• Լիլիթ Հովհաննիսյանը հայտնել է, որ իր վերջին տեսահոլովակի զգեստն ինքն է հեղինակել (ֆոտո)

  Լիլիթ Հովհաննիսյանն Instagram-ում նոր լուսանկարներ է տեղադրել, որոնցում կեցվածք է ընդունել փայլուն կանաչ զգեստով...

• «Սրտի վալետ». նոր հումորային սիթքոմի մանրամասները. BACKSTAGE

  Ապրիլի 29-ին Արմենիա TV-ի եթերում կհեռարձակվի «Սրտի վալետ» նոր հումորային սիթքոմը...

• Եվա Բաղդասարյանն ու ամուսինը, 2 տարվա համատեղ կյանքից հետո, օրինականացրել են հարաբերությունները

  Դերասանուհի Եվա Բաղդասարյանն ու ամուսինը, պսակադրությունից 2 տարի անց, օրինականացրել են հարաբերությունները...

• «Ցեղասպանությունը եղել է․ իմ մեծ տատն ու պապը զոհ են գնացել այդ սարսափելի ոճրագործությանը»․ Գեւ Օրկյան

  Բրիտանահայ երաժիշտ, կատակերգու Գեւ Օրկյանը Հայոց ցեղասպանության 109-րդ տարելիցի կապակցությամբ ինստագրամյան իր էջում գրել է․․․

• Վահե Բերբերյանը հրապարակել է Հայոց ցեղասպանության զոհ դարձած իր պապի միակ լուսանկարն ու խոսել իր խոստման մասին

  Դերասան, կատակերգու եւ գրող Վահե Բերբերյանը Instagram-ում հրապարակել է Հայոց ցեղասպանության զոհ դարձած իր պապի արխիվային լուսանկարը՝ նշելով, որ դա միակ հիշողությունն է, որ ունի նրանից...

• «Մենք ոգեկոչում ենք 1915 թվականին զոհված հայերի հիշատակը: Նրանց թվում են իմ նախնիները»․ ամերիկահայ դերասանուհի Դիանա Մեդիսոն

  Ամերիկահայ դերասանուհի, պրոդյուսեր Դիանա Մեդիսոնը Հայոց ցեղասպանության 109-րդ տարելիցի կապակցությամբ տեսանյութ է հրապարակել ինստագրամյան իր էջում...

• «Ուզում եմ հիշել իմ նախնիներին, ովքեր զոհվել են, եւ նրանց, ովքեր ողջ են մնացել»․ Սերժ Թանկյանի գրառումը՝ Հայոց ցեղասպանության 109-րդ տարելիցի կապակցությամբ

  Ամերիկահայ անվանի երաժիշտ, System of a Down-ի անդամ Սերժ Թանկյանը ոգեկոչել է 1915 թ-ի Հայոց ցեղասպանության զոհերի հիշատակը...

• «Հայոց պատմության ուսուցիչս նույնիսկ մեր ավարտական երեկոյի ժամանակ ասաց՝ թուրքին բարեկամ չկարծեք…». Ժաննա Բուտուլյան

  Հայոց պատմության ուսուցիչս նույնիսկ մեր ավարտական երեկոյի ժամանակ ասաց . «Թուրքին բարեկամ չկարծեք. նրանք սեղան կնստեն ձեզ հետ , բայց կչարախոսեն, ձեռքը Ղուրանին դրած կերդվեն ու կխաբեն…

Առաջին ալիքը եւս մեկ եթերաշրջան հեռուստադիտողին կպահի առեղծվածի մեջ․ մի քանի շաբաթ է՝ եթերում է «Դիմակահանդես» շոուն, որի երկրորդ եթերաշրջանը պակաս ինտրիգային ու տպավորիչ չէ։ Հեռուստադիտողն արդեն ծանոթ է նախագծի բոլոր հերոսներին՝ Սարդին, Ջոկերին, Պանդային, Վիշապին, Մանչուկին, Մեդուզային, Մումիային, Միաեղջյուրին, հասցրել է բացահայտել Թութակին, Շուրթերին, Տոնածառին եւ Պարոն Պինգվինին, որոնց ներքո, համապատասխանաբար,  թաքնված էին Վարդան Բադալյանը, Տոմա Պետրոսյանը, Ռոլանդ Գասպարյանն ու Արամ Նիկոլյանը։ Իսկ թե որ հայտնիներին են թաքցնում մնացած կերպարները, պետք է պարզել՝ փորձելով կռահել մասնակցի շարժումներից, ձայնային տեմբրից ու արտաքին առանձնահատոկություններից։ Սա, սակայն, հեշտ փորձություն չէ, քանի որ դիմակների ներքո ամեն բան հնարավորինս քողարկված է։ 

