• Բեն Շիրինյանի «Տնային տնտեսուհին» լիամետրաժ ֆիլմի համաշխարհային պրեմիերան տեղի է ունեցել Տորոնտոյի միջազգային կինոփառատոնում

  Բեն Շիրինյանի լիամետրաժ ռեժիսորական դեբյուտի՝ «Տնային տնտեսուհին» ֆիլմի համաշխարհային պրեմիերան տեղի է ունեցել Տորոնտոյի միջազգային կինոփառատոնում, գրում է Armenian Film Society-ն…

• Ի՞նչ է թաքնված «Ճերմակ շապիկի» տակ․ Թելման Խաչատրյանի ու Մերի Քոչարյանի հերոսների պատմությունը՝ մեծ էկրանին․ ֆիլմի պրեմիերան, կարմիր գորգն ու հայտնի հյուրերը (ֆոտո)

  Ի՞նչ պատմություններ են թաքնված ճերմակ շապիկներ կրող մարդկանց ներաշխարհում, հոգում ու հիշողություններում՝ հե՞րքում, կարո՞տ, ցա՞վ…

• Երբ հանգամանքները բացահայտում են մարդկանց. «Գիշատիչների խնջույքը» ֆիլմի պրեմիերան՝ «ՀանդArt»-ում

  Ի՞նչ է մնում մարդուց, երբ ընտրությունը սահմանափակվում է սեփական փրկությամբ...

• Ներսես Ավետիսյանն ամուսնալուծվել է

  Դերասան, երգիչ և հաղորդավար Ներսես Ավետիսյանն ամուսնալուծվել է…

• «ֆուլ Հաուս» ֆիլմը կունենա 2-րդ մաս

  Նախորդ տարի մեծ էկրաններ բարձրացած «ֆուլ Հաուս. վայրէջք» ֆիլմով թիմը չի սահմանափակվի…

• Զվարճալի իրավիճակներ, քաղաքական հումոր ու «Մուշեղի մահը»․ «Ֆուլ Հաուսը» վերադարձավ ներկայացման տեսքով (VIDEO)

  «Ֆուլ Հաուս»-ում կրկին թեժ են ժամանակին մեկ տան մեջ հայտնված ու անբաժան դարձած հերոսների հարաբերությունները...

• Արթուր Խաչենցը հայր է դարձել․ ի՞նչ հետաքրքիր անուն է նա ընտրել դստեր համար

  Երգիչ Արթուր Խաչենցն ու նրա կինը՝ Անժելիկան, օրերս ողջունել են իրենց առաջնեկին...

• «Մի գդալ սեր», Coca-Cola Fest ու հարսանիքներ․ Instagram-ը՝ նախորդ շաբաթ

  Նախորդ շաբաթ Instagram-ից սեր էր ճառագում։ Սիրո մասին նոր ֆիլմի պրեմիերա ու աստղային հարսանիքներ․․․ Սկսենք սկզբից...

Հայկական ջազի 75-ամյակին նվիրված գալա-համերգը, որին մասնակցեցին աշխարհի տարբեր ծայրերից ժամանած, ինչպես նաեւ Հայաստանում բնակվող հայ երաժիշտները, կայացավ երեկ երեկոյան՝ հոկտեմբերի 23-ին, Երեւանի «Արամ Խաչատրյան» համերգասրահում: Համերգը կայացավ «ARM JAZZ WEEK-75» Հայկական ջազի շաբաթվա շրջանակում, որն անցկավում է հոկտեմբերի 23-ից 30-ը: Միջոցառման կազմակերպիչը «Mezzo Production» ընկերությունն է:

Երաժիշտները ջազի սիրահարներին բազմաբնույթ երաժշտություն մատուցեցին: Այսպես, օրինակ, Մայք Մոսեսյանը եւ իր տրիոն՝ Սիմոն Դոլմազյանը (կոնտրաբաս), Հովհաննես Ջիբյանը (դաշնամուր) եւ Նելսոն Ուիլյամս Հերրերան (պերկուսիա), ներկայացրեցին հիմնականում լատինաամերիկյան երաժշտությամբ «Intimacy» ծրագիրը, իսկ Թավիջյան եղբայրների կատարմամբ հնչեցին մեծագույն դասականների՝ Շոպենի, Չայկովսկու, Ռախմանինովի եւ շատ ուրիշների ստեղծագործությունների թեմաներով ջազային վարիացիաներ:

Հայաստանում ջազի զարգացման պատմության մասին NEWS.am STYLE-ի թղթակցի հետ զրուցեց Հայաստանի ժողովրդական արտիստ, կոմպոզիտոր եւ դիրիժոր Մարտին Վարդազարյանը: «Ի տարբերություն նրան, որ Խորհրդային Միությունում ջազն արգելվում էր, չէր սիրվում եւ չէր հովանավորվում, պետք է ասեմ, որ Հայաստանում երբեք ջազն արգելված չի եղել: Բացի այդ, ջազային երաժշտության օժանդակությունը մարդու ձեւավորման բնագավառում շատ կարեւոր է, ինչպես նաեւ դասական երաժշտության դերը, որովհետեւ սա համաշխարհային, համամարդկային երաժշտության այն գեղեցիկ բնագավառն ու լեզուն է, որը հասկանալու համար հարկավոր է դրան լավ տիրապետել, եւ հետո պարզել, սիրո՞ւմ ես այն, այն քո՞նն է, թե քոնը չէ: Սա այն բնագավառն է, որը չսիրել հնարավոր չէ, համենայն դեպս՝ ինձ համար»,- նշեց կոմպոզիտորը:

