմ կատարումից: Ուրախ եմ, որ այդպես էլ ստացվեց, ու նա ոչ միայն ոտքի կանգնեց, այլեւ շատ հաճելի խոսքեր ասաց, ինչն ինձ անչափ ուրախացրեց: Ես, նույնիսկ, չէի սպասում, որ իրեն այնքան դուր կգա իմ ելույթը, որ ես կլինեմ իր ֆավորիտների ցանկում, որ իմ կատարումը նա կտեղադրի նաեւ իր ինստագրամյան էջում»:

Ինչ վերաբերում է եզրափակիչ ելույթին՝ Անահիտն առայժմ մանրամասներ չի կարող հաղորդել.

«Եզրափակիչն արդեն նկարահանվել է, եւ, բնականաբար, մեզ համար արդեն պարզ է հաղթողը, բայց, իհարկե, ես չեմ կարող բացել փակագծերը մինչեւ եթերաշրջանի ավարտը, որպեսզի մարդիկ ավելի հետաքրքրությամբ սպասեն, թե ինչ եմ երգելու»:

Սյունե Առաքելյան

Լուսանկարները տրամադրել է Անահիտ Ադամյանը

Հետևեք NEWS.am STYLE-ին Facebook-ում, Twitter-ում և Instagram-ում