• «Ցեղասպանությունը եղել է․ իմ մեծ տատն ու պապը զոհ են գնացել այդ սարսափելի ոճրագործությանը»․ Գեւ Օրկյան

  Բրիտանահայ երաժիշտ, կատակերգու Գեւ Օրկյանը Հայոց ցեղասպանության 109-րդ տարելիցի կապակցությամբ ինստագրամյան իր էջում գրել է․․․

• Վահե Բերբերյանը հրապարակել է Հայոց ցեղասպանության զոհ դարձած իր պապի միակ լուսանկարն ու խոսել իր խոստման մասին

  Դերասան, կատակերգու եւ գրող Վահե Բերբերյանը Instagram-ում հրապարակել է Հայոց ցեղասպանության զոհ դարձած իր պապի արխիվային լուսանկարը՝ նշելով, որ դա միակ հիշողությունն է, որ ունի նրանից...

• «Մենք ոգեկոչում ենք 1915 թվականին զոհված հայերի հիշատակը: Նրանց թվում են իմ նախնիները»․ ամերիկահայ դերասանուհի Դիանա Մեդիսոն

  Ամերիկահայ դերասանուհի, պրոդյուսեր Դիանա Մեդիսոնը Հայոց ցեղասպանության 109-րդ տարելիցի կապակցությամբ տեսանյութ է հրապարակել ինստագրամյան իր էջում...

• «Ուզում եմ հիշել իմ նախնիներին, ովքեր զոհվել են, եւ նրանց, ովքեր ողջ են մնացել»․ Սերժ Թանկյանի գրառումը՝ Հայոց ցեղասպանության 109-րդ տարելիցի կապակցությամբ

  Ամերիկահայ անվանի երաժիշտ, System of a Down-ի անդամ Սերժ Թանկյանը ոգեկոչել է 1915 թ-ի Հայոց ցեղասպանության զոհերի հիշատակը...

• «Հայոց պատմության ուսուցիչս նույնիսկ մեր ավարտական երեկոյի ժամանակ ասաց՝ թուրքին բարեկամ չկարծեք…». Ժաննա Բուտուլյան

  Հայոց պատմության ուսուցիչս նույնիսկ մեր ավարտական երեկոյի ժամանակ ասաց . «Թուրքին բարեկամ չկարծեք. նրանք սեղան կնստեն ձեզ հետ , բայց կչարախոսեն, ձեռքը Ղուրանին դրած կերդվեն ու կխաբեն…

• «Եվրատեսիլ 2024»-ում Հայաստանը ներկայացնող «Լադանիվա» խմբի անդամները հարգանքի տուրք են մատուցել Հայոց ցեղասպանության զոհերի հիշատակին (ֆոտո)

  Հայոց ցեղասպանության զոհերի հիշատակի օրվա կապակցությամբ «Եվրատեսիլ 2024»-ում Հայաստանի դեսպանները՝ «Լադանիվա» խմբի անդամներն, այցելել են Ծիծեռնակաբերդի հուշահամալիր...

• «24.04.2024 ից թող սկսվի Հայաստան-Արցախի վերածննդի հետհաշվարկը: Ես հավատում եմ». Նազենի Հովհաննիսյան

  «Ինձ ասում են մոռացի՜ր, մի հիշիր ու մի պահանջիր աշխարհից պատմությանդ ճշմարտությունն ու ճակատագրիդ ողբերգական էջերը, ասում են,անցիր, մի հիշիր...»…

• Նանուլը նշում է 14-ամյակը. երգչուհու տոնական ֆոտոշարքը

  Հայկական շոուբիզնեսի ամենահայտնի փոքրիկ արտիստուհիներից մեկը՝ պարուհի-երգչուհի Նանուլը, այսօր՝ ապրիլի 23-ին, նշում է ծննդյան 14-ամյակը...

«Փրկության հրեշտակ»՝ այսպես էին անվանում Հովհաննես Էսքիջյանին՝ մեր այն հայրենակցին, որը 1915 թ-ին, հաղթահարելով մի շարք խնդիրներ ու սպառնալիքներ, ջանք չէր խնայում օգնության ձեռք մեկնել Եղեռնից փրկված հայ մանուկներին: Էսքիջյանի մասին պատմող համանուն ներկայացման առաջնախաղը կայացավ երեկ՝ մարտի 24-ին, Պետական կամերային երաժշտական թատրոնում:

Ռեժիսոր Նունե Աբրահամյանի ներկայացումն այն մասին է, թե ինչպես Հովհաննես Էսքիջյանը Գարլըքի եւ Հալեպի երկաթգծի կայարաններից, մեկ երեխայի դիմաց մեկ ոսկի վճարելով, առնում էր հայ որբերին, թաքցնում իր տանը, ապա ապաստարաններ գտնում նրանց համար: Գլխավոր հերոսին ներկայացման մեջ մարնավորում է դերասան Սմբատ Ստեփանյանը, որը գտնում է՝ նման գործերն ամեն անգամ ավելի ամուր են կապում հայերին իրենց հողին.

