• Լիլիթ Հովհաննիսյանը հայտնել է, որ իր վերջին տեսահոլովակի զգեստն ինքն է հեղինակել (ֆոտո)

  Լիլիթ Հովհաննիսյանն Instagram-ում նոր լուսանկարներ է տեղադրել, որոնցում կեցվածք է ընդունել փայլուն կանաչ զգեստով...

• «Սրտի վալետ». նոր հումորային սիթքոմի մանրամասները. BACKSTAGE

  Ապրիլի 29-ին Արմենիա TV-ի եթերում կհեռարձակվի «Սրտի վալետ» նոր հումորային սիթքոմը...

• Եվա Բաղդասարյանն ու ամուսինը, 2 տարվա համատեղ կյանքից հետո, օրինականացրել են հարաբերությունները

  Դերասանուհի Եվա Բաղդասարյանն ու ամուսինը, պսակադրությունից 2 տարի անց, օրինականացրել են հարաբերությունները...

• «Ցեղասպանությունը եղել է․ իմ մեծ տատն ու պապը զոհ են գնացել այդ սարսափելի ոճրագործությանը»․ Գեւ Օրկյան

  Բրիտանահայ երաժիշտ, կատակերգու Գեւ Օրկյանը Հայոց ցեղասպանության 109-րդ տարելիցի կապակցությամբ ինստագրամյան իր էջում գրել է․․․

• Վահե Բերբերյանը հրապարակել է Հայոց ցեղասպանության զոհ դարձած իր պապի միակ լուսանկարն ու խոսել իր խոստման մասին

  Դերասան, կատակերգու եւ գրող Վահե Բերբերյանը Instagram-ում հրապարակել է Հայոց ցեղասպանության զոհ դարձած իր պապի արխիվային լուսանկարը՝ նշելով, որ դա միակ հիշողությունն է, որ ունի նրանից...

• «Մենք ոգեկոչում ենք 1915 թվականին զոհված հայերի հիշատակը: Նրանց թվում են իմ նախնիները»․ ամերիկահայ դերասանուհի Դիանա Մեդիսոն

  Ամերիկահայ դերասանուհի, պրոդյուսեր Դիանա Մեդիսոնը Հայոց ցեղասպանության 109-րդ տարելիցի կապակցությամբ տեսանյութ է հրապարակել ինստագրամյան իր էջում...

• «Ուզում եմ հիշել իմ նախնիներին, ովքեր զոհվել են, եւ նրանց, ովքեր ողջ են մնացել»․ Սերժ Թանկյանի գրառումը՝ Հայոց ցեղասպանության 109-րդ տարելիցի կապակցությամբ

  Ամերիկահայ անվանի երաժիշտ, System of a Down-ի անդամ Սերժ Թանկյանը ոգեկոչել է 1915 թ-ի Հայոց ցեղասպանության զոհերի հիշատակը...

• «Հայոց պատմության ուսուցիչս նույնիսկ մեր ավարտական երեկոյի ժամանակ ասաց՝ թուրքին բարեկամ չկարծեք…». Ժաննա Բուտուլյան

  Հայոց պատմության ուսուցիչս նույնիսկ մեր ավարտական երեկոյի ժամանակ ասաց . «Թուրքին բարեկամ չկարծեք. նրանք սեղան կնստեն ձեզ հետ , բայց կչարախոսեն, ձեռքը Ղուրանին դրած կերդվեն ու կխաբեն…

Երգիչ Դավիթը երեկ՝ դեկտեմբերի 8-ին, «Աթմոսֆեր» սրճարանում շոու-բիզնեսի իր գործընկերներին ու մտերիմներին ներկայացրեց իր նոր տեսահոլովակը։ Այն մեղեդային աշխատանք է՝ նկարահանված երիտասարդ երգչի հեղինակած «Привет, мама» երգի հիման վրա։ Երգի համահեղինակը Արթուր Ավետիսյանն է, տեսահոլովակի ռեժիսորը՝ Arthur NewWay-ը։ Դավիթի խոսքով՝ այս երգը մեծ նշանակություն ունի իր համար։ Երգիչն այս ստեղծագործությունը նվիրել է իր մայրիկին, սակայն վստահ է՝ յուրաքանչյուրն այնտեղ կգտնի իր պատմությունը։

