Գարնան առաջին օրը՝ մարտի 1-ին, «Մոսկվա» կինոթատրոնում կայացավ ռեժիսոր Ռոման Մուշեղյանի «Գարուն ա...» ֆիլմի պրեմիրերան, որի ցուցադրությանը նախորդեց կարմիր գորգի հանդիսավոր արարողությունը:
Ֆիլմը, որը պատերազմի, սիրո, մեր օրերի նվիրյալների, միասնության, պետական մտածողության կերտման ու հայրենասիրության մասին է, ներկայացնում է մի ընտանիքի, որի միջոցով էլ պատմվում է հայ ազգի ողբերգությունը:
Կինոնկարի գլխավոր հերոսները երեքն են՝ պապ, որդի, թոռ՝ մարդիկ, որոնցից յուրաքանչյուրն արտացոլում է մերօրյա հասարակության մտածելակերպը։ Պապը՝ Արամը, որին մարմնավորում է Ալեքսանդր Խաչատրյսնը, նախկին գնդապետ է, որն իր ամբողջ կյանքը նվիրել է պետականության կառուցման գործին։ Արմեն Մարգարյանը մարմնավորում է Արամի որդուն՝ Գնելին, որը բիզնեսմեն է. նա մինչ օրս չի ներում հորը հայրենիքն ընտանիքից վեր դասելու համար։ Ֆիլմի կրտսեր հերոսը Լեւոնն է, որին մարմնավորում է երիտասարդ դերասան Լեւոն Հախվերդյանը: Լեւոնը վիրտուոզ երաժիշտ է, որը ոգեշնչվում է իր պապի գաղափարախոսությամբ, սակայն նրա կյանքում ապագան ու հայրենիքի նկատմամբ պարտքը բախվում են իրար՝ ստեղծելով հիմնական կոնֆլիկտը:
Մյուս հերոսներին մարմնավորում են Մարջան Ավետիսյանը, Եվա Զոհրաբյանը, Շանթ Հովհանիսյանը, Ալիս Կապլանջյանը, Վահագն Մարտիրոսյանը, Սաթենիկ Հազարյանը, Նարինե Պետրոսյանը, Թումաջ Դանեշ Բեհզադին եւ այլք։
«Գարուն ա…»-ի ստեղծման գաղափարը Ալեքսանդր Խաչատրյանի մոտ, որը նաեւ ֆիլմի գլխավոր պրոդյուսերն է, առաջացել է 6 տարի առաջ՝ Ապրիլյան քառօրյա պատերազմի իրադարձությունների ընթացքում:
«Մենք պարզապես զրուցում էինք, խոսում այն մասին, որ 2000 տարի անընդհատ բարոյական հաղթանակներ ենք ունեցել, եւ դրանից հետո կորցրել ենք տարածքներ, եւ, վերաջապես, ունեցանք մի բարոյական եւ նյութական հաղթանակ (խոսքն Արցախյան առաջին պատերազմի մասին է), երբ կարողացանք մեր տարածքներից մի փոքրիկ մաս վերադարձնել, սակայն այդ մասին չկար նորմալ ֆիլմ: Հարություն Ղուկասյանի հետ մտածեցինք, որ պետք է սցենար գրվի այդ մասին, եւ արդեն գրեթե սկսում էինք աշխատանքներն ու զուգահեռ մտորում՝ Աստված չանի, եթե հանկած կրկին պատերազմ սկսվի, ո՞վ է գնալու կռվի, որովհետեւ ժողովրդի մեջ հայրենասիրության, ազատության, անկախության այդ ոգեւորությունը, կարծես, չկար... Սկսվեց քառօրյան... եւ մեզ համար անակնկալ էր մեր ժողովրդի՝ մի մարդու նման կանգնելը, իսկ վերջին պատերազմի ժամանակ այլեւս դա անսպասելի չէր... Մտածեցինք հենց այս մասին խոսել՝ ոչ թե պատերազմի, այլ տվյալ երեւույթի մասին»,-անդրադառնալով ստեղծման նախապատմությանը՝ նշել է դերասանը:
Ռեժիսոր Ռոման Մուշեղյանը, որն այս օրերին գտնվում էր Ուկրաինայում, որտեղ իրականացնում էր հետարտադրական աշխատանքները, թեեւ դժվարությամբ, սակայն կարողացել է հասնել ֆիլմի երեւանյան պրեմիերային. նրա խոսքով՝ այս աշխատանքի կարեւորությունը նրանում է, որ այն ինքնանպատակ չի եղել, եւ ունի իր հաղորդագրությունը, որպեսզի ցանկացած մարդ, ցանկացած հայ տեսնի, կարողանա ինչ-որ բան քաղել դիտելուց հետո:
