Մարդիկ կան՝ վատ բաներ են մեր հետևից ասում, մարդիկ կան՝ ուրախանում են. Հելոուինը` Հայաստանում

VIDEO. Սոս Ջանիբեկյանը, Լուիզա Ներսիսյանը, Դիանա Մալենկոն և Լևոն Հախվերդյանը՝ սիրային քառանկյունու կիզակետում

Ինչպես Նարեին դիմավորեցին «Զվարթնոց» օդանավականում՝ «Մանկական Եվրատեսիլում» հաղթանակից հետո. երգչուհու էմոցիաները

Թեմա կա. ո՞ւմ մասին է Աստղիկ Սաֆարյանը մտածում գիշերվա 2-ին և ո՞ւմ է տեսնում որպես «Երկու աստղի» հաջորդ զույգ

Օսկար Ուայլդի «Սալոմեն»՝ Երևանի դրամատիկական թատրոնի նոր հարթակում

Կանանց զուգարանից՝ հասարակության հայելի. «Toilet կանանց համար»

Մանկությանս տիկնիկը կուզեի վերադարձնել

Armenia Marriott-ում կրկին համաշխարհային գաստրոնոմիկ շոու է՝ Le Petit Chef-ը վերադարձել է Երևան

Երբևէ ասե՞լ եք «Ես քեզ սիրում եմ»՝ իրականում այդպես չզգալով

«The Last Breath». Սևան Շահմիրյանը հանդիսատեսին է ներկայացնում իր երաժշտական աշխարհը

Լողազգեստով լուսանկարներ. ազատ ինքնարտահայտո՞ւմ, թե՞ չափի զգացում

Կարմիր խնձորը… Արդյո՞ք այն դեռ ակտուալ է

Տղամարդիկ ուժեղ չեն. դերասանուհի Մարի Գրիգորյան

Մեկնարկեց «Ոսկե ծիրան» Երևանի 23-րդ միջազգային կինոփառատոնը

Արսեն Ալբարյան․ բեմի լույսերի տակ՝ զգացմունքների, ընտրությունների ու անկեղծության մասին

Հրաժեշտ Արտիստին. Արտաշես Ալեքսանյանի հոգեհանգիստը՝ Կոնդի Սուրբ Հովհաննես եկեղեցում

Դերասան լինելու որոշումն եմ կայացրել՝ չնայած բոլորի դեմ կարծիքին. Հովհաննես Դիշչյան

Վահե Վայան. Ինչքան մարդիկ շատ են իմանում մարդու մասին, այնքան բարդ է դառնում ապրելը

««Մանկական Եվրատեսիլ 2022»-ը տարբերվող է լինելու». Մալենայի եւ Հայաստանի պատվիրակության ղեկավարների ասուլիսը՝ Թուրինում

23:08, 10 մայիսի

«Մանկական Եվրատեսիլ 2021»-ի հաղթող Մալենան եւ «Եվրատեսիլ»-ում Հայաստանի պատվիրակության անդամները քիչ առաջ ասուլիս են ունեցել Թուրինում, որի ընթացքում Հայաստանին հաղթանակ բերած երգչուհին խոսել է մրցույթում իր ձեռքբերումներից եւ առաջիկա նորություններից: Հայաստանի պատվիրակության ղեկավար Դավիթ Ծերունյանն ու Հանրային հեռուստաընկերության հանրային կապերի ղեկավար Աննա Օհանյանը նաեւ պատմել են Երեւանում դեկտեմբերի 11-ին կայանալիք «Մանկական Եվրատեսիլ 2022» մրցույթից:

Լրագրողները Մալենայից հետաքրքրվել են, թե ինչ զգացողություններ ունի իրեն եւ Հայաստանին պարգեւած հաղթանակից հետո: Երգչուհին պատասխանել է, որ երկար ժամանակ դժվարանում էր հավատալ այդ իրողության ճշմարտացիությանը:

«Ես երբեք չեմ մոռանա այդ բեմում իմ ապրումները, դրանք անհավանական էին: Երբ մարդիկ երգում էին երգս, չէի կարողանում հավատալ, որ նրանք հենց իմ երգն են կատարում, որ հիմա շատերն են ինձ ճանաչում: Երբ երգը հայտնվեց TikTik-ում, իմ էջում երեւացող ամեն երկրորդ տեսանյութը հենց դրա ներքո էր արված, ինչը շատ ոգեւորիչ էր»,-նշել է նա՝ հավելելով, որ մրցույթն իրեն բացի ճանաչումից տվել է նաեւ ինքնավստահություն ու հավատ սեփական ուժերի նկատմամբ:

