• Ուսպենսկայան բացահայտել է, թե ինչպիսին պետք է լինի իր ապագա ամուսինը

  Երգչուհի Լյուբով Ուսպենսկայան կընդունի միայն խելացի, բարի և հասկացող տղամարդու․․․

• Լուսանկարը՝ որպես թերապիա․ Ինչպես է մեկ կադրը վեր հանում մարդու ներքին զգացողություններն ու ի՞նչն է դառնում կնոջ ցածր ինքնագնահատականի պատճառը

  Օգոստոսի 19-ը նշվում է որպես Լուսանկարչության միջազգային օր...

• «Հայ կինը սրբություն է» ասելուց մինչև հղի կնոջը ծաղրի թիրախ դարձնելը․ ի՞նչ ուղղությամբ է գնում հայկական համացանցը

  Բայց այդ երբվանի՞ց դարձավ սովորական հղի կնոջը թիրախավորելը...

• «Կյանքս» եռագրության եզրափակիչ ֆիլմը կցուցադրվի «Armenia TV»-ի եթերում

  «Կյանքս» եռագրության եզրափակիչ ֆիլմը կցուցադրվի «Armenia TV»-ի եթերում հունիսի 6-ին՝ ժամը 18:30-ին․ այս մասին ինստագրամյան իր էջում հայտնել է ֆիլմի պրոդյուսեր Տաթևիկ Կարապետյանը․․․

• Ինչպե՞ս եք վերաբերվում լողազգեստով լուսանկարներին

  Լողազգեստով լուսանկարներից մինչև հարաբերությունների նուրբ սահմաններ, կանանց ազդեցությունից մինչև ամենանյարդայնացնող զգեստապահարանային «գաղտնիքները»...

• 10 հայ գեղեցկուհիներ, ովքեր վայելում են մայրությունը և կոտրում կարծրատիպերը

  Ապրիլի 7-ը Մայրության և գեղեցկության օրն է՝ լավագույն առիթներից խոսելու ոչ միայն մայրության նրբության, այլև կնոջ ուժի ու բազմաշերտության մասին...

• «Անմարդկային կինը ամենավտանգավորն է». Դաթոն կանանց, հարաբերությունների և կովկասցի տղամարդու անսասան արժեքների մասին

  Մարտի 8-ի առթիվ NEWS.am STYLE-ը որոշեց խոսել արվեստագետների հետ նրանց հավերժական ոգեշնչման՝ կանանց մասին...

• 9 սովորություն, որոնք աննկատելիորեն «սպանում» են ձեր գեղեցկությունը

  Մարտի 8-ը նշվում է գեղեցկության, երիտասարդության և կանացի հմայքի շուրջ...

Ամեն առավոտյան որքան էլ աղջիկներն ուշանում են աշխատանքից, անպայման դիմահարդարվում են: Աչքերն են ներկում, դեմքեր տարբեր կրեմներ քսում: Իսկ շուրթե՞րը: Դրանք պետք է անթերի դարձնել…

Շուրթերը ճիշտ ներկելը բավական դյուրին է. ձեռքերի ճկունություն եւ ոչ մի խաբեություն. ընդամենը փոքր-ինչ ուշադրություն սեփական անձի նկատմամբ եւ պարզ կանոններին հետեւել: Ահա շրթներկը ճիշտ օգտագործելու 16 օգտակար կանոն:

Երբեք միաժամանակ մի շեշտադրեք աչքերն ու շուրթերը

Կանայք, ովքեր աչքերին վառ դիմահարդարում են անում եւ մուգ շրթներկ քսում, հաճախ ծիծաղելի տեսք են ունենում: Եթե ուզում եք կարմիր շրթներկ քսել, դիմահարդարման մյուս բաղադրիչները պետք է բաց երանգների մեջ լինեն: Եթե ուզում եք ընդգծել աչքերը, ապա շրթունքները ներկեք բաց գույնի փայլով կամ ոչ վառ շրթներկով:

Փքված շուրթերի արդյունքը

Որպեսզի շուրթերը փքուն տեսք ունենան, պետք է դրանց շուրջ բնական եզրագծից դուրս մատիտ քսել: Ստորին շրթունքի մեջտեղը շրթներկի վրայից մի քիչ փայլ ավելացրեք:

Ինչպե՞ս շրթներկ քսել

Որոշ կանայք շրթներկի համար նախատեսված հատուկ վրձին են օգտագործում: Ոմանք էլ այն մատով են քսում: Կանանց մեծ մասը շուրթերը ներկում է անմիջապես շրթներկի տուփից՝ լրացուցիչ միջոցներ չօգտագործելով: Ընտրեք այն, ինչը հարմար է ձեզ, ինչը ձեր շուրթերն առավել հմայիչ կդարձնի:

Շրթունքների համար նախատեսված եզրագծային մատիտ

Շուրթերի համար նախատեսված եզրագծային մատիտն օգտագործեք որպես հիմք: Շրթներկը շրթունքների վրա ավելի երկար կմնա, եթե սկզբում գծամատիտ քսեք: Եթե շուրթերը բաց գույնի շրթներկով եք ներկում, ապա անգույն մատիտ օգտագործեք: Դրա վրա շրթներկ քսեք: Շուրթերի փայլն արագ տարածվում է: Իսկ եթե նախ գծամատիտ օգտագործեք, ապա փայլն ավելի երկար կմնա:

