• Լեգենդար «Որոգայթը» վերադառնում է՝ «Նոր սկիզբ»․ նոր պատմություն, նոր մասշտաբ, նոր խաղի կանոններ

  Լեգենդար «Որոգայթը» վերադառնում է՝ «Որոգայթ. Նոր սկիզբ» 24 մասից բաղկացած նոր քրեական դրամայով...

• Րաֆֆի Գալստյան․ «Ուզում եմ իմ լավագույն տարիները նվիրել հենց մեր թատրոնին»

  Մոլդովայի բեմում՝ Սպարտակի կերպարով, հայրենիքում՝ նոր դերերով ու ստեղծագործական ծրագրերով…

• Սյուզան Մարգարյանի արձագանքը Սիրուշոյի պատմությանը, Fashion Week-ն ու Երևանի 2808-ամյակը․ Instagram-ը՝ այս շաբաթ

  Հոկտեմբերի 7-ին կայացավ Վարդուհի Վարդանյանին նվիրված մեծ համերգը, որի ընթացքում գրանցվեցին մի շարք տպավորիչ ու հուզիչ դրվագներ...

• Բրեդ Փիթը, մարտական շունը և Ալյասկան․ իսկական գոյամարտ՝ «Գազանի սիրտը» ֆիլմում

  Բրեդ Փիթը նկարահանվել է թոշակի անցած հատուկ նշանակության զորքերի զինվորի և նրա հավատարիմ շան՝ Օդինի մասին ֆիլմում, որոնք պատերազմում կրած մի շարք ողբերգություններից և կորուստներից հետո իրենց կյանքն անցկացնում են Ալյասկայի անապատներում․․․

• Երջանկության, վախերի ու սիրո մասին․ դերասանները՝ առանց բեմական կերպարների

  Բեմում դերասանին սովորաբար ճանաչում ենք նրա ստեղծած կերպարով, իսկ հարցազրույցում՝ նրա մասնագիտական հայացքներով․․․

• Կինոբեմադրիչ Ջիվան Ավետիսյանի՝ «Վերածնվածը» ֆիլմի անդրանիկ ցուցադրությունը Լոս Անջելեսում

  Լոս Անջելեսում՝ Warner Bros. Studios.-ի Steven J. Ross կինոթատրոնում, հոկտեմբերի 3-ին կայացավ կինոբեմադրիչ Ջիվան Ավետիսյանի «Վերածնվածը» (Revival) լիամետրաժ խաղարկային ֆիլմի առաջին ցուցադրությունը․․․

• Սթիվեն Սփիլբերգը ֆիլմ կնկարահանի մաֆիայի լեգենդար ղեկավար Սեմի Գրավանոյի՝ Ջոն Գոտիի դավաճանի մասին  

  Սթիվեն Սփիլբերգը ֆիլմ է պատրաստում Սալվատորե «Սեմմի Ցուլ» Գրավանոյի մասին, որը Նյու Յորքի ամենահայտնի մաֆիոզներից մեկն է, որը դավաճանել է իր ղեկավար Ջոն Գոտիին և օգնել ՀԴԲ-ին ոչնչացնել Գամբինո ընտանիքի կայսրությունը: Այս մասին հաղորդել է Page Six-ը...

• Երեք հարս, մեկ սկեսուր ու մեկ մեծ գաղտնիք․ «Հարսների հավաքականը»՝ բեմում

  Երեք հարս, մեկ սկեսուր ու շատ ինտրիգներ. հոկտեմբերի 5-ին և 7-ին Ստանիսլավսկու անվան ռուսական դրամատիկական թատրոնի բեմ բարձրացավ ռեժիսոր Սեդրակ Գոջամանյանի «Հարսների հավաքական» զավեշտալի ներկայացումը՝ Իրինա Դանիելյանի, Մարջան Ավետիսյանի, Զառա Սահակյանի ու Լիանա Վանոյանի մասնակցությամբ….

Երեկ՝ մարտի 10-ին, «Մոսկվա» կինոթատրոնում կայացավ ռեժիսոր Նորա Մարտիրոսյանի «Երբ որ քամին հանդարտվի»/(Si Le Vent Tombe) ֆիլմի պրեմիերան: Ռեժիսորի այս աշխատանքը  հետանկախության շրջանի առաջին ֆիլմն է, որը Կաննում ներկայացվել է Հայաստանից։ Ֆիլմի նկարահանումների գերակշիռ մասն արվել է Հայաստանում եւ Արցախում։ Ժապավենը համատեղ կինոարտադրություն է Հայաստանի, Բելգիայի և Ֆրանսիայի հետ։

