Մարդիկ կան՝ վատ բաներ են մեր հետևից ասում, մարդիկ կան՝ ուրախանում են. Հելոուինը` Հայաստանում

VIDEO. Սոս Ջանիբեկյանը, Լուիզա Ներսիսյանը, Դիանա Մալենկոն և Լևոն Հախվերդյանը՝ սիրային քառանկյունու կիզակետում

Ինչպես Նարեին դիմավորեցին «Զվարթնոց» օդանավականում՝ «Մանկական Եվրատեսիլում» հաղթանակից հետո. երգչուհու էմոցիաները

Թեմա կա. ո՞ւմ մասին է Աստղիկ Սաֆարյանը մտածում գիշերվա 2-ին և ո՞ւմ է տեսնում որպես «Երկու աստղի» հաջորդ զույգ

Օսկար Ուայլդի «Սալոմեն»՝ Երևանի դրամատիկական թատրոնի նոր հարթակում

Կանանց զուգարանից՝ հասարակության հայելի. «Toilet կանանց համար»

Մանկությանս տիկնիկը կուզեի վերադարձնել

Armenia Marriott-ում կրկին համաշխարհային գաստրոնոմիկ շոու է՝ Le Petit Chef-ը վերադարձել է Երևան

Երբևէ ասե՞լ եք «Ես քեզ սիրում եմ»՝ իրականում այդպես չզգալով

«The Last Breath». Սևան Շահմիրյանը հանդիսատեսին է ներկայացնում իր երաժշտական աշխարհը

Լողազգեստով լուսանկարներ. ազատ ինքնարտահայտո՞ւմ, թե՞ չափի զգացում

Կարմիր խնձորը… Արդյո՞ք այն դեռ ակտուալ է

Տղամարդիկ ուժեղ չեն. դերասանուհի Մարի Գրիգորյան

Մեկնարկեց «Ոսկե ծիրան» Երևանի 23-րդ միջազգային կինոփառատոնը

Արսեն Ալբարյան․ բեմի լույսերի տակ՝ զգացմունքների, ընտրությունների ու անկեղծության մասին

Հրաժեշտ Արտիստին. Արտաշես Ալեքսանյանի հոգեհանգիստը՝ Կոնդի Սուրբ Հովհաննես եկեղեցում

Դերասան լինելու որոշումն եմ կայացրել՝ չնայած բոլորի դեմ կարծիքին. Հովհաննես Դիշչյան

Վահե Վայան. Ինչքան մարդիկ շատ են իմանում մարդու մասին, այնքան բարդ է դառնում ապրելը

Մավր Մկրտչյանը չի վախենում բացասական կարծիքներ լսել. NEWS.am STYLE-ի հարցազրույցը

22:29, 25 հոկտեմբերի

Նոյեմբերի 9-ին Երեւանի «Արամ Խաչատրյան» համերգասրահում կայանալու է ժողովորդական երգերի կատարող Մավր Մկրտչյանի մենահամերգը` ժամանակակից եւ ժողովրդական գործիքների նվագակցությամբ: NEWS.am STYLE-ը որոշեց պարզել մանրամասները:

Մավր, ինչո՞ւ եք ընտրել հենց ժողովրդական երգը:

Ծնվել ու մեծացել եմ այնպիսի ընտանիքում, որտեղ միշտ ժողորդական երաժշտություն եմ լսել: Ժամանակի ընթացքում աշխարհայացքս ձեւավորվել է այնպես, որ ժողովրդական երգը դարձել է ներկայանալու ձեւ: Այն ինձ համար արտահայտվելու միջոց է:

Այսօր որքանո՞վ է այդ ժանրն արդիական:

Քանի որ մենք հայ ենք, այդ հարցը երաժշտական այլ ոլորտների համար պետք է հնչեր: Ազգային երգն առանց քննարկման հայի համար պետք է լինի ամենաարդիական եւ պահանջված ժանրը, առավել եւս՝ մեր օրերում:

 

Շուտով հանդես եք գալու մենահամերգով: Ի՞նչ ակնկալիքներ ունեք:

Սա իմ առաջին մենահամերգն է, սպասելիքս միայն հանդիսատեսի գնահատականն է՝ դրական եւ բացասական:

Պատրա՞ստ եք բացասական կարծիքներ լսել:

Ինձ համար առողջ քննադատություն լսելը վեր է գովասանքից:

Վստա՞հ եք, որ դահլիճը լեփ-լեցուն կլինի:

Հիմք ընդունելով տարբեր մարդկանց կարծիքներն ու արձագանքները՝ առաջ եկավ մենահամերգով հանդես գալու գաղափարը: Ժամանակի ընթացքում այն դարձավ գործնական քայլ, կարծում եմ՝ մեր հույսերը կարդարանան: Դեռ բավական ժամանակ կա մինչեւ մենահամերգի օրը, արդյունքներն արդեն իսկ խոստումնալից են:

Ի՞նչ երգացանկով եք հանդես գալու:

Ներկայանալու եմ այն ոճով, որով հանդիսատեսն ինձ ճանաչեց: Համերգի ընթացքում կփորձեմ մատուցել այնպիսի երգեր, որոնք հետագայում կլինեն իմ երգացանկի որոշ մասը: Ավելացնեմ, որ ընտրված երգերի մեծ մասը հանդիսատեսն իմ կատարմամբ կլսի առաջին անգամ: Ընդունված չափանիշներից փոքր-ինչ դուրս է լինելու համերգային ծրագիրը: Աշխատում եմ մեծ պատասխանատվությամբ՝ գիտակցելով, որ ինչ-որ առումով սա համարձակ քայլ է իմ կողմից: Լինելով երիտասարդ կատարող՝ ցանկանում եմ հնարավորինս անաղարտ ցույց տալ մեր ունեցած հարստությունը: Այս է իմ նպատակը:

Զուգերգ լինելո՞ւ է:

Ոչ:

Մենահամերգից հետո ի՞նչ ծրագրեր կան:

Մինչեւ տարեվերջ կնկարահանվի իմ երկրորդ տեսահոլովակը, զուգահեռ աշխատում ենք նաեւ առաջին ձայնասկավառակի ուղղությամբ: Դրանում ներառվելու են միայն Կոմիտասի ստեղծագործությունները:

Ի՞նչ կմաղթեք հանդիսատեսին:

Հուսով եմ, որ այդ օրը հիշարժան կդառնա իմ եւ հանդիսատեսի համար:


Հետևեք NEWS.am STYLE-ին Facebook-ում, Twitter-ում և Instagram-ում




Print  

  • Related News

TV SHOWS PHOTO VIDEO


@NEWSam_STYLE

  • Archive
Search