• Լիլիթ Հովհաննիսյանը հայտնել է, որ իր վերջին տեսահոլովակի զգեստն ինքն է հեղինակել (ֆոտո)

  Լիլիթ Հովհաննիսյանն Instagram-ում նոր լուսանկարներ է տեղադրել, որոնցում կեցվածք է ընդունել փայլուն կանաչ զգեստով...

• «Սրտի վալետ». նոր հումորային սիթքոմի մանրամասները. BACKSTAGE

  Ապրիլի 29-ին Արմենիա TV-ի եթերում կհեռարձակվի «Սրտի վալետ» նոր հումորային սիթքոմը...

• Եվա Բաղդասարյանն ու ամուսինը, 2 տարվա համատեղ կյանքից հետո, օրինականացրել են հարաբերությունները

  Դերասանուհի Եվա Բաղդասարյանն ու ամուսինը, պսակադրությունից 2 տարի անց, օրինականացրել են հարաբերությունները...

• «Ցեղասպանությունը եղել է․ իմ մեծ տատն ու պապը զոհ են գնացել այդ սարսափելի ոճրագործությանը»․ Գեւ Օրկյան

  Բրիտանահայ երաժիշտ, կատակերգու Գեւ Օրկյանը Հայոց ցեղասպանության 109-րդ տարելիցի կապակցությամբ ինստագրամյան իր էջում գրել է․․․

• Վահե Բերբերյանը հրապարակել է Հայոց ցեղասպանության զոհ դարձած իր պապի միակ լուսանկարն ու խոսել իր խոստման մասին

  Դերասան, կատակերգու եւ գրող Վահե Բերբերյանը Instagram-ում հրապարակել է Հայոց ցեղասպանության զոհ դարձած իր պապի արխիվային լուսանկարը՝ նշելով, որ դա միակ հիշողությունն է, որ ունի նրանից...

• «Մենք ոգեկոչում ենք 1915 թվականին զոհված հայերի հիշատակը: Նրանց թվում են իմ նախնիները»․ ամերիկահայ դերասանուհի Դիանա Մեդիսոն

  Ամերիկահայ դերասանուհի, պրոդյուսեր Դիանա Մեդիսոնը Հայոց ցեղասպանության 109-րդ տարելիցի կապակցությամբ տեսանյութ է հրապարակել ինստագրամյան իր էջում...

• «Ուզում եմ հիշել իմ նախնիներին, ովքեր զոհվել են, եւ նրանց, ովքեր ողջ են մնացել»․ Սերժ Թանկյանի գրառումը՝ Հայոց ցեղասպանության 109-րդ տարելիցի կապակցությամբ

  Ամերիկահայ անվանի երաժիշտ, System of a Down-ի անդամ Սերժ Թանկյանը ոգեկոչել է 1915 թ-ի Հայոց ցեղասպանության զոհերի հիշատակը...

• «Հայոց պատմության ուսուցիչս նույնիսկ մեր ավարտական երեկոյի ժամանակ ասաց՝ թուրքին բարեկամ չկարծեք…». Ժաննա Բուտուլյան

  Հայոց պատմության ուսուցիչս նույնիսկ մեր ավարտական երեկոյի ժամանակ ասաց . «Թուրքին բարեկամ չկարծեք. նրանք սեղան կնստեն ձեզ հետ , բայց կչարախոսեն, ձեռքը Ղուրանին դրած կերդվեն ու կխաբեն…

Հանրային հեռուստաընկերության նոր եթերաշրջան է վերադառնում հեռուստադիտողի համար, թերեւս, ամենասպասված երաժշտական նախագծերից մեկը՝ «Երգ երգոցը», որն ավելի քան տասը տարվա եթերային հեռարձակումից հետո երկու տարի առաջ հայտարարել էր դադարի մասին: Այսպիսով, վաղվանից սկսած՝ ամեն կիրակի սիրված հաղորդաշարը կրկին կլինի Առաջին ալիքի եթերում, եւ այն հեռուստադիտողի համար շարունակելու է ներկայացնել Խորեն Լեւոնյանը:

Հաղորդման երկամյա դադարի ու նոր եթերաշրջանի ձեւաչափի մասին NEWS.am STYLE-ը զրուցել է Հանրային հեռուստաընկերության գլխավոր պրոդյուսեր Տիգրան Վիրաբյանի եւ նախագծի հաղորդավար Խորեն Լեւոնյանի հետ:

Երբ երկու տարի առաջ հայտարարվեց «Երգ երգոցի»՝ այլեւս եթեր չհեռարձակվելու լուրը, հեռուստադիտողի ափսոսանքն ակնհայտ էր: Ինչպես նշում է  Տիգրան Վիրաբյանը, Հանրային հեռուստաընկերության շուրջ ցանկացած քննարկում եւս բերում էր տվյալ հարցին՝ ե՞րբ է կրկին եթերում լինելու «Երգ երգոցը».

«Կարծում եմ՝ նորություն ասած չեմ լինի, եթե փաստեմ այն, որ «Երգ երգոցը» Հանրային հեռուստաընկերության լեգենդար նախագծերից մեկն է, որն ունի տարիների պատմություն, ձեռագիր, որն ամենասիրվածներից է: Նախագիծ, որը սիրելի է ե´ւ երիտասարդների, ե´ւ տարեցների կողմից, եւ  Հանրային հեռուստաընկերությունը կարեւորություն տվեց այս նախագծի վերադառնալուն, ու մենք նոր ձեւաչափով ու մոտեցումներով այն վերականգնեցինք»:

Ըստ Վիրաբյանի՝ նախագծի նոր ձեւաչափն այն է´լ ավելի հետաքրքիր կդարձնի հեռուստադիտողի համար.

«Հաղորդման շուրջ աշխատում են այն մարդիկ, որոնք ստեղծել են այն, ու տարիներ շարունակ եղել են դրանում: Ունենալու ենք նոր նախագիծ՝ պահպանելով «Երգ երգոցի» հին կանոնները: Կառուցվել է նոր տաղավար հաղորդման համար, փոխվել է հարցազրույցների ֆորմատը, երաժշտախումբը, թեմաների ընտրության ձեւաչափը, բայց պահվել է «Երգ երգոցի» հիմնական ողնաշարը»,-վստահեցրեց նա:

Երբ առաջին անգամ հայտարարվեց հաղորդման դադարի մասին, շատերը սկսեցին քննարկել, որ, միգուցե, պատճառը ինչ-որ կոնֆլիկտի մեջ էր, սակայն Խորեն Լեւոնյանը ասում է՝ նման բան երբեք չի եղել.

«Դադարը պայմանավորված չէր ինչ-որ խնդրով, պարզապես մենք ցանկանում էինք փոքր-ինչ այլ կերպ այն շարունակել, իսկ հետո արդեն հայտնի պատճառներով (կորոնավիրուս, պատերազմ) չկարողացանք: Հիմա նոր ասելիք, նոր վերածննդի մտքեր, նոր ուժ, պայքար ու մտածելակերպ ենք ուզում մտցնել այս ամենի մեջ»,-հավելեց նա:

Դերասան-հաղորդավարը նշեց՝ երկու տարիների ընթացքը փոխել է նաեւ իրեն ու իր մտածելակերպը.

«Իմ կյանքը բաժանվել է երկու մասի՝ մինչ 2020-ը, եւ դրանից հետո, ու ես չեմ կարող կրկին անել այն, ինչ անում էի մինչեւ 2020 թ-ը, հիմա այլ կերպ ենք մտածում. կա խնդիր, ու պիտի փորձենք այդ խնդրին, եթե ոչ լուծում, ապա, գոնե, ճիշտ մոտեցում տալ»:

Ըստ Խորենի՝ որքան էլ զարմանալի թվա, կան շատ երգեր, որոնք դեռեւս չբացահայտված են, ու «Երգ երգոցը» փորձելու է դրանք եւս ներկայացնել իր հեռուստադիտողին.

