• Աստղային գեղեցկության գաղտնիքներ․ Մերիլին Մոնրոյի փայլը

  Դիմահարդարի կոկիկ հնարք՝ հաստ շուրթերի համար․․․

• Դերասան Ջո Մանգանիելոն ներկայացրել է Հայոց ցեղասպանությունից փրկված իր մեծ տատի պատմությունը

  Ամերիկացի հայտնի դերասան Ջո Մանգանիելոն PBS-ի Finding Your Roots («Գտնել արմատներդ») հաղորդաշարի շրջանակում պատմել է․․․

• Յոթ տարվա հարաբերություններից հետո Էմինեմի դուստրն ամուսնանում է (ֆոտո)

  Զույգը ծանոթացել է քոլեջում․․․

• Մահացել է Drifters խմբի վոկալիստ Չարլի Թոմասը

  Նա 85 տարեկան էր․․․

• Քիմ Քարդաշյանին 1 միլիոն դոլար են վճարել Մայամիում միջոցառմանը ելույթ ունենալու համար

  Միջոցառման տոմսերն արժեն մոտ 10000 դոլար․․․

• Քորթնի Քարդաշյանն իր ընտանիքի համար հայկական ավանդական ընթրիք է կազմակերպել (ֆոտո/վիդեո)

  Ընտանեկան ընթրիք, հայկական ուտեստներ․․․

• «Գրեմմի 2023»-ի աստղային կերպարներ․ Բեյոնսեն ռեկորդներ է սահմանում բոլոր ճակատներում (ֆոտո)

  3 մլն․ արժողությամբ զարդեր․․․

• «Գրեմմի 2023». Բեյոնսեի տրիումֆը, սաունդթրեքեր տեսախաղերի համար եւ արարողության այլ մանրամասներ (ֆոտո/վիդեո)

  Բեյոնսեն մրցանակաբաշխության առաջատարն է․․․

Ռուսաստանի ամենահայտնի ռեփերներից Բաստան առաջին անգամ մենահամերգ ունեցավ Երեւանում: Երգչի ու հայ երկրպագուների ջերմ ու անմիջական հանդիպումը կայացավ սեպտեմբերի 17-ին`Կարեն Դեմիրճյանի անվան մարզահամերգային համալիրի լի ու հյուրընկալ դահլիճում:

Посмотреть эту публикацию в Instagram

Публикация от Василий Вакуленко (@bastaakanoggano)

Բաստան հանդիսատեսին երկար սպասեցնել չտվեց ու բեմ բարձրանալու առաջին իսկ վայրկյանից հումորային ջերմ շփում սկսեց. կամ նա «ստիպում էր» չպարողներին չալարել ու շարժվել, կամ, օրինակ, տեսաուղերձով ողջունում համերգին ներկա հանդիսատեսի` հեռախոսի էկրանից այն կողմ գտնվող բարեկամներին, որոնք երգչի մենահամերգին պատրաստ էին «մասնակցել» թեկուզ տեսազանգի միջոցով:

Իր «պահանջներում» Բաստան խիստ չէր` գլխավոր նախապայմաններից էին ծափահարություններն ու բարձր տրամադրությունը. «Ուզում եմ այս համերգից ինձ հետ տանել լավագույն հուշերը. իսկ մենք ամեն բան կանենք, որ ամեն ինչ ձեր սրտով լինի»,-նշեց երգիչը:

Համերգի մեկնարկը Բաստան տվեց «Я смотрю на небо» երգով, որին հաջորդեցին «Мама», «Мои разбитые мечты», «Не болей», «Сансара», «Выпускной» եւ մյուս հիթերը, որոնց կատարման ողջ ընթացքում Բաստային ձայնակցում էր ամբողջ դահլիճը:

Երգիչն օգնեց նաեւ հայկական TikTok-ից հայտնի Անդո եւ Օվսի զույգին անմոռանալի դարձնել իրենց կյանքի կարեւորագույն օրերից մեկը: Բաստան բեմ հրավիրեց Անդրանիկին` նշեով, որ վերջինի տոմսը պատահականության սկզբունքով հաղթել է, իսկ Անդրանիկն օգտագործեց պահն ու հազարավոր հանդիսատեսի առաջ սիրելիին ամուսնության առաջարկություն արեց:

Посмотреть эту публикацию в Instagram

Публикация от SMM / Blogger / Journalist (@ovs_yan)

Օվսին, բնականաբար, չկարողացավ զսպել հուզմունքը, եւ, իհարկե, ընդունեց սիրելիի մատանին:

«Սիրո առաջարկությունն արվեց հայերենով, բայց որ լեզվով էլ ուզում ես դա արա, միեւնույն է բոլոր տղաների դեմքն ու ապրումերն այդ պահին նույնն են»,-կատակեց երգիչը:

Բաստայի համերգը, որը կազմակերպել էր Prime production-ը, տեւեց մոտ երկու ժամ. երգիչը կատարումներից մեկի ընթացքում հասցրեց, նույնիսկ, իջնել բեմից ու շրջել հանդիսատեսի մեջ: 

Սյունե Առաքելյան

Լուսանկարները՝ Կարեն Դեմիրճյանի անվան մարզահամերգային համալիրի ֆեյբուքյան էջից

Հետևեք NEWS.am STYLE-ին Facebook-ում, Twitter-ում և Instagram-ում