Թեմա կա. ո՞ւմ մասին է Աստղիկ Սաֆարյանը մտածում գիշերվա 2-ին և ո՞ւմ է տեսնում որպես «Երկու աստղի» հաջորդ զույգ

Օսկար Ուայլդի «Սալոմեն»՝ Երևանի դրամատիկական թատրոնի նոր հարթակում

Կանանց զուգարանից՝ հասարակության հայելի. «Toilet կանանց համար»

Մանկությանս տիկնիկը կուզեի վերադարձնել

Armenia Marriott-ում կրկին համաշխարհային գաստրոնոմիկ շոու է՝ Le Petit Chef-ը վերադարձել է Երևան

Երբևէ ասե՞լ եք «Ես քեզ սիրում եմ»՝ իրականում այդպես չզգալով

«The Last Breath». Սևան Շահմիրյանը հանդիսատեսին է ներկայացնում իր երաժշտական աշխարհը

Լողազգեստով լուսանկարներ. ազատ ինքնարտահայտո՞ւմ, թե՞ չափի զգացում

Կարմիր խնձորը… Արդյո՞ք այն դեռ ակտուալ է

Տղամարդիկ ուժեղ չեն. դերասանուհի Մարի Գրիգորյան

Մեկնարկեց «Ոսկե ծիրան» Երևանի 23-րդ միջազգային կինոփառատոնը

Արսեն Ալբարյան․ բեմի լույսերի տակ՝ զգացմունքների, ընտրությունների ու անկեղծության մասին

Հրաժեշտ Արտիստին. Արտաշես Ալեքսանյանի հոգեհանգիստը՝ Կոնդի Սուրբ Հովհաննես եկեղեցում

Դերասան լինելու որոշումն եմ կայացրել՝ չնայած բոլորի դեմ կարծիքին. Հովհաննես Դիշչյան

Վահե Վայան. Ինչքան մարդիկ շատ են իմանում մարդու մասին, այնքան բարդ է դառնում ապրելը

Նիկոս Վերտիսը «ԱԿՎԱ ԲԻԼԴԻՆԳՍ» ընկերության հրավերով արդեն 3-րդ անգամ ելույթ կունենա Հայաստանում

Մալյան թատրոնի դերասանները՝ Թումանյանի «Հեքիաթներ» ներկայացման զվարճալի դեպքերի մասին

Մի երեկո Նեմրայի հետ․ զրույցներ և պատմություններ, որոնք մնում են երաժշտությունից հետո

Էլեն Ասատրյանի մեծ կերուստը, Ժաննա Բուտուլյանի հետ մտերմությունն ու «Հարս չկա»-ի Լիզայի հետ ընդհանրությունը. 20 փաստ դերասանուհու մասին

14:05, 18 մարտի

Դերասանուհի Էլեն Ասատրյանի կերպարը՝ Լիզան, «Հարս չկա» սիթքոմի ամենասիրելի հերոսուհիներից է, թեեւ Էլենը նշում է՝ միայն մեկ ընդհանուր բան ունի Լիզայի հետ:

NEWS.am STYLE-ի «20 փաստ հայտնիների մասին» խորագրում դերասանուհին իրեն վերաբերող այլ բացահայտումներ էլ է արել:

Էլեն, բնավորությանդ ամենատարօրինակ գիծն՝ ըստ քեզ:

Տեղի-անտեղի մարդկանց խղճալը:

Ունե՞ս մտածելակերպումդ հնաոճ գծեր. որո՞նք են դրանք:

Չէի ասի, որ ունեմ, բայց եթե հավատարիմ կին լինելը, բարոյականությունը, չվաճառվելը մեր օրերում հնաոճ մտածելակերպ են, ապա լռում եմ:

Վատ սովորություններ, որոնցից հաջողվել է ազատվել, կամ պատրաստվում ես ազատվել:

Վատ սովորությունս այն էր, որ ոչ մեկին մերժել չէի կարողանում եւ անկախ այն բանից՝ ինձ հարմար էր, թե ոչ, բոլորին փորձում էի հարմարվել: Հիմա այլ կերպ եմ ապրում:

Բաներ, որոնք չանելու համար փոշմանել ես:

