• Հայ դերասան Սամվել Թադևոսյանը նկարահանվել է Dior Men-ի նոր արշավում

  Հայ դերասան Սամվել Թադևոսյանը նկարահանվել է Dior Men Tailoring Winter 2026 նոր գովազդային արշավում: Նա դարձել է ֆրանսիական նորաձևության տան՝ տղամարդու կոստյումին նվիրված նախագծի մոդելներից մեկը..

• «Դուք ձեր խնդիրները չեք լուծել ու բարդույթները փոխանցում եք Գասպարին». Գոհար Ավետիսյանին քննադատել են 6-ամյա որդու դիետայի համար

  Գոհար Ավետիսյանը քաշի պատճառով դարձյալ հայտնվել է քննարկումների կենտրոնում։ Այս անգամ խոսքը ոչ թե իր, այլ 6-ամյա որդու՝ Գասպարի մասին է։ Դիմահարդարը տեսանյութ է հրապարակել, որտեղ երևում է, թե ինչպես է փոքրիկը կշռվում, ու պատմել է նրա սննդակարգի մասին։ Կշեռքը ցույց է տվել 38.9 կգ, ինչից հետո Գոհարը հրապարակմանը կից գրել է. «Դիետա... երկրորդ օր... քաշի ավելացում ունենք»...

• Այլընտրանքային տարբերակներ ենք մտածել, որ Գոռ Հակոբյանը ներկա լինի․ Մենչը՝ «Ֆուլ Հաուս»-ի նոր ներկայացման մասին

  «Ֆուլ Հաուս»-ի երկրպագուները կրկին միավորվելու առիթ ունեն…

• Ռաֆայել Երանոսյանը նոր մոնոներկայացում ունի` «Ծանր ու թեթև»

  Ռաֆայել Երանոսյանն իր հանդիսատեսին շուտով պատրաստվում է ներկայանալ նոր մոնոներկայացմամբ՝ «Ծանր ու թեթև»…

• Էվելինայի ու Անիի նախահարսանեկան խնջույքները, Արմինկայի 53-ամյակը, Ֆլորա Բիչախչյանը՝ «Նոր ալիք 2026»-ում․ Instagram-ը՝ այս շաբաթ

  Այս շաբաթը հայ հայտնիների համար լի էր գեղեցիկ առիթներով, անակնկալներով ու տոնական տրամադրությամբ...

• Մարդուն փնտրելով. «Զրույցներ Զառա Աճեմյանի հետ». լուսանկարիչ և արվեստագետ Իլյա Վարդանյանը՝ Հայաստանի, ստեղծագործության և ԱԲ դարաշրջանի մասին

  «Զրույցներ Զառա Աճեմյանի հետ». լուսանկարիչ և արվեստագետ Իլյա Վարդանյանը՝ Հայաստանի, ստեղծագործության և ԱԲ դարաշրջանի մասին...

• Հայկական ոճ. տոսկանական շքեղությունից մինչև համարձակ լողափային տրամադրություն

  Ամառը դեռ եռում է, իսկ հայ նորաձևության սիրահարները գիտեն, թե ինչպես գրավել ափամերձ տարածքների ուշադրությունը․․․

• «Ես փնտրել եմ քեզ»․ Nemra-ն թողարկել է արդեն հիթային դարձած հայերեն երգի տեսահոլովակը

  Հայկական Nemra ռոք խմբի «Ես փնտրել եմ քեզ» երգի տեսահոլովակն արդեն հասանելի է YouTube-ում․․․

Ի՞նչ կլիներ, եթե աղջիկներն էլ անցնեին պարտադիր զինվորական ծառայություն․ այս հարցի պատասխանը կստանաք՝ դիտելով Իննա Խոջամիրյանի եւ Գոշ Հակոբյանի նոր՝ «Ճիշտ այդպես» նախագիծը, որն ATV-ի եթերում մեկնարկել է հոկտեմբերի 7-ից։ Հաղորդման նկարահանումներն անցել են Հանքավանում, տեւել են 6 օր։ Հաղորդաշարի մասնակիցները 6 հայտնի հայուհիներ են՝ դերասանուհիներ Իրինա Այվազյանը, Եվա Բաղդասարյանը, Ժաննա Վելիցյանը, Լիլիթ Սարգսյանը, երգչուհիներ Էվա Ոսկանյանը եւ Լիլիթ Օսիպյանը։ Նրանք սեփական մաշկի վրա զգացել են զինվորական կյանքն՝ իր բոլար դժվարություններով։ 

Իննան եւ Գոշը հանդես են գալիս որպես պրոդյուսեր, Իննան նաեւ նախագծի հաղորդավարուհին է, ինչը նրան «չի փրկել» փորձություններից։ Դերասանուհու համար սա առաջին պրոդյուսերական փորձն էր․ խոստովանում է՝ շատ էր լարվում։

«Միշտ եթերում չեմ լինելու, վաղ թե ուշ, ակտիվ էկրանային գործունեությունս դադարելու է, բայց ես միեւնույն է ուզում եմ՝ հեռուստադիտողը շարունակի «ինձ տեսնել», այս դեպքում՝ իմ ձեռնարկած նախագծերն ու ձեռագիրը: Աշխատանքի տեսանկյունից չափազանց պերֆեկցիոնիստ եմ, տվյալ պարագայում` մասնավորապես: Բայց ինչպես ասում են` համարձակությունը գործի կեսն է: Հաղորդման անալոգը գտավ Գոշը, բայց առաջին օրերին, հասկանալի պատճառներով, ընթացք չտրվեց: Արդեն վաղուց անցել էինք այլ տարբերակների, երբ մի օր Արշակյան Ելենայի հետ հերթական քննարկումից հետո` ջնջեցի բոլոր տարբերակներն ու կանգ առա «Ճիշտ այդպես»-ի վրա. Գոշը բնականաբար կողմ էր»,-NEWS.am STYLE-ի հետ զրույցում մանրամասնեց Իննան, որը նաեւ զբաղվել է մասնակիցների ընտրությամբ։

