1950-ականները շատ ավելի զիլ էին, քան դուք կարծում եք: Սա Dior-ի ուղերձն է Փարիզի նորաձեւության շաբաթում։ Պաստելային սվիտերների եւ կաթնային կոկտեյլների էսթետիկայի փոխարեն Ժուլիետ Գրեկոյի եւ փարիզյան Rive Gauche սրճարանների հասարակության էսթետիկան թունդ սեւ սուրճն է ու համապատասխան փոքրիկ սեւ զգեստները:
Դիզայներ Մարիա Գրացիա Կյուրին որոշել է Ֆրանսիան ետ տանել 1950-ականներ: «Ես հասկացա, որ ինչպես շատ օտարերկրացիներ, Ֆրանսիայի կերպարը հիմնականում ձեւավորվել է Փարիզի կողմից, ինչպես երեւում է ամերիկյան ոսպնյակի միջոցով», - ասել է նա՝ նկատի ունենալով լուսանկարիչ Ռիչարդ Ավեդոնի ռոմանտիկ նկարները, ինչպես նաեւ հոլիվուդյան ֆիլմերը:
Փնտրելով 1950-ականների ֆրանսիացի կանանց պատմությունը, Կյուրին որպես սեզոնի մուսաներ ընտրել է Քեթրին Դիորին, Գրեկոյին եւ Էդիթ Պիաֆին, ովքեր «ապրում էին շատ տարբեր կյանքով, բայց կիսում էին ըմբոստության զգացումն ու սիրում էին սեւ հագնել»:
Քեթրին Դիորը՝ նորաձեւության տան հիմնադիր Քրիստիանի քույրը, ֆրանսիական դիմադրության անդամ էր, ով տեղեկություններ էր հավաքում գերմանական զորքերի եւ ռազմանավերի տեղաշարժի մասին՝ «Կարո» ծածկանունով։ Ձերբակալվելով Գեստապոյի կողմից եւ ուղարկվելով Ռավենսբրյուկի համակենտրոնացման ճամբար՝ նա փախել է 1945 թվականին ու հետագայում արժանացել է Ֆրանսիայի Պատվո լեգեոնի շքանշանին։ Նրա հյուծված մարմինը եւ տրավմայի ենթարկված վիճակը հիմնական կատալիզատորներն էին եղբոր համար, որի հետպատերազմյան New Look ուրվագիծը մասամբ փորձում էր հույս ու լավատեսություն բերել պատերազմից տուժած կանանց, ինչպիսին քույրն էր։
Ցուցադրությունը բացել է մի մոդել, որը կրում էր կոճակներն արձակված սպիտակ վերնաշապիկ եւ հասարակ, ուղիղ սեւ կիսաշրջազգեստ՝ ի նշան 1950-ականների Dior-ի հաճախորդ Գրեկոյի ազատ ոգու: Կանացի սեւ դրամապանակը կախված էր երկար ձեռնոցներով նրա ձեռքից: Պիաֆի ոգին նույնպես ներկա էր պոդիումի վրա՝ Je Ne Regrette Rien գրությամբ սեւ բերետի եւ շապիկի միջով։
Հավաքածուն 50-ականների մռայլ, մուգ շքեղ տեսլական էր, որտեղ հաջորդ տասնամյակի ամպրոպները կարելի էր նկատել հորիզոնում։
Ուրվագիծն իրենից ներկայացնում էր հարթ գծեր ու նրբագեղություն, որը Դիորը սկսել է մարմնավորել 1950-ականների երկրորդ կեսին, երբ սկզբնական տեսքի New Look բուռն էներգիան իր տեղը զիջեց ավելի գրաֆիկական գծերին: «Նյույորքյան» երկկտոր զգեստի պարզությունը, սեւ ազատ բաճկոնն ու ուղիղ կիսաշրջազգեստը, որը ձեւավորվել է Քրիստիան Դիորի օգնական Իվ Սեն Լորանի կողմից, ով տնօրինել է տունը 1957 թվականին Դիորի մահից հետո, արտացոլված են թանաքային երանգների պարզության մեջ։ Որոշիչ տարբերությունը ձեռք բերվեց ժամանակակից գործվածքների օգտագործմամբ, այլ ոչ թե արխիվներից վերստեղծելով։ Եթե 1950-ականների հագուստները կոշտ էին, ապա 2023-ի տարբերակները հեշտությամբ կարող են կարգավորել մեծ ծավալները:
Աղբյուրը՝ Guardian
Հետևեք NEWS.am STYLE-ին Facebook-ում, Twitter-ում և Instagram-ում
16:34, 29 ապրիլի
Six Senses առողջարանային ցանցը Դուբայում կառուցում է աշխարհի ամենաբարձր բնակելի աշտարակը16:17, 29 ապրիլի
Հարգանքի տուրք Ազնավուրին․ բացվեց քանդակագործ Մկրտիչ Մազմանյանի ցուցահանդեսը15:16, 29 ապրիլի
Ժերար Դեպարդյեն կալանքի տակ է հայտնվել սեռական ոտնձգությունների մեղադրանքով14:26, 29 ապրիլի
Անգլիացու անպարկեշտ դաջվածքը զայրացրել է իսպանացի ոստիկաններին13:28, 29 ապրիլի
Լեգենդար դերասանուհի Շիրլի Մաքլեյնն իր 90-ամյակի առթիվ կիսվել է իր երկարակեցության գաղտնիքով12:34, 29 ապրիլի
Հարուստներն իրենց քմահաճույքներն ունեն. նյույորքցի միլիարդատիրոջ արտառոց հարսանիքը՝ Եգիպտոսի Մեծ բուրգերի մոտ11:59, 29 ապրիլի
Քլոե Քարդաշյանի անձնական կյանքը հետին պլան է մղվել11:06, 29 ապրիլի
Բրիթնի Սփիրս. «Ընտանիքս ինձ ցավ է պատճառել»10:40, 29 ապրիլի
Քիմ Քարդաշյանը Lo Máximo Awards 2024 մրցանակաբաշխությանը ներկայացել է «mob wife aesthetic» ոճում10:11, 29 ապրիլի
«Եվրատեսիլ 2024»-ում Հայաստանի ներկայացուցիչներն արդեն Մալմյոյում են09:00, 29 ապրիլի
ԱՊՐԻԼԻ 29-Ի ՁԵՐ ՌՈՄԱՆՏԻԿ ՀՈՐՈՍԿՈՊԸ18:35, 28 ապրիլի
«Շորս թափանցիկ չէ». Լիլիթ Հովհաննիսյանը մեկնաբանել է իր նոր տեսահոլովակի կերպարներից մեկը