Գծամատիտով շուրթերը եզրագծելը

Դուք կարող եք գծամատիտով շուրթերը եզրագծել նախքան շրթներկ քսելը կամ դրանից հետո: Ո՞վ ինչպես է այդ անում… Շատ մասնագետներ պնդում են, որ շուրթերն ավելի բնական տեսք են ունենում, երբ դրանք եզրագծում եք շրթներկ քսելուց հետ:

Մուգ եզրագծող մատիտ եւ բաց գույնի շրթներկ

Երբեք եզրագծող մուգ մատիտը բաց գույնի շրթներկի հետ մի համադրեք: Եզրագծված շուրթերն ավելի լավ տեսք ունեն, բայց միայն այն դեպքում, երբ գծամատիտի գույնը համապատասխանում է շրթներկի կամ փայլի գույնին: Մուգ եզրագիծը բաց շրթներկի հետ բավական ցայտուն տեսք ունի:

Շրթներկ գնելիս երբեք նմուշները մի քսեք ձեր շուրթերին

Այդ հակահիգիենիկ է: Հասկանալու համար, թե ինչ տեսք կունենա շրթներկը, այն  մատների ծայրին քսեք: Այդ հատվածի մաշկն ավելի համապատասխան է շրթունքների կառուցվածքին, քան ափի հակառակ կողմի մաշկը:

Մի ազատվեք այն շրթներկից, որի գույնը ձեզ այլեւս դուր չի գալիս

Դիմահարդարները գիտեն, թե ինչպես կարելի է ձեզ դուր չեկող գույներից շրթներկի հրաշալի գույն ստանալ:

Շրթներկն ու բաժակը

Որպեսզի ձեր շրթներկը բաժակի վրա չմնա, նախքան դրանից խմելը թեթեւակի լիզեք շուրթերը: Հավատացե՛ք, օգնում է:

Ատամներն ու շրթներկը

Որպեսզի շրթներկ քսելիս պատահաբար չներկեք ատամները, պարզ հնարքի դիմեք. ցուցամատը սահեցրեք ատամների վրայով: Ավելորդ շրթներկը կմնա ձեր մատին, այլ ոչ թե ատամներին:

Շրթներկ եւ սնգույր

Շրթներկը կարելի է որպես սնգույր օգտագործել, սակայն սնգույրը երբեք որպես շրթներկ մի օգտագործեք:

Տարիքն ու շուրթերը

Որքան մեծ եք, այնքան ձեր շրթունքներն ավելի հյութեղ տեսք պետք է ունենան:

Եթե ձեր շուրթերը չոր եւ բարակ են դարձել, խուսափեք անփայլ շրթներկից կամ շրթունքների փայլից: Օգտագործեք հյութեղ գույն ունեցող շրթներկեր:

Շրթներկի երանգն ու գույնը

Ոչ բոլոր երանգի եւ գույնի շրթներկերն են ձեզ հարմար: Շրթներկի գույնը պետք է ընտրել մաշկի երանգին համապատասխան: Ձեզ կարող է դուր գալ այն շրթներկը, որը ձեր ընկերուհին է օգտագործում: Բայց դա չի նշանակում, որ այդ նույն շրթներկը ձեզ նույնպես հարմար կլինի: Նարնջագույն, մարջանի կամ շագանակագույն երանգներով շրթներկերը քիչ կանանց են սազում: Այդ երանգներն ատամների գույնն ավելի դեղին են ցույց տալիս, քան իրականում դրանք կան:

Դեղին ատամներ

Քողարկեք դեղնած ատամները: Այդ նպատակով օգտագործեք կապտավուն երանգով շրթներկ (այդպիսի երանգ ունեն սալորի, մեխակի, գինու եւ մանուշակի գույները):

Դեն մի նետեք կոտրված շրթներկը

Եթե ձեր շրթներկը կոտրվել է, կտորի օգնությամբ հանեք կոտրված մասը: Հետո վառվող լուցկու հատիկը զգուշորեն պահեք շրթներկի վրա, կոտրված հատվածը դրեք հալված շրթներկի վրա եւ բաց վիճակում 30 րոպե դրեք սառնարանը:

Շրթներկը վերջացե՞լ է

Ուշադիր նայեք… Կտեսնեք, որ տարայի մեջ մի փոքր շրթներկ կա, որը կարելի է օգտագործել: Բամբակով փայտիկի օգնությամբ հանեք այն եւ խառնեք շուրթերի փայլի կամ վազելինի հետ: Որպեսզի կարողանաք այն քսել շուրթերին, հատուկ վրձին օգտագործեք: Այս խորհուրդի օգնությամբ նոր շրթներկ գնելու համար գումար կխնայեք:

Աղբյուրը՝ beauty.about.com

Հետևեք NEWS.am STYLE-ին Facebook-ում, Twitter-ում և Instagram-ում