«The Last Breath». Սևան Շահմիրյանը հանդիսատեսին է ներկայացնում իր երաժշտական աշխարհը

Լողազգեստով լուսանկարներ. ազատ ինքնարտահայտո՞ւմ, թե՞ չափի զգացում

Կարմիր խնձորը… Արդյո՞ք այն դեռ ակտուալ է

Տղամարդիկ ուժեղ չեն. դերասանուհի Մարի Գրիգորյան

Մեկնարկեց «Ոսկե ծիրան» Երևանի 23-րդ միջազգային կինոփառատոնը

Արսեն Ալբարյան․ բեմի լույսերի տակ՝ զգացմունքների, ընտրությունների ու անկեղծության մասին

Հրաժեշտ Արտիստին. Արտաշես Ալեքսանյանի հոգեհանգիստը՝ Կոնդի Սուրբ Հովհաննես եկեղեցում

Դերասան լինելու որոշումն եմ կայացրել՝ չնայած բոլորի դեմ կարծիքին. Հովհաննես Դիշչյան

Վահե Վայան. Ինչքան մարդիկ շատ են իմանում մարդու մասին, այնքան բարդ է դառնում ապրելը

Նիկոս Վերտիսը «ԱԿՎԱ ԲԻԼԴԻՆԳՍ» ընկերության հրավերով արդեն 3-րդ անգամ ելույթ կունենա Հայաստանում

Մալյան թատրոնի դերասանները՝ Թումանյանի «Հեքիաթներ» ներկայացման զվարճալի դեպքերի մասին

Մի երեկո Նեմրայի հետ․ զրույցներ և պատմություններ, որոնք մնում են երաժշտությունից հետո

Մեկ բաժակ ավել՝ հյուրի համար․ սուրճ, արվեստ և Գյումրվա ժպիտը «Վառեմ-Մարեմ»-ում

«Վառեմ-Մարեմ». Գյումրու ստեղծարար ոգին՝ արվեստի և հիշողությունների հանդիպման վայրում

Ինչպե՞ս եք վերաբերվում լողազգեստով լուսանկարներին

Վերջին զանգ․ արցունք, ծիծաղ ու հրաժեշտ մանկությանը

Ժամանակից շուտ մի՛ մեծացեք․ խորհուրդներ երիտասարդներին

Արժի, արդյոք, որ Հայաստանը շարունակի մասնակցել «Եվրատեսիլին»

«Կյանքիս այս շրջանն անվանել եմ «ռենեսանս»». մոդել Թերեզա Մարտիրոսյանի նոր նախասիրությունն ու իր նկարներում պատկերված հոգեվիճակը (ֆոտո)

15:05, 23 մարտի

Մոդել Թերեզա Մարտիրոսյանը վերջին շրջանում իր հետեւորդներին զարմացնում է նկարելու իր ունակություններով: Նրա հրապարակումների կողքով անտարբեր չի անցել նաեւ NEWS.am STYLE-ը. Թերեզայի հետ զրուցել ենք իր նոր հոգեվիճակի եւ դրանից բխող նախասիրության մասին:

Մոդելը պատմեց, որ նկարել սիրել է փոքր տարիքից, սակայն երկար տարիներ, նույնիսկ, վրձին չէր բռնել ձեռքում.

«Ինչպես շատ երեխաներ, նկարում էի պատերին: Նույնիսկ, հիշում եմ, որ տունը վերանորոգելիս այն հատվածը, որտեղ ես նկարել էի, մայրիկս անփոփոխ էր թողել: Երեւի վերջին անգամ հենց այդ տարիքում եմ նկարել…»,-վերհիշեց նա՝ հավելելով, որ նկարչական դասընթացների երբեք չի հաճախել եւ չունի մասնագիտական կրթություն.

