• «Հարյուր տարվա մենություն». Netflix-ը ներկայացրել է Գաբրիել Գարսիա Մարկեսի գլուխգործոցի կինոադապտացիայի թիզերը

  Netflix-ը թողարկել է «Հարյուր տարվա մենություն» սերիալի նոր թիզերը…

• «Յաշան ու Լեոնիդ Բրեժնեւը»՝ 5, «Ամերիկացին»՝ 4 մրցանակ. «Անահիտ» մրցանակաբաշխության կարմիր գորգն ու բոլոր մրցանակակիրները (ֆոտո)

  Ապրիլի 16-ին Dvin Music Hall-ում անցկացվեց Հայկական ազգային կինոակադեմիայի 4-րդ «Անահիտ» մրցանակաբաշխությունը...

• Դասականի հավերժականության, երաժշտի եւ երաժշտության փոխհարաբերությունների մասին՝ տուբահար Հարություն Հաջինյանի հետ

  Երաժշտության պատմության մեջ երաժշտական ​​ոճերից կարեւորագույնը ինձ համար դասականն է, ասում է 37–ամյա տուբահար Հարություն Հաջինյանը...

• MOCT 5. Անդերգրաունդ կյանքը Հայաստանում

  MOCT Promo-ի պրոդյուսեր Լևոն Հունանյանի հետ զրուցել ենք անդերգրաունդ կյանքի, էլեկտրոնային երաժշտության, և հենց MOCT-ի մասին։ Ապրիլի 20-ից 22-ը MOCT-ը նշում է իր 5 ամյակը, գերմանացի տեխնո արտիստ, դի-ջեյ Ben Klock-ը միջոցառման գլխավոր հյուրն է...

• Իջինը «հպարտացել է» իր սլացիկ կազմվածքով (ֆոտո)

  Ռուսաստանաբնակ երգչուհի Իջինը Instagram-ում նոր հրապարակում է արել՝ ցուցադրելով իր գեղեցիկ արեւայրուքն ու սլացիկ կազմվածքը...

• «Ահա, թե ինչ եմ անում, երբ չեմ աշխատում»․ Սիրուշոն ցուցադրել է, թե ինչպես է անցկացրել «weekend»-ը երեխաների հետ (ֆոտո/վիդեո)

  Սիրուշոն Instagram-ում կիվել է իր եւ երեխաների հանգստյան օրերի ժամանցով...

• «Armflix»-ի «Տանդեմ» սերիալի առաջին 3 սերիաների ցուցադրությունը, կարմիր գորգն ու հայտնի հյուրերը (VIDEO)

  «Մոսկվա» կինոթատրոնում երեկ՝ ապրիլի14-ին, կայացավ «ՄԵՆՔ» հոլդինգի, նոր՝ «Տանդեմ» քրեական դրամայի առաջին երեք սերիաների ցուցադրությունը...

• «Քաղցր բամբակ»՝ Netflix»-ից. Գայ Ռիչիի «Ջենտլմենները»

  «Ջենտլմենները» սերիալ է՝ հիմնված Գայ Ռիչիի համանուն քրեական կատակերգության վրա, եւ նվիրված է լոնդոնյան քրեական աշխարհին…

«Արմենիա» հեռուստաընկերությամբ հեռարձակվող  «Ամեն տարի գարնանը» սերիալի անձնակազմը՝ պրոդյուսեր Ելենա Արշակյանի գլխավորությամբ, Արցախում է. այնտեղ անցկացնելու են ֆիլմի նկարահանումների որոշակի հատվածը: NEWS.am STYLE-ի հետ զրույցում Ելենա Արշակյանը խոսել է Արցախում իրականացվող նարահանումների եւ հեռուստասերիալի շրջանակում սպասվող հետաքրքիր զարգացումների մասին:

Չնայած այս շրջանում նկարահանումների համար է Արցախում՝ պրոդյուսերը նշեց, որ, առհասարակ, երբեք հատուկ առիթ չի փնտրում այնտեղ գնալու համար.