«Այս ֆիլմով մենք, կարծես, նոր իդեալ, հերոսի նոր տեսակ ենք առաջ քաշում, որի հայրենասիրությունը սահմաններ չունի: Նա զորացրված սպա է, որը հայրենիքն ամեն ինչից վեր է դասում, նույնիսկ՝ սեփական ընտանիքից, եւ նրա խոսքով՝ հայրենիքը զուտ հողակտոր չէ, այն սկսվում է ամեն անհատի պատասխանատվությունից եւ սիրուց՝ առ հայրենիք, ընտանիք ու հասարակություն: Նա համոզված է, որ հենց այդ գաղափարը կարող է հիմք ծառայել առողջ հասարակության եւ հզոր պետականության համար»,-ասում է նա:
«Գարուն ա...» ֆիլմի պրոդյուսերներից է նաեւ Դիանա Ավետիսյանը, սցենարը հեղինակել է Հարություն Ղուկասյանը, օպերատորը Սուրեն Թադեւոսյանն է, կոմպոզիտոր՝ Արման Էլբերտ։
Ինչ վերաբերում է ֆիլմի միջազգային ցուցադրություններին՝ ստեղծագործական կազմը հավելեց, որ իրենք փորձելու են դիտումներ իրականացնել ինչպես Հայաստանում, այնպես էլ դրա սահմաններից դուրս: ԱՄՆ-ում արդեն հաստատվել է ֆիլմի պրեմիերան, որը տեղի կունենա ապրիլի 1-ին՝ Լոս Անջելեսում:
«Այս ֆիլմը շատ է ազգային, շատ է մեր մասին, բայց այստեղ կան զուգահեռներ, որոնք այսօր հուզում են ամբողջ աշխարհին՝ զինվոր եւ մարդասպան, արվեստ եւ բարբարոսություն... Կարծում եմ՝ սա աշխարհի ցավոտ կողմն է այսօր: Մենք ունենք բոլոր նախադրյալները՝ այն միջազգային հարթակներում ներկայացնելու»,-նշեց Ալեքսանդր Խաչատրյանը:
Ֆիլմի պրեմիերան, կարմիր գորգն ու աստղային հյուրերը՝ NEWS.am STYLE-ի ֆոտոռեպորտաժում:
Սյունե Առաքելյան
Լուսանկարները՝ Արսեն Սարգսյանի
Հետևեք NEWS.am STYLE-ին Facebook-ում, Twitter-ում և Instagram-ում
22:19, 25 ապրիլի
Առնոլդ Շվարցենեգերը` Սիլվեստր Ստալոնեի յուրահատուկ ոճի որոշ նրբությունների մասին21:31, 25 ապրիլի
LVMH-ն ավելի շատ դիզայներական ապրանքներ է արտահանում, քան Ֆրանսիան՝ գինի20:20, 25 ապրիլի
Մարկ Ցուկերբերգն ապացուցում է, որ մորուքով տղամարդիկ ավելի գրավիչ են19:27, 25 ապրիլի
Ասիայի ամենահարուստ մարդու որդին շրջում է 1 միլիոն դոլար արժողությամբ Ferrari-ով՝ անվտանգության շարասյան ուղեկցությամբ16:36, 25 ապրիլի
Գուստավ Կլիմտի՝ 100 տարի կորած համարվող նկարն աճուրդում վաճառվել է 30 միլիոն եվրոյով15:22, 25 ապրիլի
Ջենիֆեր Լոպեսը ցուցադրել է Hermes-ի հազվագյուտ Birkin պայուսակը, որն արժե ավելի քան 400,000 դոլար15:05, 25 ապրիլի
Ջազի միջազգային օրը՝ Երեւանում14:55, 25 ապրիլի
Էդի Մերֆիի առաջիկա ֆիլմերից մեկը հետաքննության կենտրոնում է հայտնվել նկարահանման հրապարակում տեղի ունեցած խնդիրների պատճառով14:36, 25 ապրիլի
Իրինա Շեյքը նոր տղամարդ է փնտրում13:15, 25 ապրիլի
Լիլիթ Հովհաննիսյանը հայտնել է, որ իր վերջին տեսահոլովակի զգեստն ինքն է հեղինակել (ֆոտո)12:41, 25 ապրիլի
Քիմ Քարդաշյանը խոստովանել է, որ իր մասին որոշ լուրեր իրականում համապատասխանում են իրականությանը12:10, 25 ապրիլի
Քանյե Ուեսթը մտածում է մեծահասակների համար Yeezy Porn հարթակ ստեղծելու մասին