«Շատ դժվար ընտրություն էր. ընդ որում, թեման այնպիսին է, որ այն աղջիկներն, ում առաջարկվել է նախագիծը, հասկանում էին ծանրությունը: Ինչեւէ, մասկանիցների նախնական ցուցակը բաղկացած է եղել մոտ 14 հոգուց, որից կարճ ցուցակում մնացել են 8-ը: Նկարահանումներից 2 օր առաջ մասնակիցներից մեկը հրաժարվեց մասնակցել, իսկ առաջին նկարահանման օրը նախագիծը լքեց եւս մի աղջիկ: Հուսով եմ՝ պատկերացնում եք՝ ինչ ահռելի զբաղվածություն ունեն հանրային մարդիկ. մասնակիցների զբաղվածության պատճառով նախագծի նկարահանումները 2 անգամ հետաձգվել են. մեկը նկարահանումները ստիպված էր դադարեցնել մի շաբաթով, մյուսը թատրոնում նոր եթերաշրջանի բացման ակտիվ փորձերին էր, մյուսը կորպորատիվ միջոցառումներ ուներ... Փառք Աստծո, ի վերջո կարողացանք բալանսի գալ»:

Հաղորդումն ունի մրցութային ձեւաչափ․ մինչ բուն փորձությունները, մասնակիցներն անցել են համապատասխան դասընթացներ: 

«Հավատացնում եմ՝ մրցակցության գաղափարը նպաստեց գիտելիքների ամրապնդմանը: Տեղագրության մրցույթի ամփոփման ժամանակ նույնիսկ սկսեցին վիճել»,-պատմեց Իննան՝ հավելելով,-«Շատ բարդ էր... Իսկապես, բարդ էր...Գրեթե, իսկական զինվորական պայմաններ էին. քնում էին ընդհանուր վրանում, գիշերը անտառային պայմաններում շատ ցուրտ էր, սնվում էին ալյումինե ափսե բաժակներով, ափսեները լվանում եւ լվացվում էին գետում: Ծանրաբեռնվածությունը շատ մեծ էր. արթնանում էին 06:30, մասնագետներն ի սկզբանե որոշել էին, որ գիշերը հերթապահ «զինվոր» էլ պիտի ունենայինք՝ ամեն գիշեր մի մասնակից, սակայն դա արդեն, կարծում եմ, հալումաշ կաներ: Կրակել են, վազել են պայթուցիկների միջով, հարձակվել-պաշտպանվել են»:

Իննան խոստովանեց, որ հրամանատարի պարտականությունն իր վրա վերցնելը հեշտ չի եղել․ 

«Հաղորդավարուհին, ըստ երեւույթի, եւս հրամանատարներից մեկն է: Բայց միեւնույն է դժվարանում ես. սկզբում ինձ դրսեւորում էի, գրեթե, որպես մասնակից: Մասնագետներին 3-րդ օրը խնդրեցի թուլացնել ռեժիմը, եւ ես տուժեցի իմ խնդրանքի պատճառով: Օրակարգը վերածվեց «Մի հատ ջուր խմեմ գամ, գնամ վրան գամ, մի քիչ նստեմ էս քարին ու կգամ»-ի: Վերջին 2 օրը ուժեղ բարկացա. շարվելու ժամից ուշանալու եւ մասնակիցներից մեկի սխալ հագուստի (այլ տաբատ էր հագել)  պատճառով` ժիմի դիրքով պահեցի թիմին 20 րոպեից ավել, մինչ նրանց ընկերը կգտներ տաբատը, կփոխվեր, կվերադառնար»:

Ինչ վերաբերում է զինվորական կյանքին՝ դերասանուհին դա իր թուլությունն է համարում․ ասում է՝ փոքրուց երազում էր ծառայելու, դիպուկահար դառնալու մասին․

«Անգամ երազներ էի տեսնում թեմատիկ: Երազանքները հասցրեցին աղավաղվել... Ինչեւէ, շատ լիքն եմ վերադարձել...Իսկապես, բոլորս պիտի առնվազն նվազագույն պատրաստվածություն անցնենք»:

Համացանցում դեռեւս հաղորդման առաջին թողարկումն է հասանելի, սակայն դրական արձագանքներն, ըստ Իննայի, չեն ուշացել,-«100-ից ավել նամակ ունեմ աղջիկներից, ովքեր ուզում են մասնակցել նախագծին: Մեծ ոգեւորությամբ եմ կարդում: Արձագանքն, իսկապես, շատ մեծ է: Հիմա ոչինչ չեմ կարող ասել, առաջ չվազեմ, բայց եթե, նույնիսկ, 2-րդ եթերաշրջան լինի` դա պիտի լինի ավելի ուժեղ, ավելի խիստ, ավելի հագեցած... կարճ ասած` մեծամասշտաբ»:

Հաղորդումը եթերում է լինելու յուրաքանչյուր ուրբաթ՝ 20:00-ին։

Սյունե Առաքելյան
Լուսանկարները տրամադրել է Իննա Խոջամիրյանը

Հետևեք NEWS.am STYLE-ին Facebook-ում, Twitter-ում և Instagram-ում