Նրա խոսքով, Հայաստանում ջազի զարգացման մեջ մեծ դեր են խաղացել Պետական էստրադային նվագախմբի հիմնադիր, Խորհրդային Հայաստանի ժողովրդական արտիստ Արտեմի Այվազյանը, ինչպես նաեւ նվագախմբի ամենահայտնի ղեկավարներից՝ ՍՍՀՄ ժողովրդական արտիստ Կոնստանտին Օրբելյանը, ում հետ նվագախումբը ելույթ է ունեցել ԱՄՆ-ում եւ հիացմունք է պատճառել հանդիսատեսին:

Խոսելով ջազային երաժիշտների ավելի երիտասարդ սերնդի ներկայացուցիչների մասին՝ նա նշեց Դավիթ Ազարյանին, Ալիկ Զաքարյանին եւ շեշտեց, որ հայկական ջազն այսօր լայն հնարավորություններ, միաժամանակ՝ զարգացման համար աջակցության կարիք ունի: Այդ առիթով նա երախտագիտություն հայտնեց «Mezzo Production» ընկերությանը, որի ջանքերի շնորհիվ այսօր նշվում է հայկական ջազի 75-ամյակը: Իրենց հերթին Թավիջյան եղբայրները խորին հուզմունքով նշեցին պատմական հայրենիքում անվանի երաժիշտների հետ կայանալիք իրենց ելույթի մասին, իսկ ջազ վոկալիստ Մայք Մոսեսյանն ընդգծեց, որ ջազն իր համար առաջին հերթին ազատության եւ ստեղծագործելու հնարավորության խորհրդանիշն է:

«Շատերին թվում է, թե ջազը սահման չունի, եւ կարելի է անել այն ամենը, ինչ ուզում ես, սակայն սահմաններ կան, եւ հենց դրանք են թույլ տալիս ստեղծագործել»,- նշեց նա:

Գալա համերգից հետո, հոկտեմբերի 24-ից 30-ը, Mezzo Classic HOUSE-CLUB-ում «ARM JAZZ WEEK-75»-ի շրջանակում կկայանան մի շարք հայտնի ջազային երաժիշտների եւ կոլեկտիվների ելույթներ: Հոկտեմբերի 24-ին նախանշված է Թավիջյան եղբայրների համերգը, հոկտեմբերի 25-ին հանդես կգան Մայք Մոսեսյանը եւ նրա տրիոն, հոկտեմբերի 26-ին՝ Chico&Friends, հոկտեմբերի 27-ին՝ Անուշիկ Ալավերդյան եւ Կարեն Մամիկոնյան բենդը, հոկտեմբերի 28-ին՝ «Նյուանս» էթնո-ջազ խումբը, հոկտեմբերի 29-ին՝ Մարինե Հակոբյանը եւ «Free Form» ջազ բենդը, հոկտեմբերի 30-ին՝ Երվանդ Երզնկյանի եւ Մարտին Վարդազարյանի համերգ-երեկոն:

Հայկական ծագմամբ մակեդոնացի երաժիշտներ Թավիջյան եղբայրներն արդեն հանդես են եկել ավելի քան 400 համերգով, որոնք կայացել են ամբողջ Եվրոպայում, ԱՄՆ-ում եւ Բալկաններում: Նրանք երաժշտական բազմաթիվ մրցանակների դափնեկիրներ են, ելույթ են ունեցել եւ համագործակցել հանրահայտ այնպիսի երաժիշտների հետ, ինչպիսիք են Ռհանի Քրիջան, Ռեյ Չարլզը, Չիկ Կորիան, Գրան Բրեգովիչը, Մայքլ Ջեքսոնը եւ այլք:

Բալկանների պատմության ընթացքում Թավիջյան եղբայրներն առաջին երաժիշտներն են, ում հաջողվել է միասին հավաքել ամենամեծ թվով բալկանցի երաժիշտների եւ թողարկել «Macedonian heart beats in 7/8» ձայնասկավառակը: Այն մի շարք բարձրագույն պարգեւների է արժանացել: Ազգությամբ հայ ջազ վոկալիստ Մայք Մոսեսյանն էլ ծնվել է Ավստրիայում: Նա պրոֆեսիոնալ երաժշտությամբ սկսել է զբաղվել 20 տարեկանից:

Ավարտելով Վիեննայի կոնսերվատորիան՝ Մայքը տեղափոխվել է Իսպանիա, որտեղ սկսել է զբաղվել ջազով: Երգիչը հանդես է գալիս ինչպես ավանդական, այնպես էլ լատինաամերիկյան ջազի ժանրերում, «The Nelson Williams Clan Cubano» ջազ բենդի մշտական մասնակիցն է, ինչպես նաեւ ավանդական ջազ է ներկայացնում ավստրիացի երաժիշտների հետ:

Տեքստը՝ Լիլիթ Պետրոսյանի

Լուսանկարները՝ Արսեն Սարգսյանի

Հետևեք NEWS.am STYLE-ին Facebook-ում, Twitter-ում և Instagram-ում