NEWS.am STYLE-ի հետ զրույցում նախագծի երաժշտական պրոդյուսեր Անուշիկ Տեր-Ղուկասյանը խոստացավ՝ «Դիմակահանդես»-ի երկրորդ եթերաշրջանն էլ ավելի հետաքրքիր ու ինտրիգային է լինելու։ Եթե նախորդ եթերաշրջանում դիմակների ներքո հիմնականում երգիչներ ու դերասաններ էին, այս անգամ հեռուստադիտողը հնարավորություն կունենա ծանոթանալու ամենատարբեր ոլորտների հայտնիների ձայնային ու արտիստիկ կարողություններին․

«Շատ երկար ենք մտածել «Դիմակահանդես»-ի երկրորդ եթերաշրջանը պլանավորելուց առաջ, քանի որ գիտեինք, որ այս տարին մեզ համար շատ ծանր է լինելու՝ մի շարք հաղորդումներ են ավելացել եթերում, բացի այդ՝ հոբելյանական «Մանկական Եվրատեսիլն» ենք հյուրընկալում Հայաստանում․․․ Բայց ես շատ ուրախ եմ, որ Առաջին ալիքի թիմը գնաց այդ ռիսկին ու Factory ընկերության հետ համատեղ որոշեց իրականացնել «Դիմակահանդես»-ի նոր եթերաշրջանը, որը շատ սպասված էր հեռուստադիտողի կողմից։ Դատելով  արձագանքներից՝ կարող եմ ասել, որ այս եթերաշրջանը եւս բավական ինտրիգային է ստացվել»,-ասաց նա։ 

Անուշիկը նշեց, որ մասնակիցներին իրենք դժվարությամբ չեն ընտրել, բայց եղել են արտիստներ, որոնք հասկացել են, որ այդքան էլ չեն համապատասխանում նախագծի ձեւաչափին եւ հրաժարվել են ռիսկի դիմելուց։ 

«Հեշտ չէ այն առումով, որ նրանք պետք է շատ երկար մնան հագուստի մեջ, երկար ժամեր անցկացնեն ձայնագրման ստուդիայում, եւ այն դեպքում, երբ մենք եւ տվյալ մասնակիցը վստահ ենք լինում, որ կարող ենք դա իրականացնել, նոր միայն վերջնական պայմանավորվածություն ենք ձեռք բերում։ Կան մասնակիցներ, որոնց մասնակցությունը ինչ-ինչ պատճառներով չէր ստացվել առաջին եթերաշրջանում, բայց այս անգամ նրանք ընդգրկված են»։

Անդրադառնալով երգերի ընտրությանը՝ Անուշիկը նշեց, որ ավելի լավ ծանոթանալով նախագծի ձեւաչափին ու նպատակին՝ այս եթերաշրջանում շատ փոխզիջումների չի գնում․ ընտրվում են այնպիսի երգեր, որոնք, գուցե, տվյալ արտիստը չկատարեր նախագծից դուրս, բայց այն համահունչ է հենց իր ներկայացրած կերպարին․

«Կարեւոր է, որ մասնակիցը գիտակցի, որ ինքը հենց տվյալ կերպարն է, ոչ թե դրա ներսում թաքնված արտիստը։ Այս առումով տարաձայնություններ չեն լինում, բայց լինում են քննարկումներ, քանի որ բնական է՝ ամեն երգ չի կարող ստացվել այնպես, ինչպես պատկերացնում ենք, եւ այդ դեպքում, իհարկե, հաշվի ենք առնում նաեւ արտիստի կարծիքը։ Ասեմ, որ մեր մասնակիցներն անում են առավելագույնը։ Երբեմն ժամանակի սղության պատճառով այնպես է ստացվում, որ երգերը ձայնագրվում են նկարահանումից անմիջապես առաջ, ինչն ավելի է բարդացնում նրանց աշխատանքը, բայց բոլորը պատրաստակամ են ու պրոֆեսիոնալ։ Ամեն անգամ նորովի եմ բացահայտում մեր արտիստներին։ Հեռուստադիտողը էկրանից այն կողմ տեսնում է նրանց ուրախ կերպարները, բայց չեք կարող պատկերացնել, թե որքան դժվար է ժամեր շարունակ լինել այդ հագուստով, երգել ու պարել դրանով»։