«Ես փորձել եմ ոչ քաղաքական ֆիլմ նկարել, անել մի բան, որը ցույց է տալիս Արցախի ֆիզիկական վկայությունը: Սցենարը գրվում էր օդանավակայանի շուրջ. այնպիսի պատմություն պետք է գրեի, որ օտարերկրացին, այս դեպքում՝ ֆրանսիացին, կարողանար մտնել Արցախ: Ֆրանսիացի պրոդյուսերն ինձանից հարցնում էր՝ Նորա, իսկ դու ի՞նչ ես կարծում՝ օդանավակայանը կբացվի՞, իսկ ես պատասխանում էի այն, ինչ ասվում է ֆիլմում՝ չեմ կարծում, որ կբացվի, բայց այնքան մեծ է հույսս, որ ամեն անգամ, երբ անցնում եմ օդանավակայանի կողքով, ես նայում եմ՝ մի՞գուցե ինքնաթիռ է եկել: Այն հավատը, հույսը, որի շուրջ կառուցվում է ֆիլմի պատմությունը, իմ շատ միամիտ հավատն էլ է եղել…»,-անդրադառնալով իր աշխատանքին՝ նշեց ռեժիսորը:

«Երբ որ քամին հանդարտվի» ֆիլմի նկարահանման աշխատանքները տեղի են ունեցել 2018 թ-ի ամռանը: Սյուժեի գլխավոր հերոսն ազգությամբ ֆրանսիացի Ալենն է՝ օդանավակայանների աուդիտոր, որը ժամանում է Արցախի հանրապետություն՝ ուսումնասիրելու, թե արդյոք Ստեփանակերտ քաղաքի նոր կառուցված օդանավակայանը համապատասխանո՞ւմ է վերաբացվելու համար նորմերին: Նրան մարմնավորող ֆրանսիացի դերասան Գրեգուար Քոլինն Արցախ կատարած իր ճամփորդությունը համարում է հրաշալի հնարավորություն բացահայտելու մի երկրային դրախտ, որի մասին ինքը նախկինում պատկերացում չուներ.

«Գալով այստեղ՝ բացահայտեցի, որ երկրի վրա կա դրախտ: Ես չգիտեմ, թե ինչու էր պետք այդ ճամփորդությունը, բայց ինչպես ասում են՝ դրանք պետք են, որ, վերջապես, հասնես ինքդ քեզ, չնայած՝ այդ եզրակացությանը պատասխանել են, որ երբեմն ճամփորդության գնում ես, որ հասնես ճամփորդին: Կարծում եմ՝ ինձ համար սա շատ յուրահատուկ ճանապարհ էր, որի շնորհիվ ես կարողացա ներկա լինել, տեսնել, բացահայտել այս երկրային դրախտը՝ Արցախը»,-նշեց դերասանը:

Ֆիլմի ստեղծագործական կազմի կարծիքով՝ օդանավակայանի բացումը հենց Արցախի թռիչքն է բնորոշում.

«Մենք նկարահանումների ժամանակ էլ մտածում էինք՝ բա՞ որ հանկարծ մի հրաշք պատահի, իսկապես, ֆիլմից հետո մի բան լինի ու օդանավակայանն աշխատի: Ու անգամ, եթե այն չբացվի, ֆիլմն իր ասելիքով շատ լուրջ տեղ պետք է գրավի, ու կարծում եմ՝ արդեն այդպես է»,-նշեց ֆիլմում Սեյրանին՝ ֆրանսիացի փորձագետի արցախյան ուղեկցին մարմնավորող դերասան Արման Նավասարդյանը:

Ֆիլմում առանցքային դեր ունի նաեւ Վարդան Պետրոսյանը: Դերասանը հիշում է՝ սկզբում հրաժարվել է ընդունել Նորայի առաջարկը, բայց նրան մտափոխել է ռեժիսորի՝ աշխատանքին նվիրվածությունն ու իր գործին ինքնաքննադատ մոտեցումը: Անդրադառնալով իր հերոսին՝ դերասանը նշեց.

«Խենթ Սասունցի է, որն ինձ համար հայի հավաքական կերպար է. նա երբեք հրացանը ձեռքից չի գցելու, նա ամեն ինչ տեսնում է հեռվից, գիտի, որ ինքը ճիշտ է ու, փաստորեն, ինքն, իրոք, ճիշտ դուրս եկավ՝ Արցախյան բնապատկերները դարձան մեր կորուսյալ զավակները, սարսափելի բան է... Մենք հիմա ֆիլմին կնայենք ուրիշ աչքով, եւ այն մեզ համար կդառնա հիշողության մի մարգարիտ, որն անընդհատ մեզ կհիշեցնի մի շատ կարեւոր բանի մասին, եւ Աստված չանի, որ մարդիկ փորձեն մոռանալ ինչ-ինչ բաներ, մենք կտեսնենք, որ ունենք մի ֆիլմ, որն անընդհատ մեզ ցուց կտա այդ պատկերները»:

«Երբ որ քամին հանդարտվի» ֆիլմի կարեւորություններից մեկն այն է, որ Արցախի մասին այս ժապավենն ունի ցուցադրման լայն հնարավորություն. նախագիծը նախատեսված է ոչ միայն հայկական, այլեւ եվրոպական, ռուսական եւ ամերիկյան կինո եւ հեռուստաշուկաների համար:

Սյունե Առաքելյան

Տեսանյութը՝ Մելինե Տոնոյանի

Լուսանկարները՝ Արսեն Սարգսյանի

Հետևեք NEWS.am STYLE-ին Facebook-ում, Twitter-ում և Instagram-ում