«Մենք տասը տարվա մեջ արել ենք բազում հաղորդումներ, բայց հետո ուսումնասիրեցինք ու հասկացանք, որ հայ երգարվեստի ընդամենը 20 տոկոսն ենք կարողացել ցույց տալ: Իսկ մեր երգերն, իրականում, այնքան շատ են, այնքան մեծ է ասելիքը, որով էլ փորձում ենք առաջնորդվել: Միգուցե, հնչեն երգեր, որոնք հայտնի չլինեն շատերին, բայց դրանք պիտի հնչեն, որովհետեւ դրանք մեր մի մասն են, մեր պատմությունն ու անցյալն են: Ես շատ կարեւորում եմ «Երգ երգոցի» նշանակությունը թե´ իմ,  թե´ հանդիսատեսի կյանքում, որովհետեւ թրքի լացը, որը մեզ երկար տարիներ հրամցրել են, պիտի էլ չլինի, այլ հնչի մաքուր, հայկական երաժշտություն»:

Տարիներ առաջ եթեր հեռարձակվելով՝ «Երգ երգոցը» կարեւորեց ոչ միայն հայկական երաժշտությունը ներկայացնելը, այլեւ՝ երիտասարդներին կրթելը՝ նրանց համար բացահայտելով ազգային արժեքներ համարվող երգերը: Խորենը նկատեց, որ այդ տեսանկյունից էլ հաղորդումն իր առաքելությունը կատարել է.

««Երգ երգոցն» արդեն տասը տարուց ավել փորձում է այնպես անել, որ երիտասարդները իմանան իրենց երգերը, առաջնորդվեն դրանցով, ու կարծես, դա ստացվել է: Շատ հայտնի երգիչներ, երգչուհիներ իրենց համերգներին այսօր կատարում են հին երգերը՝ նոր մոտեցմանբ ու գործիքավորմամբ, եւ բոլոր երիտասարդներն այդ երգերն անգիր գիտեն ու լսում են: Այսինքն, այն սկիզբը, որը դրել է «Երգ երգոցը» արդեն, կարծես, տալիս է իր պտուղները: Ու կեցցեն բոլոր այդ արտիստները, որովհետեւ նրանք շատ մեծ գործ են անում»:

Անդրադառնալով հաղորդման երկարակեցությանը՝ Խորենը նշեց, որ այն իր դիրքերն ամրապնդել է ոչ թե միանգամից, այլ աստիճանաբար.

«Սկզբում մտադրություն ունեինք հնչեցնել երգեր, խոսել դրանց մասին, սակայն հետագայում ավելի խորացվեց աշխատանքը, ու հաղորդումն ավելի ճանաչողական դարձավ թե´ ինձ, թե´ հեռուստադիտողի համար: Հինն ու նորը միախառնելով՝ մենք փորձեցինք այն, ինչ ունենք, դարձնել ժամանակակից եւ ցույց տալ մարդկանց, որ մենք ունենք մերը: Մենք միշտ սիրում ենք օտարին գովել, օտարին լսել, օտարի պես խոսել ու հագնվել, բայց այդպես, որ լինի, մենք մեզանից մինչեւ վերջ կհեռանանք....»,-հավելեց հաղորդավարը:

Ինչ վերաբերում է Հանրայինի մյուս նորություններին՝ այս եթերաշրջանում կլինի նաեւ մշակութային նոր ծրագիր՝ Բաբկեն Չոբանյանի «էջանիշը», որը ներկայացնում է հայ դասական պոեզիան՝ դերասանների յուրովի մատուցմամբ:

Սյունե Առաքելյան

Հետևեք NEWS.am STYLE-ին Facebook-ում, Twitter-ում և Instagram-ում