«The Last Breath». Սևան Շահմիրյանը հանդիսատեսին է ներկայացնում իր երաժշտական աշխարհը

Լողազգեստով լուսանկարներ. ազատ ինքնարտահայտո՞ւմ, թե՞ չափի զգացում

Կարմիր խնձորը… Արդյո՞ք այն դեռ ակտուալ է

Տղամարդիկ ուժեղ չեն. դերասանուհի Մարի Գրիգորյան

Մեկնարկեց «Ոսկե ծիրան» Երևանի 23-րդ միջազգային կինոփառատոնը

Արսեն Ալբարյան․ բեմի լույսերի տակ՝ զգացմունքների, ընտրությունների ու անկեղծության մասին

Հրաժեշտ Արտիստին. Արտաշես Ալեքսանյանի հոգեհանգիստը՝ Կոնդի Սուրբ Հովհաննես եկեղեցում

Դերասան լինելու որոշումն եմ կայացրել՝ չնայած բոլորի դեմ կարծիքին. Հովհաննես Դիշչյան

Վահե Վայան. Ինչքան մարդիկ շատ են իմանում մարդու մասին, այնքան բարդ է դառնում ապրելը

Նիկոս Վերտիսը «ԱԿՎԱ ԲԻԼԴԻՆԳՍ» ընկերության հրավերով արդեն 3-րդ անգամ ելույթ կունենա Հայաստանում

Մալյան թատրոնի դերասանները՝ Թումանյանի «Հեքիաթներ» ներկայացման զվարճալի դեպքերի մասին

Մի երեկո Նեմրայի հետ․ զրույցներ և պատմություններ, որոնք մնում են երաժշտությունից հետո

Մեկ բաժակ ավել՝ հյուրի համար․ սուրճ, արվեստ և Գյումրվա ժպիտը «Վառեմ-Մարեմ»-ում

«Վառեմ-Մարեմ». Գյումրու ստեղծարար ոգին՝ արվեստի և հիշողությունների հանդիպման վայրում

Ինչպե՞ս եք վերաբերվում լողազգեստով լուսանկարներին

Վերջին զանգ․ արցունք, ծիծաղ ու հրաժեշտ մանկությանը

Ժամանակից շուտ մի՛ մեծացեք․ խորհուրդներ երիտասարդներին

Արժի, արդյոք, որ Հայաստանը շարունակի մասնակցել «Եվրատեսիլին»

Երեւանում մեկնարկել են «Ռուսական կինոյի օրեր»-ը՝ «Russian Film Festival» ապրանքանիշի ներքո (ֆոտո)

16:41, 22 հոկտեմբերի

Երեւանում մեկնարկել է «Ռուսական կինոյի օրեր» կինոդիտումների շարքը։ Հոկտեմբերի 21-ից  23-ը Երեւանի «Մոսկվա» կինոթատրոնը մայրաքաղաքի բնակիչներին եւ հյուրերին հրավիրում է դիտելու միջոցառման շրջանակում ներկայացվելիք ֆիլմերը։ Փառատոնային օրերին մեծ էկրանին անվճար կցուցադրվեն «Կրակ», «Նիկա»,  «Անծանոթի դիմանկարը» ֆիլմերը,  «Քնքշություն» բազմասերիանոց ֆիլմը եւ «Բուկա, իմ սիրելի հրեշը» լիամետրաժ մուլտֆիլմը: 

Միջոցառումը կազմակերպում է «ՌՈՍԿԻՆՈ»-ն՝ ՌԴ մշակույթի նախարարության աջակցությամբ։ «ՌՈՍԿԻՆՈ»-ի գլխավոր տնօրեն Իննա Շալիտոն նշում է. 

WhatsApp Image 2022-10-22 at 14.10.09.jpeg (88 KB)

«Ուրախ ենք «Russian Film Festival» ապրանքանիշի ներքո Հայաստանում երկրորդ միջոցառումը կազմակերպել: Այս տարի օգոստոսին «IVI» առցանց կինոհարթակում անցկացվեցին ռուսական ֆիլմերի առցանց ցուցադրություններ։ Օֆլայն միջոցառման շրջանակում «Ռուսական կինոյի օրեր»-ի ծրագրում ընդգրկված է հինգ ֆիլմ՝  գեղարվեստական, բազմասերիանոց եւ մանկական անիմացիոն: Հուսով եմ, որ յուրաքանչյուր դիտող իր համար հետաքրքիր բան կգտնի: Մենք նաեւ ձգտում ենք ակտիվացնել բիզնես երկխոսությունը Ռուսաստանի եւ Հայաստանի կինոարտադրության ոլորտների միջև մշակութային նման միջոցառումների կազմակերպման միջոցով: Հայկական կինոն 2022 թվականին տոնում է իր 100-ամյակը, այս ընթացքում ստեղծվել են բազմաթիվ հրաշալի ֆիլմեր, անիմացիոն ոլորտը վերելք է ապրում, եւ վստահ եմ, որ մենք կարող ենք գտնել փոխազդեցության բազմաթիվ կետեր»։

