• Մարկ Ցուկերբերգն ապացուցում է, որ մորուքով տղամարդիկ ավելի գրավիչ են

  Մորուքով տղամարդիկ ավելի գրավիչ են։ Մարկ Ցուկերբերգի խմբագրված լուսանկարը․․․

• Գրավիչ կանայք տղամարդկանց ոգեշնչում են ասել ճշմարտությունը, իսկ կանանց՝ ստել

  Հետազոտությունը, որը հրապարակվել է Economic Behavior & Organization ամսագրում, փորձել է պարզել, թե ինչպես է կնոջ արտաքինն ազդում մյուսների բարոյական վարքագծի վրա․․․

• Որտե՞ղ են խորհրդավոր կերպով անհետանում գուլպաները

  Նայեք ձեր գուլպաների դարակում եւ հաշվեք, թե քանի՞ զույգն է պակասում…

• Անգլիացին տարված է ամուսնացածների՝ հատկապես իր գործընկերների ու ընկերների կանանց հետ սեքսով

  Կալիֆորնիայում բնակվող անգլիացին տարված է ամուսնացած կանանց՝ հատկապես իր բիզնես գործընկերների եւ ընկերների կանանց հետ սեքսով…

• Տղամարդիկ, ովքեր սոցցանցերում վիրավորակամ մեկնաբանություններ են գրում կանանց, բարդութավորված կնատյացներ են

  Տղամարդիկ, ովքեր սոցցանցերում նողկալի մեկնաբանություններ եւ վիրավորանքներ են գրում կանանց հասցեին, բարդութավորված անբաններ են․․․

• Ինչու են տղամարդիկ ստում իրենց առնանդամի չափսի մասին

  Տղամարդիկ ծանոթությունների հավելվածներում ստում են իրենց «տղամարդկության» չափսի մասին․․․

• Սեքսը կօգնի նիհարել

  Եթե ​​ցանկանում եք ֆիզիկապես ավելի ակտիվ լինել ձեր առօրյա կյանքում, բայց չափազանց ծույլ եք մարզասրահ հաճախելու համար, ապա սեքսը կարող է լինել կատարյալ լուծում․․․

• Փոքր փորով տղամարդիկ սիրված են կանանց կողմից

  Փոքր փորով տղամարդիկ սիրված են կանանց կողմից: Մաչոները, ովքեր ունեն «dad bod» կազմվածք, ինչպես Թեյլոր Սվիֆթի ներկայիս բոյֆրենդ՝ Թրևիս Քելսին, ավելի հաճախ և հաջողակ են գրավում կանանց սրտերը՝ համեմատած իրենց հասակակիցների հետ՝ սլացիկ կազմվածքով և պռեսով...

«Ես համաձայն եմ ապրել տղամարդկանց կողմից կառավարվող աշխարհում այնքան ժամանակ, մինչեւ կարող եմ կին մնալ այս աշխարհում…» - Մերիլին Մոնրո

Պարզվում է, որ կանայք երկրագնդի ամենաերջանիկ արարածներն են: Չե՞ք հավատում: Համաձայն եմ, լինում են օրեր, երբ նույնիսկ այսպիսի դրական եւ անկեղծ նախադասությունը կեղծիք է թվում: Բայց այսօր չեմ ուզում ձեզ հետ խոսել մեր հրաշալի կյանքի տխուր նոտաներից: Ավելի լավ է համոզվենք այդ բանում, թե որքան լավ է, որ մենք թույլ սեռի ներկայացուցիչ ենք: Ես կին եմ եւ այդ հրաշալի է: Եվ այսպես…

Մեր պայուսակում, նույնիսկ՝ շատ փոքրիկ, միշտ կգտնվի շատ պետքական իրը: Պատկերացրեք, թե ինչ երանություն է, երբ տարիքով, հաջողակ եւ ուժեղ տղամարդը ձեր ձեռքերում մի պահ երեխա է դառնում… Միայն այն բանի համար, որ քո պայուսակում այնպիսի առարկա կա, որը նրան անհրաժեշտ է: Այդ կարող է լինել խոնավ անձեռոցիկ, բամբակ, կոնֆետ, լիցքավորող սարք կամ նույնիսկ հայելի: Այդպիսի պահերին ես ինձ այնքան հրաշալի եմ զգում:

Մեզ անընդհատ ինչ-որ մեկը փորձում է սիրահետել: Իսկ տղամարդկա՞նց: Գուցե միայն մայրիկը, կամ, եթե բախտավոր է, սիրելի կինը: Իսկ եթե խեղճին չի հաջողվել գտնել իր ընտրյալին… Իսկ մեր բախտն անընդհատ բերում է: Եթե դուք նույնիսկ խախտել եք երթեւեկության կանոնները, պետավտոտեսուչը ձեզ այնպիսի քաղաքավարությամբ է մոտենում, որ հաճախ ինքներդ եք անհարմար զգում:

Օրերս պետավտոտեսուչը կանգնեցրեց ինձ: Ես, որպես իմ երկրի օրինապահ քաղաքացի, ընդունեցի սխալս եւ ինձ տուգանեցին: Ի դեպ՝ նվազագույն տուգանք սահմանեցին, իսկ խախտումը, մեղմ ասած, այնքան էլ փոքր չէր: Բանն այն է, որ պետավտոտեսուչը հասկացել էր, որ այս բնագավառում նորեկ եմ եւ հարցրեց, թե ինչով կարող է օգտակար լինել: Իսկ օգնություն անհրաժեշտ էր կայանատեղիից դուրս գալու համար: Եվ նա սիրալիր ցուցումներ տվեց եւ օգնեց:

Այնպես որ, սիրելի՛ կանայք, կին լինելը հրաշալի է: Ե՛վ մատուցողը սիրալիր կլինի ու անպայման խորհուրդ կտա ինչ-որ առանձնահատուկ բան փորձել, ե՛ւ պետավտոտեսուչը հարգալից կլինի: Իսկ ինչ ասել մեր երկրպագուների մասին, ովքեր միայն մեկ մտքով են ապրում. «Ինչպե՞ս նրան օգտակար լինել, գոնե ինչ-որ հարցում»: Նույնիսկ դպրոցական տարիներին, երբ մեր համադասարանցիները տանում էին մեր պայուսակները կամ մեր փոխարեն հերթ կանգնում… Ինչքան հաճելի է այդ, այնպես չէ՞: Մեր ամբողջ կյանքի ընթացքում գտնվում են մարդիկ, ովքեր ձգտում են սիրահետել թույլ սեռի գեղեցիկ ներկայացուցիչներին:

Թանկագիննե՛րս, թող սիրահետեն, մի կոպտեք, այլ վայելեք պահը եւ մի մոռացեք շնորհակալ լինել եւ քնքուշ ժպտալ:

Մանրուքներն ի զորու են մեր օրն ուրախությամբ լցնել: Նոր սեւաներկը, շրթներկը, նախընտրելի շոկոլադը, նույնիսկ լուսանկարի տակ թողած մեկնաբանությունը կարող են ժպիտի եւ ուրախության պատճառ դառնալ: Մանրուքների թեման շարունակելով՝ ավելացնեմ, որ նույնիսկ տղամարդու անհեթեթ շապիկով մենք կարող ենք գրավիչ տեսք ունենալ: Ինչ վերաբերում է տղամարդկանց, թույլ տվեք վիճել… Պատկերացրեք, որ նա հագել է ձեր բլուզը: Ի՞նչ գրավչության մասին կարող է խոսք լինել: Իսկ ահա մեդալի հաջորդ կողմը. ծուլություն: Մեզ կարելի է, նույնիսկ անհրաժեշտ է երբեմն ծուլանալ: Այս դեպքերի համար մենք միշտ ունենք պլան Բ. նրա հագուստը:

Երբ մենք ավելորդ բան ենք ասել կամ ինչ-որ բան այնպես չենք արել, ոչ միշտ է, որ պետք է ներողություն խնդրենք: Չէ՞ որ մենք ամիսը մեկ անգամ հրաշալի պատճառ ունենք: Այդ պատճառը երբեմն կարելի է օգտագործել ամիսը երկու անգամ, եթե, իհարկե, ձեր տղամարդն այդպիսի մանրուքներ հիշելու հարցում վարպետ չէ: Չնայած… արդյո՞ք այդ մանրուք է: Լավ, կարեւոր չէ… Կարեւոր է հմտորեն օգտագործել պատճառը, բայց՝ ո՛չ ի վնաս հարաբերությունների:

Դեռ չե՞ս հավատում, որ մեր բախտն ավելի շատ է բերել, քան տղամարդկանցը: Այդ դեպքում եւս մի քանի ապացույց:

Շրթներկից առաջած հետքից մենք միշտ կարող ենք ճանաչել մեր բաժակը: Երբ մենք գրկում ենք մեր ընկերուհուն, որեւէ մեկը չի կարող ծաղրել մեր սեռական կողմնորոշումը: Ի՞նչ է պատկանում տղամարդուն: Հեռակառավարման վահանակ եւ ավտոտնակ: Եվ ամենակարեւորը, որ երբեք որեւէ տղամարդ չի կարող: Նա չի կարող երեխա լույս աշխարհ բերել: Ամեն դեպքում, որքան լավ է կին լինել…

Ամադա

Հետևեք NEWS.am STYLE-ին Facebook-ում, Twitter-ում և Instagram-ում