«Երբեք ոչ մի տեղ չեմ սովորել նկարչություն, բայց շատ եմ սիրում նկարել, սակայն գիտեմ, որ հաստատ չեմ նկարում այնպես, ինչպես դա անում են տվյալ ճյուղում մասնագիտացած մարդիկ: Ես նկարում եմ սիրողական մակարդակի, բայց դա ինձ դուր է գալիս (ծիծաղում է): Երբ լուսանկար կամ տեսանյութ եմ տեղադրում՝ ցուցադրելով իմ նկարածները, բավական շատ գովեստի խոսքեր եմ ստանում, ինչն ուրախալի է, որովհետեւ ես բնույթով այնպիսի մարդ եմ, որը տեսնում է իր թերությունները՝ գիտեմ, թե ինչն եմ լավ անում, ինչը՝ վատ, ու նկարելու ընթացքն ինձ դուր է գալիս, իսկ երբ ինձ մի բան դուր է գալիս, հասկանում եմ, որ լավ է ստացվում»:

Անդրադառնալով իր նկարների թեմատիկային՝ Թերեզան նշեց.

«Իմ բոլոր նկարներում պատկերված է կինը՝ իր տարբեր դրսեւորումներով, հոգեվիճակով: Մի նկարում եւ մյուսում պատկերված կանայք, միգուցե, նույն կերպարանքն ունեն, բայց տարբեր մարդիկ են»:

Մոդելը խոսեց նաեւ իր հոգեվիճակում կատարվող փոփոխությունների մասին.

«Այս շրջանում ինձ մոտ հանգստություն է, սկսել եմ ժամանակս այնպես դասավորել, որ կարողանամ զբաղվել այն ամենով, ինչն ինձ դուր է գալիս: Սկսել եմ ավելի շատ կարդալ, միաժամանակ՝ աշխատում եմ, զբաղվում ինձանով, հետեւում արտաքինիս... Վերջին տարիներին անընդհատ աշխատանքի մեջ եմ եղել, իմ մասին մոռացել էի, հիմա սկսել եմ ինքս ինձ ավելի շատ սիրել, եւ, միգուցե, դրանից է բխում այսօրվա հոգեվիճակս: Ինքս կյանքիս այս շրջանն անվանել եմ «ռենեսանս», որովհետեւ ոչ միայն նկարչության, այլեւ այլ ասպարեզներում ինձ մոտ բացահայտել եմ ե´ւ ձգտում, ե´ւ փորձեր, ու հասկացել, որ շատ-շատ բաներ մարդը կարող է անել ցանկության դեպքում»:

Հարցին՝ արդյոք պատրաստվո՞ւմ է ավելի լայն գործունեություն ծավալել նկարչության ոլորտում, մոդելը պատասանեց.

«Այս պահին չունեմ կոնկրետ մտադրություն հետագայում նկարչությամբ զբաղվելու, բայց մարդիկ նույն տեղում չեն դոփում, միշտ առաջ ենք գնում: Չի բացառվում, որ հետագայում նման գաղափարներ ունենամ՝ ցուցահանդեսի հետ կապված եւ այլն, բայց այսօր նման բաների մասին չեմ մտածում, քանի որ ինչպես նշեցի՝ ես պրոֆեսիոնալ նկարչուհի չեմ: Դեռ ոչ մի անգամ կտավի վրա չեմ նկարել, չնայած՝ երկու կտավ ունեմ՝ որպես նվեր, դրանք զգուշորեն պահել եմ, որ հետագայում նկարեմ: Կյանքումս այնպիսի շրջան է, որը թույլ է տալիս ինձ ավելի լավ ճանաչելու, նույնիսյկ, հիմա ես չեմ ցանկանա, որ մարդիկ ինձ  «դատեն»՝ որպես նկարչուհի, որովհետեւ ես նկարչուհի չեմ: Ես շատ լավ գիտեմ, որ մարդիկ տարիներով սովորում են այս մասնագիտությունը, իսկ ես տարիների այդ աշխատանքը չեմ տարել»:

Սյունե Առաքելյան

Լուսանկարները՝ Թերեզա Մարտիրոսյանի անձնական արիվից


Հետևեք NEWS.am STYLE-ին Facebook-ում, Twitter-ում և Instagram-ում




Print  

  • Related News

TV SHOWS PHOTO VIDEO


@NEWSam_STYLE

  • Archive
Search