WhatsApp Image 2022-10-22 at 14.10.09 (1).jpeg (52 KB)

Ֆիլմերի ցուցադրություններից հետո կկազմակերպվի նաեւ քննարկում կինոգետ Դիանա Մարտիրոսյանի հետ։ NEWS.am STYLE-ի հետ զրույցում, անդրադառնալով Հայաստանում կինոդիտումների նման շարքի իրականացմանն ու «Ռուսական կինոյի օրերի» շրջանակում ընտրված ֆիլմերին, Դիանան նշեց․

«Կարծում եմ` ցանկացած փառատոն, ցանկացած ցուցադրությունների շարք ֆիլմասեր մարդու համար հնարավորություն է բացահայտել նոր արտադրանք, նոր ֆիլմեր` այն ամենը, ինչ այլ պայմաններում չես տեսնի: Փառատոնային ֆիլմերը հաճախ չեն մտնում վարձույթ, այսինքն՝ դրանք կամ պետք է դիտեք ինչ-որ փառատոնների շրջանակում, կամ, գուցե, փնտրեք համացանցում` ոչ օրինական տարբերակով, ինչին ես դեմ եմ, որովհետեւ կարծում եմ` եթե ֆիլմը ստեղծված է մեծ էկրանի համար, ցանկալի է այն դիտել հենց կինոթատրոնում: 

WhatsApp Image 2022-10-22 at 14.10.13.jpeg (38 KB)

Ֆիլմերի այս ցանկի մեջ կա, օրինակ, Վասիլիսա Կուզմինայի «Նիկա» ֆիլմը, որն իրական փաստերի վրա է հիմնված՝ բանաստեղծուհի Նիկա Տուրբինայի մասին է։ Շատ ուրախ եմ, որ այս փառատոնի շնորհիվ հնարավորություն ունեցա դիտելու այն: Կառանձնացնեմ նաեւ Աննա Մելիքյանի «Քնքշություն» մինի-սերիալը, որը նկարահանված է iPhone-ով: Կարծում եմ` կինոգործիչների, օպերատորների և այն մարդկանց համար, որոնք հաճախ բողոքում են, որ մենք տեխնիկապես հզոր չենք, ինչպես կինոարտադրության ոլորտում զարգացած այլ երկրներ, սա վառ օրինակ է` ինչպես կարելի է նկարել մրցունակ, դիտարժան մինի-սերիալ` անգամ iPhone-ով»:

WhatsApp Image 2022-10-22 at 14.10.12.jpeg (59 KB)

Դիանան կարեւորեց նաեւ ֆիլմերի բազմազանությունը, որոնք փառատոնը հետաքրքիր են դարձնում ցանկացած տարիքի ֆիլմասերների համար,-«Կազմակերպիչները ցանկացել են բազմազանություն ներկայացնել, ինչը, կարծում եմ, լավ հնարավորություն է ընդհանուր պատկեր կազմելու համար, թե ինչ է կատարվում վերջին տարիներին ռուսական կինոարտադրության ոլորտում»,-հավելեց նա։

Այս տարի «Russian Film Festival» ապրանքանիշի ներքո արդեն միջոցառումներ են անցկացվել բազմաթիվ երկրներում՝ Բրազիլիայում, Ուրուգվայում, Հորդանանում, Չինաստանում, Ղազախստանում, Բելառուսում, Ուզբեկստանում եւ այլուր։ Նախագծի մեկնարկից՝ 2020 թվականից ի վեր, ավելի քան 6,5 միլիոն մարդ աշխարհի 26 երկրներում դարձել է ռուսական կինոփառատոնի հանդիսատես։

Հայաստանը «Ռուսական կինոյի օրեր» 2022 թվականի օրացույցում դարձավ 9-րդ երկիրը, ուր տեղի հանդիսատեսը հնարավորություն կունենա ռուսական նոր ֆիլմերին ծանոթանալու։ 

WhatsApp Image 2022-10-22 at 14.10.10 (1).jpeg (56 KB)

WhatsApp Image 2022-10-22 at 14.10.11.jpeg (59 KB)

WhatsApp Image 2022-10-22 at 14.10.10.jpeg (88 KB)

Սյունե Առաքելյան


Հետևեք NEWS.am STYLE-ին Facebook-ում, Twitter-ում և Instagram-ում




Print  

  • Related News

TV SHOWS PHOTO VIDEO


@NEWSam_STYLE

  • Archive
Search