«Արցախյան վերջին պատերազմն ամեն բան փոխեց. վերաիմաստավորեց ու վերաարժեւորեց մեր կյանքն ու աշխատանքային գործունեությունը։ Միանշանակ կարող եմ փաստել, որ ոչ ոք եւ ոչինչ չի կարող խոչընդոտել հայ մարդուն եւ, հատկապես, արժանապատիվ հային մուտք գործել Արցախ։ Այո, վիրավոր, բայց ազատ Արցախը, ինչպես միշտ, ջերմ ընդունեց ու ողջունեց մեր նկարահանող խմբին»,-հավելեց նա:

Հեռուստասերիալի անձնակազմը հանգրվանել է Ստեփանակերտում. ինչպես Ելենան է նշում՝ բացի նկարահանումներից վայելում են նաեւ Արցախի չքնաղ բնությունն ու հյուրընկալ մթնոլորտը.

«Շատ հագեցած ու շատ էմոցիոնալ աշխատանքային օր ենք ունեցել։ Շփումն արցախցու հետ հերթական անգամ հաստատեց, որ այս հողի մարդկանց ոգին ուժեղ ու անկոտրում է։ Հատուկ առիթներ պետք չէ փնտրել Արցախ այցելելու համար. հայրենիքը չենք ընտրում, բայց պետք է պահել ու մենակ չթողնել։ Հետեւաբար՝ որոշումը լիովին պարզ է. մենք մեր հայրենիքում շարունակում ենք մեր նկարահանումների որոշ հատվածներ։ Եվ, շուտով, վարկանշային ու առաջատար՝ «Արմենիա» հեռուստաալիքով եթեր հեռարձակվող «Ամեն տարի գարնանը» հեռուստասերիալը, սյուժետային հետաքրքիր լուծումներով, հանրությանը կներկայացնի մեր հայրենիքի պատմամշակութային հարուստ ժառանգությունն ու տեսարժան վայրերը»։

Արցախ մեկնած խմբի կազմում են դերասաններ  Ռոմելա Սարգսյանը, Գեւորգ Գրիգորյանը, Մանե Բոզոյանն ու Սեյրան Մովսիսյանը։

«Սերիալային խիտ օրակարգից ելնելով՝ Արցախում մեր նկարահանումները նախատեսված են ընդամենը երկու-երեք օր, բայց դա չի նշանակում, որ հետագա այցելությունները բացառվում են։ Իսկ թե ինչ զգացողություններ ունեինք մենք ճանապարհին՝ մինչ Ստեփանակերտ հասնելը, չեմ ցանկանա կամ, երեւի, չեմ կարող հստակ նկարագրել, որովհետեւ շատ տարբեր ու հակասական էին՝ հատկապես, երբ Արցախ այցելել ես մինչ վերջին պատերազմն ու նոյեմբերի 9-ը… երբ դեռ ամեն բան դժգույն ու դժբախտ չէր… Պատերազմից հետո Արցախում եղել ենք 2020 թ-ի նոյեմբերի վերջին, բայց կրկին հուզական զգացողություններս չեն թողնի սառը նկարագրել ապրածս ու տեսածս: Միայն հավելեմ, որ Արցախը սպասում է մեզ՝ նույն ջերմությամբ ու հավատով»:

Ելենան վստահեցրեց, որ Հայաստանից դուրս այլ նկարահանումներ եւս իրականացնելու են, բայց առայժմ չցանկացավ մանրամասնել: Ինչ վերաբերում է սերիալում սպասվող զարգացումներին ու համալրումներին՝ պրոդյուսերը նշեց.

«Առաջիկայում սերիալում, անկասկած, ընդգրկվելու են տաղանդավոր եւ սկսնակ դերասաններ. կկրկնվեմ՝ շատ փակագծեր չեմ բացի, բայց կարող եմ ասել, որ սերիալում շուտով սպասվում է նոր կերպարի մուտք, որին կմարմնավորի 44-օրյա պատերազմի մասնակից՝ յուրատեսակ պատմությունով ներկայանալով հանդիսատեսին»:

Սյունե Առաքելյան

Լուսանկարները տրամադրել է Ելենա Արշակյանը

Հետևեք NEWS.am STYLE-ին Facebook-ում, Twitter-ում և Instagram-ում