• ArtLife Kempinski Residences Yerevan․ սեզոնի ամենաոճային երեկույթը կամ Մեծն Գեթսբիի ոգին Երևանի կենտրոնում

  Երևանի կենտրոնում ուրբաթ երեկոյան սավառնում էր Մեծն Գեթսբիի ոգին․․․

• Երեւանում բացվել է «Մինիոն» խնամքի եւ զարգացման կենտրոնը

  Վաղ տարիքում ամենակարևորը երեխաների մեջ բարություն, աշխատասիրություն, կոլեկտիվ մտածողություն, հայրենասիրություն սերմանելն է...

• Պիտերի հայկական անկյունները

  Եթե Պիտերում Ձեզ հանկարծ սկսել է տանջել կարոտախտը․․․

• Dalma Garden Mall կենտրոնում բացվել է Lacoste բուտիկը

  Ապրանքանիշի պատմությունը սկսվել է 1926 թվականին, երբ թենիսիստ Ռենե Լակոստը կորտ էր դուրս եկել իր կողմից կարված շապիկով...

• ՌԴ նախագահի թեկնածու Քսենիա Սոբչակը՝ Մոսկվայում Chanel բուտիկի բացմանը

  Քսենիայից բացի, բացմանը ներկա էր նաեւ Յանա Ռուդկովսկայան ․․․

• Հինգ վայր Երեւանում, որտեղ կարելի է մատչելի սնվել

  Երեւանը զարմանալի է նրանով, որ այստեղ կարելի է լավ զգալ ե՛ւ հազարավոր դոլարներով, ե՛ւ մի քանի հազար դրամով...

• Ցանկանու՞մ եք դիմել պլաստիկ վիրահատության. Էդգար Հայրապետյանը կտա լավագույն լուծումը

  Էդգար Հայրապետյանը կտա լավագույն լուծումը...

• Հայկական համուհոտ՝ համեմված մշակույթով. «Տոսպիա» ռեստորանը դարձել է զբոսաշրջիկների սիրելի վայրը

  Վարպետորեն մշակված հայկական համուհոտ՝ համեմված մշակույթով. «Տոսպիա» ռեստորանը դարձել է հայկական խոհանոցն ու մշակույթը սիրող գուրմանների, ինչպես նաեւ զբոսաշրջիկների սիրելի վայրը...

Ժողովո՜ւրդ, վերջապես… Երեւանում բացվել է հրաշալի կինոկենտրոն: Միանգամից 6 կինոդահլիճ: Խելագարվել կարելի է… Կինոկենտրոնը բացվել է «Դալմա Գարդեն»-ում: Երկրորդ հարկում 5.000 քառակուսի մետր է տրամադրվել ոչ միայն կինոսերներին (տոմսերը կինոթատրոն՝1000-6000 դրամ արժողությամբ), այլեւ բոուլինգի սիրահարներին (բոուլինգ -հրաշալի սրահ՝ 6.000-ից մինչեւ 12.000 դրամ արժողությամբ), նաեւ խաղասարքերի շքեղ ժամանցի գոտի կա, մի խոսքով, ամեն ինչ՝ հարմարավետ հանգստի համար: Բայց ամեն ինչի մասին՝ հերթով:

Նոյեմբերի 17-ին բացվել է «Տաշիր» ընկերությունների խմբին պատկանող «Սինեմա Սթար» ռուսական առաջատար ցանցի 21-րդ կինոթատրոնը («Սինեմա Սթար»-ը որպես կինովարձույթի խոշոր օպերատոր Ռուսաստանում 7-րդ տեղն է զբաղեցնում):

Բացմանը հրավիրված էին լրագրողներ, ովքեր ականատես եղան միջոցառմանը Հայաստանի Առաջին տիկին Ռիտա Սարգսյանի ժամանմանը եւ ունկնդրեցին կուռքային ֆիլմերի երաժշտություն՝ նվագախմբի հրաշալի կատարմամբ:

Քանի որ բացմանը մեր բազմաթիվ գործընկերներ կային, Ձեր խոնարհ ծառան մոտավորապես գիտի, թե իրադարձությունն ինչպես են մատուցելու այլ ԶԼՄ-ները: Այդ պատճառով էլ ամեն ինչ ներկայացնելու եմ պարզ լեզվով, այլ ոչ թե ձանձրալի պաշտոնական ոճով: Եվ այսպես՝ տպավորությունների մասին:

