MOCT 5. Անդերգրաունդ կյանքը Հայաստանում

«Armflix»-ի «Տանդեմ» սերիալի առաջին 3 սերիաների ցուցադրությունը, կարմիր գորգն ու հայտնի հյուրերը (VIDEO)

Անդրեյ Մակարեւիչ. «Ինտերնետը շատ շուտ է հասել մարդկությանը»

Գուշակիր գույնը, ստացիր ծաղկեփունջ. մեկ օր՝ Մայիս Վարդանյանի հետ

Տիհանա Vibes Դավիթ Մանոյանի հետ. Իվետա Մուկուչյանի հետ տեսահոլովակի, Կասպերի եւ այլ թեմաների մասին

Տիհանա Vibes. ZatikArtFest-ի գույներն ու մարդիկ

Տիհանա vibes. Թվում է՝ պարզ հարցեր են, պարզվում է՝ ոչ այնքան

Միխայիլ Շուֆուտինսկին ժամանեց Հայաստան

Տիհանա Vibes. Ընկերները, սեքսը, շաուրման. իսկ ձեզ ի՞նչն է երջանկացնում

Ի՞նչ ակնկալիքներ ունեն երեւանցիները «Եվրատեսիլում» Լադանիվայի մասնակցությունից

«Օսկար 2024». Լավագույնները, «ամենամերկը», հմայիչ Քենն ու մյուս հիշարժան պահերը

Տիհանա Vibes. Իսկ դուք պատրա՞ստ եք ձեր կնոջ համար այսպիսի «քննություն» հանձնել

«Մենչի վերջը» ստենդափի պրեմիերան, հայտնի հյուրերն ու գլխավոր «մեսիջը»

Տիհանա Vibes. մի քանի շոթ ու դեսից–դենից զրույց Վաչե Երիցյանի հետ

POP NEWS. Շաբաթվա իրադարձությունները` մեկ տողով

«Բարի օր»՝ տաքսիստ Հենդոյի հետ. Մհեր Մխիթարյանի հայտնի կերպարի մասին ֆիլմի պրեմիերան ու կարմիր գորգը

Տիհանա Vibes. Ո՞վ է Նեմրայում ամենաcute-ն ու ամենաsexy-ն

Տիհանա Vibes Արսեն Գրիգորյանի հետ. Ընկերուհի չունեմ, ժամանակ չունեմ

«Ամարաս»-ի հաշվետու համերգը, որի հատուկ հյուրը Միհրան Ծառուկյանն էր. Վիկա Մարտիրոսյանը՝ պարային համույթի «բուռն» ծրագրերի մասին (ֆոտո)

17:21, 20 հուլիսի

«Ամարաս» պարային համույթը երեկ՝ հուլիսի 19-ին, ներկայացավ հաշվետու համերգով: Համույթի տարբեր տարիքային խմբերը ելույթ ունեցան Գաբրիել Սունդուկյանի անվան ազգային ակադեմիական թատրոնի բեմում՝ ներկայացնելով այն հմտություններն ու պարերը, որոնք սովորել են վերջին տարվա ընթացքում: «Ամարաս»-ի գեղարվեստակասն ղեկավար Վիկա Մարտիրոսյանը NEWS.am STYLE-ի հետ զրույցում նշեց, որ թե´ պարուսույցները, թե´ սաները անչափ կարոտել էին բեմը, քանի որ նախորդ տարվա իրադարձություններից ելնելով՝ տեւական ժամանակ ելույթներ չեն ունեցել:

«Ուսումնական տարեվերջին մենք միշտ ունենում ենք հաշվետու համերգ, հիմա այդ պահն է: Մենք երկու տարուց ավել համերգ չենք ունեցել, կարծում եմ՝ բոլորը գիտեն, թե ինչ հարգելի պատճառներով… Այս համերգին բոլորն են սպասել, կարոտել են բեմը՝ թե´ երեխաները, թե´ մենք: Այս համերգը նաեւ մեր սաների ծնողների համար է, որպեսզի նրանք տեսնեն, թե ինչ ենք արել այս ամիսների ընթացքում ու ինչ արդյունքի են հասել իրենց երեխաները»:

«Ամարաս»-ի հաշվետու համերգն ինչպես ամեն տարի, այս անգամ էլ առանձնացավ հատուկ հյուրի ներկայությամբ. այս տարի սաների ու նրանց ծնողների համար ելույթ ունեցավ Միհրան Ծառուկյանը, որը փաստեց, որ «Ամարաս»-ն այն համույթն է, որի հետ միշտ հաճույքով է աշխատում:

Համերգային ծրագրի շրջանակում եղավ նաեւ հատուկ 20 րոպե՝ նվիրված Արցախյան պատերազմի հերոսների հիշատակին:

«Այդ հերոսների թվում է նաեւ մեր սաներից Տիգրանը... Ցավով եմ խոսում այս մասին, բայց փորձել ենք մեր զգացմունքներն արտահայտել պարով»,-նշեց Վիկան՝ հավելելով, որ «Ամարաս»-ում այսօր պարում են նաեւ արցախցի փոքրիկներ, որոնք, ի դեպ, եւս ելույթ ունեցան երեկվա հաշվետու համերգին:

«Միշտ հյուրընկալել ենք այն մարդկանց, ովքեր ունեցել են մեր կարիքը: Արցախից ժամանած շատ տաղանդավոր սաներ ունենք, որոնք մեզ մոտ սովորում են արդեն 4 ամիս: Մեր դռները միշտ բաց են նրանց համար, ու իրենք էլ  բավական լավ աշխատանք են տարել»:

Ի դեպ, այս տարվա համերգին Վիկա Մարտիրոսյանն իր սաներին հանձնեց նաեւ շնորհակալագրեր՝ որպես ոգեշնչում՝ նրանց կամային ու բարեխիղճ աշխատասիրության համար:

Ինչ վերաբերում է պարային համույթի առաջիկա զբաղվածությանը՝ այն բավական մեծ է. «Ծրագրերը շատ-շատ են: Բուռն աշխատանք ենք տանում՝ անբացատրելի քանակի տեսահոլովակներ, համերգներ, ելույթներ, ու այդպես շարունակվելու է: Մենք արդեն նոր տարածքում ենք ու նոր ուժով ենք սկսել աշխատել: Առջեւում շատ մեծ նախագիծ ունենք, որի փակագծերն առայժմ չեմ բացի: Պատրաստվում ենք նաեւ մեծ համերգի: Այս տարի մենք չնշեցինք մեր 25-ամյակը, ինչը կփորձենք անել մյուս տարի»,-նշեց Վիկան:

«Ամարաս»-ի համերգից մի քանի դրվագ՝ մեր ֆոտոռեպորտաժում:

Սյունե Առաքելյան


Հետևեք NEWS.am STYLE-ին Facebook-ում, Twitter-ում և Instagram-ում





  • Այս թեմայով

TV SHOWS PHOTO VIDEO


@NEWSam_STYLE

  • Արխիվ
Որոնել