«Ներկայացումն ավելի շատ վավերագրումն է այն ամենի, ինչ տեղի է ունեցել 1915 թ-ին եւ դրանից հետո: Ինձ եւ ոչ միայն ինձ համար, կարծում եմ՝ այս գործի կարեւորությունն այն է, որ, ցավոք, նույնիսկ, 100 տարի անց ոչինչ չի փոխվել, նույն ձեռագրերը շարունակվում են եւ դրանք ունեն ջարդելու, կոտրելու, արմատից կտրելու խնդիր, որը, բարեբախտաբար, չի ստացվել ու չի ստացվելու: Նմանտիպ գործերը ցանկացած ժամանակահատվածում կարեւոր են, որպեսզի մենք երբեք չմոռանանք եւ լրջորեն մոտենանք այն խնդիրներին, որոնք եղել են ու դեռ կան: Երբ մոռանում ես անցյալը, կտրվում ես քո արմատից ու հողից, իսկ հողից կտրվել նշանակում է՝ ուղղակի ապրել օդում»,-նշեց դերասանը:

«Փրկության հրեշտակը» ներկայացման առանցքային դերերում հանդես են գալիս նաեւ Անահիտ Կիրակոսյանը, Արա Գեւորգյանը եւ Լաուրա Բաբայանը:

Անահիտ Կիրակոսյանը մարմնավորում է Էսքիջյանի կնոջ կերպարը: Ըստ դերասանուհու՝ ներկայացումը, նախ եւ առաջ, կարեւոր է բազմաթիվ հայ մանուկներին օգնած մեր հայրենակցի կյանքի պատմությունն ու սխրանքները հանրության ավելի լայն շերտերի համար բացահայտելու տեսանկյունից.

«Կարծում եմ՝ այս ներկայացումը շատ կարեւոր է, նախ, իմացության համար. այն իրական փաստերի հիման վրա է, ընդ որում՝ ներկայացված են այնպիսի փաստեր, որոնց շատերս այդքան էլ ծանոթ չենք: Հովհաննես Էսքիջյանը շատ մեծ գործ է արել, նա շատ երեխաների է փրկել, եւ կարեւոր է, որ Հայաստանում բարձրաձայնվի այս մեծ հայի մասին թեման»:

Անդրադառնալով իր կերպարին՝ Անահիտը նշեց.

«Ես սիրում եմ փոփոխություն, սիրում եմ աշխատել կերպարի շուրջ: Այս դերը շատ պատասխանատու է, քանի որ բացի այն, որ նա իր ամուսնուն նվիրված կին է, նաեւ շատ ուժեղ է իր բնույթով, կին, որը գիտակցում է իր ամուսնու ընտրած ճանապարհը եւ պատրաստ է կրել այդ ճանապարհին հանդիպած խնդիրներն իր ուսերին: Միեւնույն ժամանակ նա փխրուն է, գիտակցաբար պատրաստ է շարունակել իր ամուսնու գործը: Այս պարագայում նա իր ամուսնու մահը համարում է փրկություն, որովհետեւ միայն ուժեղ մարդը կարող էր հասկանալ, որ նրան չձերբակալեցին, նա չընկավ թուրքերի ձեռքը, այլ գնաց դեպի լույսը եւ մնաց՝ որպես «փրկության հրեշտակ»:

Դերասան Արա Գեւորգյանը մարմնավորում է թուրք փաշային: Նրա խոսքով՝ չարագործի, հատկապես, թուրք չարագործի մարմնավորելը կրկնակի պատաանատվություն է ենթադրում.

«Դերերն, ընդհանրապես, հեշտ չեն տրվում, հատկապես, երբ մարմնավորում ես չարագործի, առավել եւս՝ թուրք չարագործի: Ես կարծում եմ՝ այդ պարագայում պետք է ավելի լավը լինել, ճիշտ լինել, որովհետեւ երբ չարագործին ճիշտ ես ներկայացնում, հաղթող կողմը, տվյալ դեպքում՝ Հովհաննես Էսքիջյանը, որն իր առջեւ նպատակ էր դրել փրկել հայ մանուկներին, ավելի ակնհայտ է բացահայտվում: Փորձել եմ փաշայի կերապրով ցույց տալ այսօրվա թուրք կառավարության չարագործներին, որոնք երբեք չեն փոխվելու, նրանք հենց այս կերպարի շարունակողներն են: Փառք Աստծո՝ մենք տոկուն ենք ու կհաղթենք այդ չարիքին»,-նշեց դերասանը:

«Փրկության հրեշտակը» ներկայացման հաջորդ խաղը կկայանա մարտի 25-ին՝ Պետական կամերային երաժշտական թատրոնում: Մինչ այդ կարող եք հետեւել երեկվա պրեմիերայից մեր ֆոտոռեպորտաժին:

Սյունե Առաքելյան

Լուսանկարները՝ Հայկ Տոնոյանի

Հետևեք NEWS.am STYLE-ին Facebook-ում, Twitter-ում և Instagram-ում