Նվագախումը կատարում էր «Առաքելությունն անիրագործելի է» ժապավենի երաժշտությունը, աջ ու ձախ կողմից հրաշալի հյուրասիրություն էր (ի դեպ՝ լավ շամպայն էր), երբ լրագրողներին հրավիրեցին մամուլի ասուլիսի, որի ընթացքում «Տաշիր» խմբի փոխնախագահ Տաթեւիկ Կարապետյանը, «Սինեմա Սթար-Հայաստան»-ի տնօրեն Հրաչյա Արշակյանը եւ ցանցի տնօրեն Կարինա Աղաջանովան պատմեցին կինոկենտրոնի մասին:

ԶԼՄ-ների ներկայացուցիչների հետ զրույցի բովանդակությունը համառոտ այսպիսին է. «Ճանաչված Ցանցը կինոսերների եւ կինոգետների համար զարգացնում է trendy places հասկացությունը: Կինոսրահներում ցուցադրվելու են միայն նորույթներ, հինգշաբթի օրերին՝ պրեմիերաներ (փառք քեզ, Աստված, վերջապես), քանի որ «Սինեմա Սթար»-ը ոչ ավել, ոչ պակաս՝ համագործակցում է կինոարտադրության այնպիսի հսկաների հետ, ինչպիսիք են Disney-ը, Fox-ը եւ Paramount-ը: Ֆիլմերն ու մուլտֆիլմերը ներկայացվելու են ե՛ւ օրիգինալ լեզվով, ե՛ւ ռուսերեն թարգմանությամբ, ցուցադրվելու են փառատոնային ժապավեններ, իսկ հետագայում սպորտային մրցաշարերի ուղիղ հեռարձակումներ են լինելու: Նոյեմբերի 18-25-ի կինոցուցադրությունների տոմսերի վաճառքից ստացված ամբողջ հասույթը տրամադրվելու է բարեգործությանը, մասնավորապես՝ «Կյանք նվիրիր» հիմնադրամին:

Այնուհետեւ լրագրողներն ու հրավիրյալ աստղերը ցրվեցին դահլիճներով՝ դիտելու «Դիանա» ֆիլմը՝ Նաոմի Ուոթսի գլխավոր դերակատարմամբ:

Իսկ հիմա, ժողովուրդ, ինձ լսեք: Ներկայացնում եմ սեփական գնահատականս: 5 բալանոց սանդղակով՝ 5: Ես հրաշալի գիտեմ ֆրանսիական առաջատար կինոսրահները (UGC եւ Gaumont), այնտեղ ես եղել եմ ավելի հաճախ, քան որեւէ այլ տեղ: Ես գիտեմ իսպանական եւ բելգիական կինոսրահները: Իսկ այն, ինչ բացվել է մեզ մոտ՝ Երեւանում, գերազանցում է եվրոպական բոլոր չափանիշները: Ինքս էլ չէի սպասում (ի դեպ, մարդիկ, հոդվածի համար ինձ չեն վճարել, ոչ ոքի չեմ գովազդում, տպավորություններս եմ ներկայացնում): Ասեմ նաեւ, որ Ռուսաստանում այս ցանցն իսկապես հայտնի է, ովքեր ապրել կամ ապրում են Մոսկվայում, դրա մասին գիտեն ТРЦ Рио-ից: Կինոդահլիճներում (ի դեպ` բավական կոմպակտ. 70 տեղ, 90 տեղ, VIP անձանց համար՝ 20 տեղ) հարմար բազմաթոռներ են, հրաշալի էկրաններ, մաքուր եւ հստակ ձայն, մուտքի մոտ վաճառում են pop-corn, կոլա եւ այլն: Այնպես որ՝ հավաքեք ձեր ընտանիքն ու շտապեք այնտեղ:

Միշտ Ձեր՝ Լուի Ժան Լոմիեր

Լուսանկարները՝ Արսեն Սարգսյանի

Հետևեք NEWS.am STYLE-ին Facebook-ում, Twitter-ում և Instagram-ում