Ձեր կյանքում այս տարի մեծ փոփոխություններ են տեղի ունեցել: Ձեր եւ Բագրատի հարսանիքի մասին մանրամասներ կպատմե՞ք:
Այս տարի տեղի ունեցավ իմ կյանքի ամենակարեւոր իրադարձությունը. ես ամուսնացա: Մեր հարսանիքը կազմակերպել էինք ժամանակակից ոճով, բայց պահպանել էինք կարեւոր ավանդույթները: Պսակադրությունը տեղի ունեցավ Սուրբ Զորավոր եկեղեցում, իսկ հարսանյաց հանդեսը՝ Florida ռեստորանում: Մեր հարսանիքը լի էր երաժշտությամբ: Տարոսիկների, հրավիրատոմսերի եւ տորթի ձեւավորումը նույնպես երաժշտական էր: Ամեն ինչ ես եւ Բագրատն էինք արել, մեր նախասիրությամբ:
Իսկ մեղրամիսը հասցրե՞լ եք վայելել:
Երկուսս էլ հետաքրքրվել եւ սիրել ենք իսպանական մշակույթը, եւ մեղրամիսը վայելեցինք հենց Իսպանիայում: Հասցրեցինք տեսնել Մադրիդը, Բարսելոնան, մի քանի այլ քաղաքներ, տեսարժան վայրեր, այցելեցինք թանգարաններ:
Բալիկներ ծրագրո՞ւմ եք:
Բալիկների հարցում ոչինչ չենք ծրագրում: Աստված ինչպես եւ երբ կամենա:
«Հայաստանի ձայնը» նախագծին մասնակցելը, կարծում եմ, եւս մեկ փոփոխություն է Ձեր կյանքում: Ինչպե՞ս որոշեցիք գնալ լսումների: Հենց սկզբից ուզո՞ւմ էիք Միքայել Պողոսյանի թիմում ընդգրկվել:
Սա առաջին հեռուստանախագիծն է, որին ես մասնակցում եմ: Մասնակցության ցանկություն առաջացավ, երբ համացանցով դիտում էի անգլիական The Voice-ը: Մարզչին ընտրեցի բեմում եւ չեմ ափսոսում, որ ընտրել եմ հենց Միքայել Պողոսյանին:
Ինչպիսի՞ն է նա որպես մարզիչ:
Որպես մարզիչ Միքայելը շատ անմիջական է եւ ընկերական: Շատ պրոֆեսիոնալ է մոտենում ե՛ւ երգեցողությանը, ե՛ւ բեմական արվեստին:
Դուք վաղուց եք բեմում: Նախագծից դուրս մարզիչներին ճանաչո՞ւմ էիք: Եթե այո, այդ ի՞նչ դեր խաղաց «Ձայն»-ում:
Սկսել եմ երգել 7 տարեկանից, «Վաղորդյան կաթիլներ» մանկական երգչախմբում, այնուհետեւ տեղափոխվել են Jazzel խումբ: Երկու խմբերի գեղարվեստական ղեկավարն էլ Նաիրա Գուրջինյանն է, ում ես շատ սիրում եմ եւ շնորհակալ եմ այն ամենի համար, ինչ նա սովորեցրել է ինձ եւ սովորեցնում է մինչեւ այսօր: Այդ երկար ճանապարհի ընթացքում մեզ բախտ է վիճակվել աշխատել Հայաստանի ճանաչված երգիչ-երգչուհիների հետ՝ որպես back vocal, որոնց թվում են Aram Mp3-ն, Արսեն Սաֆարյանը, Արամեն, Արսեն Գրիգորյանը, Ռազմիկ Ամյանը, ինչպես նաեւ Հայկոն եւ Շուշան Պետրոսյանը: Սակայն վերջինների հետ ծանոթ լինելը ոչ մի դեր չխաղաց, որովհետեւ որպես մեներգչուհի ինձ ոչ ոք չէր լսել: Շատ հաճելի էր, որ շրջվելուց հետո հիշեցին ինձ:
Ձեր վերջին մենամարտից եմ ուզում խոսել: Արեւշատը հարցազրույցում նշեց, որ «կարողանում է կարդալ տողերի արանքում եւ գիտեր, թե ինչպես կավարտվի ամեն ինչ»: Արդյո՞ք «Հայաստանի ձայնն» այդքան կանխատեսելի է, թե՞ նա էր թույլ մրցակից:
Մենամարտի արդյունքներն ինձ համար անկանխատեսելի էին, եւ ես շատ շնորհակալ եմ Միքայել Պողոսյանին, որ որպես մրցակից ինձ համար ընտրել էր ուժեղ եւ փորձառու երգչի:
Հաղթակա՞ն եք տրամադրված:
Տրամադրված եմ հաղթական: Ունեմ նպատակ, ինչի համար էլ մասնակցում եմ նախագծին:
Մարինա Ադուլյան
Հետևեք NEWS.am STYLE-ին Facebook-ում, Twitter-ում և Instagram-ում
22:22, 18 ապրիլի
Ընձառյուծի պրինտը վերադառնում է. Ռիհաննայից մինչև Քենդալ Ջեներ՝ ոճային հայտնիները մարտահրավեր են նետում «հանգիստ շքեղությանը»21:22, 18 ապրիլի
Այսօր առավոտյան ձեր խմած սուրճը կարող է լինել 600 000 տարեկան20:40, 18 ապրիլի
Միջնադարյան առեղծվածային ձեռագիրը կարող է լինել սեքսի հնագույն ձեռնարկ19:26, 18 ապրիլի
Առաջին «Միսս արհեստական բանականություն»-ը կստանա 20 000 դոլարի մրցանակ16:25, 18 ապրիլի
Bugatti Home հավաքածուն միավորում է բրենդի՝ ավելի քան հարյուրամյա ժառանգությունը ժամանակակից դիզայնի հետ15:21, 18 ապրիլի
353 պարուհիների պարը նոր համաշխարհային ռեկորդ է սահմանել14:36, 18 ապրիլի
Սթիվեն Սփիլբերգը ֆիլմ է նկարահանում ՉԹՕ-ի մասին13:55, 18 ապրիլի
Մարտին Սկորսեզեն պատրաստվում է Ֆրենկ Սինատրայի մասին կենսագրական ֆիլմ նկարահանել Լեոնարդո ԴիԿապրիոյի եւ Ջենիֆեր Լոուրենսի մասնակցությամբ13:17, 18 ապրիլի
Հենրի Քավիլի եւ Մարգո Ռոբիի մասնակցությամբ Ջեյմս Բոնդի մասին ֆիլմի կեղծ թրեյլերը YouTube-ում հասել է 2 միլիոն դիտումի12:31, 18 ապրիլի
Coachella փառատոնի ժամանակ Ջեֆ Բեզոսը չէր թաքցնում իր զգացմունքները Լորեն Սանչեսի նկատմամբ11:59, 18 ապրիլի
Քիմ Քարդաշյանը նոր ֆոտոշարքով է կիսվել Կարիբյան ծովում իր գեղատեսիլ հանգստից11:17, 18 ապրիլի
Ջիջի Հադիդը կիսվել է Victoria's Secret-ի նոր գովազդային արշավի կուլիսային կադրերով