• 2026 թվականի աշխարհի լավագույն գաստրոնոմիական մայրաքաղաքները. լավագույն 20-ը՝ ըստ Time Out-ի

  Երբ խոսքը գնում է կատարյալ ճանապարհորդության պլանավորման մասին, ամեն ինչ, ի վերջո, կախված է նրանից, թե ինչ է առաջարկում քաղաքը

• «Yerord mas»-ի վիրուսային բաստուրմայով սենդվիչը խենթացրել է Լոս Անջելեսին

  Լոս Անջելեսում գտնվող «Երրորդ Մաս» անվանումով հայկական ռեստորանը վիրուսային է դարձել մեկ սենդվիչի շնորհիվ․․․

• Ֆրանսիական խոհանոցի հանճարը՝ Միշլենի 18 աստղով, որի մասին աշխարհը քիչ է լսել

  Ֆրանսիացի խոհարար Յանիկ Ալենոն այսօր, ըստ Միշլենի, համարվում է «ժամանակակից ֆրանսիական գաստրոնոմիայի իսկական լուսատու»․․․

• Armani և Gucci. շքեղություն՝ արտահայտված խոհանոցային արվեստի միջոցով  

  Ճապոնական բաղադրիչներից ծնված Armani-ի իտալական նրբագեղությունը մարմնավորված է երկու բոլորովին տարբեր խոհարարների աշխատանքում…

• Թարմացեք և հանգստացեք առանց տնից դուրս գալու. 5 հեշտ կոկտեյլ, որոնք կարող եք հեշտությամբ պատրաստել ձեր խոհանոցում  

  Գարնանային կոկտեյլները հիմնված են երեք սյուների վրա՝ ծաղիկներ, հատապտուղներ և ցիտրուսներ։ Մնացած ամեն ինչ պարզապես տարբերակ է։ Հիմքը հաճախ թափանցիկ և մաքուր համ ունի՝ ջին, փրփրուն գինի կամ սպիտակ ռոմ։ Այստեղ տրամադրությունը գլխավորն է. որքան բարձր է տրամադրությունը, այնքան լավ...

• Բարձրակարգ խոհանոցի մութ կողմը, որը գնալով դժվար է անտեսել

  Երբ խոհարար Ռենե Ռեձեպին ներողություն խնդրեց իր աշխատակիցներից իր նախկին վարքագծի համար և հայտարարեց աշխարհի ամենահայտնի ռեստորաններից մեկից՝ Noma-ից ժամանակավորապես հեռանալու մասին, դա սկանդալային լուր էր, բայց արդյո՞ք որևէ մեկը իսկապես զարմացած էր․․․

• WPR-ի ուսումնասիրության համաձայն՝ Հայաստանը ընդգրկվել է ամենավատ խոհանոց ունեցող երկրների շարքում

  «World Population Review» վերլուծական հարթակը հրապարակել է ամենահամեղ ազգային խոհանոցներ ունեցող երկրների վարկանիշային աղյուսակը՝ հիմնված 2025 թվականի TasteAtlas ուսումնասիրության վրա…

• Որքա՞ն կարժենա հայկական Նոր տարվա սեղանը 2025 թվականին

  Հայկական Նոր տարին վաղուց ի վեր հոմանիշ է եղել առատաձեռնության, առատության և «թող սեղանը լի լինի, և մենք կլուծենք» մտածելակերպի․․․

Մաշտոցի 49 հասցեն արդեն մոտ 29 տարի համեղ քաղցրավենիքի սիրահարների համար ամենահարազատներից է դարձել: Մատենադարանի  հարևանությամբ է գտնվում Երևանի ամենաքաղցր խորհրդանիշներից  մեկը՝ «Գրանատուս» խանութը, որտեղ ամենաթարմ, համեղ ու տնական թխվածքներն են պատրաստվում:

Խանութի հաջողության բանաձև դարձել է ջերմ հյուրընկալությունն ու «տնական» մթնոլորտը, որի մասին պատմում են ու խոսում տարիներ շարունակ: Հենց դրանցով էլ խանութը, հաղթահարելով տարիների փորձություններն ու դժվարությունները, ոչ միայն չի զիջել իր դիրքերը, այլեւ՝ շարունակում է դիմակայել ցանկացած մրցակցության:

Ամեն ինչ սկսվեց հեռավոր 90-ականներին, երբ   ճարտարապետ Ռուբեն Հասրաթյանն ու նրա տիկին Գայանե Միրզոյանը  որոշեցին խմորեղենի խանութ բացել:  Շատ ճարտարապետների  կանայք էլ  միացան այդ գաղափարին` նորաստեղծ խանութի համար խմորեղեն թխելով: Այդպիսով, յուրաքանչյուր տան տիկին սկսեց թխել իր ընտանիքի «մենյու»-ի ամենահամեղ թխվածքն ու ներկայացնել այն վաճառքի:

Այո, գաղափարը ռիսկային էր, չէ՞ որ այդ շրջանում պատրաստի խմորեղեն գնելը «մոդայիկ» չէր:

Գաղափարն արդարացրեց բոլոր սպասումները` «Գրանատուս»-ը դարձավ սիրելի և ճանաչելի բոլորին: Խանութի  այցեքարտը դարձան ոչ  միայն խմորեղենի որակն ու համը, այլև հին երևանյան օջախ հիշեցնող մթնոլորտը:

«Գրանատուսի» համն ու որակը գայթակղել են ոչ միայն մեր համաքաղաքացիներին, այլեւ քաղցրասեր զբոսաշրջիկներին, որ դարձել են խանութի սպասված հյուրերը, իսկ հավատարիմ հաճախորդները` ընտանիքի հարազատ  անդամ, որոնց առիթները մինչ օրս չեն անցնում առանց «Գրանատուսի» համեղ միջամտության։

Պատճառն ակնհայտ է: Չէ՞ որ «Գրանատուս»-ում թխվածքներն ու կարկանդակները պատրաստվում են բացառապես կարագով, չեն օգտագործվում քիմիական ու համային հավելումներ, իսկ տորթերի պարզ ու «տնական» տեսքը դրանք դարձնում է ավելի ախորժելի ու «կանչող» խանութի այցելուների համար:

«Գրանատուս»-ում հնարավոր է գտնել եզակի բաղադրատոմսեր, որոնց գաղտնիքը գիտեն բացառապես խանութի հմուտ խոհարարները:

Թեև խանութի պատմությունը սկսվել է թխվածքներից, այսօր տեսականին ընդլայնվել է.  արդեն մի քանի տարի է՝ այստեղ պատրաստում ու վաճառում են նաև համեղ ու որակյալ կիսաֆաբրիկատներ:  Խանութի կարկանդակները կարծես արվեստի ուտելի գործեր լինեն, որոնցից յուրաքանչյուրի վրա խորհրդանշական զարդանախշեր կան:

«Գրանատուս»-ում կգտնվեն համեղ անակնկալներ ցանկացած տարիքի քաղցրասերների համար:  Փոքրիկներին այստեղ սպասում  են «ժպտացող» թխվածքաբլիթները, որոնք իրենց գույներով ու  բառի բուն իմաստով տարատեսակ դեմքերով,  հրավիրում են իրենց ուտելու:

Դե, արի ու կողմնորոշվիր այս քաղցր բազմազանության մեջ, որը կգտնեք միայն Մաշտոցի 49 հասցեում: Իսկ եթե դուք արդեն գիտեք, թե ինչ խմորեղենով եք քաղցրացնելու ձեր օրը, կարող եք պատվիրել առաքում 010 583747 և 099 583747  հեռախոսահամարներով: 

Սյունե Առաքելյան

Լուսանկարները՝ Էմմա Ասատրյանի

Հետևեք NEWS.am STYLE-ին Facebook-ում, Twitter-ում և Instagram-ում