Չեմ փոշմանում ոչ մի բանի համար, որովհետեւ ոչինչ չեմ կարող փոխել, իսկ ավելորդ ինֆորմացիայով գլուխս լցնել չեմ ուզում:

Քանի՞սն են այն ընկերներդ, որոնց կարող ես վստահել ցանկացած գաղտնիք:

Երկուսը կամ երեքը:

Գծեր, որոնք ընդհանուր են «Հարս չկա»-ի կերպարիդ՝ Լիզայի եւ քո միջեւ:

Լիզան բարի է, ես՝ նույնպես (ժպտում է):

Ամենասիրելի ֆիլմդ, որը կարող ես անդադար դիտել:

Հին հայկական ֆիլմերը՝ «Կտորմ մը երկինք» եւ «Մեր մանկության տանգոն»:

Ավագ կոլեգաներիցդ ումի՞ց ես ամենից շատ սովորել:

Իմ ընկերուհուց՝ Ժաննա Բուտուլյանից: Թեեւ մեր տարիքային տարբերությունը մեծ չէ, կյանքիս շատ փուլերում նա ինձ ճիշտ ուղու վրա է դրել:

Եթե կարողանայիր ստեղծել մի օրենք, որը մինչ օրս չկա, ո՞րը կլիներ դա:

Պատասխանատվության ենթարկել մարդուն, եթե դիմացինին դիտավորյալ ցավեցնում է, դավաճանում, հետո՝ հրճվում այդ ամենից:

Երբ 30 րոպե ազատ ժամանակ ես ունենում, ինչպե՞ս ես այն անցկացնում:

Եթե ազատ ժամանակ եմ ունենում, քնում եմ:

Ամենասիրելի կերպարդ քո դերերից:

Բոլոր կերպարներս սիրում եմ յուրովի:

Ի՞նչն ես ամենից շատ կարոտում քո մանկությունից:

Մայրիկիս պատկերը, երբ նա 20-25 տարեկան էր, ես հիանում էի նրանով, ու մինչ օրս այդպես է:

Մանկությանդ ամենասարսափելի հուշը:

Մանկությանս ամենասարսափելի հուշը վատ երազ էր, երբ մի գնչու կին ուզում էր ինձ սպանել, իսկ մորաքույրս չէր փրկում ինձ ու նստած նայում էր (ծիծաղում է):

Ունակություն, որը կցանկանայիր ունենալ:

Վերակենդանացնել մահացած լավ մարդկանց:

3  բան, որ կփոխեիր հայ հասարակության մեջ:

Հայի մեջ կուզեի, որ լիներ գոհանալու ունակություն, սեփական մեղքը տեսնելու եւ ուրիշի վրա չբարդելու կարողություն, սեփական կյանքով ապրելու տաղանդ, այո՝ տաղանդ…

Կյանքումդ ամենաազդեցիկ մարդը:

Ինձ համար ամենաազդեցիկ մարդը քեռիս էր, ով օրեր առաջ մահացավ ու դաջվեց իմ սրտում. Իմ կյանքն էլ առաջվանը չի լինի: Նրան բոլոր կանայք եւ աղջիկները սիրում էին, ուրիշ էր…

Ինչի՞ մասին նորություններին ես ամենից շատ հետեւում նյուզֆիդումդ:

Պատերազմական լուրերին:

Ամենածիծաղելի բամբասանքը, որը քո մասին լսել ես:

Ավելի լավ է չասեմ, նույնիսկ, ամաչում եմ (ծիծաղում է):

Ո՞ր մեկ բառով կնկարագրես քեզ:

Չեմ գտնում այդ մեկ բառը (ժպտում է):

Ամենաչսիրածդ հարցը, որ տալիս են:

«Ե՞րբ ես ամուսնանում»:

Սյունե Առաքելյան

Լուսանկարները՝ arm-yans, Էլեն Ասատրյանի Instagram-ից


Հետևեք NEWS.am STYLE-ին Facebook-ում, Twitter-ում և Instagram-ում




Print  

  • Related News

TV SHOWS PHOTO VIDEO


@NEWSam_STYLE

  • Archive
Search