«Մանկական Եվրատեսիլ»-ի շրջանակում Հայաստան այցելողներին Մալենան խորհուրդ է տվել օգտվել հնարավորությունից եւ անպայման տեսնել Գառնու հեթանոսական տաճարը:

280061576_1178325866449577_7882360276058423368_n.jpg (275 KB)

«Այն, պարզապես, ֆանտաստիկ տեղ է: Ես պաշտում եմ այդ վայրը: Իհարկե, սա իմ կարծիքն է, իսկ եթե դուք որոնեք համացանցում, կհասկանաք, որ, առհասարակ, Հայաստանում մի շարք սքանչելի վայրեր կան, որոնք անպայման պետք է տեսնել»:

Հարցին՝ արդյոք կցանկանա՞ր մասնակցել նաեւ մեծերի «Եվրատեսիլ»-ին, Մալենան պատասխանել է, որ այժմ, երբ Թուրինում է, էլ ավելի ոգեշնչված է այս մրցույթով:

«Կարծում եմ՝ այո, ես կցանկանայի կրկին լինել այս մրցույթում: Սա հրաշալի փորձ է: Այնուամենայնիվ, անկեղծորեն կասեմ, որ այս մեծ բեմն ինձ փոքր-ինչ վախեցնում է այժմ, բայց համոզված եմ՝ այս հուզմունքը կհաղթահարեմ ժամանակի ընթացքում»:

15-ամյա երգչուհին տեղեկացրել է, որ իր երկրպագուների համար ունի նորություններ:

«Պատրատվում եմ համագործակցել Ռոզա Լինի հետ: Ես շատ եմ նրանով հպարտանում, եւ իմ հաջորդ երգի բառերի շուրջ միասին ենք աշխատելու: Այնպես որ, սպասեք դրան: Ես դիտել եմ Ռոզայի փորձերը, ու կարծում եմ՝ նա հրաշալի աշխատանք է տանում»:

Լրագրողները հետաքրքրվել են նաեւ Հայաստանում կայանալիք «Մանկական Եվրատեսիլ»-ի մանրամասներից:

280207911_402604791732865_9209401590171200616_n.jpg (251 KB)

««Մանկական Եվրատեսիլ 2011»-ը շատ լավ փորձ էր մեզ համար, որն օգնեց հասկանալ, թե ինչպես կարող ենք անմոռանալի դարձնել այս իրադարձությունը Հայաստանում: Այս տարի ամեն ինչ տարբերվող կլինի, հիմա ամբողջությամբ նախապատրաստական աշխատանքների մեջ ենք, եւ շուտով դուք կտեսնեք, թե ինչպիսին է այն լինելու: Հավելեմ, որ անցկացման վայրը նույնն է՝ Կարեն Դեմիրճյանի անվան մարզահամերգային համալիրը, որը վերաձեւավորվելու է, որպեսզի է´լ ավելի հարմարավետ լինի թե´ արտիստների, թե´ հանդիսատեսի համար»,-նշել է Աննա Օհանյանը:

Դավիթ Ծերունյանը հավելել է, որ Հայաստանը շոուի անցկացման հարցում համագործակցելու է նաեւ միջազգային փորձ ունեցող գործընկերների հետ:

Հարցին՝ արդյոք ադրբեջանցի լրագրողներին թո՞ւյլ կտրվի մասնակցել Հայաստանում կայանալիք մրցույթին, եւ որքանո՞վ նրանց անվտանգությունը պաշտպանված կլինի, «Եվրատեսիլ»-ում Հայաստանի պատվիրակության ղեկավարը պատասխանել է, որ այդ մասին դեռ խոսելը վաղ է, ամեն ինչ պետք է քննարկվի Եվրոպական հեռարձակողների միության հետ համատեղ:

Ինչ վերաբերում է շոուին Մալենայի մասնակցությանը, Աննա Օհանյանը վստահեցրել է, որ Հայաստանին հաղթանակ բերած երգչուհին, միանշանակ, ներառված է լինելու Երեւանում կայանալիք շոուին, իսկ թե ինչ դերով, Հանրային կապերի ղեկավարը խոստացել է բացահայտել առաջիկայում:

Սյունե Առաքելյան


Հետևեք NEWS.am STYLE-ին Facebook-ում, Twitter-ում և Instagram-ում




Print  

  • Related News

TV SHOWS PHOTO VIDEO


@NEWSam_STYLE

  • Archive
Search