«Երգը գրել եմ մոտ մեկ տարի առաջ, եւ այն իմ սրտի մի մասնիկն է դարձել։ Մենք փորձել ենք մեր ամբողջ ներուժը կիրառել այս աշխատանքի մեջ, եւ ես սրտանց շնորհակալ եմ բոլոր նրանց, ովքեր իրենց ներդրումն ունեն այս երգի տեսահոլովակի ստեղծման մեջ։ Կարծում եմ՝ յուրաքանչյուրն այս երգը յուրովի կընկալի։ Մեզ երբեմն թվում է, թե բոլորից խելացի ենք, բայց վերջում միշտ վերադառնում ենք ծնողների մոտ ու հասկանում, որ նրանց պես մեզ ոչ ոք չի հասկանա, չի ների»,-NEWS.am STYLE-ի հետ զրույցում ասաց երգիչը։

Դավիթի երաժշտական կարիերան ունի 6 տարվա պատմություն, իսկ երգի հանդեպ սերը ծնվել է խորհրդանշական կերպով։ Երգիչը փոքր տարիքում ունեցել է խոսակցական խնդիր։ Մի շարք մասնագետների դիմելուց հետո ստացել է ամենակարեւոր խորհուրդը՝ մտքերն արտահայտել ոչ թե խոսելով, այլ երգելով։ «Հենց սկսեցի երգել, կակազելս ինքնըստինքյան անցավ»,-վերհիշում է երգիչը։ 

Դավիթը մասնագիտությամբ ատամնաբույժ է, սովորում է Երեւանի Մխիթար Հերացում անվան բժշկական համալսարանում։ Երաժշտական կրթություն չունի, բայց փորձում է այդ բացը լրացնել հայտնի գործընկերների հետ նույն բեմում ելույթ ունենալով ու հենց նրանցից խորհուրդներ ստանալով։ Դավիթն անգնահատելի է համարում, հատկապես, Ռազմիկ Ամյանի դերն իր կարիերայում ու ոգեշնչման հարցում։

«Ինձ համար Ռազմիկ Ամյանը թե երգչի, թե տղամարդու, թե, առհասարակ, մարդու օրինակ է։ Նա ինձ շատ է աջակցում, միշտ կողքիս է։ Անգամ, երբ դեռ ծանոթ չէինք, նա ակամայից դարձել էր իմ ուսուցիչը։ Ի դեպ, շուտով շատ հետաքրքիր նորություններ կլսեք»,-ասում է նա։

Դավիթի խոսքով՝ փորձելու է համատեղել իր երկու մասնագիտություններն էլ, իսկ երգարվեստում առաջնորդվելու է ազնվությամբ։

«Ուզում եմ միշտ ասել ճշմարտությունը, մնալ ինքս ինձ հավատարիմ ու նույնը փոխանցել նաեւ մարդկանց։ Ճշմարտությունը կարեւոր է ցանկացած ոլորտում՝ սիրո մեջ, հարաբերություններում, ծնողների հարցում, թե սոցիալական կյանքում։ Ուզում եմ, որ մեր երաժշտությունը ճիշտը պատմի։ Անկախ նրանից, թե ինչպես կկեղծես, մարդիկ միշտ կարողանում են զատել ազնվությունը»։

Դավիթի երգացանկում հիմնականում ռուսալեզու ստեղծագործություններ են, բայց երգչի պրոդյուսեր Սերգեյ Օսիպյանի խոսքով՝ առաջիկայում երգացանկը կհամալրեն հայալեզու երգերով եւս։

«Մեր նպատակն է Դավիթի հետ հասնել երաժշտական բոլոր բարձունքներին։ Աստծո հաջողությամբ կփորձենք իրականացնել մեր բոլոր ծրագրերը»,-հավելեց Սերգեյը։

Սյունե Առաքելյան
Լուսանկարները՝ Արսեն Սարգսյանի

Հետևեք NEWS.am STYLE-ին Facebook-ում, Twitter-ում և Instagram-ում