Թե ովքեր են թաքնված այս կամ այն դիմակի ներքո, հեռուստադիտողը փորձում է պարզել հաղորդման «հետախույզների» հետ միասին։ Այս եթերաշրջանում նրանց դերում են՝ Գարիկ Պապոյանը, Ռաֆայել Երանոսյանը, Սոնան եւ Իվետա Մուկուչյանը։ 

Երգչուհի Իվետա Մուկուչյանն արդեն փորձառու հետախույզ է, բայց խոստովանում է՝ ամեն նկարահանումից հետո չի դադարել զարմանալ ու չի կարողացել թաքցնել էմոցիաները․

«Նախորդ եթերաշրջանի փորձն, իհարկե, օգնում է, քանի որ առաջին հերթին սովորում ես ավելի մանրամասնորեն ուսումնասիրել մասնակիցներին: Ինչ խոսք, երբ ամեն բան նոր էր, այնքան տպավորված էի, որ հետո ինքս էլ զարմանում էի՝ ինչպես կարող եմ ակնհայտորեն սխալ անուն նշել: Այս անգամ էլ պակաս տպավորված չեմ, քանի որ հաղորդման թիմն ամեն ինչ արել է, որ մենք կրկին հայտնվենք հեքիաթային աշխարհում, ինչպես նաեւ նորովի բացահայտենք մեր գործընկերներին: Ուրախ եմ նաեւ, որ գրեթե հետախուզական նույն կազմով ենք. մեր ընտանիքին նոր անդամ է միացել՝ Ռաֆայել Երանոսյանը, ով իր կատակներով կարողացել է շոուն միայն ավելի հետաքրքրացնել»,-NEWS.am STYLE-ի հետ զրույցում նշեց Իվետան, ով, սակայն, դժվարացավ առանձնացնել այս եթերաշրջանի ֆավորիտ կերպարին․

«Չեմ ցանկանում հեռուստադիտողների ուշադրությունը կենտրոնացնել մեկ մասնակցի վրա: Ես ամեն անգամ զարմանում եմ, թե «Դիմակահանդես»-ի թիմը որքան մանրամասնորեն է աշխատել յուրաքանչյուր կերպարի վրա: Պարզապես ուշադրություն դարձրեք յուրաքանչյուրի հագուստի դետալներին․․․ Ամեն կերպարի հետեւում մի մեծ աշխատանք է: Ի դեպ, ես էլ ամեն թողարկման համար իմ թիմի հետ հատուկ կերպարներ եմ ստեղծել: Այս կամ այն բանից ոգեշնչվել եմ, կիսվել թիմիս հետ, ապա անցել ենք գործի՝ իրականացնելով մեր համարձակ մտքերը: Վերադառնալով ֆավորիտին՝ պարզապես հիշեցնում եմ, որ նախորդ եթերաշրջանի իմ ֆավորիտը շոուն հաղթող Այլմոլորակայինն էր»:

Երգչուհին հավելեց, որ նախագիծը հետաքրքիր է ոչ միայն յուրահատուկ հերոսներով, այլեւ՝ իր գործընկերներին նորովի բացահայտելու հնարավորությամբ․

«Ես ամեն անգամ նրանց ելույլթներից հետո զարմանում, հաճախ փշաքաղվում եմ, քանի որ հասկանում եմ, որ տարիներ է, ինչ միասին աշխատում ենք, սակայն միմյանց բոլոր շերտերը բացահայտված չեն: Կարծում եմ՝ դա պայմանավորված է վախով․ մեր արտիստները հաճախ վախենում են փորձարկումներից՝ մտածելով ներկայանալ այնպես, ինչպես սովոր ենք նրանց տեսնել: Այս նախագիծը եւ հեռուստադիտողներին է տպավորում, եւ մասնակիցներին է նորովի բացահայտում՝ տալով նրանց համարձակ փորձարկումների լայն հնարավորություն»,-ասաց նա։

«Դիմակահանդես»-ի մասնակիցներին դիմակազործելու նպատակով, կարող եք դիտել շոուն ամեն կիրակի՝ 21:50-ին, Առաջին ալիքի եթերում։

Սյունե Առաքելյան
Լուսանկարները՝ «Դիմակահանդես»-ի ֆեյսբուքյան էջից

Հետևեք NEWS.am STYLE-ին Facebook-ում, Twitter-ում և Instagram-ում